16 C
Pontevedra
Martes, 21 de Maio de 2024
Máis
    HomeÉ NoticiaLuis López adianta que o 'Plan +Provincia' mobiliza esta semana 1,7 millóns...

    Luis López adianta que o ‘Plan +Provincia’ mobiliza esta semana 1,7 millóns de euros para impulsar investimentos en nove concellos

    Os novos recursos beneficiarán á Estrada, As Neves, Caldas de Reis, Nigrán, O Porriño, O Rosal, Ponteareas, Salvaterra de Miño e Sanxenxo

    A Deputación de Pontevedra aprobou onte en Xunta de Goberno destinar 1,7 millóns de euros para que nove concellos da provincia impulsen novos investimentos ao abeiro da liña 1 do Plan +Provincia. En concreto, benefícianse destes recursos A Estrada, As Neves, Caldas de Reis, Nigrán, O Porriño, O Rosal, Ponteareas, Salvaterra de Miño e Sanxenxo. Servirán, en palabras do presidente provincial, Luis López, para “acometer obras en estradas, melloras na rede de saneamento, acondicionamento de espazos, actuacións de mobilidade peonil e humanización ou, entre outras iniciativas, mellorar instalacións deportivas”. En total, o goberno provincial xa aprobou este ano 24 M € dos 48,2 M € dos que está dotado este programa para transformar a vida das veciñas e veciños dos concellos da provincia de menos de 50.000 habitantes.

    Desta maneira, cos recursos aprobados esta semana pola Deputación de Pontevedra, O Porriño contará con 78.000 € para a adquisición dunha nova parcela; As Neves 85.000 € para instalar dúas pistas de pádel na área deportiva da Caiña, en Santiago de Tortoreos; Salvaterra de Miño 106.669 € para realizar melloras en vestiarios das instalacións deportivas do Casal, O Rosal recibirá 126.484 € para a adecuación dos camiños de Marzán, do Xogo e da Cangostra, e A Estrada contará con 136.869 para o acondicionamento de xardíns.

    Ademais, Ponteareas recibirá 162.732 € para a adquisición de material para a Festa de Interese Turístico Internacional e Ben de Interese Cultural (BIC) do Corpus Christi; Sanxenxo 166.604 para as obras de humanización do acceso á Praza Travesía Areal, en Portonovo; Caldas de Reis contará con 403.358 euros para a primeira fase do saneamento de residuais en Soutelo de Abaixo, e Nigrán con 466.112 € para a segunda fase da mellora de beirarrúas e instalacións na rúa Mariñeiro.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.