Tag: violencia machista

Tomiño continúa a súa loita contra a violencia de xénero. O Concello xa está a dar os primeiros pasos para adherirse a Atenpro, un servizo de atención ás vítimas de violencia de xénero que ofrece ás usuarias protección e atención inmediata ante as posibles eventualidades que poidan sufrir as 24 horas ao día os 365 días ao ano.

A día de hoxe no municipio de Redondela existen 36 casos activos de violencia de xénero, segundo datos recollidos no Sistema VioXén, o programa de seguimento integral de vítimas. O ano 2022 pechárase co 28 casos activos.

A alcaldesa de Mos, Nidia Arévalo, presidiu hoxe a Mesa local contra a violencia de xénero na que se adoptaron dous importantes acordos: a inclusión do Concello de Mos no sistema VioGén e a proposta de creación dunha mesa de traballo para a redacción dun protocolo coordinado entre os organismos públicos municipais para a detección, seguimento e intervención de casos de violencia de xénero.

Veciñas e veciños de Redondela concentráronse onte martes, 7 de febreiro na Praza do Concello de Redondela, respondendo ao chamamento realizado polo Concello redondela, para expresar a sua maís fonda repulsa ao asasinato de Beatriz Lijó Gesteira, a última vítima da violencia machista. Desta forma, Redondela reafirma o compromiso social na loita contra as violencias machistas.

O Concello de Ponteareas conmemora un ano máis o 25N, Día Internacional para a Eliminación da Violencia contra as Mulleres, con moita cultura e accións de sensibilización e visibilización.

A Concellería de Igualdade do Concello de Redondela, dirixida por Iria Vilaboa, vén de dar a coñecer o programa da Campaña de Igualdade en torno o día Internacional da Eliminación da violencia contra a muller. Unha iniciativa, aposta persoal da alcaldesa Digna Rivas, que busca poñer sobre a mesa de debate “todos aqueles temas que poñan en valor o papel da muller na sociedade e a súa loita por acadar unha igualdade real como único camiño para conseguir unha sociedade máis xusta”.

Un grupo de mulleres de Burgueira, a parroquia de Oia, amosou o verdadeiro significado do “matriarcado galego” a través dunha nova acción do programa da Deputación “Violencia Zero, coordinada pola actriz Cristina Iglesias e que tivo lugar na Casa da Cultura. Así, nove mulleres puxeron en escena “O matriarcado da muller na cociña”, unha acción na que alzaron as súas voces sobre temas que elas consideran importantes

O Concello de Redondela, a través do Centro de Información á Muller (CIM), poñerá en marcha durante os meses de marzo e abril obradoiros de Mindfulness (Conciencia plena) nos que, a través de técnicas guiadas de relaxación e meditación, permitan mellorar o benestar emocional das mulleres vítimas de violencia machista.

O Concello do Porriño vén de restaurar os murais contra a violencia machista que sofriran actos vandálicos e fai un chamamento á tolerancia e a poñer fin a calquera expresión de odio.

O Goberno local de Redondela vén de dar un paso máis na loita contra a violencia de xénero e a asistencia as vítimas destinando especificamente un axente de policía local, Obulio Iglesias Otero, ás tarefas relacionadas coa violencia de xénero e o sistema VioGén. O axente, acompañado do xefe da Policía Local, foi recibido na mañá de onte pola alcaldesa de Redondela, Digna Rivas e polo concelleiro de Seguridade, Nacho González.

O alcalde da Cañiza, Luis Piña, entregou no Salón de Plenos do Concello os premios ás seis gañadoras do Concurso de lemas e carteis do Proxecto Violeta. Tres primeiros premios para cada categoría dotados cun vale de 100 €, 50 € e 30 € que as gañadoras poderán canxear por material didáctico e libros en calquera das librerías da Cañiza.

A Concellería de Igualdade de Salceda de Caselas, dirixida por Loli Castiñeira, vén de presentar un Mapa de Puntos Negros conxuntamente cun documento que detecta os espazos que poidan resultar perigosos ou inseguros para as mulleres da localidade. Este traballo pretende visibilizar todos aqueles lugares nos que, polas súas características, existe mais risco de acoso, abusos ou agresións sexuais sobre as mulleres.

A xornalista Patricia Costa (Redondela, 1981), especialista en xénero e medios de comunicación, vén de ser galardoada co 'I Premio Sesé Mateo de Xornalismo Ético no tratamento da Violencia Machista'.

O Concello de Salvaterra de Miño vén de dar a coñecer as distintas accións que desenvolverá con motivo do Día Internacional de Eliminación da Violencia contra as Mulleres, e que terán como lema O amor non Golpea, Acariña!, slogan gañador do ano pasado no Concurso contra a violencia de xénero organizado co alumnado do IES Salvaterra.

A charla coloquio #TIÉSCAPAZ, organizada pola Concellería de Igualdade que xestiona Iria Vilaboa e que tivo lugar na tarde do martes, 23 de novembro no Multiúsos da Xunqueira ás 18:00 h, abriu o programa de actividades que o Concello redondelán desenvolverá con motivo do 25N Día Internacional da Eliminación da Violencia contra a Muller.

O Concello de Ponteareas conmemora o 25 N, Día Internacional contra as Violencias Machistas, con cultura e unha concentración. Os actos comezan o xoves ás 12:15 horas coa lectura dun manifesto por parte de todas as forzas políticas da Corporación. Despois haberá un recital poético de integrantes de Versos de Area e alumnado de igualdade do IES Val do Tea, que van mostrar os traballos que están a realizar para denunciar “a lacra da violencia machista”.

O alumnado de terceiro da ESO do CPI Cova Terreña de Baiona, participou onte no obradoiro Os amores non matan, unha acción formativa de prevención da violencia de xénero onde se revisan os cambios dos vínculos amorosos e a súa transformación en relaciones tóxicas .

O Goberno local de Gondomar, a través da súa concellería de Igualdade dirixida por Nuria Lameiro, programou diversas actividades para que a sensibilización e a denuncia da violencia machista "en todas as súas expresións" sexan o eixo ao redor do que xire o programa do 25N.

O pasado mércores 10 de novembro un grupo da Asociación San Xerome Emiliani da Guarda, –concretamente o CEEPR San Xerome– visitou no concello de Baiona a exposición 'Amor, xénero e outra violencias'.

O Concello de Mondariz inclúe esta actividade dirixida á mocidade na súa programación cultural de novembro para concienciar sobre a violencia de xénero en vésperas do Día Internacional da Eliminación da Violencia contra a Muller

A danza contemporánea e as letras de cancións de reggaeton que hoxe escoita a mocidade foron as grandes protagonistas da performance de Ruth Balbís hoxe en Gondomar. No marco dunha nova acción do programa da Deputación 'Mulleres en Acción. Violencia Zero', a artista ourensá levou á Praza da Paradela Pel continua para invitar á mocidade a reflexionar sobre o contido de violencia machista que se agocha tras as letras destas cancións e o conseguinte perigo desta violencia invisible.

A subdelegada do Goberno en Pontevedra, Maica Larriba, presidiu esta onte o minuto de silencio convocado ás portas da Subdelegación do Goberno en lembranza da última vítima da violencia machista, Mónica Marcos Piñeiro, asasinada pola súa parella na localidade de A Coruña e que acaba de ser recoñecida oficialmente como vítima de violencia de xénero.

Demostrar a fortaleza e a capacidade transformadora das mulleres, visibilizar o seu traballo e crear conciencia da carga e o peso que estas soportan foron as grandes protagonistas da peza de danza contemporánea de Xiana Vilas hoxe en Salvaterra. No marco dunha nova acción do programa da Deputación de Pontevedra 'Mulleres en Acción. Violencia Zero', a artista vilagarciana fixo con 'Maldita fenda' un chamamento claro e emotivo á sororidade e á igualdade.

Ponteareas da un paso máis para a protección das mulleres vítimas de violencia de xénero no municipio. O Concello acaba de formalizar na Xunta Local de Seguridade a súa adhesión á rede VioGén, o Sistema de Seguimento Integral dos Casos de Violencia de Xénero, dependente da Secretaría do Estado de Seguridade.

A alcaldesa de Redondela, Digna Rivas, acompañada de Joshua Mateo –fillo de Sesé Mateo– e a concelleira de Igualdade, Iria Vilaboa, presentaron esta mañá a que é xa a primeira edición do Premio Sesé Mateo de Xornalismo Ético no tratamento da violencia machista, un certame que, aseguraron na presentación “nace con vocación de continuidade” e co que se pretende recoñecer publicamente “a ética á hora de tratar informacións tan delicadas como as relacionadas coa violencia machista, fuxindo de sensacionalismos e coidando a intimidade das vítimas e das persoas sobreviventes máis vulnerables”.

A subdelegada do Goberno en Pontevedra, Maica Larriba, presentou hoxe a campaña 'No caminas sola: por un Camino de Santiago libre de Violencias Machistas' que conta coa colaboración de 276 organizacións da provincia. En total, 70 albergues, 166 farmacias e as Policías Locais dos 18 concellos de Pontevedra polos que discorre o Camiño de Santiago, así como as dependencias na provincia da Garda Civil e da Policía Nacional, dispoñen de diferentes recursos informativos para previr calquera tipo de violencia contra as peregrinas.

Cun espectacular solpor e fronte ao mar de Baiona e co fondo das Illas Cíes, a poesía, a voz e a música uníronse na noite deste luns en 'Palabr(A)', a actuación coa que Najla Shami fixo un chamamento claro, emotivo, doce e vibrante pola igualdade no baionés parque da Palma. Con temas cun marcado corte feminista, nos que tamén deixou ver a protesta social e a fusión de culturas, a artista removeu a conciencia das persoas asistentes a este concerto do programa 'Mulleres en Acción. Violencia Zero'

A alcaldesa de Redondela e concelleira de Igualdade, Digna Rivas, asegurou hoxe que as vítimas de violencia de xénero do municipio, “nin están desprotexidas nin nunca o estiveron xa que tanto por parte da Policía Local, como do Centro de Información á Muller, estáselles a ofrecer atención continuada”. A alcaldesa mantivo, sobre este asunto, varias reunións coa Policía Local de cara a atender as súas demandas de cara a optimizar a atención as mulleres vítimas de violencia machista.

A Guarda vén de dar un paso máis na protección ás mulleres vítimas de violencia de xénero. Con ese fin, a Casa do Concello guardesa acolleu onte xoves a reunión do alcalde da Guarda, Antonio Lomba, coa xefa da Unidade contra a violencia sobre a muller da Subdelegación do Goberno en Pontevedra, Manuela Villaboy, co fin de tratar diversos temas relativos ao "Sistema VioXén", unha iniciativa que permite á Policía Local asumir competencias na protección das vítimas de violencia de xénero.

Un círculo feito con seis botellas de auga foi o 'espazo protector' no que Ainhoa Hernández e Laura Ramírez, as artistas que conforman Twins Experiment, dialogaron cos seus corpos nunha nova acción do programa da Deputación de Pontevedra 'Mulleres en acción. Violencia Zero' que tivo lugar no auditorio Reveriano Soutullo de Ponteareas.

Coa estrea da acción poética Podo perderme no verde, a artista Xiana Arias escenificou hoxe no Centro Multiusos de Arbo a loita pola igualdade e contra a violencia machista da man do programa da Deputación 'Mulleres en Acción. Violencia Zero', poñendo a énfase na potencialidade da voz humana como vía de saída nunha situación límite.

A Concellería de Servizos Sociais que dirixe a alcaldesa de Redondela, Digna Rivas, remitiu “en tempo e forma” toda a documentación precisa para acollerse ao programa da Xunta de Galicia que permite a contratación de mulleres vítimas de violencia machista. O Goberno local lembra que “a loita pola igualdade e a eliminación da lacra que supón a violencia machista” é unha das súas prioridades de Goberno e, nesa liña, acollerase a todas as medidas, como é este tipo de subvencións, que permiten que as mulleres obxecto de violencia machista “poidan recompoñer as súas vidas dende a independencia económica que lles proporciona un traballo digno”.

O asasinato en Gondomar de Soledad Rey Valverde, veciña de Mañufe, vítima dun presunto acto de violencia machista, debería ser a gota que colmara o vaso xa desbordadeo da barbarie que supón as agresións contra as mulleres. Algo falla na sociedade cando a pesar das medidas, iniciativas ou estratexias que se adoptan dende as diferentes administracións, a violencia machista segue a ser unha dolorosa realidade que deixa ao aire as vergoñas dunha sociedade que parece non saber como saír dunha espiral de violencia.

Este mércores unha veciña da parroquia de Mañufe, en Gondomar, foi asasinada polo seu marido que, posteriormente, intentou quitarse a vida. Con ela, xa son tres as mulleres vítimas mortais a causa da violencia de xénero na comunidade galega no que levamos de 2020, tralos crimes machistas rexistrados a principios de ano na Pastoriza e en Lugo.

O pleno da Deputación de Pontevedra reivindicou hoxe a importancia da educación en igualdade para un futuro sen violencias machistas, no marco da celebración do 25N. Fíxoo ao través dun acto previo á sesión ordinaria da corporación provincial, no que se deu lectura ao manifesto elaborado pola mestra Teresa Domínguez, directora do CRA de Tui que vén de ser gañador este 2020 do Premio Escola do Ano da Fundación Princesa de Girona.

A responsable de Igualdade do Grupo Socialista no Parlamento de Galicia, Noa Díaz, esixiu á Xunta incrementar o orzamento para a loita contra a violencia machista con fondos propios para 2021. Díaz, que interveu trala comparecencia da secretaria xeral de Igualdade no Parlamento, lamentou que a Xunta “non avalíe nin analice” os datos existentes para extraer ideas que se “deben converter en accións políticas” que estean “lideradas de maneira directa pola Xunta” á vez que mostrou a súa preocupación polo “escaso alcance” das medidas.

Ante ameaza de choiva, o Multiúsos da Xunqueira foi o escenario escollido para desenvolver o acto institucional conmemorativo do 25N do Concello de Redondela e no que Uxía Morán, con 'A última cea' foi a encargada de visibilizar a través dunha performance “moi dura”, a traxedia das mulleres que sofren diariamente a violencia machista nas súas máis diversas expresións.

“Como cada 25 de novembro, o PSdeG-PSOE súmase á conmemoración do Día Internacional contra a Violencia contra as mulleres. Neste 2020 cúmprense 20 anos da designación desta data pola Organización das Nacións Unidas, e como cada un deles queremos mostrar o noso apoio a tódalas vítimas: ás mulleres asasinadas, aos seus fillos e fillas orfos; ás súas familias e amizades. Compartimos a súa dor, a súa desolación e seguiremos loitando contra violencia machista” declarou a secretaria xeral do PSOE da Guarda, Montse Magallanes, na presentación dunha moción contra a violencia de xénero que se debatirá en Pleno este venres.

A angustia, o pranto e a dor das mulleres que sufriron e sofren as violencias machistas tomou corpo hoxe na desgarradora acción artística que a bailarina e coreógrafa Janet Novás desenvolveu na praza da Peregrina como arranque das actividades de reivindicación do 25N da Deputación de Pontevedra. Un acto...

O secretario xeral do PSdeG, Gonzalo Caballero, centrou hoxe a pregunta ao presidente nas medidas que ten que despregar a Xunta para apoiar ás mulleres neste contexto de pandemia e, nese sentido, reclamou “un esforzo por mellorar o escudo protector das mulleres”. Gonzalo Caballero puxo o foco no aumento nun 14 % das chamadas ao 016 durante o confinamento, un tempo no cal as denuncias por violencia machista caeron un 13 %.