16 C
Pontevedra
Martes, 21 de Maio de 2024
Máis
    HomeÉ NoticiaA Deputación investirá preto de 220.000 € nun novo asistente conversacional intelixente...

    A Deputación investirá preto de 220.000 € nun novo asistente conversacional intelixente na web de Turismo Rías Baixas

    Trátase, tal e como explicou o presidente provincial Luis López, dunha das accións do proxecto 'Tourist Inside II', co que a Deputación de Pontevedra está a transformar provincia de Pontevedra como Destino Turístico Intelixente

    A Xunta de Goberno da Deputación de Pontevedra acaba de aprobar o expediente para contratar a posta en marcha dunha plataforma semántica e asistente conversacional por valor de preto de 220.000 euros. Esta actuación, tal e como explicou o presidente provincial Luis López, enmárcase no proxecto Tourist Inside II, financiado con fondos europeos, co que a Deputación de Pontevedra está a transformar a provincia como Destino Turístico Intelixente. “O mundo está evolucionando moi rapidamente e non queremos quedar atrás. Por iso, con esta iniciativa imos sumarnos ás vangardas, ás novas tecnoloxías, e introducir a intelixencia artificial na xestión do turismo”, asegurou López.

    A través desta iniciativa dotarase á web de Turismo Ría Baixas dun asistente conversacional, os coñecidos como chabots intelixentes, que aproveitará os fluxos de datos e proporcionará ás persoas usuarias información de interese para dar resposta ás súas preguntas. O proceso que se pon en marcha con este contrato incluirá a creación dunha plataforma semántica, é dicir, unha estrutura que almacene, xestione e analice os datos, sincronizándose á vez coa información existente, para poder interpretar a información e dar, así, resposta ás demandas dos viaxeiros, logrando un turismo máis personalizado e diferenciador.

    Luis López fixo fincapé na vontade co goberno provincial de “avanzar na transformación do sector turístico da provincia”, con iniciativas como esta nova aplicación de intelixencia artificial, ou as mesas de traballo para a elaboración da estratexia de turismo para os vindeiros anos, que comezaron o pasado luns en Vilanova de Arousa. “Seguimos avanzando para que todo o mundo poida coñecer e veña vivir, aquí, as múltiples experiencias 100% Rías Baixas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.