14.3 C
Pontevedra
Martes, 21 de Maio de 2024
Máis
    HomeA ParadantaA CañizaA Cañiza entrega os premios do «Proxecto Violeta» de debuxo e lemas

    A Cañiza entrega os premios do «Proxecto Violeta» de debuxo e lemas

    O certame, organizado polo Servizo de Igualdade do Concello, enmarcase nas actividades para a promoción da igualdade e prevención da violencia de xénero dirixidos á mocidade e poboación infantil

    O alcalde da Cañiza, Luis Piña, entregou no Salón de Plenos do Concello os premios  ás seis gañadoras do Concurso de lemas e carteis do Proxecto Violeta. Tres primeiros premios para cada categoría dotados cun vale de 100 €, 50 € e 30 € que as gañadoras poderán canxear por material didáctico e libros en calquera das librerías da Cañiza.

    Gañadoras do concurso de debuxo «Debuxa para Violeta»

    • 1º Premio: Izar Ribeiro Rodríguez
    • 2º Premio: Candela Pazos Pérez
    • 3º Premio: Laura Crespo Vidal

    Gañadoras do concurso de slogans «Cóntallo a Violeta»

    • 1º Premio: Fátima Rodríguez Alvarez. Slogan gañador «Se me da a gana de ir sachar patacas en minisaia vou e punto»
    • 2º Premio: Sheila Martínez Tato. Slogan gañador «O meu corpo non quere a túa opinión»
    • 3º Premio: Paula Pereira Loeda. Slogan gañador «Pódesme romper a man, pero non a voz»

    No ámbito da prevención e da formación, o Concello está desenvolvendo  nos centros educativos da Cañiza diferentes obradoiros durante o curso académico centrados na abordaxe dos estereotipos de xénero, das relación baseadas no bo trato e na prevención da violencia de xénero a través das redes sociais.

    Estas actividades están dirixidas principalmente á mocidade e aos máis pequenos. O proxecto acóllese ás subvencións que a Deputación de Pontevedra  convoca para as entidades locais de menos de 20 000 habitantes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.