8.7 C
Pontevedra
Xoves, 28 de Marzo de 2024
Máis
    HomeO CondadoPonteareasAmpliado o prazo para revisar e aprobar definitivamente o PXOM de Ponteareas

    Ampliado o prazo para revisar e aprobar definitivamente o PXOM de Ponteareas

    A Xunta debía tomar unha decisión antes do 13 de febreiro. A complexidade e volume do traballo e a necesidade de aclarar e unificar criterios de carácter técnico fan preciso contar con máis tempo para asegurar a aprobación definitiva do Plan Xeral de Ordenación Municipal

    O Goberno municipal de Ponteareas vén de informar da ampliación do prazo para que a Xunta aprobe definitivamente o Plan Xeral de Ordenación Municipal (PXOM). Desde que se iniciou na Xunta de Galicia a revisión do documento urbanístico, aprobado provisionalmente polo Pleno o pasado mes de outubro, mantivéronse diferentes reunións entre responsabeis políticos e persoal técnico das dúas administracións.

    A Xunta debía tomar unha decisión sobre o PXOM antes do 13 de febreiro, data na que conclúen os tres meses estipulados por lei, pero ambas as dúas administracións observaron que, dada a complexidade e volume do traballo e a necesidade de aclarar e unificar criterios de carácter técnico, era preciso contar con máis prazo para asegurar a aprobación definitiva do Plan.

    Para dispor dese tempo engadido o Concello cumpríu coa formalidade administrativa de solicitar á Xunta a ampliación do prazo para que os equipos técnicos das dúas administracións pechen os flecos que conducirán á aprobación definitiva do Plan no máis breve prazo posíbel.

    O Goberno local sinalou que “nas reunións mantidas nestes meses, as dúas administracións coincidimos na imperiosa necesidade de concluir este proceso que se iniciou en 2002 e a Xunta nos transmitíu a súa vontade inequívoca de aprobar o PXOM, por iso estamos traballando conxuntamente e con intensidade na revisión final do Plan e a previsión é que a apobación definitiva se produza nun prazo moi breve de tempo”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.