A concellería de Benestar Social e Igualdade, que dirixe Verónica Carrera, informa que ata o 20 de setembro estará aberto un prazo extraordinario de matriculación na escola infantil municipal na quenda de tarde para este curso 2019/2020. As familias poderán solicitar praza para as nenas e nenos con idade entre 3 meses e os 3 anos, é dicir, os nados a partires do 1 de xaneiro de 2017.
A
Escola Infantil Municipal de Ponteareas é unha escola de
integración, podendo solicitar praza as/os nenos con discapacidade
física, psíquica ou sensorial. Neste suposto poderase, logo da
valoración técnica, prorrogar a permanencia un ano máis, fóra dos
límites de idade.
Deberán ser entregados no Rexistro Xeral do Concello, debidamente cubertos, en horario de 9 h a 13 horas de luns a venres, achegando a documentación solicitada.
O
prazo extraordinario de presentación de solicitudes será dende o 9
ao 20 de setembro, ambos os dous incluídos.
O Boletín Oficial de Pontevedra publicou onte
luns o inicio do período de exposición pública do que será o
primeiro Regulamento Orgánico Municipal (ROM) do Concello de Salceda
de Caselas, que recolle diversos aspectos da organización municipal
como a composición dos grupos políticos, o desenrolo das sesións
plenarias ou o dereito de acceso á información por parte da
Corporación, entre outras cuestións.
Un dos puntos de maior importancia é sen dúbida o que recolle as normas de desenrolo das sesións plenarias, principalmente respecto da ordenación da intervención nos debates, así como nos tempos de intervencións, nas quendas de palabra e no número de mocións, rogos e preguntas que se poidan debater en cada sesión.
Trátase fundamentalmente de conseguir que as sesións sexan áxiles e operativas, garantindo en todo momento os dereitos democráticos dos concelleiros e concelleiras, e evitando os debates esaxeradamente longos que se veñen producindo nalgunhas ocasións, e que restan sen dúbida eficacia ao órgano máis importante do Concello: o Pleno.
No Caso de Salceda, o ROM recolle tamén a
creación do Consello de Participación Cidadá, que contará co seu
propio regulamento de funcionamento, garantindo así a participación
da veciñanza nas decisións adoptadas no seo do Concello.
O Regulamento foi aprobado inicialmente na sesión
plenaria do 30 de agosto cos votos a favor dos grupos de Goberno (MS
e PSOE) e os votos en contra do Partido Popular, e a partir de hoxe
conta con un prazo de exposición pública de 30 días onde tanto a
veciñanza como os colectivos e asociacións poderán achegar as súas
aportacións para proceder á aprobación definitiva do documento
unha vez rematado o prazo de alegacións.
Loli Castiñeira, Alcaldesa de Salceda, así como o resto do equipo de goberno (MS e PSOE) amosáronse satisfeitos por ter conseguido en tan pouco tempo de lexislatura un regulamento que beneficiará a todos e todas, e que incide na operatividade das sesións, cuestión moi demandada por diferentes foros.
Lamentou a alcaldesa que a aprobación inicial non se realizase por unanimidade da corporación, pero así mesmo amosouse convencida “que as aportacións que se realicen tanto dende a oposición como dende outros sectores serán feitas de xeito responsable para conseguir o mellor ROM para as necesidades de Salceda e a súa veciñanza”.
Todos os equipos do ‘Balonmán Porriño’ encabezados pola plantilla que xoga Liga Guerreras Iberdrola na máxima categoría feminina, participaron hoxe no acto de presentación no Concello que tivo lugar na praza Arquitecto Antonio Palacios. O acto contou coa asistencia de Eva García, alcaldesa de Porriño; David Alonso, concelleiro de Deportes, Lourdes Moure, tenente de alcalde e Abel Estévez, tamén concelleiro e presidente do ‘Balonmán Porriño’.
O
club exhibiu músculo coa presentación de todos os seus equipos en
categorías base e élite que contan con máis de 250 federados.
Abel Estévez agradeceu ós patrocinadores e as familias dos xogadores e xogadoras “o seu apoio e implicación” e “de xeito moi especial hoxe toca agradecer ó noso principal soporte que é Concello do Porriño “.
“Eva, David e Lourdes, moitas grazas pola vosa colaboración co deporte porriñés e particularmente co balonmán” dixo Estévez que engadiu que “dende que son presidente sempre tiven e sentí moito apoio do Concello e agardo que siga sendo así por moitísimos anos máis” e pidiu que “sigades puxando porque somos un referente deportivo en toda España posto que somos o único club que ten dous equipos na primeira e na segunda división feminina martes e sen vosa axuda non sería posible” rematou Abel Estévez.
Por
su parte Eva García lembrou “o que disfrutei o pasado sábado”
no primeiro partido de Liga Guerreras que Balonmán Porriño gañou.
A alcaldesa destacou que “é maravilloso ver como xogades” e
suliñou que “xa levades 9 anos na máxima categoría do balonmán
feminino e penso que haberá pouquísimos equipos en España que
poidan presumir desa xesta”.
“Coido
que nunca seremos quen de agradecervos dabondo que puxerades o nome
de Porriño tan alto no deporte de élite, moítisimas, moítisimas
grazas”, dixou a alcaldesa.
Eva García reivindicou que o alcume de ‘Concello do Deporte’. “Non foi improvisado senón que é producto do esforzo de moitos anos e outros alcaldes e concelleiros que tamén fixeron unha aposta decidida por apoiar o deporte base e ós nosos clubs como agora estamos a facer dende o goberno municipal que presido e que así seguiremos facendo nestes catro anos”, rematou.
Este
acto estivo preludiado por una unha xornada matinal de balonmán na
rúa. Ambas estaban incluídas na programación do Concello con
motivo das Festas do Cristo.
A Omix da Guarda vén de abrir o prazo de inscrición para os cursos de Ximnasia Sénior e Pilates que terán comezo no vindeiro mes de outubro. As persoas interesadas poden realizar a súa inscrición, ata esgotar as prazas, no teléfono 986 61 0000 ext. 7 ou no enderezo electrónico [email protected]
O Curso de Pilates terá lugar os martes e xoves en horario de 19:00 h a 20:00 h, cun custe de 28,50 € ao mes.
O Curso de Ximnasia Sénior terá lugar os mércores e venres en horario de 11:30 h a 12:15 h, para maiores de 65 anos, cun custe de 10 € ao mes.
O programa da Deputación de Pontevedra ‘Conectadas 2019’ continúa poñendo en marcha accións formativas dirixidas a empoderar ás mulleres da provincia mediante a formación. Deste xeito, desde este mércores, 405 mulleres pertencentes a asociacións de 18 concellos pontevedreses comezan 22 cursos.
En liñas xerais, a través desta iniciativa da institución provincial, está previsto que participen 4.000 mulleres de 53 concellos da provincia.
O mércores 11 de setembro comezarán seis cursos en asociacións dos concellos do Grove, Redondela, Salceda de Caselas e Vigo. No Grove terán lugar dous cursos, un de ‘Teatro’ , no que participarán as mulleres da Asociación Española contra o Cancro ata o 11 de decembro e en horario de 18:30 h a 21:00 horas, e outro de ‘Artesanía en Coiro’ no que participarán integrantes da Confraría de Pescadores San Martiño do Grove ata o 27 de novembro e en horario de 18:30 h a 21:00 horas tamén os mércores.
En Redondela tamén mañá comeza o curso de ‘Ioga’ dirixido á Asociación de Mulleres de Chapela Agarimo. Neste caso, o curso terá lugar todos os mércores de 17 h a 19 horas e ata o 15 de xaneiro.
Pola súa banda en Salceda de Caselas arrancarán mañá dous cursos de ‘Ioga’, nos que participarán integrantes da Asociación de Vecinos Carballeira-Picoña, e de ‘Pilates’, dirixido ás mulleres do Centro Cultural e Veciñal San Xurxo. O primeiro dos cursos terá lugar os mércores de 20 h a 21:30 h e os venres de 19 h a 20:30 h e rematará o 27 de novembro e o segundo dos cursos o mércores de 21:30 h a 22:30 h e os venres de 21:15 h a 22:15 h ata o 15 de xaneiro.
No caso de Vigo comezará mañá o ‘Obradoiro de Mindfulness’ no que participarán mulleres da Asociación veciñal Doutor Fleming. O curso desenvolverase os mércores de 10 a 12 e ata o 11 de decembro.
O xoves, 12 de setembro, comezarán catro cursos en asociacións dos concellos de Barro, A Guarda, O Porriño e Vilagarcía de Arousa. No primeiro concello terá lugar o obradoiro de ‘Iniciación ao Patchwork’ no que participarán integrantes da Asociación Peñaflor todos os xoves de 15.30 a 17.30 horas ata o 11 de decembro. Na Guarda, terá lugar un curso de ‘Risoterapia’ dirixido a mulleres da Asociación Érguete que se desenvolverá de 18.40 a 20.40 todos os xoves ata o 2 de xaneiro.
Pola súa banda no Porriño terá lugar un curso de ‘Artesanía en Coiro’ dirixido a mulleres da Asociación Cultural Os Penediños, todos os xoves de 19:30 h a 22:00 h horas e ata o 26 de decembro. Finalmente, e tamén o xoves, arrancará o curso de ‘Pilates’ no que participarán mulleres da Asociación Anduriña de Sobradelo de Vilagarcía ata o 30 de xaneiro e en horario de 18 h a 19:30 h.
O venres, 13 de setembro, comezarán nove cursos en asociacións de oito concellos da provincia: Caldas, Lalín, Mos, Oia, Ponteareas, Rodeiro, Vila de Cruces e Vilaboa. Así, en Caldas iniciarse o taller de ‘Artesanía en Coiro’ no que participarán mulleres da Asociación Santa Mariña todos os venres de 16 h a 19 horas ata o 20 de decembro. En Lalín mulleres da Asociación de Mulleres de Filgueira comezarán o curso de ‘Pintura’ que se estenderá ata o 18 de xaneiro en horario de 20 h a 22:00 h. No caso de Mos terá lugar un obradoiro de ‘Risoterapia’ no que participarán mulleres da Asociación As Pedriñas ata o 27 de decembro de 20:30 h a 23 horas.
Pola súa banda tamén o venres iníciase un curso de ‘Iniciación á Costura’ no que participarán mulleres da Asociación Santa Eugenia de Mougás de Oia ata o 27 de decembro e en horario de 18 a 20.30. No concello de Ponteareas, un grupo de mulleres da Asociación Casa Cultural de Bugarín comezan o curso de ‘Pintura’ que se estenderá ata o 27 de decembro en horario de 18 a 20.30. En Vila de Cruces arrancará ‘Ximnasia de Mantemento’ no que participarán todos os venres de 22 a 24 horas e ata o 17 de xaneiro un grupo de mulleres da Asociación de Mulleres Rurais de Loño. Amais en Vilaboa comezará ‘Iniciación ao patchwork’ con mulleres da Asociación de Veciños Santa Cristina ata o 21 de decembro e en horario de 19 a 21.30.
Finalmente en Rodeiro desenvolveranse dous cursos os venres nos que participarán mulleres da Asociación Virxe do Faro e Terras de Camba. No caso da primeira asociación comezarán o obradoiro de ‘Xardinería’, que se estenderá ata o 13 de decembro en horario de 17 h a 20 horas, e, a segunda asociación, fará o mesmo con ‘Risoterapia’ ata o 27 de decembro en horario de 16 h a 18:30 h os venres.
O sábado, 14 de setembro, comezarán tres cursos nos concellos da Estrada, Silleda e Vigo. Na Estrada terá lugar un obradoiro de ‘Sendeirismo’ no que participarán mulleres da Asociación de Veciños a Firgha da Somoza e se desenvolverá ata o 7 de decembro todos os sábados de 16 a 19 horas. En Silleda desenvolverse unha acción formativa de alfabetización dixital dirixida a mulleres da parroquia de Laro todos os sábados ata o 21 de decembro e en horario de 16 a 18.30 horas. Finalmente en Vigo terá lugar un obradoiro de ‘Sendeirismo’ que comezará o sábado e desenvolverse ata o 7 de decembro de 10 a 13 horas.
Nigrán acolle, nesta vindeira fin de semana, o segundo ‘Festival de Percusión Afrobrasileira «Apertuke»’, organizado pola Asociación de Percusionistas e Tamborileiros ‘Aperta’ coa colaboración do Concello de Nigrán e a Deputación de Pontevedra.
Durante dous días haberá concertos, batukadas, obradoiros infantís, pasarrúas, circo e animación de rúa, ademais dun obradoiro de percusión impartido por Antonio Monedero.
O sábado 14, durante a mañá se desenvolverá o obradoiro. Xa pola tarde e noite, actuarán Aperta, Trópico de Grelos, Os da Caña Batucada, Shambaiala, Konafro, Harapos Ensemble, Blue Monk e Stropharia Cubensis DJ. O festival contará tamén cun espazo de xogo infantil de Miudíño e a animación correrá a cargo de Jano Sen Medidas e Asaco Circo.
A programación continuará o domingo 15 a partir das 13:00 h, cun gran pasarrúas que percorrerá o paseo de Panxón con tódolos participantes no obradoiro do sábado.
Tódalas actividades, agás o obradoiro, son gratuítas e terán lugar no complexo deportivo municipal Dunas de Gaifar en Panxón. No recinto haberá barra, postos de comida e artesanía
Apertuke comenza cunha batucada veciña, Os Da Caña Batucada. Defínense a eles mesmos coma un grupo de amigos que levan saíndo ás rúas como batucada desde hai 7 anos. Tentando así facer gozar a toda as persoas que os seguen. Tocan tanto ritmos afrobrasileños como ritmos propios.
Konafro, aposta pola presenza feminina na música. Elas son sete mulleres galegas amantes da percusión e danza tradicional da costa oeste africana. Ritmos, danzas e cánticos faránnos fluír xuntas nun espectáculo cheo de enerxía que nos encamiñara cara a unha vibrante viaxe a mãe África.
Dende Madrid chega ao Apertuke outro grupo de percusión composto únicamente por mulleres: Shambaiala. A animación e a expresión coreográfica son parte esencial de Shambaiala, construíndo un singular espectáculo cheo de vitalidade e complicidade.
Chegada a noite faremos un cambio de estilo musical da man de Harapos Ensemble, formado por catro especímenes do Val Miñor. Os seus compoñentes veñen de tocar en grupos como Doctor Harapos, a Banda do Predicador… etc. Certo día decidiron xuntarse para tocar temas en clave de funk, rock pero sempre co obxectivo de facer mover os pés ao público e deixar que o son flúa polas súas veas.
Estamos encantados outro ano máis de recibir, dende Santiago de Comostela, a Trópico de Grelos. Poderiamos decir que esta batucada para nos é coma unha desas amizades de toda a vida. Con eles pasamos moi bos momento e procuramos telos sempre ben preto. Rematamos o festival cun clásico en Nigrán Blue Monk.
O espazo público de Dunas de Gaifar contará ademáis con obradoiros de percusión, espazos para xogos infantís con Miudiño e animación con Jano sen medidas e Asaco Circo.
Toda a programación e información do festival está dispoñible na súa páxina web www.apertuke.com
O Club Tenis Ponteareas entregou os trofeos do torneo de tenis, organizado en colaboración co concello de Ponteareas, e que este ano por vez primeira puido ampliar o seu horario ata a entrada da noite grazas á nova instalación lumínica con proxectores led.
O concelleiro de Mocidade, Miguel Bouzó, –en nome da concelleira de Deportes Nahir Covelo– e o alcalde de Ponteareas, Xosé Represas, participaron na entrega de premios que recibiron Alfonso Santos en absoluto masculino, María Táboas en absoluto feminino; Pablo Rodríguez en cadete masculino, Luca Vázquez en infantil masculino, Alfonso Santos en veteráns +35, Manuel Vázquez en veteráns +45, Óscar Fernández e Jaime Loureiro en dobres e Jacobo Vilas en absoluto non federado.
O Concello de Arbo vén de instalar dúas porterías novas, abatibles, no campo de Fútbol Municipal de Arbo para a práctica de fútbol 8. O feiro de que sexan elementos abatibles, favorece non só o mantemento do céspede senón tamén que facilita ao club a súa retirada cando a instalación sexa utilizada para fútbol 11.
Coa instalación destas porterías o Concello de Arbo facilita, en gran medida, “ás tarefas de adestramento dos diferentes equipo que utilizan a instalación, dando resposta as súas demandas”, sinala o goberno que preside Horacio Gil.
A instalación destas porterías forman parte do plan que desenvolve o Concello para mellorar as infraestruturas deportivas municipais. Nese sentido cómpre lembrar que en meses anteriores xa se dotou a cantina do campo de auga quente, colocáronse medidas de seguridade nas porterías e se están a realizar obras de mellora mellora nos vestiarios e no tellado do pavillón.
Axudas para o desenvolvemento de actividades deportivas
Doutra banda, o alcalde Horacio Gil, en representación do Concello de Arbo, vén de asinar o incremento dos convenios de colaboración coas distintas asociacións deportivas do municipio para o ano 2019.
Segundo os convenios asinados, ao Arbo C.F. correspóndenlle unha achega por importe de 9000 €; á Asociación Deportiva de Arbo ‘Equinos’, 1.000 € e ao Arbo Fútbol Sala 800 €. Tamén se formalizou un novo convenio coa Asociación Deportiva e Cultural Lamprebike Arbo 800 €.
O Concello, “cumpre así o seu compromiso co deporte, a través de dotacións de instalacións adecuadas a oferta de disciplinas que promoven distintas asociacións arbenses e con subvención para axudar a sufragar os gastos que estas actividades ocasionan”, conclúe o goberno local.
A Garda Civil reforzará a súa presenza nas quendas nocturnas na Guarda, segundo lle confirmou na mañá de hoxe o subtenente do posto guardés, Eulogio Rivas, ao tenente de alcalde, Anxo Baz, no decurso da reunión que mantiveron para tratar temas relativos á seguridade cidadá.
Baz e Rivas trataron tamén sobre a coordinación e comunicación directa entre Concello e Garda Civil de cara a unha maior eficacia. En datas próximas haberá unha nova reunión de seguimento para analizar as medidas adoptadas e o seu resultado.
Corenta alumnas e alumnos participaron nos cursos de español para inmigrantes organizados pola Deputación de Pontevedra que se clausuran hoxe en Pontevedra e Vigo. Estes cursos, que subvenciona integramente a institución provincial incluíndo o custe da matrícula do DELE, están encamiñados á preparación do alumnado para examinarse da proba DELE A2 (Diploma de Español como Lingua Estranxeira, nivel A2), un requisito indispensable para que logo poidan obter a nacionalidade española.
De feito, o Instituto Cervantes examinará ás e os participantes este vindeiro venres, 13 de setembro, no Centro de Linguas de Vigo.
Na clausura do curso, a deputada Ana Laura Iglesias desexou sorte cara ao futuro ao alumnado participante na última clase de repaso en Pontevedra antes da proba. Animoulles ao destacar que o pasado ano, das 45 persoas que se presentaron ao exame tras facer os cursos da Deputación, o superaron 44, “así que a media de aprobados é moi alta”, e subliñou a intención do Goberno de Carmela Silva de manter estes cursos nos vindeiros anos: “Oxalá podamos amplialos a máis xente”. Lembrou que a Deputación organiza este programa desde hai tres anos “porque sabemos que teñen un custe e as veces non se teñen os recursos necesarios, de xeito que é difícil chegar a eles”.
“
As mulleres foron maioría nos cursos que terminan e que agora se examinarán da proba DELE A2, requisito fundamental para obter a nacionalidade española
Neste senso, Iglesias sinalou que “as veces, a integración é complicada, pero desde a Deputación estamos moi comprometidos coa igualdade e a integración social, e por iso promovemos estes cursos para axudarvos a que podades aprobar este exame”.
As mulleres foron maioría en ámbolos
dous cursos en Pontevedra e Vigo. Por países de procedencia, no
primeiro caso a meirande parte proviñan de Marrocos, aínda que
tamén de Brasil, Rusia, Palestina e Ghana. En Vigo, a maior parte
dos participantes son de Senegal, seguidos dos de Marrocos, Brasil,
Rusia, Ucraína, Angola e Irán.
Amais, este mércores comezará en Vigo o terceiro e último curso programado para este ano, no que tomarán parte outros vinte alumnos e alumnas. En total para os tres cursos presentáronse en total 132 solicitudes cara ás 60 prazas existentes.
A Deputación destacou o 97,7% de aprobados do exame do pasado ano e considera estes resultados especialmente positivos, sobre todo tendo en conta que as persoas que se presentan en moitos casos tiveron que compatibilizar a formación e os estudos co seu traballo e en moitos casos cargas familiares sen apoio familiar. O alumnado que superou a proba DELE A2 pode, deste xeito, solicitar a nacionalidade española.
A través destas accións formativas a
Deputación da apoio á consecución desta titulación á poboación
de países ou territorios non hispanoparlantes, favorecendo o seu
proceso de integración. Os cursos son impartidos por persoal docente
do Centro de Linguas da Fundación Universidade de Vigo.
‘DeMostra’, festival organizado polo Concello de Mos e subvencionado pola Xunta de Galicia, persegue o obxectivo de revitalizar o municipio de Mos nunha única data chea de dinamismo, cargada de entusiasmo e actividades. Coas cales idéase aproximar a cultura urbana ás mozas e mozos mosenses, como tamén á poboación das localidades próximas que se achegue ata o evento.
O desenvolvemento do festival ‘DeMostra’ realizouse en horario de 11:00 horas a 23:00 horas, no contorno do Edificio Multiusos das Pozas. Esta localización facilita o ambiente distendido e permite tamén aproveitar as propias estruturas coas que conta o emprazamento ao seu ao redor, ligadas ás actividades que se realizarán.
Colaboraron coa dirección do evento organizacións e colectivos como “Vella Escola”, ‘Mohikane’ ou ‘Novalbos’, entre outros, que se encargaron de supervisar e impartir os distintos obradoiros que se sucederon ao longo do día capitaneados por expertos nas distintas disciplinas que se dividiron nas incribles modalidades de:street workout, grafiti, beatbox, breakdance, parkour e skate.
Celebráronse
por outra banda torneos de Basket 3X3, BMX e Scooter. As competicións
contaron con varias categorías e premios variados.
Os shows tamén tiveron cabida no II ‘DeMostra’ e consistiron en: Back to the Roots Break Show e Football Freestyle Show. Os concertos que amenizaron musicalmente a xornada foron os de Ando, Esos, Tempo, Luck e Invisivel.
‘DeMostra’ tivo tamén un stand informativo sobre as vantaxes do carné xove ofertado pola Xunta de Galicia e ABANCA, así como unha parte de concienciación medioambiental, no marco da campaña Separar con Xeito (da Dirección Xeral de Calidade Ambiental e Cambio Climático) que, en colaboración con Ecoembes, tiña a finalidade de fomentar prácticas responsables en torno á correcta separación e reciclaxe dos residuos domésticos. O punto informativo desta campaña de sensibilización instalouse en horario de 16:00 h a 19:00 horas.
Con
esta acción buscábase promover a economía circular a través da
reciclaxe dos residuos xerados no fogar e concienciar aos
asistentes da importancia da separación en orixe dos residuos
domésticos, en particular dos envases que se depositan no
contedor amarelo (envases de plástico, latas e briks) e o
contedor azul (envases de papel e cartón), para o coidado do
medio ambiente. Ademais da realización de actividades
formativas para tódolos veciños e veciñas que se achegaran a
coñecer de xeito máis axeitado o modelo da economía circular
e de peche do círculo dos residuos
domésticos, instaláronse puntos de reciclaxe para facilitar a
correcta separación dos residuos que se xeraron durante a xornada
nesa ubicación.
Nun comunicado de prensa remitido aos medios de comuncación, a Plataforma en Defensa do Pediatra Mondariz, Mondariz Balneario e Covelo quere poñer en coñecemento de “tódolos veciños, partidos políticos, asociacións e colectivos que apoiaron dende o primeiro momento a xusta reivindicación para que se cubrira con carácter permanente e horario completo a praza de pediatría en Mondariz, M.Balneario e Covelo, que por fin e dende esta semana, xa temos pediatra en Mondariz”.
“Foron dez meses de loita, –afirma a Plataforma– pero todo traballo e esforzo ten a súa recompensa, e somos conscientes de que temos a obriga de defender e loitar, por un servizo sanitario infantil próximo e de calidade, un ben tan necesario e fundamental para poder continuar e manter a nosa forma de vida, aquí no rural. Parabéns a todos!”
O Concello celebra a reposición permanente da praza de pediatra
Pola súa banda, o alcalde de Mondariz, Xosé Emilio Barros, amosou a súa satisfacción polo feito de que o centro de saúde de Mondariz “volva a contar cun médico especialista en Pediatría con praza fixa e horario completo despois de case dez meses de activa reclamación veciñal”.
Segundo Barros, “a recuperación deste servizo básico foi posible pola constante unidade e mobilización social, encabezada pola Plataforma pola Defensa do Servizo de Pediatría”. Ademais de recoñecer e agradecer a labor de presión desta plataforma de afectados de Mondariz, Mondariz-Balneario e Covelo, Barros destacou que a participación veciñal é a liña de acción política para mellorar os servizos públicos existentes e satisfacer as necesidades de carácter social da poboación.
A pediatra que ocupou
a praza, vacante dende o 7 de novembro de 2018, prestará servizo a
partir desta semana de luns a venres a uns 600 nenos, nenas e
adolescentes de Mondariz, Mondariz-Balneario e Covelo. De 9 a 11:30
atenderá no centro de saúde de Mondariz, e de 13 a 15 horas estará en
Covelo.
O concello de Ponteareas quixo hoxe aplaudir e expresar o seu agradecemento “a todas as persoas participantes que nesta última edición da Feira dos Remedios acudiron vestidos de galegos e galegas de principios do século XX facendo que cada vez sexan máis os que deixan no roupeiro o estilismo contemporáneo para ataviarse de acorde á ocasión”.
A tenente de alcalde e concelleira de Eventos, Cristina Fernández, salienta desta última edición “o incremento do número de participantes que acudíu vestidos de época” e a maior involucración do tecido comercial “que atrezou os escaparates, máis ca nunca, contribuíndo a ambientar as rúas e espazos urbanos”.
Nesta edición a Feira dos
Remedios levouse a máis recunchos da vila acollendo a praza da
Música a zona de xantar cun pulpeiro, entre outras ofertas
gastrónomicas, e o gando volveu ao seu punto de orixe no parque da
Feira Vella. “Con isto conseguimos que houbera máis tránsito e
fluxos de movementos de persoas deste xeito deuse máis visibilidade
aos comercios e hostalería local”, engadíu Cristina Fernández.
Pola súa banda, o concelleiro de Cultura e Lingua, Fernando Groba adianta que a Feira do Gando foi un dos puntos máis visitados “amosando o público un grande interese por coñecer as razas autóctonas de Galicia e polas demostracións do poni club coa exhibición de salto ateigando o xardín do IES Val do Tea e as do Club Hípico Char coa exhibición de andadura por Puraga, así como o monográfico ofrecido polo Club Can de Palleiro”.
Moito éxito tamén tivo a degustación gratuíta de carne ecolóxica de poldro ofredeu a Asociación de Criadores de Cabalos de Pura Raza Galega (Puraga) que esgotou as 120 hamburguesas que traían en menos de 30 minutos.
Outro dos atractivos da feira que tivo moi alta demanda foron os paseos en carruaxe de cabalos que todo o público puido desfrutar de balde e o photocall rexistrou máis visitas ca nunca e tirou máis fotos que en anteriores edicións. Todos os que pasaron por alí tiveron o dereito a participar no sorteo das cinco cestas de produtos artesáns que se agasallaron.
A Feira dos Remedios ofreceu
aos visitantes produtos artesáns de calidade e tamén de plataforma
de promoción dos grupos folclòricos participantes no XXXII Festival
Folclòrico que, tamén por vez primeira, se integrou na programación
da Feira.
A concelleira de Promoción Económica e Turismo, Eva Gil, asegura que a Feira dos Remedios “é unha plataforma de promoción dos produtos artesáns pondo tamén en valor os nosos produtos e produtores locais que tiveron a oportunidade de amosar a calidade dos cultivos da nosa terra”
“A Feira dos Remedios
contribúe á dinamización económica ao atraer xente de toda a área
metropolitana e veciños de Portugal que non só coñecen os produtos
vendidos polos artesáns se non tamén toman contacto co nosos
comercios, a nosa hostalería e os nosos grupos musicais”.
Cristina Fernández agradece tamén “o intenso traballo do persoal de todos os departamentos e a boa colaboración de todas as concellerías do concello”.
O AECT Rio Minho ten programado dende hoxe e ata o vindeiro venres máis dunha decena de visitas e encontros con axentes públicos e privados do territorio transfronteirizo para analizar os principais atrancos legais da mobilidade na fronteira galego portuguesa.
As reunións contarán coa presenza da experta xurídica da Comisión Europea nesta materia, María Gamayo, quen unha vez rematadas as xuntanzas elaborará un informe para entregar á institución Europea no que se recolla os obstáculos legais identificados, como pode ser o traslado de menores entre unha e outra beira do río Miño.
Entre as entidades
que participan no programa de visitas están os concellos e cámaras
municipais de Tui, Salvaterra, Tomiño, Monção, Valença e Vila
Nova de Cerveira; a Dirección Xeral de Mobilidade da Xunta de
Galicia; o CCDR-N; o Instituto da Mobilidade e dos Transportes
Terrestres de Portugal, e operadores de transportes e confederacións
de empresas de ambas marxes do río.
“
O estudo, promovido polo AECT Rio Minho a través da iniciativa da Comisión Europea B-Solutions, contará coa presenza da experta María Gamayo
Este estudo enmárcase dentro da iniciativa B-Solutions Boosting Minho River Cross–Border Mobility, proxecto para o que o AECT Rio Minho vén de recibir unha subvencións de 25.000 €.
B-Solutions é unha convocatoria para o financiamento de 20 micro proxectos piloto destinados a solventar as barreiras de carácter administrativo e legal que se verifican nas fronteiras en áreas como o emprego, a saúde, o transporte, o plurilingüismo e/ou cooperación institucional, e está orientada principalmente a entidades públicas, como é o caso do AECT Rio Minho.
As semanas previas ao inicio do curso escolar, o Concello de Mondariz concentrou os seus esforzos en mellorar as instalacións do CPI, un centro de educación infantil, primaria e secundaria no que estudian máis de 300 rapaces e rapazas de Mondariz e concellos veciños.
A dirección deste colexio público levaba tempo demandando obras de mantemento que non estaban recollidas no orzamento municipal vixente, conxelado desde 2017 porque nos dous últimos anos foi aprobado mediante o procedemento extraordinado da cuestión de confianza.
Á vista das deterioradas
infraestructuras, o goberno municipal emprendeu traballos de limpeza e
desbroce no recinto exterior, así como obras de mantemento na área de
fontanaría. Tamén se fixeron reparacións necesarias nos caleiros para
garantir unha óptima recollida de auga nos días de choiva.
Interiormente, pintáronse as paredes do salón de actos, da sala de
profesores e de diversas aulas e creouse unha rampla que facilita o
acceso á aula de psicomotricidade.
Esta actuación, que tivo
carácter de urxencia por non estar recollida no plan orzamentario,
demostra o compromiso do goberno municipal co ensino público e a vontade
de traballar por uns servizos públicos de calidade no Concello de
Mondariz.
Ao mesmo tempo, continuáronse as obras de instalación
dunha pasarela cuberta entre o edificio de educación infantil e a
entrada principal ás aulas de primaria e secundaria, financiadas o ano
pasado pola Deputación de Pontevedra, dentro do Plan Concellos.
A alcaldesa do Porriño, Eva García de la Torre reunirase o vindeiro xoves, 19 de setembro, en Madrid, con María Luisa Domínguez Gónzalez, directora xeral de Planificación e Proxectos do ADIF. A reunión en Madrid, segundo o Concello porriñés “froito das persistentes xestións ante o Ministerio de Fomento”, será un novo intento para dar forma a un convenio que posibilite executar o soterramento da vía férrea e eliminar o actual paso a nivel.
O Goberno Municipal de Porriño entende que ese futuro convenio debería ser participado polas catro administracións públicas –Estado, Xunta de Galicia, Deputación Provincial e o propio Concello– para asumir de xeito conxunto a financiación da obra.
Esta nova iniciativa do Concello do Porriño busca dar continuidade ás xestions realizadas hai un ano pola alcaldesa coa presidenta do ADIF, Isabel Pardo de Vera que citou a Eva García en Madrid. Naquela reunión, de data 31 de agosto de 2018, a presidenta do ADIF comprometeuse a retomar a proposta unánime dos grupos municipais e dos colectivos sociais e económicos de Porriño para suprimir o paso a nivel como evidenciouse na histórica manifestación do 1 de xuño dese ano.
O paso a nivel existe en Porriño dende 1948. A súa supresión é unha demanda histórica que se reforzou a partires do accidente de hai tres anos cando o Tren Celta descarrilou o que provocou catro mortos e preto de medio centenar de feridos.
Este ano, o Concello organiza para as Festas do Alivio unha exposición da fotógrafa tomiñesa Pily Reñones, que leva por título ‘Camiños Converxentes’. A mostra, que estará aberta ao público entre o 7 e o 30 de setembro no Mercado Municipal (1º andar), e foi inaugurada o pasado sábado ante numeroso público.
A
exposición consta de máis de sesenta retratos en branco e negro de
mulleres de Tomiño exercendo a súa profesión ou oficio, ou
desfrutando de momentos cotiáns, de reunión e ledicia. A fotógrafa,
que dedicou a maior parte da súa carreira a fotografías de vodas,
explicou que esta mostra retrata a mulleres de Tomiño; de distintas
idades e condicións, desenvolvendo os seus oficios en diferentes
espazos e épocas.
Pily Reñones foi nomeada aos premios Goya de Fotografía (da Asociación de fotógrafos profesionais de Zaragoza) pola fotografía ‘Holanda’, na que a autora retrata a unha ancián da localidade aurensá de Riós.
Recentemente,
o Concello celebrou unha homenaxe á fotógrafa, durante a cal esta
fixo entrega á alcaldesa de Tomiño dunha copia enmarcada da
devandita fotografía.
Mañá martes día 10 de setembro de 2019 o tenente de alcalde do Concello da Guarda, Anxo Baz, manterá unha reunión co subtenente do Posto da Guarda Civil da Guarda, Elogio Rivas, para entre outros temas, tratar o recente incremento de furtos en establecementos comerciais na vila.
Deste
xeito, Anxo Baz pedirá novamente un operativo de seguridade cidadán,
para coordinar os corpos de seguridade de cara restaurar a
tranquilidade e seguridade habitual da nosa vila.
“A Guarda é un pobo tranquilo e seguro polo que precisamos tomar medidas en momentos puntuais coma este para garantir que o siga sendo e frear a acumulación de feitos delituosos.
Os medios informativos de Castela-León dedicaron, durante toda a semana detalles sobre a alfombra floral que a Asociación de Alfombristas do Corpus Christi de Ponteareas ía a realizar na Praza Maior da capital castelá para o paso da Virxe de San Lorenzo. Esa cobertura informativa fixo que, durante toda a mañá de onte, milleiros de persoas achegásense a admirala e a felicitar polo seu traballo aos membros da delegación de Ponteareas alí presentes.
A Asociación de Alfombristas do Corpus Christi e de Ponteareas foi convidada, polo Concello de Valladolid, para participar na festa da Virxe de San Lorenzo, motivo polo que membros da Asociación viaxaron o día 7 de setembro a Valladolid para confeccionar, xunto cos alfombristas que alí traballan, unha alfombra de 200 m2 situada no tramo central como lugar de honra.
O motivo central da alfombra que fixeron os e as alfombristas de Ponteareas, representa un Pavo Real, admirado e moi valorado por todos os valisoletanos que se achegaron a vela. Un pavo real como os que ven no Campo Grande xa que, no 2020, cúmprense noventa anos desde que dona Isabel Aranguren, viúva de Zuazagoitia, regalou ao Concello valisoletano dous exemplares desta especie, descoñecida ata entón na meseta castelá.
Hoxe en día, ninguén é capaz de imaxinarse o Campo Grande sen os seus pavos reais. Estas maxestosas aves lograron asociarse de tal maneira co parque máis representativo de Valladolid que, sen querelo, xa son un dos emblemas inseparables tanto do xardín como da propia capital vallisoletana.
A Asociación de Alfombristas do Corpus Christi de Ponteareas quería pois unir “algo tan representativo dos vallisoletanos con algo tan noso como son a nosa alfombras de Flores”.
Asociación de Alfombristas Do Corpus Christi de Ponteareas quixo facer chegar o seu agradecemento “ao Concello de Valladolid, á Fundación Municipal de Cultura que dirixe Ana María Redondo García, ao seu equipo, e moi especialmente a José Antonio González Gerbolés, o facer posible que puidésemos ofrece á Virxe de San Lorenzo, a nosa alfombra de Flores”.
O portavoz de Alternativa Ciudadana de Ponteareas (ACiP), Juan Carlos González Carrera, lamentou hoxe a “falta de previsión por parte do gobierno Municipal” e a “mala imaxe” que se deu onte na Procesión dos Remedios, un acto que, asegura González Carrera “é un aliciente para visitantes que baixan da Franqueira, xa que coinciden no mesmo día”.
Segundo os independentes ponteareáns, a procesión “estivo a punto de no poder realizarse ante a falta de Policía Local”. Juan Carlos González asegura que a procesión atopouse “tráfico sen cortar, vehículos estacionados e, o máis graves, o escenario da orquestra ocupando a metade da rúa fronte a Igrexa parroquial de San Miguel, o que impedía o paso da procesión”.
Dito palco, sinala ACiP, habitualmente móntase “en coordinación coa policía local ao remate dos actos relixiosos”. Esta situación reflicte, di González Carrera, “falta de respecto a algunas tradicións que non lles interesan” e lembra que, “gobernar para todos é respectar a todos”.
Estes actos, subliña o portavoz de Alternativa Ciudadana de Ponteareas “figuran no programa de festas e deben ser respectados como elemento tradicional y con arraigo no Concello”.
O Concello ten a obriga de colaborar con calquera evento “e evitar, como foi este caso, poñer en perigo a seguridade dos e das participantes ao ter o tráfico aberto en varias rúas e non dispoñer de Policía Local”.
O Arbo Club de Fútbol proclamouse vencedor da trixésimo sexta edición do triangular de fútbol ‘Vila de Arbo, disputado nas instalacións do campo municipal da vila cunha nutrida afluencia de espectadores.
Neste torneo triangular, participaron ademáis do equipo de Arbo, a S.D. Castelo e o San Juan de Rubiós. O evento, un dos máis singulares a nivel deportivo do verano, pecha o verán cultural organizado polo Concello de Arbo para o ano 2019
O acto de clausura e entrega de trofeos estivo presidido o alcalde do Concello de Arbo, Horacio Gil a quen acompañaban a concelleira de Deportes e a presidenta do Arbo C.F.
O alcalde de Arbo, Horacio Gil, que foi durante anos concelleiro de Deportes e tamén presidente do Arbo C.F, felicitou os gañadores e agradeceu o Arbo C.F. “a súa colaboración na organización deste evento”.
O rexedor local subliñou a colaboración do Concello “con todas as asociacións para fomentar o deporte entre os máis novos e axudar a que as actividades deportivas sexan una importante alternativa de ocio”.
Nesa liña, o Concello de Arbo vén de dotar ao ao campo de fútbol municipal con dúas porterías de Fútbol 7, amais de asinar un convenio de colaboración polo que fai unha achega de 9.000 €. ao Arbo C.F. para o 2019
“Agradecemos ao PSOE as suas suxestións que compartimos plenamente e teranse en conta no caso de que os informes xurídicos que solicitei o permitan”. O alcalde de Ponteareas, Xosé Represas, contestaba así ao PSdeG-PSOE sobre as medidas a adoptar sobre un traballador municipal que ten unha orde cautelar de afastamento da súa exmuller, agora tamén contratada polo concello ponteareán.
Xosé Represas é claro ao sinalar que “coincidimos co PSOE en que hai que tomar as medidas necesarias para xestionar esta situacion que é excepcional e inédita porque nunca antes ocurrira, nin nos consta que ocurrise noutros concellos”.
En todo caso, o rexedor local ponteareán é claro ao afirmar, con rotundidade, que “o goberno que presido non actúa en base a rumores aínda que algúns partidos o fagan. Neste tema ademais debe actuarse en base á legalidade e non a criterios políticos ou ao que nos gustaría máis ou menos”.
O alcalde, que xa solicitou informes xurídicos, tamén requiriu os informes do Centro de Información á Muller (CIM) e non dubidou en asegurar que “actuaremos e ademais serviranos para ter un protocolo cando se dea unha situación igual. Desde o inicio tomouse a medida principal que consistía en garantir o cumprimento da orde de afastamento entre dous traballadores. Se proceden outras medidas verase conforme a lei e os informes”.
Remataba o rexedor local ponteareán agradecendo “a preocupación do PSOE que comparto” e ao mesmo tempo facía un chamamento “a todos os partidos e sindicatos a non facer política con este asunto”.
A vindeira semana, o Concello de Redondela publicará na Plataforma de Contratación do Sector Público o anuncio de licitación para a adxudicación das obras de Conservación e mantemento do cemiterio de Eidos, unha obra que figuraba como un dos puntos claves no programa de goberno do executivo que preside Digna Rivas e sobre a que, o pasado mandato, o grupo socialista tiña presentadas diversas mocións plenarias.
O proxecto, redactado polo arquitecto Ángel Santorio, conta con informe favorable dos servizos técnicos municipais dende agosto de 2018 e coa correspondente autorización de Patrimonio de abril de 2018.
A obra trata de recuperar e por en valor o espacio do Cemiterio de Eidos para conseguir unha total rehabilitación do recinto mediante actuacións que se cetran en resolver as problemáticas apreciadas nos diferentes elemento que o configuran, dende os muros exteriores que o delimitan, pavimentos interiores, zonas axardinadas, peches, elementos ornamentais, instalacións e servizos urbanos, así como favorecer a accesibilidade universal mediante a realización de actuacións na súa totalidade.
Trátase dun proxecto cofinanciado polo Fondo Europeo mediante o Programa Operativo Feder de crecemento sostible 2014-2020 e dentro da liña de actuación 22, Recuperación, rehabilitación e mellora do Patrimonio Histórico e Cultural.
As obras do cemiterio de Eidos “é outro expediente que se mantiña incomprensiblemente paralizado polo anterior goberno do PP”, sinala o Concello redondelán. “Durante un período de tempo superior a un ano, non se procedeu a realizar ningún tramite nese expediente que foi rematado pola alcaldesa Digna Rivas, nada máis entrar no goberno, asinando unha resolución de aprobación o 17 de xullo de 2019” puntualiza o Goberno local redondelán.
Durante
os meses de xullo e agosto deuse trámite ao resto das actuación
preceptivas do expediente, redactándose os correspondentes pregos e
elaboráronse os informes de intervención e secretaría, entre
outros.
O
prazo para presentar ofertas polas empresas interesadas será de 20
días, unha vez rematado este prazo deberá realizarse a
correspondente mesa de contratación, polo que estimadamente as obras
poderán dar comezo no prazo de dous meses.
Centro social e recreativo de Quintela
Outra das obras que comezarán proximamente son as de instalación do centro social e recreativo nos terreos cedidos por ADIF-AV en Quintela, adxudicado por resolución do anterior alcalde en xuño de 2019 e no que faltaba realizar a contratación do servizo de coordinación de seguridade e saúde e o servizo de dirección de obra, que foi adxudicado mediante contrato menor aprobado por resolución da alcaldesa de data 22 de agosto de 2019.
Esta era unha obra demandada, dende hai anos, polos veciños e veciñas da parroquia de Quintela que non contan cun lugar de reunión onde xestionar a súa programación cultural e deportiva e realizar distintos eventos.
No tocante ás obras da pista de atletismo, o Goberno local subliña que “non se trataba máis que dunha promesa electoral do partido popular” xa que, aclaran, “non existe expediente de inicio nin consignación orzamentaria para este proxecto, existindo únicamente un levantamento topográfico realizado sobre ditos terreos”.
O Goberno local de Redondela, de cara a cumprir co seu compromiso de transparencia e manter informada á cidadanía, creará unha lista de tódolos expedientes de contratación en procedemento indicando os trámites pendentes ata a súa finalización.
O Centro Social de Mondariz acolle este próximo mércores, 11 de setembro, ás 17:00 horas unha nova actividade sociocultural dirixida á un grupo de máis de 60 persoas usuarias e acompañantes do servizo de teleasistencia domiciliaria dos concellos de Mondariz, A Cañiza, Crecente, Covelo e Mondariz Balneario.
O obxectivo desta iniciativa, promovida cada ano pola Deputación, é favorecer as capacidades cognitivas das persoas maiores, o contacto social e previr situacións de illamento e soidade a través da música.
Tras os talleres de memoria postos en marcha en 2018, este ano as actividades centraranse na estimulación mediante a música e o xogo e está prevista a realización de 12 actividades deste tipo entre os meses de marzo e outubro.
Na actualidade, o servizo de teleasistencia domiciliaria da Deputación de Pontevedra atende a un total de 626 persoas de 46 concellos da provincia de menos de 20.000 habitantes.
Trátase dun servizo que permite, a persoas de avanzada idade ou con algún tipo de diversidade funcional, manter a súa independencia e continuar vivindo no seu domicilio con tranquilidade e seguridade, coa consecuente mellora na súa calidade de vida.
“
O servizo de teleasistencia domiciliaria da Deputación atende este ano a un total de 626 persoas de 46 concellos da provincia de menos de 20.000 habitantes
Ante unha situación de emerxencia no fogar, con só pulsar un botón, dáselle resposta inmediata ás persoas usuarias, as 24 horas ao día os 365 días do ano, mobilizando os recursos necesarios para solucionar a incidencia.
O servizo de teleasistencia domiciliaria como fórmula para manter a calidade de vida das persoas maiores, é unha iniciativa importante, especialmente, nas zonas rurais máis illadas, xa que permite ás persoas usuarias estar conectadas permanentemente cos servizos sociais e de saúde.
Para os casos de especial vulnerabilidade, o servizo dispón de Unidades de Control Remoto, con detector de movemento, que envía unha alarma no caso de que non detecte movemento da persoa usuaria en doce horas.
O pasado vernres o Concello de Tui fixo entrega dos corenta e un primeiros composteiros individuais de exterior, COINEX, e un aireador, que reparte o Concello de Tui dentro do plan Revitaliza da Deputación de Pontevedra, entre aqueles veciños que así o solicitaron.
No acto de entrega dos composteiros, –que tivo lugar no Centro de Formación de Guillarei e na que participaron o alcalde, Enrique Cabaleiro, e o concelleiro de Medio Ambiente, Ismael Diz– os veciños e veciñas beneficiarios recibiron unha charla sobre o uso do composteiro a cargo da mestra composteira.
“
Ao abeiro do Plan Revitaliza distribuiranse un total de 81 COINEX
Nas próximas semanas realizarase unha segunda
entrega até completar o total de 81 composteiros dispoñibles. Unha
vez superarada esta cifra crearase unha lista de agarda cos novas
solicitudes que se vaian recibindo.
Estes composteiros están destinados a espazos de horta e xardín, son sinxelos de instalar, teñen unha estética axeitada, permiten controlar as condicións de humidade e temperatura e permiten obter compost entre seis meses e un ano.
Durante os dous primeiros anos levarase a cabo un
labor de supervisión do emprego correcto do composteiro.
O Concello de Nigrán, que tiña asinado un convenio coa Xunta de Galicia en virtude do que Seaga faríase cargo, subsidiariamente, “da limpeza das fincas con propietarios descoñecido e que presenten gran perigosidade”, vén de acoller con sorpresa o feito de que a administración autonómica non considere ao municipio “concello prioritario na loita contra o lume”.
A comunicación da Xunta é, cando menos, estraña se se ten en conta que parroquias como Chandebrito –con dúas persoas mortas no incendio– so puido salvar do lume dúas hectáreas dun total arborado de 232 hectáreas, mentres que en Camos, de 370 hectareas de montes comunais, tan só puideronse salvar 20.
En todo caso, e consciente deste feito e para non volver a pasar por unha situación semellante, o Concello de Nigrán procedeu a contrar “de xeito inmediato” a unha empresa, Arbogal, para desbrozar e limpar 27 parcelas con propietarios descoñecidos e que presentan gran perigosoidade. En total trátanse de 29.984,6 m² cun coste de 16.214 € “que terán que pagar os veciños e veciñas de Nigrán ante a negativa da Xunta de Galicia a executar o convenio acordado con Nigrán”, recalca o alcalde Juan González.
Postos a tirar de Lei, o Concello de Nigrán lembra que a 3/2007, de 9 de abril, de prevención e defensa contra os incendios forestais, e as súas modificacións indican que “Cando non poida determinarse a identidade da persoa responsable da xestión da biomasa vexetal e retirada de especies arbóreas prohibidas ou resulte infrutuosa a notificación da comunicación á que se refire o número anterior, esta efectuarase mediante un anuncio no Boletín Oficial del Estado e no Diario Oficial de Galicia, no que se incluirán os datos catastrais da parcela”.
“
A Xunta de Galicia comunicou ao Concello de Nigrán que “non é un municipio prioritario na loita contra os incendios e polo tanto imposiblita que Seaga se encargue da limpeza de parcelas de titularidade descoñecida
Estos pasos, explica o executivo local, están xa dados por parte da do Concello que considera “urxente e necesario actuar para evitar calquera desgracia e lamenta o retraso provocado pola negativa da Xunta de Galicia a asumir estas limpezas, como sí fai en outros concellos”
Doutra banda a norma sinala, claramente, que transcorridos os prazos sinalados neste artigo sen que a persoa responsable xestione a biomasa ou retire as especies arbóreas prohibidas, “a Administración pública competente poderá proceder á execución subsidiaria, atendendo ás necesidades de defensa contra os incendios forestais, especialmente respecto da seguridade nas zonas de interface urbano-forestalde montes, ou norma que a substituta, sen prexuízo da repercusión dos costos da xestión da biomasa á persoa responsable”.
“É unha evidencia que Nigrán xa leva catro anos sen ser unha prioridade para a Xunta de Galicia e empezamos a constatar que así seguiremos nos seguintes catro, sexa como sexa para o goberno de Nigrán si é imprescindible proceder de xeito inmediato á limpeza e desbroce de parcelas que supoñen un posible risco para nosos cidadáns. Con esta contratación levaremos a cabo o desbroce de 30.000 m2 nas diversas parroquias de Nigrán cun coste de 16.214 € que intentarase repercutir nos propietarios das parcelas”, declara Juan González.
No Pleno da Corporación Municipal de Redondela do pasado venres, a oposición –PP e BNG– “aliouse” para incrementar o gasto en asignacións aos grupos políticos fronte a proposta do Goberno local de manter as asignacións do mandato anterior. O acordo acadado supón que as arcas municipais van ter que destinar 90.000 euros máis no conxunto do mandato por este concepto, un 130 % de incremento respecto da anterior.
A proposta do Goberno, de manter a proposta de AER que deixaba as asignacións tal e como estaban no mandato anterior para que non supuxeran unha maior carga á economía local, foi rexeitada con 11 votos contrarios: 9 votos do PP e os 2 do BNG –entre ámbolos dous teñen maioría absoluta– fronte a 10 votos favorables do Goberno local –7 do PSdG e 3 de AER–. Nese mesmo momento o BNG presentou a súa proposta e, tanto o Interventor coma o Secretario do Concello “manifestaron que serían necesarios informes técnicos previos”.
AER asegurou “non entender” que BNG e PP “non fagan caso ás advertencias do Secretario e do Interventor do Concello” e lamentan que, a pesar do reparo feito no propio pleno polo máximo funcionario do Concello, “a oposición levase adiante e votase unha proposta sen contar cos informes técnicos necesarios”.
“
AER lembra que, co novo Regulamento en vigor, tódolos Grupos deberán devolver cada ano aqueles cartos recibidos e non xustificados debidamente
O PP, o máis beneficiado
Coa proposta do BNG aprobada pola posición, o PP contará con 57.600 euros para o conxunto do mandato (14.400 euros ao ano) fronte aos 21.600 euros no caso que se continuara coa proposta de AER aprobada no anterior mandato. Para o PP supón un aumento na súa asignación dun 166 %. Pola súa banda, o BNG practicamente duplica a súa asignación, de 13.200 a 24.000 euros.
A Agrupación de Electores de Redondela lembra que “sempre puxo moito empeño en que os cartos públicos destinados a subvencionar a actividade política estivesen absolutamente xustificados”. De feito, lembra a formación asamblearia, “fomos quen de devolver cada 4 anos os cartos non gastados na actividade escrupulosamente xustificada pola actividade dos Grupos Municipais”.
Froito deste empeño “e a instancias de AER”, sinalan, “foi aprobado un Regulamento para este concepto polo cal, en cada exercicio natural, os Grupos Municipais deberán devolver aqueles cartos que non fosen xustificados. O que era un exercicio voluntario de AER, agora é norma que obriga a todos”. “AER vai estar vixiante para que este regulamento se cumpra de xeito rigoroso”, apunta a formación independente.
Asignacións para Grupos Municipais, non para Partidos
A proposta aprobada é a que regula
as asignacións que o Concello fai aos Grupos Municipais con
representación política. Estas achegas teñen que ser xustificadas
cos gastos que cada Grupo teña no desenvolvemento da súa actividade
dentro do funcionamento municipal, ben coma grupo de goberno, ben
coma grupo de oposición. A natureza de gastos serán os chamados
gastos correntes (impresións, material de oficina, etc.) do Grupo
Municipal, non sendo xustificables investimentos (compras de
ordenadores, etc.).
“O que non está permitido no regulamento –insiste AER– é destinar estas achegas a financiar os Partidos Políticos, os cales por lei teñen outras formas de financiamento”. É dicir, que un Grupo Municipal “non pode utilizar estas asignacións, por exemplo, para pagar o aluguer dunha sede permanente fóra do Concello. Ese sería un gasto do partido político, pero nunca do Grupo Municipal”, recalca AER.
A concellería de Ensino, que
dirixe a tenente de alcalde Cristina Fernández, informa que xa están
publicadas no Boletín Oficial da Provincia as bases das axudas para
libros e material escolar para o curso 2019/2020 destinadas ao
alumnado matriculado en educación infantil (4º, 5º e 6ª), FP
básica, ciclos formativos e bacharelato.
O prazo de admisión de
solicitudes finalizará o 30 de setembro de 2019 estando destinadas a
familias con ingresos limitados. Un total de 21.000€ para as
familias empadroadas no Concello de Ponteareas que teñan menores ao
seu cargo, matriculados para o curso escolar 2019/2020 nalgún centro
de ensino de Ponteareas en Educación Infantil (4º, 5º e 6º), FP
Básica, Ciclos Formativos e Bacharelato, ou noutra localidade no
caso de CF ou Bacharelato, para axudas de libros de texto e material
escolar e que non dispoñan de ningunha outra axuda de organismo
público.
As bases e impresos de solicitude poden consultarse na páxina web do concello na pestaña Ensino / convocatoria axudas ou nesta ligazón.
Por quinto ano consecutivo a
concelleira de Ensino colabora coas familias aportando un apoio máis
que garanta o acceso a un ensino público de calidade e que acurte as
diferencias sociais e garanta a igualdade de oportunidades.
O Pleno do Concello de Oia aprobou definitivamenteo Orzamento para o ano 2019, cos votos a favor do Partido Popular e os votos en contra dos grupos da oposición, por un importe de 1.683.887,76 euros, o que supón un incremento dun 13 % respecto do orzamento prorrogado de 2017, que foi de 1.488.430,53 €.
A alcaldesa, Cristina Correa, explicou que despois da aprobación inicial do Orzamento no primeiro Pleno ordinario celebrado o pasado 26 de xullo, expúxose ao público durante 15 días hábiles e tras a presentación de alegacións presentadas polos membros integrantes dos grupos da oposición, a Secretaría-Intervención considerou que esas alegacións non procedían.
Polo tanto, neste Pleno extraordinario se desestimaron e agora, tal e como recolle a Lei de Facendas Locais, se publicará no Boletín Oficial da Provincia para a súa entrada en vigor.
No orzamento do 2019 respecto do prorrogado de 2017, incrementáronse os gastos destinados a Servizos Sociais de Atención Primaria nun 67 %, correspondente principalmente ao incremento de horas de axuda no fogar que permite atender no seu domicilio a cidadáns en situación de dependencia.
Por
outra parte, neste Orzamento xa aparecen as novas consignacións
anuais dos Contratos de Axuda no Fogar e de Limpeza de edificios
públicos, que foron licitados este ano, así como o incremento de
coste da recollida e tratamento de lixo, para atender a xestión dos
voluminosos e do cartón.
Se
contempla no Capítulo de inversión entre outros conceptos a
aportación municipal ao IDAE (melloras en iluminación), Plan Marco
(mellora de camiños), á Rehabilitación das antigas vivendas dos
Mestres de Loureza, á mellora do pavimento do pavillón e ó Paso de
auga do Camiño de Xigente.
Mellora servizos de atención ao cidadán adaptándose ás novas tecnoloxías para facelos máis eficientes e ofrecer máis servizos online aos veciños, como é a aplicación Liña Verde (para comunicación de incidencias) ou a aplicación Tokapp, para manter informada á cidadanía.
O PSdeG-PSOE de Ponteareas, nun escrito remitido aos medios de comunicación, cualifica de “auténtica imprucendia e falta de rigor por parte dun medio de comunicación, mencionar aspectos tan sensibles e privados como os centros de traballo das mulleres contratadas vítimas de violencia machista”.
A reunión mantida non día de onte entre Goberno e oposición, serviu para aclarar que as afirmacións feitas por un medio de comunicación acerca da contratación de once mulleres víctimas de violencia machista “non eran verdade”. Sinalan os socialistas.
PSdeG-PSOE de Ponteareas saiu aclarou quenon é certo que haxa unha sentencia firme sobre o traballador municipal que se menciona no medio, senon que o que existe é unha medida cautelar de afastamento.
“O mesmo medio, –continua o grupo municipal socialista de Ponteareas– afirma que unha das mulleres contratadas, suposta vítima do presunto agresor, se atopa baixo a dirección deste, o que resulta ser completamente falso”.
O PSOE considera que este tema é o suficientemente sensible “como para exisirlle ao medio de comunicación unha rectificación inmediata”. Do mesmo xeito “consideramos que é unha auténtica imprudencia e falta de rigor por parte do medio o mencionar aspectos tan sensibles e privados como os centros de traballo das mulleres contratadas”, apuntan o grupo socialista.
Por outra banda, o PSOE quere sinalar que cando aos concelleiros socialistas lles chegaron rumores da posible designación do responsable para unha parte das mulleres víctimas de violencia machista, sobre o que pesa unha medida cautelar de afastamento por violencia machista, falaron inmediatamente co Alcalde “para que tomara conta da situación e adoptase as medidas que considerase oportunas”.
“Tras a marcha do alcalde e non tendo os concelleiros constancia da reversión da situación, deciden convocar unha reunión coa alcaldesa en funcions, Cristina Fernández, e coa concelleira de igualdade, Verónica Carrera, área dende a que se tramitou a subvención da contratación”, sinala o PSOE.
Nesa reunión, e sempre segundo o PSdeG-PSOE de Ponteareas, “os concelleiros e concelleiras socialistas novamente manifestan a necesidade de non facer o nomeanento do responsable previsto, considerando que ademais de ser isto o que corresponde ética e moralmente, é ademais unha medida prudente e que beneficia tamén ao traballador evitándolle unha situación desafortunada como a qué se está a producir nestes intres”.
“Así o manifesta tamén o propio traballador no escrito enviado ao Alcalde no que solicita que se tomen as medidas necesarias para poder desenvolver o seu traballo e cumprir coas obrigas legais da medida cautelar”, apunta o PSOE.
O PSOE remata sinalando que “apoia e apoiará todas as medidas que sexan precisas para protexer os dereitos das mulleres víctimas de violencia machista e non perxudicar a ninguén, non so nunha declaración de intencións senon con feitos nas suas responsabilidades de goberno”.
O alcalde de Nigrán, Juan González, e o Presidente de Afaga Alzheimer, Juan Carlos Rodríguez mantiveron onte unha reunión no Concello de Nigrán na que se revisou e avaliou o programa de atención a persoas con demencias que se desenvolve na localidade.
O Concello de Nigrán acordou co representante de AFAGA en reforzar a calidade do programa municipal de atención a persoas con Alzhéimer iniciado no 2016 dotándoo dun programa de novas tecnoloxías e novos equipamentos tecnolóxicos para o seu uso terapéutico. Así, novos usuarios poderán beneficiarse da sala snoezelen ou sala de estimulación e do software Gradior de rehabilitación neuropsicolóxica na en o concello ten invertido 17.155 €
“O centro de ALZEHIMER de Panxón xestionado por AFAGA é xa un referente na atención das persoas con demencias, dende 2017 son 12 as persoas, dous días a semana, que se benefician de este servicio coa posta en marcha deste programa ampliarase un día máis a sistencia e duplicarase o número de usuarios”, sinala o alcalde, Juan González.
Deste xeito, o Concello complementa e amplía o rango de atención que xa se viña prestando a través das novas tecnoloxías e de terapias vangardistas que inicialmente se tiñan aplicado en discapacidade e que nos últimos anos se extenderon ao Alzheimer.
“
“O obxectivo é que os usuarios deste programa municipal se poidan beneficiar a través das novas tecnoloxías de novas terapias con efectos moi positivos para eles. A ampliación do servicio as parroquias do interior era un obxectivo que agora faise realidade “
Ademáis do Centro referente de Panxón o concello de Nigrán quere descentralizar os seus programas con AFAGA nas parroquias máis alonxadas dos centros urbanos e por elo iniciaremos de xeito inmediatou programa de prevención ó deterioro e envellecemento activo en Chandebrito que, si ten boa acollida entre as persoas maiores, implantaremos en outras parroquias como Parada ou Camos.
“Cos
dous días de atención xa dende hai 3 anos no Centro de Alzehimer de
Panxón, que agora se amplía a 3 con este novo programa, co inicoi
da nova actividade en Chandebrito e cos xa implantados Cursos de
Memoria para 3ª Idade na Ramallosa e Ximnasia para maiores en
Vilamean, Nigrán ratifica o seu compromiso coas persoas maiores e
con aquelas que sufren alzheimer e outras demencias”, declara Juan
González.
Sala Snoezelen
A
sala consta de asento, tubo de burbullas, espellos, un mazo de 100
fibras ópticas de 2 metros con fonte de luz, botoeira de control,
pack Multisensorial, caixa de 12 esencias de aromas en po, serpe
vibrante, lanterna de luz UV con luvas fosforescentes, proxector Aura
con disco de efectos gráficos, caixa de tacto e miniespellos foam.
En
xeriatría, a Sala Snoezelen ou sala de estimulación adquire un
papel protagonista como terapia en casos de alzhéimer ou demencia
neurodexenerativa, porque en todos eles existe unha dificultade por
parte da persoa para percibir, comprender ou controlar as
habilidades psicomotrices, aspectos que pode mellorar a
estimulación sensorial, xa que está estreitamente relacionada co
desenvolvemento da actividade cerebral e dos procesos cognitivos.
A
demencia, en todas as súas variantes, provoca a alteración das
capacidades cognitivas, conductuais e emocionais e a estimulación
sensorial permite abordar estes tres aspectos. Se debe ter en conta
que cando a demencia ou o Alzheimer alcanzaron un certo nivel é moi
difícil para o paciente comprender a súa contorna e comunicarse.
Por iso, estímulos tan básicos como un cambio de cor, unha imaxe ou
unha luz en movemento poden axudar a que esta persoa decida que é o
que prefire desta contorna. Esta posibilidade de elección mellora a
súa confianza, o autocontrol, a concentración e establece un punto
de comunicación.
Dependendo
da fase da enfermidade na que se atopen, os obxectivos concretos e as
formas de traballo pertinentes da sala snoezelen varían:
Na fase inicial (de diagnóstico), preténdese reducir a tensión e mellorar a autoestima e o estado de ánimo mediante estímulos sensoriais. Cobra especial importancia aquí a musicoterapia para evocar recordos e experiencias propias do paciente.
Na fase intermedia, téntanse reducir os comportamentos inadecuados e aumentar a concentración. Estimúlanse os sentidos con luces, sons e sabores, sen esquecer as preferencias de cada usuario.
Na fase severa, poténciase a estimulación para mellorar a calidade de vida, reducir a dor e inducir á relaxación para evitar a tensión, sen deixar de levar a cabo o anteriormente descrito.
En
canto ó sotfware Gradior, é un sistema de rehabilitación
neuropsicolóxica a través de ordenador que permite realizar
programas de adestramento e recuperación de funcións cognitivas
superiores (atención, memoria, orientación…) en persoas que
presentan déficits ou deterioros cognitivos. Unha pantalla táctil
permite a interacción directa do usuario co computador, evitando así
o rexeitamento da poboación maior ao facer o sistema máis intuitivo
e accesible.
Os
pacientes fan operacións en tódalas áreas: cálculo, problemas
aritméticos, discriminación visual, atención selectiva, atención
sostida, percepción visual gráfica, por cores e tamaños, memoria
verbal, memoria gráfica, entre outros. Todas as actividades contan
con varios niveis e o sistema recoñece os acertos e erros, polo que
segundo avanza o paciente a dificuldade aumenta.
A praia fluvial do Val, en Mondariz, volverá a ser o punto de partida da proba de orientación nocturna ‘Orienta-tea’ o vindeiro sábado, 14 de setembro, a partir das 20:30 horas, unha proba que dende a súa posta en marcha, cada ano conta con maior aceptación.
Trátase dunha actividade para equipos de entre 2 e 5 persoas maiores de maiores de 18 anos.
Na
anterior entrega desta sección falabamos da muralla tudense en época
medieval e como esta sistema fortificado aínda está presente na
configuración urbana de Tui e podemos ollalo en diversos lugares da
nosa cidade.
Como
sinala Iglesias Almeida “parece
que la muralla tudense quedó, a lo menos en su principio, bajo el
dominio real. De esta manera se entiende que los judios tuviesen su
Sinagoga junto a la misma en la antigua zona de A Oliveira,
circunstancia que de una manera general se daba en la mayoría de las
ciudades españolas como acogimiento de este colectivo humano bajo el
directo poder real, fruto de substanciosos tributos”
Ao
longo da Idade Media o mantemento da muralla foi obxecto de múltiples
polémicas ao estar compartido entre o Cabido da catedral e o
Concello. O 2 de agosto de 1419 o bispo Juan Fernández de Soutomaior
II convoca ao Cabido da Catedral e ao Concello pata tratar sobre a
reparación da muralla e as súas portas e as quendas de vixilancia;
aínda que os responsables municipais argumentaban que os responsable
eran o Bispo e Cabido ao ser unha cidade de señorío episcopal, sen
embargo se acada un acordo de reparto dos custes das reparacións
alternativamente. Será un tema constante de conflitos e mesmo o
Cabido apela a Roma contra as esixencias de mantemento e vixilancia
da muralla pero sen conseguir cambiar o establecido.
Os
continuos episodios bélicos co reino de Portugal e as loitas
nobiliares do século XV, que teñen como principais expoñentes a
ocupación da cidade polos irmandiños en 1467 e o prolongado
enfrontamento entre Pedro Álvarez de Soutomaior (“Pedro Madruga”)
e o bispo Diego de Muros que chegará ata 1482 coa derrota do Conde
de Camiña, provocan unha grande crise na cidade e nos seus
equipamentos, entre eles a muralla. Como di o propio bispo Diego de
Muros tras recuperar o control da cidade: esta padeció
muchos males e dannos, robos e muerte de vezinos, de manera que ha
venido casi en despoblación e tan grande disminución de lo que
solía ser que non tiene semblante nin apariencia de cibdad”.
No
século XV asistimos a aparición de novas técnicas militares que
provocan novas necesidades defensivas que modificaran
substancialmente a fisionomía do sistema amurallado tudense. A
aparición da pólvora e por tanto da artillería e o uso de canóns
nos ataques militares deixan obsoleto o sistema amurallado medieval e
obrigan a unha remodelación do mesmo.
Ao redor de 1443 se inicia a transformación destas murallas coa edificación dunha serie de fortes e baterías para aumentar a defensa da Porta do Carballo (ou dos Ferreiros na documentación medieval) que era a máis próxima á fortaleza de Valença. Pero a modificación máis significativa e que muda o aspecto da muralla tudense é a construción da ‘falsa braga’, barbacana ou antemuro baixo que rodea o recinto fortificado medieval. A ‘falsa braga’ tudense rodea por completo á muralla medieval converténdose na primeira liña defensiva da cidade fronte ao fogo da artillería. Este trazado paralelo á muralla medieval permite contar cun amplo paseo de rolda para mobilizar con máis facilidade ás tropas. Agora o importante xa non é a altura dos muros, o principal recurso defensivo nos séculos anteriores; ao contrario os paramentos son baixos, substituíndo o tipo de muralla alta e estreita, con dous paramentos (interior e exterior) incapaz de resistir á embate da artillería, por un único paramento exterior que en realidade funciona como muro de contención dunha masa de terra que absorbe sen problema os embates dos proxectís.
Temos a sorte de contar cunha imaxe desta ‘falsa braga’ tudense. Trátase do debuxo da cidade de Tui realizado polo portugués Duarte D’Armas arredor de 1510. A imaxe máis antiga que conservamos de Tui. Este debuxo forma parte do denominado ‘Livro das fortalezas’ encargado polo rei portugués Manuel I ao seu escudeiro Duarte D’Armas. O monarca, no seu proxecto centralizador e reformador, encárgalle a Duarte D’Armas inspeccionar todas as fortalezas da fronteira do reino de Portugal e o seu estado de conservación. O escudeiro percorre toda a fronteira e realiza os esbozos en papel e debuxos así como a planta dos castelos, informando das necesidades de cada fortaleza. Visitou 59 poboacións/fortaleza e rematou a súa obra no ano 1510.
Deste Livro conservamos un debuxo da cidade de Tui e especialmente das súas defensas. Por unha banda a muralla medieval con todas as torres que posuía ao Norte, visible dende a perspectiva do debuxante. Salientan ademais dous elementos. A denominada coraça, coiraza ou coracha. No caso tudense esta estrutura medieval estaba formada por dobre muro con parapetos e almeas rematando nunha torre circular. Esta coiraza permitía o abastecemento de auga da cidade dende o río Miño. Se accedía á mesma dende unha pequena porta inmediata ao Postigo da Ribeira, situado na praza do Pexigo.
Debuxo de Duarte D’Armas no que se pode comprobar como a ante-muralla estaba xa completada no lado sur e este da cidade
No
debuxo de Duarte D’Armas comprobamos como esta ante-muralla estaba
xa completada no lado sur e este da cidade, lugares onde as defensas
debían estar en óptimas condicións para repeler os ataques dende
as terras do reino de Portugal; descoñecemos se nos outros flancos
estaría tamén rematada esta falsa-braga aínda que o lóxico sería
que asi fose.
A
falsa-braga e o espazo inmediato conservouse practicamente ata o
século XIX, a pesar da edificación do sistema amurallado do século
XVII (do que nos ocuparemos na seguinte entrega). Así o podemos
observan nun plano de 1892 de Josef Lafuente que describe
integramente esta barbacana dende a Porta do Carballo ata a zona de
San Domingos.
No
século XIX a inexistencia de conflitos militares e o progreso das
cidades implica a desaparición das murallas e os sistemas defensivos
que permiten a ampliación do recinto urbanizado, a creación de
novos espazos e servizo públicos e o ingresos á Facenda pública ao
realizar, en moitos casos, procesos de poxa pública por estes
terreos defensivos.
No
caso tudense a reforma e apertura da Praza do Comestible, que
comunicaba a Porta da Pía coa Corredeira polo norte, foi realizada
sobre os espazos da falsa-braga; sobre o espazo que ocupaba esta
barbacana se constrúe un novo acceso á cidade como será a rúa
Nova, paralela á muralla medieval e construída sobre a mesma
colmatando parcialmente o foxo da muralla medieval.
Hoxe esta barbacana ou falsa-braga aínda é posible recoñecela na zona do Paseo fluvial e nalgúns tramos do sur, na zona do Piñeiro e actual Rúa Martínez Padín, reutilizada moi facilmente como bancal ou solcalco como podemos observar nas fotografías.
Estas imaxes evidencian tamén a necesidade dunha intervención non xa para a limpeza destas áreas históricas (algo urxente pois oculta completamente a visión das mesmas) senón para garantir a conservación destes elementos históricos do noso sistema amurallado hoxe moi alterados pero que unha intervención axeitada, eliminando materiais que degradan estes espazos posibilitaría unha visión máis axustada á historia e evolución da fortificación tudense.
El gallo Mauricio o cómo diríamos en nuestra tierra, ‘O Galo Mauricio’ se ha convertido en todo un símbolo en la Francia rural esa que, cómo ocurre en Galicia, intenta mantener su identidad. Esa, que lo mismo que la nuestra, se está despoblando, que se queda sin juventud. Esa de la que los de la ciudad se creen amos y señores cuando van los fines de semana o en vacaciones. Esa que no deberíamos dejar nunca que se muera, que deberíamos de dedicar recursos para que siga viva, porque el día que nos quedemos sin el rural, mejor ni pensarlo.
En estos días, en los mentideros nacionales, o sea en los informativos, vi la noticia del gallo Maurice. Un caso muy parecido al que comentamos no hace demasiado tiempo que se había dado en tierras asturianas. Mauricio, al llegar los primeros rayos de sol le daba la bienvenida a su forma, que no es otra que cantar pero el pobre molestaba con sus cantos a una pareja de jubilados que tenían su segunda residencia en el lugar y que reclamaban el derecho a “descansar”. Me gustaría saber si cuando están en la ciudad habían demandado también a los que recogen la basura de madrugada por el ruido que hacen, a los que utilizan vehículos de motor, a los transeuntes de la calle, a los vecinos por hacer ruido, a la empresa de ascensores o a los constructores del edificio en el que viven por no estar bien aislado, y es que las ciudades, no es que sean precisamente silenciosas (creo que voy a demandar a los que recogen la basura, ya que todas las mañanas, antes de que cante el gallo, hacen ruidito con el camioncito de marras dando marcha atrás y su pitidito).
Pero los pobres jubilados en cuestión, que seguro que cobran una mejor pensión que los habitantes del pueblo, van para su segunda residencia para descansar y disfrutar de su jubilación dorada y tienen un vecino plumífero que los molesta con sus cantos matutinos.
Afortunadamente, el juez en cuestión que atendió la demanda, le dio la razón a Maurice y ganó el juicio debiendo pagar los demandantes la cifra de 1.000 euros, espero que Mauricio pueda seguir cantando tranquilo, aunque que no se descuide, no vaya a ser que cómo ha pasado en España, puede venir algún grupo de ecologistas y demandarlo por violador por si se ‘sube’ a alguna gallina.
Estamos llegando a un punto de tontería, que no nos va a llegar a ningún lugar bueno. Mucha gente de la ciudad se olvida de que la leche, los huevos, las legumbres, la carne,… no nacen ni crecen en los supermercados, sino que hay gente detrás de todo ello para que pueda llegar a ese lugar, bien es cierto, que hay explotaciones de todo tipo, algunas intensivas que mejor no saber que es lo que hacen, pero que hay muchos granjeros y campesinos que cuidan a sus animales y cultivan el campo de una forma racional y que el rural tiene algo muy especial y que poco a poco, entre todos, nos estamos encargando de destruir, pero de algo estoy seguro, que la ciudad, aunque no lo quieran reconocer, siempre va a necesitar del campo, porque sino, acabaremos comiendo asfalto, respirando esmog y bebiendo quién sabe lo que, así que por favor, dejemos de tonterías y disfrutemos de nuestro maravilloso rural, con su verde, con sus animales y con sus gentes, que no hay nada más maravilloso.
Lo que también espero que sea maravilloso, es la selección musical
que os proponemos para esta semana, aunque seguramente, no nos vayamos a
encontrar a Maurice cantando, espero que la selección os haga disfrutar
de éste fin de semana veraniego que parece
que vamos a tener. Por un lado, os proponemos el nuevo trabajo de dos
clásicos de la música celta, Jeff Johnson y Brian Dunning, por otro lado, la relajación que nos propone el proyecto White Sun, seguro
que les vendría bien a los que no le gustaba el canto de Mauricio. Espero que los disfrutéis.
Jeff
Johnson y Brian Dunning son dos nombres clásicos de la música celta
contemporánea, llevan ambos más de treinta años en la escena musical.
‘Eirlandia’ es su nuevo trabajo, un disco que está inspirado en la obra del escritor Stephen R. Lawhead.
Divido
en ocho cortes, estamos ante un hermoso trabajo, un disco donde sale a
relucir lo mejor de cada compositor, por una parte, la electrónica con
los teclados de Jeff Johnson, por otra parte, la acústica con la flauta
de de Brian Dunning, la combinación de ambos,
da lugar a un precioso disco, que con su primer corte, el que le da
precisamente títula al disco, nos deja enganchados con la idea de querer
escuchar más para ver lo que nos pueden ofrecer.
Sonido celta contemporáneo, así se definen en su estilo, un disco con instrumentación moderna, con toques celtas, pero sobre todo, un disco para disfrutar de la música, eso es lo que nos encontramos en éste ‘Eirlandia’.
White
Sun es un proyecto que ya conocemos por sus anteriores trabajos,
fundado en el año 2015 por Gurujas Hkalsa (voz), Adam Berry
(instrumentación) y Harijiwan Khalsa (percusionista), la combinación de
los tres elementos dan lugar a unas composiciones, sin lugar
a dudas, especiales.
‘White Sun III’ es el tercer trabajo de la formación, un doble cd con veintitrés temas en los que la voz de Gurujas, acompañada de todo el trabajo de instrumentación, con sus mantras nos va a adentrando en esos momentos de bienestar que tanto necesitamos.
Estamos ante un disco muy bello, un trabajo que se puede recomendar para la práctica de la meditación, yoga o simplemente, para degustar tranquilamente, ya que la voz y los preciosos instrumentos hacen que desaparezca todo lo que existe a nuestro alrededor, quedando únicamente lo que de verdad importa, nosotros mismos.
O goberno de Ponteareas saiu ao paso, na mañá de hoxe, das informacións aparecidas nun medio de comunicación sobre a contratación de vítimas de violencia de xénero e a orde de afastamento dun traballador municipal, noticia da que tamén se facía inmediatamente eco o PP asegurando que “pediría explicacións ao grupo de Goberno sobre esta situación”.
O Concello ponteareán sinala, en primeiro lugar que “o propio traballador e a traballadora puxeron en coñecemento do Concello a súa situación a fin de que se adoptaran as medidas necesarias para cumprir a orde de afastamento e poder exercer o dereito ao traballo de ambos os dous, unha vez que a traballadora se incorporou ao Concello este luns día 2.
Doutra banda, o exectuvi local quere deixar ben claro que “o traballador e a traballadora ocupan dependencias diferentes e a unha distancia de máis de 400 metros, o que asegura o cumprimento da orde de afastamento establecida en 200 metros”.
Doutra banda, o goberno que preside Xosé Represas cualifica de “falsas” as noticias aparecidas nun medio local que, sen citar fontes, “asegura que sobre o traballador pesa unha sentenza firme” o que, sinala o Concello de Ponteareas, non é certo xa que, explica, “segundo a información facilitada polas dúas partes ao Concello, existe un Auto do 22 de novembro de 2017 acordando a medida cautelar de afastamento mentres non se celebre un xuizo”. “Non existe, polo tanto –afirma o Goberno local– ningunha sentenza en firme”.
Considera ademáis o concello Ponteareán que ese medio (Atlántico Diario) “cita o lugar de traballo das mulleres vítimas de violencia de xénero o que supón unha grande irresponsabilidade”.
Do mesmo xeito, desminte o Concello de Ponteareas as afirmacións formuladas polo Partido Popular nas que dicía que “o traballador ten ao seu cargo á súa exparella”. “É
absolutamente falso –di o goberno ponteareán– xa que “a exparella traballa desde o primeiro día noutro departamento e noutra concellaría allea á do traballador. E, polo tanto, o traballador non ten ao seu cargo á súa exparella”.
A orde de afastamento non afecta aos dereitos laborais do traballador, engade o executivo local, “aínda así, o alcalde solicitou á Asesoría Xurídica Municipal, á dirección do Centro de Información á Muller e departamento de Persoal do Concello, que emitan os seus informes indicando se o Concello debe adoptar algún outro tipo de medida ou acción”.
Por último o Concello “pide seriedade, rigor e que non se falte á verdade á hora de informar sobre unha cuestión que afecta á vida de dúas persoas e aos seus dereitos”.
“O Goberno Local está comprometido, con feitos, na loita contra a violencia de xénero e esa loita debe facerse respectando a legalidade, os dereitos de todos e todas e a presunción de inocencia das persoas non condeadas por sentenza xudicial”.
Finalmente, alcalde Xosé Represas, convocou a unha reunión esta tarde aos portavoces municipais para dar información detallada e pedir “responsabilidade” á oposición neste asunto.
O
Departamento de Servizos Sociais do Concello da Guarda informa que o
próximo día luns 9 de setembro 2019 a Escola Infantil Municipal
abre un proceso extraordinario para cubrir 2 prazas vacante a media
xornada de tarde na aula de 0-1 anos de idade.
Os
pais/nais ou titores dos nenos/as interesados deberán presentar a
solicitude do 9 ao 13 de setembro.
Para maior información, poden dirixirse ao Departamento de Servizos Sociais do Concello da Guarda en horario de 9 h a 14 h.
O voceiro do BNG, Xoán Carlos González saiu hoxe ao paso das declaracións verquidas polo Partido Popular sobre á xestión de diversos proxectos, algún deles nos terreos afectados pola liña do Eixo Atlántico de Alta Velocidade. As declaracións enmárcaas o BNG “no revanchismo político ao que xa nos tén acostumados o PP. Os e a súa responsábeis políticos non están á altura do que lle exisen os e as súas votantes”, afirma o edil nacionalista.
Recorda Xoán Carlos González, como o goberno de Javier Bas, evitou negociar con Fomento, “como compensación ás afeccións nos terreos do Val do Maceiras, convertendo este espazo singular, en referente de recuperación medioambiental”.
“
Segundo o BNG o PP “renunciou a converter o Val do Maceiras nun referente de recuperación medioambiental e de producción de mazá”.
Refírese o voceiro nacionalista ao anteproxecto, que no seu día se elaborou co fin de poñer en valor hectáreas ocupadas para a construcción do túnel que chega a Estación de Urzáiz. Na proposta, recollíase unha Senda Verde que enlazaba o Val co casco urbán de Redondela recuperando flora e fauna autóctona, ademáis de fomentar a produción de mazá na zoa de Negros.
Segundo
o edil do BNG, “foi a neglixente xestión dos gobernos do PP, o que
frustrou a posibilidade de converter o Val do Maceiras nun símbolo
de recuperación medioambiental, referente para toda a nosa bisbarra.
Pola contra, numerosas propiedades quedaron case improductivas, e a
construción de parte da Senda Verde, financiouse con fondos outras
administracións, cando debería ser Fomento e ADIF, quen compensaran
a Redondela”.
En canto ás reclamacións na parroquia de Quintela, segundo o edil nacionalista “existen reclamacións pendentes dende o ano 2015, de afectad@s, aos que non se lles devolveu íntegramente as fincas ocupadas. Segundo relatan, deixaron de tramitar as denuncias a traverso do xulgado porque se fiaron da palabra do anterior alcalde de Redondela de que iban a ser compensados, cuestión que non sucedeu ata o de agora”.
A
Concellería de Cultura e Lingua, que dirixe Fernando Groba Bouza,
informa que xa están publicadas as bases do
“Concurso de Fotografía Calendario Galego de Ponteareas 2020”
que este ano convoca o Concello de Ponteareas coa finalidade de
seleccionar as fotografías que formarán parte do calendario
municipal que o Concello de Ponteareas edita desde hai anos.
O concurso é de participación aberta e nel poderá participar calquera persoa nada antes de 2004 e o tema das fotografías debe estar relacionado co concello de Ponteareas: paisaxe, urbanismo, eventos, monumentos, festas e romarías.
O
prazo para a presentación de fotografías abranguerá do 19 de
setembro ao 8 de novembro de 2019.
“
O concurso é de participación aberta e o tema debe estar relacionado coa paisaxe, urbanismo, eventos, monumentos, festas e romarías
As bases completas da convocatoria poden consultarse na web municipal e para máis información, as persoas interesadas poden dirixirse ao Departamento de Cultura do Concello de Ponteareas ou clikar no enlace https://ponteareas.gal/servizos/cultura/bases-cultura/
Segundo o concelleiro de Cultura e Lingua do Concello de Ponteareas, Fernando Groba Bouza, a través deste concurso “preténdese que o calendario do vindeiro ano sexa unha mostra de Ponteareas a través dos ollos da cidadanía”.
A XXI ‘Feira de Oportunidades Merca na Rúa’, o concerto musical da artista local Xoana, e as Festas da Risca e a Medieval no CRC que terán lugar durante este vindeiro fin de semana, marcan o inicio formal da programación festiva do mes de setembro organizada polo Concello de Porriño con motivo do Cristo, os festexos principais da vila.
O orzamento dos festexos que rematarán o domingo 29 co ‘Recristo’ e a XXVI Festa dos Callos como grande reclamo, será de aproximadamente 170.000 euros, “unha cantidade lixeiramente inferior, dez mil euros menos que no 2018”, segundo indicou David Alonso, concelleiro responsable da programación.
O edil ponderou que “os eventos culturais, os deportivos e os musicais son os tres pilares básicos da programación”, e subliñou “diversas novedades no ámbito deportivo que acumula 26 eventos como o ‘Porriño Street Festival’ ou Rally Mix Concello de Porriño que se estrean este ano mentres que se garante a continuidade doutros como a Nocturna, é dicir o Criterium Ciclista”.
Alonso valorou que “un dos pratos fortes será a programación musical” e resaltou “especialmente os concertos dos grupos ‘Dakídarría’ e ‘Crebinsky’ que será o 20 de setembro e o dos canarios ‘Efecto Pasillo’, previsto para o 21, ambos na avenida Domingo Bueno”.
O domingo do Cristo será a quenda das actuacións das orquestas ‘América’ na praza do Concello e ‘Charleston’ en avenida Domingo Bueno, ambas facendo dous pases. O responsable da Cultura do Porriño destacou tamén o concerto do luns 23 “que será a cargo do grupo ‘La Fórmula’ que van realizar unha actuación continuada durante cinco horas do que pensó non hai precedentes en ningún pobo de Galicia”.
Asimesmo reivindicou “a recuperación da animación por barrios que será durante o ‘Recristo’ con actuacións musicais por barrios da cidade, en sete barrios históricos como San Benito, San Sebastián, a Alameda da Avenida de Galicia ou a zona de Sol, entre outros” citou o concelleiro quen, por outra banda, anunciou para o sábado 28 outra novidade de música itinerante que “será a actuación da Banda da Cultural de Arcade que a bordo dun autobús descapotable de dous andares percorrerá toda a cidade e todas as parroquias para que a sensación de festa chegase a todos os rincóns do concello”. David Alonso lembrou que él como orixinario dunha parroquia pequena (Cans) “sempre botaba en falta que houbera esa conexión que agora pretendemos correxir”, engadiu.
Pola súa banda a alcaldesa Eva García de la Torre encomiou o programa de festexos coordinado por David Alonso. “Estou segura que vai ser un éxito porque están pensadas para todos; atenden as demandas de todos os sectores sociais” e abogou “porque milleiros de persoas de toda a área metropolitana veñan ata Porriño a disfrutar das nosas Festas”.
O pasado mércores o tenente de alcalde da Guarda, o nacionalista Anxo Baz, reuniuse cos representantes da Dirección Xeral de Calidade Ambiental e Cambio Climático da Xunta de Galicia, entidade coordinadora na nosa comunidade do chamado «Pacto dos Alcaldes para o Clima e a Enerxía» para impulsar e axudar a cumprir os compromisos en materia de enerxía e clima.
O
«Pacto de alcaldes para o Clima e a Enerxía» agrupa a milleiros de
gobernos locais que de forma voluntaria comprométense a implantar os
obxectivos da UE en materia de clima e enerxía,
de redución dos gases de efecto invernadoiro nun 40 % para 2030 e á
adopción dun enfoque común para o impulso da mitigación e a
adaptación ao cambio climático.
A
Guarda comprométese a realizar un
Plan de Acción para o Clima e a Enerxía Sostenible (PACES) no que
se recollerán as accións chave que se pretenden acometer, cun plan
de Inventario de Emisións de Referencia para realizar un seguimento
das accións de mitigación e unha avaliación dos riscos e
vulnerabilidades climáticas. Todo este proceso será monitorizado
cada dous anos para comprobar a implantación destes plans no
municipio.
Anxo
Baz, manifestou que, neste senso A Guarda
xa leva anos traballando nesta liña, incrementando o horario de
atención e mellorando as instalacións do Punto Limpo da vila,
instalando contedores de recollida de textís e aceites usados,
cambio de luminarias por tipo led, instalación de caldeiras de
biomasa en edificios públicos, entre outras accións que se marcan
dentro da
folla de ruta da Estratexia Europea 2020 e nas medidas recollidas no
paquete de economía circular.
A Concellería de Medio Ambiente do Concello da Guarda continúa deste xeito coa mellora das taxas de reciclaxe, contando ademais cun dos puntos limpos de referencia a nivel autonómico.
O Plan de xestión de residuos sólidos urbanos de Galicia 2010-2020 (PXRUG), establece as bases para impulsar a xestión de residuos urbanos en Galicia, facendo especial fincapé na prevención e a valorización dos residuos, accións que van en consonancia co PEMAR, Plan Estatal Marco de Xestión de Residuos.
Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí:.Saber MásAceptar
Cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
