8.7 C
Pontevedra
Xoves, 28 de Marzo de 2024
Máis
    HomeO CondadoSalvaterra de MiñoSalvaterra de Miño da a coñecer o programa de actividades para o...

    Salvaterra de Miño da a coñecer o programa de actividades para o 25N

    O Concello de Salvaterra de Miño vén de dar a coñecer as distintas accións que desenvolverá con motivo do Día Internacional de Eliminación da Violencia contra as Mulleres, e que terán como lema O amor non Golpea, Acariña!, slogan gañador do ano pasado no Concurso contra a violencia de xénero organizado co alumnado do IES Salvaterra.

    Dende o Concello reiteran o compromiso para loitar pola erradicación das violencias contra as mulleres, mostrando, ademáis, “o firme rexeitamento de quen as exerce e da complicidade de quen as silencia”.

    Por ese motivo o Concello convoca a toda a veciñanza a unha concentración, na Praza do Concello, o día 25 de novembro ás 12 horas, Co fin de facer máis visible esta loita durante esta semana o balcón do Concello lucirá de cor violeta.

    A través do Programa de Educación e Intervención Familiar do Departamento de Servicios Sociais, dentro da súa campaña en prol da loita contra esa lacra que nos asola como é a violencia de Xénero e, entre as distintas accións con carácter preventivo e educativo que se levan a cabo, convoca un ano máis (XI edición xa), un Concurso de lemas ou slogans dirixido ao alumnado do IES de Salvaterra, co fin de mellorar a convivencia en sociedade transmitindo fundamentalmente valores como a igualdade, a tolerancia, a non violencia e desmitificando estereotipos, aspectos todos eles que adoitan atoparse na base da violencia machista.

    Téntase con elo promover un cambio de mentalidade, transmitindo outros valores e co fin de erradicar a violencia de xénero. O proxecto consiste en confeccionar material, entre outros uns marcapáxinas que logo se difundirán entre os máis novos e que conteñen o lema ou slogan gañador do concurso ademáis dalgúns números de teléfono e enderezos dalgūns dos recursos que existen para abordar o problema.

    A idea xurdiu e mantívose porque entende o Concello que, “ademais de ser un soporte atractivo, informativo e moi útil, tén unha perdurabilidade no tempo mantendo a vixencia da mensaxe así coma dos recursos”.

    De feito o Concello de Salvaterra leva anos traballando cos máis novos na prevención deste tipo de violencia a fin de que, dende idades tempranas, se establezan as bases para relacións sans e saudables porque eles, son o noso futuro.

    Asimesmo na actualidade trabállase tamén coa subvención do Pacto de Estado do Ministerio de Igualdade, Goberno d España, creado específicamente para esta causa e en virtude da cal, ao longo deste ano e o vindeiro, desenvolveranse distintas accións. Igualmente en numerosas ocasións conmemóranse tamėn outras datas como por exemplo o 8 de marzo, Día Internacional da Muller, tratando en todos os casos de reforzar a igualdade, aspecto que se considera clave e cuya ausencia atòpase na base de situacións de violencia de xėnero.

    Para este vindeiro ano preténdese levar a cabo unha certame que traballe este aspecto tan clave e esencial da igualdade, implicando á mocidade a través dos novos medios e tecnoloxías. En todo momento trátase que, na medida do posible, sexan accións que perduren no tempo, posto a violencia de xénero aparece en calquera momento

    Ademáis, nestes momentos de pandemia, este tipo de accións cobran incluso maior importancia. Situacións de crise como a actual con emerxencias sanitarias, sociais, restriccións, confinamentos, así como todo o que isto trae asociado, levan aparelladas situacións de estrés engadido, precariedade económica, social, acentúansen os problemas na convivencia e, desgraciadamente tamén, se está comprobando que garda relación cun incremento da vulnerabilidade para as mulleres.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.