Tag: pxom

Paso trascendental no futuro urbanístico de Nigrán: o Plan Xeral de Ordenación Municipal de Nigrán conta xa oficialmente con todos os informes sectoriais favorables, cuestión indispensable de cara a súa aprobación provisional.

O Concello de Baiona procederá hoxe venres en pleno extraordinario urxente á aprobación inicial da modificación puntual dous do Plan Xeral de Ordenación Municipal (PXOM).

O comezo dun novo ano é sempre algo esperanzador. Esperamos que o mellor que nos aconteceu no ano que deixamos atrás, sexa o peor que nos poida pasar no novo que temos diante. No caso de Ponteareas, o 2022 non so marca o iniciou dun ano novo, senón dunha nova etapa ao entrar o municipio do Tea no 'club', case que exclusivo, dos concellos galegos que contan cun Plan Xeral de Ordenación Municipal.

O vindeiro 21 de decembro o Plan Xeral de Ordenación Municipal de Ponteareas (PXOM) entrará en vigor. Ese día terán transcorridos os 15 días hábiles computados dende a súa publicación onte no Boletín Oficial da Provincia.

A tramitación do Plan Xeral de Ordenación Municipal (PXOM) de Redondela camiña cara a súa aprobación inicial algo que, segundo os cálculos do Goberno local, podería producirse nos primeiros meses do vindeiro 2022.

O Partido Popular de Tomiño solicita anular e deixar sen efecto a modificación puntual número 9 do Plan Xeral de Ordenación Municipal, porque "nin se axusta á Lei nin defende o intereses xeral dos veciños do concello". O grupo municipal presentou alegacións ao documento, co fin de “antepoñer os intereses dos veciños e do propio concello a unhas actuacións que distan moito da realidade urbanística de Tomiño”.

Ponteareas conta con Plan Xeral de Ordenación Municipal tras case dúas décadas de paralización urbanística.

O pleno da Corporación aprobou onte o Plan Xeral de Ordenación Municipal de Ponteareas. Trátase da aprobación provisional do PXOM, que agora debe ser refrendada pola Xunta de Galicia mediante a súa aprobación definitiva para a súa entrada en vigor.

O Goberno Municipal do BNG e PSOE aprobarán no pleno deste mes de xuño o Plan Xeral de Ordenación Municipal (PXOM) de Ponteareas cos cambios esixidos pola Xunta. Tras a recente convocatoria da comisión informativa, o PXOM levarase a sesión plenaria tras decidir demorar un pouco máis a súa aprobación para que os grupos políticos municipais dispuxeran de máis tempo para analizar o documento e realizar axustes técnicos derivados de cambios recentes na cartografía oficial da Confederación Hidrográfica Miño-Sil.

A directora xeral de Ordenación do Territorio e Urbanismo, Encarna Rivas, e o alcalde de Gondomar, Paco Ferreira, mantiveron esta unha reunión de carácter técnico para tentar desbloquear o novo Plan Xeral de Ordenación Municipal (PXOM) no que traballa o Concello desde o ano 2009.

O Goberno Municipal do BNG e PSOE prevé aprobar no pleno do mes de maio o Plan Xeral de Ordenación Municipal (PXOM) cos cambios esixidos pola Xunta. Será a terceira vez que o goberno de coalición aprobe provisionalmente o PXOM coa intención de que a Xunta lle dea a súa aprobación definitiva. A última aprobación provisional realizouse a finais de 2019 cando no documento se introduciron os cambios esixidos pola Xunta a comezos de 2017.

Esquerda Unida de Nigrán vén de dar a coñecer que, segundo a documentación á que tivo acceso, o pasado 14 de xullo a Axencia Galega de Infraestruturas (AXI) informou desfavorablemente o PXOM de Nigrán, polo que deberá ser corrixido e sometido á Axencia novamente.

A portavoz do grupo municipal do PSdeG-PSOE de Ponteareas, Chus Garrote, ratifocouse hoxe no que compromiso que vén de manifestar públicamente o seu "compromiso e responsabilidade co Plan Xeral de Ordenación Municipal (PXOM) como sempre fixemos, tanto cos veciños e veciñas de Ponteareas como coas empresas asentadas na nosa vila”.

Mañá día 13 de Febreiro termina o prazo para que a Xunta de Galicia aprobe ou rexeite a aprobación do Plan Xeral e a decisión do Concello de Ponteareas de solicitar a suspensión temporal do prazo de aprobación é cualificado polo portavoz de ACiP, Juan Carlos González Carrera, como unha "fuxida para adiante".

O PP de Ponteareas, que asegura ter sido informado "por fontes autonómicas", que o Concello de Ponteareas solicitou unha prórroga á Xunta para que a administración non se pronuncie en relación ao PXOM, desmentiu que por parte da admistración autonómica "non se queira informar" sobre o documento e que tan so concederon máis tempo "para que solucione os problemas" que ao entender do PP, ten o documento.

O Goberno municipal de Ponteareas vén de informar da ampliación do prazo para que a Xunta aprobe definitivamente o Plan Xeral de Ordenación Municipal (PXOM). Desde que se iniciou na Xunta de Galicia a revisión do documento urbanístico, aprobado provisionalmente polo Pleno o pasado mes de outubro, mantivéronse diferentes reunións entre responsabeis políticos e persoal técnico das dúas administracións.

O Goberno de Ponteareas aclarou que o recurso rexeitado polo TSXG nos últimos días en relación coa orde de demolicion do hipermercado Eroski "conleva que o Concello continue cos trámites para levar a cabo dita orde". O executivo que preside Xosé Represas lembrou que, no mes de outubro,o TSXG esixíu ao Concello "que iniciara os trámites dirixidos a garantir a demolición do Eroski no prazo dun ano", interpoñendo o goberno local un recurso pero iniciando, ao mesmo tempo, os trámites "xa que dito recurso non suspendía a obriga de tramitar a demolición".

Mos mantén unha tendencia á alza nas licencias urganisticas dende a aprobación do seu PXOM. A alcaldesa de Mos, Nidia Arévalo e o concelleiro de Urbanismo, Alberto Méndez, fixeron balance das licenzas xestionadas durante o pasado ano 2019. Os datos amosan unha progresión ascendente dende a aprobación do Plan Xeral no 2017, incrementándose no 2019 un 14,5 % respecto ás concedidas no ano 2018.

A conselleira de Medio Ambiente, Territorio e Vivenda da Xunta de Galicia, Ángeles Vázquez, e alcaldesa de Redondela, Digna Rivas, asinaron na mañá de hoxe o convenio de colaboración polo que o Goberno autonómico achegará un total de 253.746,90 euros para a redacción do novo Plan Xeral de Ordenación Municipal (PXOM) de Redondela. A achega da xunta suporá o 80% do orzamento base estimable para a elaboración do documento e farase efectiva de aquí ao ano 2023.

A alcaldesa de Redondela, Digna Rivas, vén de desmentir que o Concello de Redondela néguese a asinar coa Xunta de Galicia o convenio de financiamento para o PXOM e denuncia a pretensión da Xunta "de impoñer ao Concello de Redondela a sinatura dun convenio que, segundo os servizos técnicos e económicos municipais, non se axusta ao contrato adxudicado polo Concello á empresa redactora do documento".

O BNG, a través do seu concelleiro Roberto Mera, lamentou no Pleno celebrado onte “que PP e ACIP non aproveitaran a ocasión para cambiar a súa postura e poñerse do lado do goberno e da veciñanza apoiando o PXOM”. Mera bromeou acusando á oposición de “querer converter un acto administrativo de trámite nun drama e unha traxedia"

O Pleno do Concello de Ponteareas deu un novo paso na tramitación da aprobación definitiva do PXOM ao aprobar, cos votos en contra de PP e ACIP, os documentos solicitados pola Xunta de Galicia. Deste xeito o goberno dá resposta á Dirección Xeral de Urbanismo, quen detectara varios erros materiais e a ausencia dalgúns documentos que debían subsanarse mediante a intervención do Pleno.

O goberno local de Ponteareas amosouse optimista ante a tramitación da aprobación definitiva do PXOM por parte da Xunta. O alcalde Xosé Represas explicou que a Dirección Xeral de Urbanismo xa iniciou hai varias semanas a revisión do Plan aprobado en agosto e requiríu documentación ao Concello coa intención de aprobalo definitivamente no prazo de 3 meses.

O portavoz de Alternativa Ciudadana de Ponteareas, Juan Carlos González Carrera, asegurou hoxe que o PXOM deberá ir novamente a aprobación plenaria logo de que o Secretario Municipal "sinale no seu informe que o documento debe volver a aprobarse na súa totalidade e que non puido comprobar a documentación enviada".

O compromiso da Xunta de Galicia de tramitar a solicitude do financiamento “para que Redondela teña o Plan Xeral de Ordenación Municipal” feito pola directora xeral de Ordenación do Territorio e Urbanismo, Encarna Rivas ao PP de Redondela, foi acollido con reservas polo goberno local de Redondela que, entre outras cousas, denuncia a "deslealdade institucional" da Xunta ao facer este anuncio á portavoz do PP en lugar de comunicarllo ao Goberno local.

El Grupo Municipal del PP de Ponteareas lamentou hoxe que "o bipartito descoñeza que dende o ano 2008 pesa unha orde de derrubo sobre centro Eroski situado en Ponteareas". Os populares lembran que a situación foi notificada que el bipartito desconozca que desde el año 2008 pesa una orden de derribo sobre el centro Eroski situado en Ponteareas.

O PSOE de Ponteareas sinalou, a raíz da sentencia do Tribunal Superior de Xustiza de Galicia sobre a demolición do Eroski, que "urxe a aprobación definitiva do PXOM pola Xunta de Galicia" xa que esta, sinalan os socialistas ponteareáns "pode ser a primeira das moitas sentencias que caerán sobre o Concello se non se aproba o documento canto antes".

O Concello de Oia adxudicou de forma provisional o contrato administrativo de redacción do Plan Xeral de Ordenación Municipal (PXOM) á UTE Urben Consultores SL-Indultec Ingenieros, SLU, por un importe de 114.783,77 euros. O acordo adoptouse na sesión plenaria do pasado 5 de setembro, co voto a favor do Partido Popular e coa abstención dos grupos do PSOE e BNG.

O BNG de Ponteareas, a través do seu concelleiro Roberto Mera, salientou que coa aprobación do PXOM “poñemos fin a 17 anos de parálise urbanística provocada pola dereita” e acusou ao PP e ACIP de “antepoñer os seus intereses políticos aos de Ponteareas, opoñéndose ao PXOM e anunciando recursos xudiciais”.

O alcalde de Ponteareas, Xosé Represas, e a segunda tenente de alcalde, Chus Garrote, manifestaron a súa satisfacción pola aprobación do PXOM no pleno de onte e sinalaron que o novo Plan “marca o inicio dunha nova etapa de prosperidade para Ponteareas”.

O Partido Socialista de Ponteareas amosou a súa satisfacción pola aprobación provisional do PXOM que tivo lugar onte na sesión plenaria celebrada na Casa Consistorial ás 19:00 h, onde os socialistas deron o seu voto a favor. Este documento, sinala o PSdeG-PSOE "permite deixar atrás a nefasta política urbanística...

O concelleiro de Alternativa Ciudadana de Ponteareas, Luis Rodríguez Cerdeira, criticou hoxe que o Pleno de aprobación do PXOM "fora un alarde de falta de transparencia" ao interrumpir o alcalde, "en reiteradas ocasións a invervención do noso portavoz, Juan Carlos González Carrera".

O goberno municipal de Ponteareas lamentou o “ridículo espantoso protagonizado pola portavoz do PP, Belén Villar” ao denunciar unha suposta “grave irregularidade” na tramitación do PXOM argumentando que a aprobación das alegacións veciñais en 2016 debe ser agora revisado de oficio.

O alcalde de Ponteareas, Xosé Represas, convocará nos vindeiros días aos grupos políticos a unha comisión informativa na que se abordará o PXOM "adaptado ás esixencias da Xunta de Galicia" como paso previo a súa aprobación. Con esta convocatoria o goberno municipal enfila a fase final do PXOM para...