18.2 C
Pontevedra
Luns, 17 de Xuño de 2024
Máis
    HomeA ParadantaArboPoesía contra a lacra machista no programa 'Mulleres en Acción. Violencia Zero'...

    Poesía contra a lacra machista no programa ‘Mulleres en Acción. Violencia Zero’ en Arbo

    Victoria Alonso: “Non esquezamos nunca que detrás das estatísticas e dos números de mulleres asasinadas hai familias rotas e nenas e nenos orfos/as”

    Coa estrea da acción poética Podo perderme no verde, a artista Xiana Arias escenificou hoxe no Centro Multiusos de Arbo a loita pola igualdade e contra a violencia machista da man do programa da Deputación ‘Mulleres en Acción. Violencia Zero‘, poñendo a énfase na potencialidade da voz humana como vía de saída nunha situación límite.

    O emotivo acto, que contou coa presenza da deputada de Igualdade, Victoria Alonso; do alcalde de Arbo, Horacio Gil, e varios concelleiros e concelleiras, estivo aberto ao público xeral e retransmitiuse en directo a través das canles en liña da Deputación e do Concello.

    A acción escénica comezou cunha sorpresa, a voz da presidenta da Deputación, Carmela Silva, que soou no multiusos para definir a Xiana Arias como “un verso libre que permite construír referencias para outras tantas mulleres que son e que serán libres”. Para a presidenta a artista é “unha muller que vive na liberdade na que todas construímos a nosa vida. Unha muller que creceu no verde, entre os sons do vento e da auga de mulleres poderosas da Fonsagrada”, lugar vinculado ás orixes familiares da propia presidenta. Xiana Arias agradeceu á Deputación que contaran con ela para o programa “xa que Violencia Zero pódese considerar un catálogo que amosa a obra das mulleres artistas galegas”

    A artista deu lectura en Podo perderme no verde ás constantes recriminacións que sofren as mulleres por facer ou dicir algo no marco dunha relación: “se ti non me respectas e non me escoitas, e amais fálasme berrando; eu decido non escoitarte a ti e marcho, aínda que sexa mentalmente, a tirarme no prado nun día de sol”. A performance escenificou un percorrido teatral que vai involucrando ao público e que remata nun salto consciente (que na obra se identifica coa cor verde). A peza constitúe un repaso pola poética de Xiana que pon de relevo a pegada que deixou na súa escrita o fenómeno da violencia en tódalas súas modalidades; así como a mestura dalgúns poemas que escribiu nos últimos dez anos e doutros textos integrados en Ortigas e Acusación.

    A deputada Victoria Alonso lembrou que “non esquezamos nunca que detrás das estatísticas da violencia de xénero e dos números de mulleres asasinadas hai familias rotas e nenas e nenos orfas/os, ou mesmo asasinadas/os”. A responsable provincial de Igualdade aproveitou a ocasión para lembrar que “ningún home pode decidir sobre a figura dunha muller” e que este programa “intenta mudar as conciencias para mudar así a sociedade”. Sobre Xiana Arias falou “dunha muller empoderada que chega a cumprir tódolos obxectivos que se propón”, e que “como o resto de mulleres da cultura e outros sectores ten que esforzarse día a día, por amosarse un pouquiño máis que os homes”.

    O alcalde de Arbo aproveitou a súa quenda de palabra para lembrar un crime machista acontecido no concello hai uns anos, que deixou “unha fonda ferida pola perda inxusta, cruel e desapiadada dunha parella no mellor da súa vida”. Para Horacio Gil accións como a presentada hoxe “provocan reflexión e removen conciencias, feitos imprescindibles para que se produzan cambios reais na sociedade” posto que entre todos e todas “temos que ser capaces de promover a educación en igualdade e fomentar a actitude crítica contra comportamentos que teñen que ser socialmente reprochados”. O alcalde concluíu evidenciando que “queda moito traballo por facer e non podemos cesar ata que esta lacra desapareza e construamos unha sociedade xusta e igualitaria na que a violencia cero deixe de ser obxectivo e se converta en feito”.

    Está é a VI edición de “Mulleres en Acción. Violencia Zero”, o programa da Deputación que ten por obxectivo darlle visibilidade á loita contra as violencias machistas, así como dar a coñecer o labor de novas artistas que están a traballar a prol da igualdade. Para o que resta de 2021 contará con outras 16 actividades, entre as que haberá performances, intervencións murais, accións de danza contemporánea ou escénicas e música.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.