9.6 C
Pontevedra
Xoves, 28 de Marzo de 2024
Máis
    HomeComarcasRedondelaRedondela contará cun axente da policía local dedicado a todas as tarefas...

    Redondela contará cun axente da policía local dedicado a todas as tarefas relacionadas coa violencia machista

    Con esta iniciativa o Concello reforza o convenio asinado no seu momento co Ministerio do Interior para incorporación dos corpos de policía local ao Sistema de seguimento integral dos casos de violencia de xénero (VioGen)

    O Goberno local de Redondela vén de dar un paso máis na loita contra a violencia de xénero e a asistencia as vítimas destinando especificamente un axente de policía local, Obulio Iglesias Otero, ás tarefas relacionadas coa violencia de xénero e o sistema VioGén. O axente, acompañado do xefe da Policía Local, foi recibido na mañá de onte pola alcaldesa de Redondela, Digna Rivas e polo concelleiro de Seguridade, Nacho González.

    Dende a adhesión do Concello ao Sistema de seguimento integral dos casos de violencia de xénero (VioGén), esta tarefa viña sendo realizada polos axentes da Policía Local redondelá compaxinándoa co seu cometido habitual.

    Tal e como explica a alcaldesa Digna Rivas, destinando un axente para todo o relacionado coa violencia machista, “acádase unha maior eficacia á hora de activar os protocolos fronte a violencia machista e aprovéitanse mellor os recursos recíprocos establecidos no convenio asinado co Ministerio do Interior”.

    A maiores, a incorporación dunha persoa para labores específicas do sistema VioGén, permite afondar na transversalidade que o Goberno local busca en todas e cada unha das súas accións ao coordinar e axilizar as accións da Policía Local, Servizos Sociais e Centro da Información da Muller (CIM), en casos de violencia machista.

    Son, afirma Digna Rivas, “tres departamentos básicos á hora de actuar fronte a violencia machista e na protección das vítimas, polo que a súa coordinación á hora de actuar é fundamental”.

    “A violencia machista é unha das maiores lacras sociais do noso tempo e o Goberno local sumarase a todas aquelas iniciativas que contribúan a súa erradicación”, apunta a alcaldesa de Redondela. Nese sentido, o feito de contar cun axente da policía local dedicado ao VioGén –engade – “mellora a eficacia na protección e seguimento das vítimas, paso imprescindible para garantir a súa seguridade en todas as fases do procedemento e o cumprimento das medidas xudiciais”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.