10 C
Pontevedra
Martes, 13 de Abril de 2021
More
    HomeComarcasRedondelaÉxito absoluto da performance 'A última cea' de Uxía Morán nos actos...

    Éxito absoluto da performance ‘A última cea’ de Uxía Morán nos actos do 25N do Concello de Redondela

    A alcaldesa Digna Rivas, nomeou ás mulleres asasinadas no 2020 “porque non son números, son persoas, son vítimas e detrás de cada nome hai orfos e orfas e a historia dunha traxedia”

    Ante ameaza de choiva, o Multiúsos da Xunqueira foi o escenario escollido para desenvolver o acto institucional conmemorativo do 25N do Concello de Redondela e no que Uxía Morán, con ‘A última cea’ foi a encargada de visibilizar a través dunha performance “moi dura”, a traxedia das mulleres que sofren diariamente a violencia machista nas súas máis diversas expresións.

    Os actos abríanse cun minuto de silencio que, como sinalaría posteriormente a alcaldesa e concelleira de Igualdade, Digna Rivas, “era un berro silencioso de toda a sociedade pedindo o fin da auténtica lacra social do século XXI: a violencia machista”.

    De seguido, e no paseo da Xunqueira, Uxía Morán representaba, con toda a dureza, a historia dunha muller “reflexo de moitas mulleres” sinalaría despois, que soña “cunha voda ideal, un matrimonio ideal e unha vida ideal ata que todo iso esvaécese e comeza o maltrato, o golpe, a fractura o trauma”. Cun dramatismo absoluto e vestida de noiva, os movementos de Uxía Moran amosaban o intento desesperado desa muller por seguir vivindo esa ilusión.

    “Non saberemos nunca –afirmou a actriz– se esa muller sobreviviu, se tivo o valor de quitar ese vestido, se puido aprender e se conseguiu refacer a súa vida ou non o conseguiu, como outras moitas que non están xa con nós”.

    Visiblemente emocionada, Uxía Morán, apuntou que “actos como este, son para lembralas e para lembrarlle á sociedade que aí fora hai moitas mulleres que precisan de axuda”.

    Trala performance que a ninguén deixou indiferente é que foi cualificada polos presentes como de “terriblemente dura”, Josua Mateo, fillo da asasinada pola violencia machista, Sesé Mateo, lía un manifesto cargado de reinvidicación e no que lembraba a loita das irmás Mirabal, ‘As bolboretas’, polos dereitos humanos e contra calquera tipo de opresión, loita que lles custaría a vida pero que marcaría o camiño a seguir.

    Na súa intervención a alcaldesa de Redondela, Digna Rivas, sinalou que este acto tiña como obxectivo “visibilizar a senrazón da violencia machista, pero –afirmou– a loita contra esta barbarie non se pode cinguir a un só día, senón que ten que ser unha labor continuada dos 365 días ao ano e unha labor conxunta de toda a sociedade”.

    A actuación de Uxía Moran, engadiu, “ofrécenos unha visión única do horror que viven as mulleres que sofren malos tratos, sexan estes do tipo que sexan. Tiven a oportunidade de mirala por primeira vez no 2017 en Tomiño, sendo deputada de Cohesión Social e, á hora de elaborar este programa, non tiven ningunha dubida sobre a necesidade de traela porque era a mellor forma de deixar ao descuberto a barbarie da violencia sobre as mulleres”.

    Nas súas palabras, a alcaldesa de Redondela nomeou algunhas das mulleres asasinadas no 2020 “porque non son números, son persoas, son vítimas e detrás de cada nome hai orfos e orfas e a historia dunha traxedia”.

    A alcaldesa e concelleira de Igualdade, adiantou que Josua Mateo, en colaboración con profesionais directamente implicados na loita contra a violencia machista, como pode ser a Asociación de Mulleres Xuízas, “está a elaborar un protocolo de actuación para os casos de violencia machista, para poder orientar ás persoas vítimas dese horror”.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS