17.6 C
Pontevedra
Luns, 17 de Xuño de 2024
Máis
    HomeO CondadoPonteareasO BNG lamenta que "a oposición non se poña do lado da...

    O BNG lamenta que “a oposición non se poña do lado da veciñanza” na aprobación do PXOM

    Villar afirma que a dereita non aprobou o PXOM en 12 anos por culpa do BNG e PSOE e González Carrera responsabiliza a Mera da suspensión das normas en 2002

    O BNG, a través do seu concelleiro Roberto Mera, lamentou no Pleno celebrado onte “que PP e ACIP non aproveitaran a ocasión para cambiar a súa postura e poñerse do lado do goberno e da veciñanza apoiando o PXOM”. Mera bromeou acusando á oposición de “querer converter un acto administrativo de trámite nun drama e unha traxedia. PP e ACIP gobernaron 12 anos, foron incapaces de aprobar o PXOM, opuxéronse á aprobación en agosto e agora póñense histéricos por un suposto retraso de tres meses que nin sequera é certo”.

    O edil nacionalista retou a Villar e González Carrera a explicar por que motivo non foran capaces de aprobar en 12 anos o PXOM. González Carrera eludiu a resposta e Villar culpou ao BNG e PSOE, minoritarios neses doce anos, acusándoos de impedilo sen aclarar de que maneira. González Carrera tamén culpou a Mera de ser o responsable da decisión da Xunta en 2002 de suspender as normas urbanísticas, acusación á que o nacionalista respondeu negando que lle correspondese “ese mérito”, pero agradecendo ironicamente a González Carrera “o eloxio, que incluirei no meu currículo”.

    Por último, Mera volveu pedir a González Carrera e a Villar que asuman responsabilidades políticas pola suspensión das normas urbanísticas en 2002, pola anulación de licenzas como a do Eroski e por non aprobar o PXOM en 12 anos causando prexuízos económicos como o pago de 1.500 euros mensuais polo parque Ferro-Ucha.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.