O Concello de Arbo forma parte xa do Pacto dos Alcaldes contra o Cambio Climático. Horacio Gil, alcalde de Arbo, asegurou que "todos temos algo que facer e no ámbito da administración local o facemos deseñando estratexias para reducir esas emisións en función das nosas competencias".
O Concello de Arbo forma parte xa do Pacto dos Alcaldes contra o Cambio Climático. Horacio Gil, alcalde de Arbo, asegurou que "todos temos algo que facer e no ámbito da administración local o facemos deseñando estratexias para reducir esas emisións en función das nosas competencias".
A concelleira de Medio Ambiente do Concello de Ponteareas, Rosa Covelo, participou nestes días no noveno seminario sobre compostaxe doméstico e comunitario que se celebra en Valladolid e no que a vila do Tea participa co obxectivo de acadar "unha vila o máis sustentable posible e ir mellorando as ferramentas que se comparten coa cidadanía para conseguilo".
A Concellería de Ensino e Benestar Social do Concello das Neves vén de realizar distintos traballos de arranxo e mellora en varios centros escolares, destinando para esas actuacións máis de 8.000 €. As obras centráronse nas escolas infantís de Rubiós e Taboexa; escola infantil da Galiña Azul e no CEIP Pazo da Merced.
O dia 25 do presente mes, celebrarase entre os socios do Club Ciclista Ponteareas unha Asemblea Extraordinaria, onde o seu Presidente Marcos Porto Isla, presentará a súa renuncia ao cargo, unha renuncia motivada por outros compromisos persoais e "considerar que cumpriu o labor que dende o primeiro momento se propuxo e foi revivir ao Club Ciclista Ponteareas".
A concellería de Cultura do Concello de Ponteareas, que dirixe Fernando Groba, anima á cidadanía a gozar das curtametraxes gañadoras no Festival de Cans que serán proxectadas este sábado, día 19, no auditorio do Centro Cultural de Xinzo.
O Xeodestino Condado Paradanta, dependente do Grupo de Desenvolvemento Rural (GDR) Condado Paradanta, está a potenciar o proxecto dunha rede de miradoiros nos concellos que forman parte do mesmo, financiados, nunha grande porcentaxe con fondos procedentes da Xunta de Galicia.
A alcaldesa de Salvaterra de Miño, Marta Valcárcel, vén de asinar o contrato da obra 'Mellora de camiños municipais en Lourido, Fornelos e Meder' coa empresa adxudicataria do concurso público Naron SL, financiada con cargo á subvención concedida pola Axencia Galega de Desenvolvemento Rural da Consellería de Medio Rural.
As actuais Oficinas do Rexistro do Concello de Redondela teñen os días contados xa que, segundo adiantou o Goberno local que preside Digna Rivas, na vindeira semana está previsto que comecen as obras de reforma e ampliación deste espazo para adaptalo á Ley de Accesibilidade e á Ley de Procedemento Administrativo.
“As parroquias de Redondela acollerán, cada quince días, unha serie actividades que contribúan activamente ao empoderamento da muller, a acadar unha igualdade real entre homes e mulleres e a erradicación das violencias machistas”, asegurou a alcaldesa Digna Rivas trala celebración, na pasada semana, do primeiro Consello Municipal da Muller deste mandato.
O PSdeG-PSOE presentou hoxe, oficialmente, as candidaturas ao Congreso dos Deputados e ao Senado pola provincia de Pontevedra para as vindeiras Eleccións Xerais. Por segunda vez consecutiva, Redondela está presente nestas listas con Olga Rodríguez Puga que repite como candidata ao Congreso.
Nun encontro mantido na mañá do venres, 11 de outubro, entre a alcaldesa de Redondela, Digna Rivas, e o delegado do Estado no Consorcio da Zona Franca, David Regades, analizáronse as posibles vías de colaboración para poñer en marcha accións que favorezan o desenvolvemento económico da comarca.
A alcaldesa de Redondela, Digna Rivas, acompañada pola concelleira de Emprego, María Castro, visitaron aos participantes no novo Obradoiro de emprego Redondela Sostible. En total participan nesta iniciativa, catro persoas do equipo técnico e docente e 16 alumnos/as traballadores/as.
A Concellería de Medio Ambiente do Concello de Redondela comezou as charlas sobre compostaxe doméstica, realizadas a través do Plan Revitaliza da Deputación de Pontevedra, onde os e as participantes recibiran de balde un composteiro individual, un aireador e un manual, así como a información necesaria para utilizalos.
A contorna do Pazo de Mos acolleu hoxe domingo a celebración da 'XXII Festa do Codillo', organizada polo Círculo Cultural e Deportivo Santa Eulalia de Mos e que tivo a unha "pregoeira de altura" como é a alpinista Verónica Romero, integrante da expedición feminina 'Compromiso por la Tierra'.
O BNG do Porriño, que considera que o parque de vehículos dos servizos municipais de obras, xardinería e mantemento "precisaba dunha renovación" puntualiza que os prezos e as necesidades marcadas polo Concello na redacción dos pregos de condicións, "son superiores ás verdadeiramente necesarias".
PSOE e BNG subscribiron, na noite de onte, un pacto que permitirá a formación dun Goberno de coalición presidido pola alcaldesa do Porriño, Eva García de la Torre, e no que o voceiro nacionalista Pedro Pereira será o primero tenente alcalde e Lourdes Moure, voceira socialista, ocupará a segunda tenencia de alcaldía.
Os concelleiros do equipo de goberno, Sergio Casal e David Alonso supervisaron hoxe a tala de dúas árbores do Parque do Cristo que presentaban un risco moi importante.
Este mediodía, e coa presenza da concelleira de Seguridade e Facenda, Lourdes Moure e o concelleiro de Medio Ambiente, Sergio Casal, realizouse o acto formal de entrega dos novos vehículos do Parque Móbil Municipal aos diferentes servizos do Concello do Porriño, dentro da operación de renovación que acometeu o goberno local.
O IV Programa Integrado de Emprego de Mos aproxímase ao seu fin –xa que rematará o vindeiro 31 de outubro– coa quinta edición do programa xa en marcha. Segundo hoxe informou a concelleira de Promoción Económica, Desenvolvemento Empresarial e Emprego, Julia Loureiro, xa se solicitou o novo Programa á Xunta de Galicia
O Concello de Nigrán tramita o expediente para poder alugar de xeito transparente unha nova finca céntrica que sirva de alternativa ao aparcamento público da rúa Vilameán, onde a promotora propietaria da parcela iniciou hoxe as obras para construír 40 chalés pareados, polo que este espazo cedido de xeito gratuíto no 2013 está xa inoperativo.
O Camiño é unha combinación de momentos e 'intersticios' e Nigrán é un dos moitos puntos xeográficos polos que se debe pasar para alcanzar a meta. Este proxecto pretende retratar esta etapa do Camiño de Santiago atendendo a esas peculiaridades inmanentes da cotiandade deste lugar.
Unha muller, veciña de Gondomar, precisou de asistencia médica debido ás lesións provocadas por incendio orixinado nunha tarteira esquecida no lume. Ademais das lapas, a estancia da casa encheuse de fume que chegou mesmo a estenderse á vivenda lindeira.
Concello de Nigrán e FCC Aqualia, empresa concesionaria do abastecemento de auga no municipio, estrearon na contorna da Alameda de San Campio (A Ramallosa) un novidoso sistema de substitución de colectores coñecido como 'encamisado' mediante manga continua de fibra de vidro que racha co método tradicional de abrir gabias e evita calquera tipo de obra.
Unha representación de alumnos e docentes do CPI Arquitecto Palacios de Panxón entregou onte ao alcalde de Nigrán 1.330 € en vales canxeables por comida para que os Servizos Sociais do Concello os distribúan entre as familias en dificultade.
Concello de Nigrán e a Fundación Menela celebran este venres 11 de outubro a derradeira etapa do proxecto ‘Xacobeo Autismo. Un Camiño para todos’ no que usuarios da Fundación Menela concluirán a ruta xacobea pola costa cun acto no Auditorio Municipal. O Concello fai un chamamento á participación dos centros educativos e de toda a veciñanza en xeral para que se una a esta xornada.
A Biblioteca Pública Municipal da Guarda continúa coas actividades para conmemorar o día da Biblioteca 2019, que se celebra cada ano o 24 de outubro. O obxectivo destas actividades é a animación á lectura durante o mes de outubro.
O Concello da Guarda e a Cámara Municipal de Caminha decidiron suspender a andaina prevista para este sábado día 19 de outubro pola Senda da Fraga do Barragán, debido ás previsións meteorolóxicas desfavorables.
O proxecto da Deputación de Pontevedra, «Camiño A Dentro» segue debullando etapas e logo de achegar a música de percusión ao Porriño; o debuxo e a ilustración a Oia; o teatro á Guarda e a fotografía a Nigrán, encherá Tui de música da man de Nastasia Zürcher o sábado 19 de outubro, ás 18:30 horas na Praza de San Fernando, diante da Catedral.
O Concello de Tui súmase esta fin de semana á celebración das primeiras Xornadas Europeas do Camiño de Santiago promovidas pola Federación Europea dos Camiños de Santiago para resaltar o carácter integrador das rutas xacobeas. Unha iniciativa que promove a valorización do Camiño.
Un ano máis, o Concello de Tomiño financia un amplo programa de actividades extraescolares de balde ao longo de todo o curso, nos distintos centros educativos do municipio. Tras o receso vacacional, reanudáronse as actividades extraescolares, de carácter gratuíto, para o alumnado de educación infantil e primaria.
Este sabado 19, o local Amazona de Tui, celebra a Festa do Orgullo, cunha serie de actividades durante toda a fin de semana. As actividades comezarán xa ás 20:00 horas do sábado coa charla coloquio sobre Identidade Sexual que correrá a cargo de «Pvlse Vigo» moderada por Daniel Pregal e Daniela Ledo.
A Deputación de Pontevedra vén de aprobar en Xunta de Goberno a adxudicación do contrato de subministración de equipamentos para os 9 puntos limpos da provincia entre os que se atopan os de Ponteareas, A Guarda, Nigrán e Gondomar.
O deputado de Cooperación Transfronteiriza e director do AECT Rio Minho, Uxío Benítez, participou hoxe na inauguración da I Xornada de Gastronomía do Rio Minho, celebrada en Caminha, nun acto no que estivo acompañado polo director da Fundación CEER, Valerià Paül; a concelleira de Festas de A Guarda, Elena Baz; e o presidente da Câmara Municipal de Caminha, Miguel Alves.
As 'Anpa Solleiro' do IES Tomiño; a 'Anpa do CEIP Pintor Antonio Fernández' de Goián e a 'Anpa Pena do Equilibrio' do CEIP Ramiro Sabell Mosquera de Ponteareas recibirán, en total, 9.000 euros da Xunta de Galicia para desenvolver actividades de promoción da igualdade e de prevención e loita contra a violencia machista.
A pasada fin de semana, un grupo de persoas do Baixo Miño mantiveron a primeira reunión do recén creado 'Grupo Antiherbicidas do Baixo Miño', formado por máis dunha ducia de persoas que se unen para loitar contra o uso de herbicidas por parte da administración nos espazos públicos: estradas, camiños, etc.
O proxecto 'Camiño a dentro', promovido pola Deputación de Pontevedra e a Xunta de Galicia a través do programa 'O teu Xacobeo', fixo escala onte na praza Arquitecto Antonio Palacios de O Porriño, onde o grupo 'Dúas', formado por Sabela Caridad e Marta Figueiredo, ofreceu un recital de percusión en directo ante autoridades, veciñanza, peregrinas e peregrinos.
Cun cheo absoluto, a presidenta da Deputación de Pontevedra, Carmela Silva, abriu no castelo de Soutomaior a xornada 'Mercantilización do corpo das mulleres' da Escola de Igualdade María Vinyals cun recordo ás 'Trece Rosas', unha lembranza de xustiza e desagravio tal e como deixou claro a presidenta provincial.
O Concello de Arbo forma parte xa do Pacto dos Alcaldes contra o Cambio Climático. Horacio Gil, alcalde de Arbo, asegurou que "todos temos algo que facer e no ámbito da administración local o facemos deseñando estratexias para reducir esas emisións en función das nosas competencias".
O venres 11 de outubro a parroquia de Sela, no municipio de Arbo, dará comezo aos actos da súa tradicional «Festa da Colleita» que, ano tras ano medra en número de participantes e consolídase como un referente na comarca. A festa dará comezo ás 20 horas na Praza da Feira onde se poderán degustar chourizos asados e viño novo a prezos populares.
O conflito da titularidade dos terreos nos que se enclavan os aeroxeradores eólicos que, dende hai máis dunha década, mantiñan os concellos de Arbo e As Neves, vén de ser resolta logo de que a Sala do Contencioso-Administrativo do Tribunal Supremo desestimase o recurso presentado o concello das Neves.
O Concello de Arbo vén de dar conta da recepción dunha achega de 8.269 € do IGVS, adscrito á Consellería de Infraestruturas e Vivenda, para rehabilitar unha das vivendas de mestres de Cequeliños. O Concello dispón neste momento de dúas vivendas, de antigos mestres, de titularidade municipal situadas na parroquia de Cequeliños.
O Salón de Plenos do Concello de Arbo, acolleu o acto de sinatura dos convenios de colaboración, entre o Concello de Arbo e distintas Asociacións Arbenses, mediante o cal se establecen as bases de colaboración entre ambos. Os convenios, asinados polo alcalde de Arbo, Horacio Gil Expósito e os presidentes das distintas asociación, establecen as cláusulas que rexerán a colaboración entre estas entidades e o Concello de Arbo.
O Concello de Arbo vén de instalar dúas porterías novas, abatibles, no campo de Fútbol Municipal de Arbo para a práctica de fútbol 8. O feiro de que sexan elementos abatibles, favorece non só o mantemento do céspede senón tamén que facilita ao club a súa retirada cando a instalación sexa utilizada para fútbol 11.
