16.4 C
Pontevedra
Venres, 14 de Xuño de 2024
Máis
    HomeO CondadoPonteareasO PSOE de Ponteareas alerta á xunta "da urxencia de aprobar o...

    O PSOE de Ponteareas alerta á xunta “da urxencia de aprobar o PXOM”

    A sentencia do Eroski podería ser a primeira de moitas que caerán sobre o Concello de non aprobarse o documento urbanístico canto antes

    O PSOE de Ponteareas sinalou, a raíz da sentencia do Tribunal Superior de Xustiza de Galicia sobre a demolición do Eroski, que “urxe a aprobación definitiva do PXOM pola Xunta de Galicia” xa que esta, sinalan os socialistas ponteareáns “pode ser a primeira das moitas sentencias que caerán sobre o Concello se non se aproba o documento canto antes”.

    A demolición do supermercado Eroski ordeada polo TSXG, apunta o PSOE “suporá o pago dunha cuantía importante que sairá das arcas municipais”.

    Esta situación que se remonta á época na que a actual directora de Turismo de Galicia, Nava Castro, era alcaldesa de Ponteareas, “non fai senon confirmar o desastre urbanístico que durante décadas executou o PP en Ponteareas e que hoxe, teremos que pagar todos os veciños e veciñas da Vila”, apunta Alfonso Porto, presidente da Xestora do PSOE.

    En vista dos feitos, os socialistas de Ponteareas instan á edil do PP, Belén Villar, “para que se sume á petición feita polo PSOE e que a Xunta aprobe dunha vez o documento que que xa esta na Consellería”. Deste xeito, afirma Alfonso Porto, “en vez de facerse tanta foto con conselleiros para tratar de vender unha xestión política inexistente, a Sra. Villar debería, polos seus veciños e veciñas, facer forza co PSOE para que a Xunta entenda a urxencia de ter un plan xeral en Ponteareas”.

    Ao PSOE preocúpalle os postos de traballo que están nestes intres en risco e aos que dentro duns meses poden sumarse máis, xa que “ao non ter Plan Xeral en Ponteareas moitas empresas están nunha inseguridade xurídica que non é culpa de máis nadie que do PP e ACIP, partidos culpables da desfeita urbanística na nosa Vila”, sinala Porto.

    “Non contentos con todo o que fixeron, seguen a día de hoxe tratando de impedir a aprobación do tan necesario Plan Xeral”, conclúe o presidente da Xestora do PSOE en Ponteareas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.