24.5 C
Pontevedra
Venres, 19 de Xullo de 2024
Máis
    HomeVal MiñorNigránNigrán establece un servizo técnico para informar sobre o PXOM

    Nigrán establece un servizo técnico para informar sobre o PXOM

    O goberno de Nigrán remata o luns 25 en San Pedro a presentación parroquia a parroquia tras un mes con centos de asistentes a cada reunión

    O Concello de Nigrán establecerá desde o luns 25 de setembro ao venres 6 de outubro un servizo específico de atención a persoas interesadas en coñecer detalles concretos do documento previo do PXOM que se proporá para aprobación provisional. Este estará atendido polo propio arquitecto municipal e dous técnicos do departamento de 17:00 a 20:00 horas nas dependencias de Urbanismo mediante cita previa no 986383288 de 9:00 a 13:00 horas. O obxectivo é que todo aquel veciño/a que non puidera acudir ás reunións que desde inicios de mes o Concello está a facer en cada parroquia poida resolver as súas dúbidas de xeito certeiro acudindo aquí (onte foi o turno de Priegue con centos de asistentes no local do Torreiro, mañá xoves en Parada ás 20:30 e o luns 25 finalízanse as 7 parroquias ás 20:30 horas en San Pedro, no local de La Unión). Igualmente, e tamén en aras da máxima transparencia, o Concello ten pendurado o documento desde xullo na web municipal (portada> www.nigran.org).

    “Foi unha das demandas que se nos plantexou nestes encontros por parroquias e pareceunos moi pertinente establecelo para que a veciñanza reciba información de primeira man sobre o documento ao tempo que desconxestionamos o departamento de Urbanismo durante ás mañás”, explica o alcalde, Juan González, quen avanza que “se ampliará no tempo se seguise existindo demanda pasadas as dúas semanas”.

    Igualmente, e co obxectivo tamén de outorgalle a máxima transparencia, este mesmo documento será presentado nun Consello Sectorial que se convocará en outubro, órgano este que se reuníu por última vez no 2018 para abordar a proposta de modificación número 25 das Normas Subsidiarias (NNSS) que rexen o planeamento urbanístico do municipio dende 1991.

    Desde inicios de ano, todos os informes sectoriais son favorables e, como seguinte e derradeiro paso, o Concello enviou o 5 de maio á Xunta o ‘Estudo Ambiental Estratéxico’, trámite final para a súa aprobación provisional e que debe ter resposta nun prazo máximo de 3 meses, estimándose que se produza de xeito inminente e que sexa positiva ao dispor de todos os informes favorables.

    “É unha enorme tranquilidade e unha satisfacción ter rematados todos os ‘deberes’ do PXOM por parte do Concello. Moi pronto Nigrán contará cun plan urbanístico do século XXI que a maioría dos municipios aínda non teñen, isto é grazas á colaboración e sintonía destes anos coa AXI e os demáis organismos implicados”, finaliza González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.