9 C
Pontevedra
Venres, 4 de Decembro de 2020

Tag: violencia machista

O asasinato de Soledad Rey Valverde, a gota (de sangue) que colma o vaso

O asasinato en Gondomar de Soledad Rey Valverde, veciña de Mañufe, vítima dun presunto acto de violencia machista, debería ser a gota que colmara o vaso xa desbordadeo da barbarie que supón as agresións contra as mulleres. Algo falla na sociedade cando a pesar das medidas, iniciativas ou estratexias que se adoptan dende as diferentes administracións, a violencia machista segue a ser unha dolorosa realidade que deixa ao aire as vergoñas dunha sociedade que parece non saber como saír dunha espiral de violencia.

Concentración e minuto silencio en memoria de Soledad Rey Valverde, veciña do municipio de Gondomar

Este mércores unha veciña da parroquia de Mañufe, en Gondomar, foi asasinada polo seu marido que, posteriormente, intentou quitarse a vida. Con ela, xa son tres as mulleres vítimas mortais a causa da violencia de xénero na comunidade galega no que levamos de 2020, tralos crimes machistas rexistrados a principios de ano na Pastoriza e en Lugo.

O Pleno da Deputación reivindica a importancia da educación en igualdade para un futuro sen violencias machistas

O pleno da Deputación de Pontevedra reivindicou hoxe a importancia da educación en igualdade para un futuro sen violencias machistas, no marco da celebración do 25N. Fíxoo ao través dun acto previo á sesión ordinaria da corporación provincial, no que se deu lectura ao manifesto elaborado pola mestra Teresa Domínguez, directora do CRA de Tui que vén de ser gañador este 2020 do Premio Escola do Ano da Fundación Princesa de Girona.

O Grupo Socialista esixe á Xunta incrementar o orzamento para a loita contra a violencia machista con fondos propios en 2021

A responsable de Igualdade do Grupo Socialista no Parlamento de Galicia, Noa Díaz, esixiu á Xunta incrementar o orzamento para a loita contra a violencia machista con fondos propios para 2021. Díaz, que interveu trala comparecencia da secretaria xeral de Igualdade no Parlamento, lamentou que a Xunta “non avalíe nin analice” os datos existentes para extraer ideas que se “deben converter en accións políticas” que estean “lideradas de maneira directa pola Xunta” á vez que mostrou a súa preocupación polo “escaso alcance” das medidas.

Éxito absoluto da performance ‘A última cea’ de Uxía Morán nos actos do 25N do Concello de Redondela

Ante ameaza de choiva, o Multiúsos da Xunqueira foi o escenario escollido para desenvolver o acto institucional conmemorativo do 25N do Concello de Redondela e no que Uxía Morán, con 'A última cea' foi a encargada de visibilizar a través dunha performance “moi dura”, a traxedia das mulleres que sofren diariamente a violencia machista nas súas máis diversas expresións.

O PSOE da Guarda reafírmase na súa loita contra as violencias machistas

“Como cada 25 de novembro, o PSdeG-PSOE súmase á conmemoración do Día Internacional contra a Violencia contra as mulleres. Neste 2020 cúmprense 20 anos da designación desta data pola Organización das Nacións Unidas, e como cada un deles queremos mostrar o noso apoio a tódalas vítimas: ás mulleres asasinadas, aos seus fillos e fillas orfos; ás súas familias e amizades. Compartimos a súa dor, a súa desolación e seguiremos loitando contra violencia machista” declarou a secretaria xeral do PSOE da Guarda, Montse Magallanes, na presentación dunha moción contra a violencia de xénero que se debatirá en Pleno este venres.

Carmela Silva: “As violencias machistas non son unha enfermidade, nacen dun sistema no que as mulleres viven subordinadas aos que dominan”

A angustia, o pranto e a dor das mulleres que sufriron e sofren as violencias machistas tomou corpo hoxe na desgarradora acción artística que a bailarina e coreógrafa Janet Novás desenvolveu na praza da Peregrina como arranque das actividades de reivindicación do 25N da Deputación de Pontevedra....

Gonzalo Caballero reclama á Xunta “mellorar o escudo protector das mulleres” ante o crecemento da violencia machista coa COVID

O secretario xeral do PSdeG, Gonzalo Caballero, centrou hoxe a pregunta ao presidente nas medidas que ten que despregar a Xunta para apoiar ás mulleres neste contexto de pandemia e, nese sentido, reclamou “un esforzo por mellorar o escudo protector das mulleres”. Gonzalo Caballero puxo o foco no aumento nun 14 % das chamadas ao 016 durante o confinamento, un tempo no cal as denuncias por violencia machista caeron un 13 %.

Comercio, clubes deportivos e colexios tínguense de negro en Gondomar

Un ano máis o comercio local de Gondomar súmase á campaña 'En negro contra as violencias' coincidindo coa celebración do Día Internacional da Eliminación da Violencia contra a Muller. Carteis con diferentes mensaxes contra a violencia que permanecerán nos seus escaparates durante toda a semana, e mandís que identificarán aos comerciantes nesta loita de toda a sociedade.

Ponteareas retransmitirá na canle de YouTube o manifesto contra as violencias machistas

Ponteareas rexeita as violencias machistas e así o deixará claro no manifesto, consensuado por toda a Corporación, ao que se dará lectura mañá mércores día 25 ás 13 horas. A lectura de manifesto por parte de tódolos grupos da Corporación poderá seguirse a través da rede social Facebook do Concello de Ponteareas e da canle de YouTube do Concello.

A proxección de dous curtos de ‘Cinema de Muller’ en streaming nos IES de Redondela, abriu o programa de actividades con motivo do 25N

A proxección simultánea en streaming aos institutos de Redondela das curtametraxes '1/2' de Olaia Sendón e 'Ei, guapa!' de Sonia Méndez, –incluídas na película colaborativa Visións do proxecto Cinema de Muller da Deputación de Pontevedra–, abriu onte o programa de actividades que desenvolverá o Concello de Redondela con motivo do 25N.

Baiona programa un ciclo de curtametraxes online contra a violencia machista

A Concellería de Igualdade do Concello de Baiona, a través do Centro de Información á Muller, en colaboración con CortoEspaña, organiza un ciclo online de cortometraxes contra a violencia de xénero. Trátase de seis traballos, premiados nacional e internacionalmente, que abordan, desde diferentes perspectivas, a violencia de xénero e as súas maneiras de combatela.

Os 44 balóns do CB Nigrán para as 44 asasinadas pola violencia machista, tristemente… demasiados balóns

O CB Nigrán, dende hai tempo, visibiliza con balóns a barbarie da violencia machista. Un balón por cada muller asasinada, un balón por cada neno ou nena orfa, un balón por cada muller que quixo fuxir dun inferno e non o conseguiu. Os 44 balóns do CB Nigrán son 44 testemuñas do horror e 44 xeitos de sacanos as cores a unha sociedade que, as veces toma o camiño máis fácil: mirar para outro lado ou cambiar de canal.

‘Nigrán en Negro’ e unha moción plenaria, iniciativas do Concello para conmemorar o 25N

O Concello de Nigrán conmemorará un ano máis o 25-N, Día Internacional da Eliminación da Violencia contra as Mulleres, con diferentes accións revindicativas. Así, a iniciativa do Centro de Información as Mulleres (CIM) do Concello de Nigrán, centos de establecementos do municipio "vestirán" esa semana os seus escaparates de negro en sinal de loito polas víctimas de maltrato. Paralelamente, o goberno de Nigrán proporá unha moción institucional no pleno ordinario do 23 de novembro reiterando o seu compromiso para erradicar esta lacra da nosa sociedade.

Novembro encherá Redondela de bolboretas no mes da eliminación da violencia contra a muller, en memoria das irmás Mirabal

O Concello de Redondela desenvolverá, ao longo do mes de novembro, unha serie de actividades con motivo do Día Internacional para a eliminación da violencia contra a muller, que se celebra o 25 de novembro e no que o Goberno local quere involucrar á cidadanía “porque só a acción conxunta de todos e todas, conseguirá a eliminación desta lacra social”, dixo a alcaldesa de Redondela e concelleira de Igualdade, Digna Rivas.

‘Entroideiro ou besta’, o Entroido de Salceda di “non” ás agresións sexuais

O Concello de Salceda, xunto coas asociacións de A Feira e Castro Barreiro, veñen de presentar a campaña 'Entroideiro ou besta', coa que queren poñer o foco de atención nas agresións sexuais e os ataques a mulleres, conscientes de que o anonimato agochado detrás dunha máscara na festa do Entroido, pode carrexar situacións de risco para as mulleres.

«Mulleres en acción. Violencia Zero» chega a Crecente

O concello de Crecente acollerá este mércores 19 de febreiro a sétima acción da nova edición do programa da Deputación de Pontevedra “Mulleres en Acción. Violencia Zero”, que se estreou no pasado mes de novembro. A cita terá lugar ás 18.30 horas no Auditorio Municipal de Crecente. Baixo o título “O bo rollo vai rematar”, o dúo de artistas “Dúas gamberras e un micro”, conformado polas artistas Nuria Vil e Vanessa Glemsel, poñerá o foco nas violencias machistas e a hexemonía heteropatriarcal.

Detida unha persoa en Atios por un presunto delito de violencia machista

A Policía Local do Porriño detivo, esta pasada noite a un veciño de Atios, A.G.F., de 58 anos de idade, como presunto autor dun delito de violencia de xénero. As vítimas son a súa esposa, unha muller de 52 anos e o seu neto de 6 anos, ambos feridos de diversa consideración.

Cris Vilariño leva á Cañiza «Mulleres en Acción. Violencia Zero» da Deputación

A deputada de Igualdade, Isaura Abelairas, asistirá este martes na Cañiza á quinta acción desta edición do programa da Deputación de Pontevedra 'Mulleres en Acción. Violencia Zero'. A cita terá lugar ás 10:45 horas no CPI cunha acción de danza da artista Cris Vilariño, denominada 'Intermissum', que será participativa coa intervención do alumnado do centro.

O silencioso berro de Ponteareas contra a violencia machista

Os silencios, moitas veces, din máis que os berros e esta mañá a Corporación Municipal de Ponteareas e a veciñanza, converteron o seu silencio nun grito que dicía "basta xa" á violencia machista. Hai problemas –máis ben lacras sociais– ante as que non cabe división nin medias tintas. O silencio, neste caso, é sinónimo de complicidade porque, o dixemos moitas veces e o seguiremos facendo cantas sexa preciso, coa violencia machista se non se é parte da solución estase a ser parte do problema.

A Corporación de Ponteareas, de xeito unánime, condena a violencia machista

A Corporación do concello de Ponteareas (BNG, PSOE, PP E ACIP) condena os feitos acontecidos na noite de onte na que unha veciña era vítima da violencia machista e rexeita de cheo todo tipo de violencias. Todas e todos os membros da Corporación fan un chamamento á cidadanía para traballar de xeito conxunto na erradicación da violencia de xénero.

«Igual a nós», actividade de dinamización en igualdade, chega á Guarda

A Secretaría Xeral de Igualdade, en colaboración coa Consellería de Política Social, están levando a cabo por diferentes provincias de Galicia, xornadas para a prevención e sensibilización sobre igualdade e violencia de xénero, denominadas 'Igual a Nós' e orientadas principalmente a mulleres maiores.

Ponteareas reafírmase na súa loita contra a violencia machista

Facer que a mocidade se dea de conta do que está a acontecer na sociedade na que vivimos reivindicando a igualdade e a loita contra as violencias machistas foron os obxectivos da acción de 'Mulleres en acción. Violencia Zero' da Deputación de Pontevedra levada a cabo onte en Ponteareas.

A Guarda acolle o sábado a performance «Un violador no teu camiño»

A praza Avelino Vicente da Guarda será o escenario no que o sábado 18 de xaneiro, ás 12 horas, representese a performance 'Un violador no teu camiño', creada polo colectivo feminista chileno Las Tesis, nunha actividade organizada polo Taller de Lectura Feminista da Guarda.

Baiona entrega os premios dos concurso de debuxo e slogan con motivo do 25N

A Concellería de Igualdade e Xuventude do Concello de Baiona, que xestiona Yasmina Moreira, entregou os premos ao alumnado de educación secundaria dos centros educativos do municipio de Baiona (CPI Cova Terreña e IES Primeiro de Marzo) gañador no concurso de debuxo e slogan con motivo do 25N.

«Educación+Igualdade = -Violencia», gañadora do concurso de frases de Salvaterra contra a violencia de xénero

'EDUCACIÓN+IGUALDADE= -VIOLENCIA' de Diego Estévez Rivera, foi elixido como slogan gañador do concurso que, dentro do programa de Educación en Igualdade e Prevención da Violencia, organiza o Concello de Salvaterra de Miño en colaboración do IES e no que participan máis de 200 mozos e mozas.

Cadea humana en Baiona para frear a violencia machista

Hoxe o casco vello de Baiona viuse ateigado de escolares e veciñanza. Como estaba previsto, máis de mil persoas formaron unha cadea humana que abrangueu ás rúas principais do casco urbano, Lorenzo de la Carrera, Conde e Ventura Misa nunha iniciativa que espertou o entusiasmo do alumnado participante.

Carmela Silva amosa a súa “indignación e enfado cos negacionistas da violencia de xénero”

A presidenta da Deputación de Pontevedra, Carmela Silva, expresou hoxe a súa “indignación e enorme enfado cos negacionistas da violencia de xénero” no acto de arranque da quinta edición do programa 'Mulleres en acción. Violencia Zero', ao fío do '25N, Día Internacional contra as Violencias Machistas'.

Unha concentración na Praza do Reló pecha as actividades do Día Internacional da Violencia de Xénero na Guarda

A Guarda pechou este luns as actividades en conmemoración do Día Internacional da Violencia de Xénero cunha multitudinaria concentración na Praza do Reló da vila, onde se deu lectura a un manifesto por parte da concelleira de Igualdade e alumnos e alumnas dos centro educativos da vila e onde a cantautora viguesa, Su Garrido, realizou unha actuación musical acompañada da súa guitarra. Esta actuación estivo subvencionada pola Secretaría Xeral de Igualdade da Xunta de Galicia.

A ponteareá Sabela Martínez Viéitez recibe un premio no concurso de relato e debuxo contra a violencia de xénero

A alumna de 3º da ESO do CPR A Inmaculada, Sabela Martínez Viéitez, recolleu onte no auditorio Afundación en Pontevedra o premio do III concurso de relato e debuxo contra a violencia de xénero organizado pola Subdelegación do Goberno nesta cidade.

«Os Bolechas» transmiten en Baiona a necesidade de rematar coa violencia machista

O Sábado 23, os Bolechas, as persoaxes xurdidas da imaxinación de Pepe Carreiro, visitarán Baiona para presentar o libro 'Os Bolechas visitan as escolas de Baiona. O bo trato'. Este libro é un proxecto que agocha un gran traballo da equipa do CIM de Baiona para transmitir, dunha maneira axeitada ás idades temperás, un tema tan importante coma é a violencia machista.

Un ano máis, o CB Nigrán auna á sociedade contra a violencia machista

O C.B. Nigrán, un ano máis, rende homenaxe ás vítimas da violencia machista e o fai, como o leva facendo den de hai anos, cun video no que á sociedade –no máis amplo sentido da expresión e representada polas súas máis diversas facetas e sectores–, grita unha mesma mensaxe contra a lacra social que supón a violencia contra as mulleres.

Carmela Silva: “Non hai nada máis urxente nin prioritario que loitar contra as violencias machistas”

A presidenta da Deputación de Pontevedra, Carmela Silva, acompañada de deputadas provinciais, alcaldes e alcaldesas e mulleres implicadas nos programas de igualdade da institución provincial, presentou a programación de actos con motivo do 25 de novembro, Día Internacional Contra a Violencia de Xénero, nun acto no que tamén se puido escoitar a música reivindicativa de Laura Lamontage.

EU e Podemos presentan unha moción conxunta para que Nigrán adhírase ao sistema VioGen

Esquerda Unida e Podemos presentaron o luns unha moción conxunta no Concello de Nigrán para a adhesión E PODEMOS presentaron este luns unha moción conxunta para a adhesión de Nigrán ao Sistema de Seguimento Integral nos casos de Violencia de Xénero (VioGén), un proxecto destinado a previr as situacións de risco e protexer ás vítimas mediante a colaboración e coordinación das policía local de Nigrán co resto de policías.

A Guarda convida a comercio e hostalería a participar nos actos do Día Internacional Contra a Violencia de Xénero

O Concello da Guarda ultima os preparativos para as conmemoracións do Día Internacional contra a Violencia de Xénero 25N que, un ano máis, se coordina dende o Centro de Información á Muller da Guarda e a Concellería de Igualdade e servizos Sociais.

Nigran inicia o luns un amplo programa para conmemorar o «Día Internacional contra a violencia de Xénero

O Concello de Nigrán súmase un ano máis á conmemoración do 'Día Internacional Contra A Violencia de Xénero' o 25 de novembro coa celebración durante todo o mes de diversos actos alusivos que arrancan este mesmo luns 11 e que terán entre o 18 e 25 de novembro visibilidade nos establecementos comerciais a través da campaña 'En Negro contra as violencias'.

Baiona senta as bases da campaña «En Negro contra as violencias»

O Concello de Baiona vén de adherirse, por pirimeira vez, á campaña 'En negro contra as violencias', unha iniciativa nacida en Santiago de Compostela no 2015 que busca a sensibilización contra as violencias machistas e implicar a toda a cidadanía na súa erradicación. Catro anos despois da súa posta en marcha, son xa 119 os concellos adheridos.

Nigrán súmase á campaña #EmerxenciaFeminista cunha concentración na Casa Consistorial na noite do venres

O Concello de Nigrán súmase á campaña #EmerxenciaFeminista promovida dende diferentes organizacións de mulleres de todo o país cunha concentración de denuncia da violencia machista este venres 20 de setembro ás 21:00 diante da Casa Consistorial e iluminando de violeta a mesma.

Redondela enmudece para lembrar ás vitimas do triplo asasinato machista de Valga

Numerosos veciños e veciñas de Redondela secundaron, ao mediodía de hoxe, a concentración convocada polo Concello de Redondela para que, en silencio, expresasen unha muda homenaxe ás vítimas do triplo asasinato machista de Valga e, ao mesmo tempo, que as súa presenza servira para reafirmar o compromiso social na loita contra as violencias machistas.

Nigrán grita, co seu silencio, contra a violencia machista

As veces, un silencio di moito máis que mil gritos. Traballadores e traballadoras do Concello de Nigrán, Corporación Municipal e veciños e veciñas, concentráronse diante da Casa do Concello para, con esa presenza silenciosa, amosar a súa dor polo triple crime machista de Valga.

Colaboradores