14.6 C
Pontevedra
Mércores, 29 de Setembro de 2021
Máis
    HomeÉ Noticia'Twins expemeriment' pon en Ponteareas o aceno no fogar como escenario da...

    ‘Twins expemeriment’ pon en Ponteareas o aceno no fogar como escenario da violencia machista

    Un círculo feito con seis botellas de auga foi o ‘espazo protector’ no que Ainhoa Hernández e Laura Ramírez, as artistas que conforman Twins Experiment, dialogaron cos seus corpos nunha nova acción do programa da Deputación de Pontevedra ‘Mulleres en acción. Violencia Zero’ que tivo lugar no auditorio Reveriano Soutullo de Ponteareas.

    Xuntas e a través de Conversa: cuarto ou morada crearon o seu propio lugar, un fogar, escenario da maioría dos asasinatos machistas acometidos, onde evidenciaron as diferentes formas de relación das persoas.

    Acompañadas de música, con pezas como Total Eclipse of the heart de Bonnie Tayler, deixando de lado a expresión oral e comunicándose a través de xestos e miradas cómplices, Twins Experiment representaron o que pode producirse nun fogar: dende ser espazo de alegría e respecto ata escenario da máis cruel das violencias.

    Deste xeito presentouse o fogar como espazo de cariño, respecto, ledicia ou relacións positivas a través dos movementos acompasados e sinérxicos dos seus corpos e xestos e miradas cómplices. Pola contra, amosouse o fogar como o escenario da máis cruel das violencias amosando un corpo sen vida, lembrando aos das oito mulleres que foron asasinadas no que vai de ano por mor da violencia machista.

    Tamén houbo lugar para representar o enfrontamento, cunha escena que trouxo á mente do público xestos cotiás de maltrato que poden pasar desapercibidos para a sociedade pero que non deixan de ser parte da violencia machista.

    Hernández e Ramírez interactuaron tamén coas/cos máis de 130 alumnas/alumnos do CPR da Inmaculada, IES Val do Tea e IES Pedra da Auga de Ponteareas, lanzándolles preguntas relativas a “ que pasaría se en vez de pesar como queremos vivir cada unha de nós de xeito individual pensáramos en como queremos vivir xuntas”, “como se relaciona a peza coa violencia machista” e “cal foi o papel que xogou a danza” na mesma.

    A deputada provincial, Vicky Alonso, e a alcaldesa en funcións de Ponteareas, Cristina Fernández Davila, amosaron a súa repulsa total ante as violencias machistas. Alonso, que aproveitou a ocasión para lanzar “unha mensaxe de ánimo” ao alcalde de Ponteareas, Xosé Represas, e desexar a súa pronta recuperación, subliñou que con actuacións coma esta “as mulleres do sector da cultura intentan concienciar a toda a veciñanza” da necesidade de acadar a igualdade á vez que se busca acadar o obxectivo da “Violencia Zero”. Na súa intervención tamén puxo o foco nas realidade que viven moitas mulleres que ven como a violencia machista chega tamén as súas fillas e fillos e rematou destacando que “temos igualdade de dereitos, merecemos telos e temos que acadalos e conseguir esa igualdade. Debemos poñerlle fin ás violencias machistas que estamos a sufrir”.

    Pola súa banda, Cristina Fernández manifestou que a desigualdade que sofren as mulleres é “un grave problema que temos a nivel social, económico e cultural”. Esta acción, subliñou, tivo “un contido especial con que se puxo de manifesto esta situación, á vez que se sensibiliza e conciencia” sobre a mesma. Para Fernández a peza recordou o sufrimento de moitas mulleres durante o confinamento, cando se “viron obrigadas a convivir co seu maltratador nunha situación que non soamente lle afectou a elas, senón tamén ás fillas e fillos”.

    “Conversa: cuarto ou morada” foi a duodécima acción da VI edición de “Mulleres en Acción. Violencia Zero”. Para o que resta de 2021 contará con outras 13 actividades en diferentes concellos da provincia ata os que a Deputación levará performances, intervencións murais, accións de danza contemporánea ou escénicas e música para reivindicar, dunha vez por todas, o fin da violencia machista.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS