19.9 C
Pontevedra
Sábado, 28 de Maio de 2022
Máis
    HomeVal MiñorNigránEsquerda Unida de Nigrán insiste na convocatoria do Consello do PXOM tralo...

    Esquerda Unida de Nigrán insiste na convocatoria do Consello do PXOM tralo informe desfavorable da Axencia Galega de Infraestruturas

    Entre outras cuestións, deberase xustificar o feito de non prever novas infraestruturas viarias ou o reforzo e mellora das existentes.

    Esquerda Unida de Nigrán vén de dar a coñecer que, segundo a documentación á que tivo acceso, o pasado 14 de xullo a Axencia Galega de Infraestruturas (AXI) informou desfavorablemente o PXOM de Nigrán, polo que deberá ser corrixido e sometido á Axencia novamente.

    Segundo EU, no documento “débense revisar deficiencias que presenta a cartografía e a falta de sinalización de aliñacións de edificacións nos planos”. En relación aos novos viarios, o informe sinala que, tendo en conta o incremento dos ámbitos de uso residencial, “deberase xustificar o feito de non prever novas infraestruturas viarias ou o reforzo e mellora das existentes”. Tamén se sinala que no caso de non preverse ditas actuacións en materia de infraestruturas “deberá reformularse a superficie dos ámbitos de uso residencial xerados”.

    Para o coordinador local de Esquerda Unida, José Cuevas, resulta estraño “que non se xustificara o feito de non prever novas infraestruturas viarias, xa que no cuarto trimestre do ano 2019 o Concello de Nigrán contratou adicionalmente á empresa redactora do PXOM a asistencia técnica para a análise das repercusións na mobilidade prevista no PXOM tras a eliminación do vial XUNQUEIRA-SAIANS. Este expediente, fiel á falta de transparencia que caracteriza a este goberno, é ocultado polo goberno municipal, incumprindo as leis de transparencia”.

    Neste punto, engade EU, “constátase unha contradición na documentación do PXOM, xa que a execución do viario de conexión Balsa-Saians-Porto do Molle segue aparecendo no estudo económico”.

    José Cuevas recorda que “xa pasaron mais de dous anos dende que se realizara unha nova cesión do contrato á empresa redactora e se anunciara que practicamente estaba feito cando se enviou a Patrimonio. Agora da a impresión que non se avanzou nada, pois a este informe desfavorable da AXI, únese o de Patrimonio, que debe ser remitido novamente para a súa avaliación, segundo o informe de decembro de 2019, do que se reportou previamente”.

    Esquerda Unida lémbralle ao Goberno de Nigrán que o PXOM “é un tema demasiado serio para o futuro deste municipio, polo que non basta con sacarse fotografías mirando planos, sino que cumpre convocar o Consello Sectorial do PXOM de Nigrán para informar a toda a veciñanza e clarificar o estado actual de tramitación do Plan Xeral de Ordenación Municipal”.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS