11.7 C
Pontevedra
Xoves, 22 de Outubro de 2020

Redacción

Redacción
3892 POSTS 0 COMMENTS

A alcaldesa de Salvaterra de Miño reúnese coa oposición para informar das medidas adoptadas ante a Alerta Vermella

Ante a declaración de ALERTA VERMELLA recibida por parte do SERGAS no Concello de Salvaterra de Miño no día de hoxe, o grupo do Goberno local informou a todos os grupos da oposición sobre as novas medidas que se adoptarán para evitar a propagación do virus, así como compartir as diferentes impresións sobre a situación actual na que se atopa a comarca.

O AECT Rio Minho fai frente conxunto contra unha posible mina de litio na Serra da Arga en Portugal

O AECT Río Minho vén de posicionarse claramente en contra do aproveitamento por parte do goberno portugués dunha posible mina de litio na Serra da Arga, no territorio do Alto Miño luso. Así o manifestou o deputado e vicedirector do agrupamento, Uxío Benítez, logo de manter un encontro co Movemento SOS Serra d’Arga.

A Deputación de Pontevedra entra no Consello de Goberno da nova rede local para a Axenda 2030

A Deputación de Pontevedra, veu referendada hoxe a súa aposta irrenunciable polo medio ambiente e a transición ecolóxica como eixo transversal das súas políticas, coa súa elección como vocal, na figura da presidenta Carmela Silva, do Consello de Goberno da Rede de Entidades Locais para desenvolver os Obxectivos de Desenvolvemento Sostible da Axenda 2030 (REDODS) impulsada pola FEMP, unha Rede composta polos gobernos locais que se comprometen a localizar e aplicar os 17 ODS de forma transversal nas súas políticas.

Tui pecha instalacións municipais de carácter cultural e deportivo ao entrar en alerta vermella pola Covid-19

Tui entrou esta mañá en alerta vermella por COVID 19 segundo o mapa da Xunta. Ante esta situación o Concello de Tui acordou o e peche das instalacións municipais de carácter deportivo e cultural, coa salvidade da Biblioteca e do Teatro, e dos pavillóns onde se celebren competicións federadas e actividades escolares.

Máis de 600 persoas participaron na IX Limpeza simultánea de praias

Durante a pasada fin de semana (16, 17 e 19 de Outubro), unhas 30 entidades e máis de 600 persoas sumaron os seus esforzos ao longo do litoral galego para limpar as praias e denunciar, xunto con ADEGA, a problemática ambiental do lixo mariño na IX Limpeza Simultánea de Praias.

A Eurocidade Cerveira-Tomiño avalía os seus proxectos pioneiros de cooperación

A Eurocidade Cerveira-Tomiño, a partir do ano 2014, envolvendo nas súas accións a máis de 10.000 persoas, afondou e consolidou as relacións institucionais a través dunha programación e xestión conxunta e partillada de distintos servizos públicos e do envolvemento da cidadanía na formulación de solucións comúns para a resolución de problemas comúns.

Redondela adía a Gala do Deporte ata o verán do 2021 pola situación de risco sanitario existente nestes momentos

O Concello de Redondela vén de anunciar o adiamento da Gala do Deporte, que tradicionalmente celébrase no mes de decembro, ata o verán do 2021 dada “a actual situación de risco sanitario que fai imposible o seu normal desenvolvemento”, sinalou o concelleiro de Deportes, Nacho González.

Ponteareas destina 230.000 euros en axudas para reactivar a economía local

O Concello de Ponteareas pon en marcha unha nova convocatoria de axudas para reactivar a actividade económica local, unha medida creada para axudar a paliar os efectos económicos, sociais e laborais derivados da Covid-19 nos negocios e pequenas empresas locais.

Rexístranse preto de 5.500 casos activos por coronavirus en Galicia

A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.457, deles 905 son da área da Coruña, 518 da de Lugo, 1.494 da de Ourense, 538 da de Pontevedra, 900 da área de Vigo, 851 da de Santiago, e 251 da de Ferrol.

O Concello de Mos logra que o TSXG ratifique a ilegalidade do criterio do empadroamento para establecer a taxa da PassVigo

O Tribunal Superior de Xustiza de Galicia (TSXG) ven de desestimar o recurso contencioso-administrativo interposto polo Concello de Mos ante a pretensión de Vigo de aplicar tarifas discriminatorias no transporte público urbano en función do empadroamento a través da tarxeta PassVigo.

O AECT Rio Minho pon en marcha un proxecto piloto de bicis transfronterizas nas Eurocidades do Miño

O AECT Rio Minho presentou hoxe o proxecto piloto para que as Eurocidades do Miño dispoñan dun servizo de préstamo de bicicletas eléctricas que permita á cidadanía cruzar libremente a un lado e outro da fronteira. Segundo explicou o deputado de Cooperación Transfronteiriza Uxío Benítez, trátase dunha iniciativa de ‘bike sharing’ pioneira na fronteira ibérica para potenciar a mobilidade suave, ou o que é o mesmo, o uso alternativo aos vehículos a motor.

A ludoteca abríu xa as súas portas para traballar con grupos reducidos

A ludoteca municipal de Ponteareas, “Ludotea” é un espazo lúdico-educativo, ubicado na rúa Castelao, nº 23, desta localidade, e comezou a súa andaina en febreiro de 1998. Desde entón, son moitos os nenos e nenas que teñen acudido para gozar das súas múltiples actividades.

Nigrán estrea en Panxón o maior mural da artista Lula Goce na comarca do Val Miñor

A artista de Baiona Lula Goce, internacionalmente recoñecida polos seus impactantes murais, ven de rematar en Panxón a súa maior obra na comarca grazas á iniciativa do Concello de Nigrán. O goberno local contratou este verán a Goce a ilustración dun muro de algo máis de 200 metros cadrados de superficie ubicado na subida da rúa Gondomar (ao carón do cemiterio, pavillón e Escola Infantil Dunas).

Arden fornos e cámaras frigoríficas no interior dun supermercado na Guarda

Os equipos de extinción dan por finalizado un incendio declarado esta madrugada no interior dun supermercado na Guarda. Arderon fornos e cámaras frigoríficas dentro dun centro de transformación de subministro sen causar danos persoais.

Sanidade establece o Nivel 2 en toda Galicia e limita as reunións a un máximo de 5 persoas

A Consellería de Sanidade vén de anunciar o establecemento do nivel 2 de restricións en toda Galicia, onde ademais se limitarán as xuntanzas a grupos dun máximo de 5 persoas. Neste senso, a totalidade do territorio da Comunidade Autónoma fica no nivel 2 de restricións, unha circunstancia que incidirá nos aforos e na ocupación dos espazos dos diferentes ámbitos sociais.

A Casa do Concello iluminouse de rosa pola Día Mundial contra o Cancro de mama

A Casa do Concello de Tui iluminouse de rosa esta pasada noite con motivo do Día Mundial contra o Cancro de mama que tivo lugar o luns.

O físico Jorge Mira abordará este xoves a controversia sobre o cambio de hora na nova conferencia do Ciclo Aida Fernández Ríos

A controversia sobre o cambio de hora centra a nova charla do I Ciclo de Conferencias Científicas Aida Fernández Ríos, que se desenvolverá este xoves 22 de outubro ás 19 horas e estará impartida polo catedrático de Electromagnetismo do Departamento de Física Aplicada da Universidade de Santiago de Compostela Jorge Mira Pérez.

Mos vólcase na formación e o fomento do emprego en tempos de crise económica pola Covid-19

A alcaldesa de Mos e a concelleira de Promoción Empresarial, Economía e Emprego mosense, Julia Loureiro, anunciaron hoxe dúas boas novas en materia de formación e fomento do emprego, tales como a prórroga concedida pola Xunta de Galicia de dous meses máis para o Programa Integrado de Emprego e o inicio do curso AFD de soldadura, con subvención autonómica tamén.

O novo servizo de SmartPeme para o Terceiro Sector toma impulso coa celebración dunha webinar da directora de change.org en Europa

O novo servizo do programa de asesoramento tecnolóxico SmartPeme da Deputación de Pontevedra dirixido ás entidades do Terceiro Sector toma impulso coa celebración da webinar que ofrecerá este mércores 21 de outubro a directora xerente da Fundación Change.org para Europa, a pontevedresa Irene Milleiro. Esta charla emitirase vía telemática a través de Zoom ás 19 horas e nela, Milleiro falará sobre a importancia da transformación dixital no ámbito do Terceiro Sector.

Baiona conmemora o Día Mundial do Cancro de Mama tinguindo de rosa a Casa do Concello

Baiona iluminou de cor rosa a Casa do Concello na noite deste luns ao amparo da conmemoración do Día Mundial do Cancro de Mama, que se celebra cada 19 de outubro. Deste xeito a institución únese á demanda de ADICAM, a Asociación de Diagnosticad@s de Cancro de Mama e xinecolóxico, para visibilizar ás persoas afectadas pola enfermidade.

O Concello de Tui aproba novas axudas para vivendas da ARI de Tui

O Concello de Tui aprobou a semana pasada novas axudas para vivendas da Área de Rehabilitación Integral de Tui, correspondentes á fase décimo terceira do convenio de axudas entre Concello, Fomento e IGVS.

Carlos Font exprésalle ao director do centro da UNED o compromiso da Deputación coa universidade a distancia

A Deputación de Pontevedra e a Universidade Nacional de Educación a Distancia reiteraron hoxe a súa vontade de “leal cooperación” durante a visita institucional na que o deputado Carlos López Font recibiu ao novo director do centro asociado provincial, Víctor González. “A relación entre a Deputación e a UNED sempre foi magnífica e así queremos que continúe sendo”, destacou o deputado.

Arranca ‘Claqueta Violeta’, un proxecto para loitar contra a desigualdade de xénero e previr a violencia contra as mulleres

O Rosal é un concello comprometido coa igualdade que leva anos traballando en colaboración cos centros educativos para acabar coas desigualdades de xénero e tratar de educar a nenos e nenas para que rachen con roles e estereotipos. Con este obxectivo o Concello acaba de poñer en marcha ‘Claqueta Violeta’, un proxecto que se leva ás aulas esta temática para facer unha chamada á acción á mocidade.

O Concello do Porriño aprobou a Conta Xeral de 2019

A corporación municipal aprobou por maioría a Conta Xeral do Concello do Porriño do exercicio de 2019, nunha sesión extraordinaria telemática celebrada esta onte pola tarde. A aprobación acadouse cos 9 votos que sumaron PSOE, BNG, EU Son e Manuel Carrera (UDDL).

Tomiño ilumínase de rosa para visibilizar o cancro de mama

Con motivo da celebración do Día Mundial contra o Cancro de Mama o día 19 de outubro, a Asociación de Diagnosticad@s de Cáncer de Mama (ADICAM) decidiu reinventarse para poder seguir visibilizando a doenza atendendo ao cumprimento das normas derivadas da Covid-19, polo que este ano decidiu convocar ás institucións públicas para iluminar algunha estrutura arquitectónica de cor rosa.

Galicia rexistra un total de 5.215 casos activos por coronavirus

A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.215, deles 876 son da área da Coruña, 497 da de Lugo, 1.479 da de Ourense, 481 da de Pontevedra, 831 da área de Vigo, 813 da de Santiago, e 238 da de Ferrol.

O Concello de Salvaterra de Miño está elaborando o seu Plan de Acción polo Clima e Enerxía Sostible (PACES)

A alcaldesa de Salvaterra de Miño, Marta Valcárcel Gómez, e o primeiro tenente de alcalde e concelleiro de Medio Ambiente, Ernesto Groba González, reuníronse coa empresa INOVA LABS que está elaborando o Plan de Acción polo Clima e Enerxía Sostible (PACES) para o Concello.

A Delegada Territorial da Xunta en Pontevedra, realizou unha visita institucional a Arbo

O pasado venres, 16 de outubro o Concello de Arbo, Horacio Gil, alcalde do Concello de Arbo, recibía na súa primeira visita institucional da nova Delegada Territorial da Xunta de Galicia en Pontevedra, Luisa Piñeiro.

Adiadas as actividades da Semana da Biblioteca

O Concello de Tui comunica que as actividades programadas para esta semana pola Biblioteca Municipal de Tui para conmemorar o 50 aniversario da súa creación son adiadas, para unha nova data que se comunicará oportunamente.

A Concellería de Igualdade de Baiona pon en marcha o concurso de debuxo e slogan contra a violencia de xénero

O concurso ten como obxectivo promover, dentro do ámbito educativo a reflexión ao redor da promoción da igualdade entre mulleres e homes así como a loita contra a violencia de xénero, e sensibilizar sobre a importancia de valores como a igualdade entre mulleres e homes e o respecto.

A Deputación rinde tributo e homenaxe “ás escritoras invisibilizadas que nos ensinaron o camiño da igualdade na cultura”

Ao abeiro do Día das Escritoras, a Deputación de Pontevedra rendeu esta onte homenaxe e tributo, “case un desagravio”, ás grandes mulleres da literatura que ao longo da historia, e a pesar de ser esquecidas nas antoloxías literarias, contribuíron coa súas obras á loita pola igualdade. Escritoras,...

A Xunta de Galicia apoia ás Comunidades de Augas de Mos con preto de 52.000 euros

A Xunta de Galicia destina este ano 51.700 euros a subvencionar melloras en Comunidades de Usuarios de Augas de Mos. As 5 beneficiarias son a Comunidade de Usuarios de Augas para Usos Domésticos do Barrio de Castro-Mos, a Comunidade de Usuarios Mina do Ferreiro, a Comunidade de Augas de Torroso, a Comunidade de Augas Fonte do Pobo, e a Comunidade de Usuarios de Fonteliña.

Os voluntarios de Nigrán retiran 50 kilos de plástico das calas de Lourido na xornada de limpeza simultánea de praias de ADEGA

O Concello de Nigrán participou este domingo por cuarto ano consecutivo na décima xornada de limpeza simultánea de praias en toda Galicia capitaneada pola asociación ecoloxista Adega. Así, unha trintena de persoas (divididas en grupos de 10, ou de convivintes, por protocolo sanitario) retiraron preto de 50 kilos de lixo das calas que rodean Lourido, fundamentalmente pequenos anacos de plástico. Maioritariamente recolléronse cachos de botellas de auga, de aparellos de pesca, latas…

Iníciase en Mos a programación do Xacobeo 2021

Onte pola tarde celebrouse nos exteriores do Pazo de Mos o primeiro concerto da serie Cantando á Nosa Terra, subvencionada pola Xunta de Galicia, concretamente pola Secretaría Xeral de Política Lingüística, e organizada pola Banda de Música Xuvenil de Torroso, que nesta ocasión actuou acompañada dos cantantes Andrea Pousa e Antonio Barros interpretando, entre outros coñecidos temas da música galega, os famosos ‘Negra Sombra’, ‘Semente dun Home Sabio’ ou ‘Lela’.

Lucía Rodríguez, xove promesa do bádminton, é recibida no Concello de Salvaterra de Miño

A alcaldesa de Salvaterra de Miño, Marta Valcárcel Gómez, e o concelleiro de Deporte e Xuventude, Edgar Martínez Philippon, veñen de recibir no Concello a xove promesa do bádminton Lucía Rodríguez García, a poucos días do Campionato de Europa Junior que se disputará en Finlandia entre o 29 de outubro ao 7 de novembro.

O Concello de Tomiño inicia un estudo para atraer novos clientes ao mercado

O Concello de Tomiño porá en marcha un estudo de campo co que detectar os factores que permitan achegar novos clientes ao seu mercado municipal, o único que conta actualmente co selo de excelencia concedido pola Xunta de Galicia. A realización do estudo comezará mañá 20 de outubro e consistirá na realización de enquisas a pé de rúa entre a veciñanza de Tomiño.

Nigrán suspende ou apraza as actividades programadas ante a alerta vermella por Covid

O Concello de Nigrán cancela as actividades programadas no Auditorio Municipal e de voluntariado nas dunas de Panxón e apraza o inicio dos obradoiros para maiores mentres dure o estado de alerta vermella por Covid-19 no municipio. O goberno local, tal e como fixo suspendendo a gala dos Premios Nigrán este sábado 17 de outubro, toma esta decisión por responsabilidade ante o aumento do número de contaxios.

Iniciadas as obras de cubrición da zona de comunicación no Campo de Fútbol de Cototorrón

A alcaldesa de Mos, Nidia Arévalo, o tenente alcalde e concelleiro de Vías e Obras, Camilo Augusto, e a edil mosense de Deportes, Begoña Toucedo, visitaron o venres pola tarde o Campo de Fútbol de Cototorrón, acompañados polo presidente do Club Louro Tameiga, Patricio Farrapeira, con motivo do inicio das obras con cargo ao Plan Concellos 2020 polas que se está a acometer un proxecto de cerramento, aproveitamento, e cubrición da zona común de Cototorrón.

Os comerciantes de Tui e Milladoiro únense na promoción do Camiño Portugués

A asociación de comerciantes de Tui, ACITUI, e de Milladoiro, Palmira Bulevar, suman sinerxías para promocionar o Camiño Portugués a Santiago ao ser a primeira localidade en Galicia desta ruta xacobea, e a derradeira antes de chegar a Santiago, respectivamente.

O Museo organiza a súa ‘semana lorquiana’ con contacontos, unha mesa redonda e unha ruta

O Museo vai desenvolver dende o 20 ata o 24 de outubro a súa unha ‘semana lorquiana’. Trátase das segundas xornadas organizadas arredor do 25 de outubro, denominado ‘Día de García Lorca en Galiza’, e estarán dirixidas tanto a público infantil como adulto, sendo desenvolvidas por Polo Correo do Vento.

Colaboradores