18.7 C
Pontevedra
Luns, 24 de Xuño de 2024
Máis

    A plataforma Antilindano da Louriña alerta da aparición dunha nova vertedura en Torneiros

    A Plataforma Antilindano do Porriño vén de facer pública a aparición, "dunha nova vertedura de lindano en Torneiros", en monte comunal "preto da zona da Pereira-Contrasto" lugar onde se fixeron as obras de saneamento. Segundo a plataforma, a aparición desta nova vertedura, da que tiveron constancia o pasado sábado...

    O rueiro do Rosal terá nome de muller

    No Rosal, as mulleres tomarán as rúas... e o rueiro. O alumnado de 4º de primaria do CPI Manuel Suárez Marquier visitou o Concello cunha importante proposta baixo o brazo: que a igualdade chegue ao mapa de rúas do municipio. Tras facer o ano pasado un estudo sobre as rúas e edificios do Rosal, a rapazada detectou que sempre se usaban nomes masculinos, agás no caso de María Zambrano.

    Antonio Palacios, gran protagonista do desafío de ‘Eureka Reto Rural’ no Porriño

    O novo desafío de ‘EurekaReto Rural’ ten nome e apelido: Antonio Palacios. O arquitecto será o gran protagonista do escape room do Porriño, escenario da sexta proba desta iniciativa posta en marcha por Eu Rural e o Xeodestino Ría de Vigo e Baixo Miño, un produto turístico diferente e orixinal co que achegar ao público ao territorio a través de xogos de escapismo temáticos ao aire libre, de forma dixital, de balde e para todos os públicos.

    ‘Mondariz Concilia Xove 2024’, programa de actividades de aventura para a mocidade no verán

    O Concello de Mondariz organiza por primeira vez para os meses de xullo e agosto, un programa de actividades de aventura que se desenvolverá na Praia Fluvial do Val e a súa contorna. Este programa está dirixido a rapaces e rapazas de entre 12 a 16 anos.

    A reforma do Campo de Fútbol de Chapela inclúe novo céspede e melloras na iluminación

    A renovación do Campo de Fútbol Municipal de Chapela xa está e marcha. As obras inclúen a substitución do céspede artificial en todo o terreo de xogo, en total 6.000 metros cadrados. A nova superficie será de céspede artificial de última xeración, lastrado con area de sílice e caucho. O concelleiro de deportes, Iván Valles, explica que coa reforma consérvanse as dimensións actuais do campo de fútbol 11 e dos dous campos de fútbol 8, coa marcaxe correspondente.

    Luis López resalta o legado de “construtores cidadáns” que Antonio Palacios deixou no Porriño

    O presidente da Deputación de Pontevedra, Luis López, destacou o labor dos “construtores” que recibiron este sábado no Porriño os primeiros premios Antonio Palacios concedidos a persoas que destacaron pola súa aportación, no eido da cultura, o deporte, o social ou a empresa; a construír unha provincia máis forte e, en consecuencia, a honrar o legado do arquitecto Antonio Palacios, un dos máis destacados arquitectos do século XX en España e que deseñou edificios nobles como o madrileño Palacio de Cibeles ou a casa consistorial do municipio onde naceu, O Porriño.

    A primeira promoción de bacharelato de Salceda gradúase no Pazo Pegullal

    O Pazo Pegullal foi o marco escollido para a celebración da graduación da primeira promoción de bacharelato de Salceda na tarde do venres 14, un acto sen dúbida inesquecible para os 49 rapaces e rapazas que celebraron o remate dos seus estudos de bacharelato no IES Pedras Rubias. O acto tiña sen dúbida un carácter especial, por ser esta a primeira promoción en rematar os seus estudos de bacharelato en Salceda tras a súa implantación no curso 2022/2023.

    Espazo Crianza, un ano de aprendizaxe e apoio para as familias do Rosal

    Fin de curso por todo o alto do Espazo Crianza. O Rosal celebrou unha exitosa tarde de convivencia e lecer con todas as persoas participantes no Espazo Crianza, un lugar de encontro posto en marcha polo concello para acompañar a mulleres embarazadas e familias con bebés de 0 a 6 meses na crianza de nenos e nenas.

    Aberta a inscrición do Campus Multideporte de Covelo para infancia e mocidade de 6 a 15 anos

    Co obxectivo de axudar na conciliación familiar e laboral e ofrecer á infancia e mocidade tempo de lecer de calidade o goberno de Covelo pon en marcha o I Campus Multideporte para nenas e nenos de 6 a 15 anos, ambas idades incluídas. O prazo de inscrición estará aberto ata o vindeiro 14 de xuño.

    Redondela demanda á Xunta o arranxo urxente da avenida Mendiño e Avenida de Vigo

    O goberno local urxe as obras de humanización da avenida Mendiño en Redondela e a segunda fase da avenida de Vigo en Chapela, comprometidas pola Xunta de Galicia desde 2019. Trátasede dúas estradas de competencia autonómica e que contan cun elevado tránsito diario, tanto de vehículos como de peóns.

    Romaric Forques e Natalia Castro, gañadores do IX Tríatlon Concello do Porriño

    As condicións meteorolóxicas, coa choiva ameazando con irromper e un vento que facía especialmente complicado o tramo no río, fixeron que este IX Tríatlon Concello do Porriño se convertera dunha das edicións máis dura ata o momento. 

    O voluntariado New Balance Redondela mantén a raia as especies invasoras na contorna da enseada de San Simón

    O voluntariado da oficina de Redondela de New Balance achegouse novamente aos Montes do Viso para colaborar na sua mellora. Nesta ocasión realizáronse dúas xornadas de voluntariado de eliminación de acacias, unha especie moi invasora e moi presente en todo o territorio galego.

    A IV Mostra de Cinema do Rosal estrea os seus premios ás mellores curtametraxes

    Butacas e flocos de millo listos para celebrar a IV Mostra de Cinema do Rosal, un festival organizado pola asociación Ghorghalado coa colaboración co Concello que busca achegar ao público rosaleiro unha oferta cinematográfica difícil de atolar nos circuítos habituais. Este ano a mostra celebrarase do 7 ao 11 de agosto nos xardíns da casa rural Abadía de Eiras con proxeccións como sempre de balde e moitas novidades. 

    Zona Franca de Vigo e Concello da Cañiza celebran a primeira comisión de seguemento para desenvolver o parque empresarial do vieiro

    A semana pasada tivo lugar a primeira Comisión de seguemento para o desenvolvemento do parque empresarial do Vieiro, no concello da Cañiza, xuntanza na que ademais do presidente do Consorcio da Zona Franca de Vigo, David Regades e o alcalde da Cañiza, Luis Piña, estiveron presentes os arquitectos do Consorcio, o técnico de urbanismo, a Secretaria e unha administrativo do Concello, que serán os responsables da tramitación necesaria para iniciar o procedemento de modificación do Plan Xeral de Ordenación Municipal.

    A Fundación Juana de Vega organiza unhas xornadas sobre agromárketing na EFA A Cancela das Neves

    Os próximos luns, 10 e martes, 11 de xuño, a Fundación Juana de Vega organiza as xornadas "Claves do agromárketing" na EFA A Cancela Centro de Formación Profesional das Neves (Pontevedra). Ademais das prazas para o alumnado, hai 10 vacantes dispoñibles para profesionais do sector agroalimentario e outras persoas interesadas na temática.

    O Rosal visto dende o alto coa nova andaina interpretativa ata o Niño do Corvo

    O Concello do Rosal segue achegando cada recuncho do municipio coas súas andainas interpretativas, pequenos percorridos pola contorna para descubrir e poñer en valor o patrimonio histórico, cultural, paisaxístico e natural dun xeito ameno, sinxelo e divertido.

    López Campos resalta a “máxima protección” do Corpus de Ponteareas no seu primeiro ano como BIC

    O conselleiro de Cultura, Lingua e Xuventude, José López Campos, participou hoxe nun dos actos do Corpus Christi de Ponteareas, a ofrenda en homenaxe aos alfombristas falecidos, na que é a primeira edición que se celebra como festa declarada Ben de Interese Cultural, tras a súa publicación no Diario Oficial de Galicia o pasado mes de maio.

    A Festa da Crianza do Rosal desafiou ao mal tempo cun grande éxito de acollida

    Grandísimo éxito de acollida da Festa da Crianza de Xoaninhas Crianza Respetuosa, que reuniu na área recreativa das Aceñas a nenos, nenas e maiores para celebrar un día en familia. As e os participantes desafiaron ao mal tempo para gozar dunha xornada chea de actividades e que contou tamén coa presenza de postos de artesanía e comida, así como do grupo local de apoio a Palestina, a cooperativa Miudinho e a Escola Semente de Vigo.

    O xamón da Cañiza, protagonista na X Feira de Festas de Interese Turístico de Galicia, ‘Festur’

    Celebrada en Silleda do 30 de maio ao 2 de xuño no marco da 46º Feira Internacional Semana Verde de Galicia, o xamón da Cañlza –produto estela do municipio da Paradanta–, tivo un marcado protagonismo na X Feira de Festas de Interese Turístico de Galicia, Festur.

    A XXXII Feira do Viño do Rosal chega con máis horas de enoloxía e lecer

    A Feira do Viño do Rosalprepárase para celebrar a súa 32 edición cunha morea de actividades para todos os públicos e con máis horas que nunca. Do 12 ao 14 de xullo a Praza do Calvario aglutinará boa parte da actividade dunha feira que de novo maridará a enoloxía coa música, actividades para desfrutar en familia, exposicións e actividades didácticas, gastronomía e moita diversión co sector vitivinícola como eixo central.

    A Asociación Adapta confecciona unha alfombra solidaria de axuda á infancia no Corpus de Ponteareas

    Persoas usuarias da asociación ADAPTA realizarán no Corpus Christi de Ponteareas unha alfombra de flores solidaria dedicada a impulsar o proxecto da Fundación Miguel Lago de Axuda á Infancia Dominicana, a Escola Taller Palmeritas en la Nieve, un proxecto nado desde o amor e que ten como obxectivo axudar á infancia.

    Concerto do Conservatorio Superior de Música de Vigo en Redondela

    Este venres, día 31 de maio, alumnado do Conservatorio Superior de Música de Vigo ofrecerá un concerto o auditorio da Xunqueira, aberto ao público e con entrada de balde.

    Mostra de Produtos de Covelo este sábado con música en directo e contacontos teatralizados

    O Concello de Covelo celebra este sábado día 1 a súa Mostra de Produtos de Covelo con produtos de proximidade, artesanía e segunda man de 10 a 14 horas.

    O Pregón de Rogelio Groba Otero inaugura as primeiras festas de Corpus Christi declaradas Ben de Interese Cultural

    Ponteareas inaugurou oficialmente os actos centrais da celebración do Corpus Christi coa lectura do pregón a cargo do director e compositor Rogelio Groba Otero, que estivo acompañado no acto oficial pola alcaldesa, Nava Castro, polo tenente de alcaldesa, Juan Carlos González e pola deputada provincial Sandra Bastos e o deputado Alejandro Lorenzo. Esta emotiva cita levanta o telón dun completo programa de festas que se prolongará ata o próximo 9 de xuño, tendo a xornada do domingo día 2 como a data máis esperada do programa.

    Ponteareas presenta a campaña #Quereoteumercado da Xunta de Galicia de apoio aos mercados locais

    O Concello presentou na mañá de onte a campaña #Quereoteumercado da Xunta de Galicia co obxectivo de apoiar aos comerciantes locais e concienciar e impulsar as compras na vila por partes dos veciños e veciñas. Con este motivo, o director xeral de Comercio e Consumo da Xunta de Galicia, Gabriel Alén Castro, visitou o mercado municipal acompañado pola alcaldesa Nava Castro; o concelleiro de Comercio, Ricardo González; o concelleiro Francisco Represas e as concelleiras Silvia Fernández e Raquel Plana, así como diversos representantes do sector.

    Redondela proxecta o novo paseo do litoral de Cesantes que suporá un novo espazo de 4.000 metros cadrados

    O Concello de Redondela acaba de contratar a redacción do Proxecto Básico e de Execución dun novo paseo no litoral de cesantes. O ámbito de actuación esténdese desde o porto de Cesantes até o acceso á praia polo Camiño da Mariña. A superficie na que se vai intervir supón un espazo de 3.900 m2 aproximadamente. Trátase dun proxecto no que se reflectirá o deseño do paseo e as solucións construtivas. O prazo de execución é de tres meses, polo que estará rematado este verán.

    Douscentos quilómetros de sendas e viais limpados ao abeiro do I Plan Anual de rozados de Salceda

    O concello de Salceda de Caselas vén de rematar a primeira fase do seu Plan Anual de Rozados que botou a andar no mes de febreiro. O equipo de goberno dá resposta deste xeito ao seu compromiso electoral que trata de acometer unha actuación planificada e ordenada das tarefas de mantemento dos principais viais e camiños de propiedade municipal.

    O GDR Terra e Auga celebra a IV Gala de Calidade Turística do Xeodestino Condado Paradanta

    O GDR Terra e Auga celebra a IV Gala de Calidade Turística do Xeodestino Condado Paradanta na que entregará os distintivos SICTED de Compromiso de Calidade Turística e ratifica o seu apoio aos proxectos e prácticas que apostan pola calidade e a innovación. Será en Salvaterra de Miño o vindeiro luns día 13 de maio ás 19 horas.

    O xulgado dá a razón ao Concello de Redondela sobre a titularidade pública do acceso ao aparcadoiro de Vilavella

    O Xulgado do Contencioso 1 de Vigo ditou sentenza firme pola que sere xeita a demanda de Investimentos Intermundial SL contra o Concello polo vial de acceso ao aparcadoiro de Vilavella. Trátase da rampla que permite a entrada desde a rúa do Muro, un espazo do que a empresa reclamaba a titularidade.

    ‘Eureka Reto Rural’ propón descubrir “o pasado xudeo que envolve a Tui”

    Tui prepárase para acoller o terceiro desafío de ‘Eureka Reto Rural’, un programa de EuRural e do Xeodestino Ría de Vigo e Baixo Miño co que coñecer o territorio a través de xogos de escapismo temáticos, dixitais e ao aire libre. Unha emocionante aventura polas rúas do centro histórico da vila coa que todas e todos os participantes poderán coñecer o pasado xudeu e as curiosidades da comunidade xudía que viviu en Tui durante o século XI.

    Ponteareas estrea nova web “renovada e adaptada ás necesidades da cidadanía”

    O Concello presenta a súa nova páxina web institucional. Esta actualización chega como resposta á necesidade da cidadanía dun espazo dixital renovado, accesible e intuitivo, adaptado aos novos tempos.

    O museo Meirande de Redondela retoma as visitas teatralizadas

    O centro de interpretación da Batalla de Rande, Meirande, retoma esta fin de semana as visitas guiadas teatralizadas. Será o sábado día 25 ás 18 h m, cos guías oficiais do museo e a dramatización a cargo do grupo de Teatro ADC Rande.

    Paco Nogueiras con Extra! achega unha nova actividade de animación á lectura na Biblioteca de Tui

    Paco Nogueiras actuará hoxe martes, 21 de maio, ás 18.30 na Biblioteca Pública Municipal de Tui nunha novas actividade de animación á lectura dirixidas aos rapaces e rapazas dende 5 a 10 anos. Este evento forma parte daprogramación de “Tui en letras” que promove a concellería de Ensino, Cultura e Mocidade.

    Máis de 270 persoas desafían ao tempo para mergullarse na obra de Domingo Villar en Nigrán da man de ‘Eureka Reto Rural’

    Espectacular acollida do paso de ‘Eureka Reto Rural’ polo concello de Nigrán. Máis de 270 persoas desafiaron á meteoroloxía para mergullarse neste xogo de escapismo de balde e ao aire libre que EuRural e do Xeodestino Ría de Vigo e Baixo Miño están a levar aos concellos do territorio. Unha morea de equipo de valentes que non se amedrentaron coa ameaza de choiva coa que comezaba a tarde para facer de investigadores e investigadoras e axudar ao inspector Leo Caldas, protagonista de ‘A praia dos afogados’ de Domingo Villar, a resolver un caso paseando polo porto de Panxón, o Templo Vótivo do Mar, a praia da Madorra e Monteferro.

    Redondela celebra as festas da Coca cunha clara aposta pola tradición, os artistas locais e a mellor música

    Do 29 de maio ao 2 de xuño Redondela celebra a súa semana grande coas Festas da Coca, onde a tradición e a mellor oferta musical van da man. A concellería de Cultura, que xestiona Rita Pérez Táboas, ofrece unha ampla programación con cinco días de festexos onde as tradicional Danza das Espadas e as Penlas serán as protagonistas xunto coas alfombras florais.

    O Concello de Ponteareas presenta a primeira edición do concurso «Balcóns floridos»

    O Concello de Ponteareas lanza a primeira edición do concurso Balcóns Floridos, unha competición na que se valorarán as distintas decoracións florais dos balcóns da vila para incentivar a decoración das vivendas e recibir ao Corpus Christi. O certame xorde como unha iniciativa coa que poder reforzar o lazo entre a veciñanza e os espazos da vila mediante unha ornamentación acorde ás tradicións locais.

    A Cañiza estrea na Franqueira a nova sinaléctica da ‘Via Mariana de Peregrinación Luso Galaica’ que une Braga con Muxía

    A poucos días de celebrarse a Romaxe das Pascuillas na Franqueira, (luns 20 de maio, festivo local na Cañiza) o alcalde da Cañiza, Luis Piña acompañado do párroco Javier Alonso Docampo e a presidenta e o secretario da Asociación Via Mariana, María José Silva e Miguel Anxo Antón, respectivamente, achegouse ata a Franqueira para comprobar o emprazamento do cartel que anuncia a Etapa 7 da Vía Mariana que une Braga con Muxía. A nova sinalización, sufragada polo Concello cañicense, da continuidade á liña de colaboración entre o Concello e a Asociación da Vía Mariana.

    Arbo reparte bolsas de tea e reciclables para impulsar o comercio local

    Arbo continua traballando para por en valor o comercio local, nesta ocasióh a través dunha acción posta en marcha pola Deputación de Pontevedra ao amparo do Proxecto ‘Da túa Man’, unha campaña que busca promover a que a veciñanza arbense e dos concellos limítrofes compren no comercio de Arbo e fomente a sostenibilidade e a economía circular no municipio.

    O CN Ponteareas ascende á Division de Honra ao ompoñerse na final da Liga Galega de Natación en primeira división

    O CN Ponteareas fíxose coa vitoria, o campionato e o ascenso á Dvisión de Honra –xunto co CN Galaico de Pontevedra– logo de impoñerse nas probas da final da Liga Galega de Natacioón en 1ª división, disputadas o pasado sábado 11 de maio na piscina do Complexo Deportivo Álvaro Pino de Ponteareas.

    A Deputación aconsella renovar o antes posible a protección contra o mildio e o black rot

    A Deputación de Pontevedra aconsella a través do boletín fitosanitario de Areeiro desta semana renovar a protección contra o mildio nas viñas o antes posible, empregando preferiblemente un funxicida sistémico por dous motivos: a relativa retroactividade das materias activas con esta propiedade e mais a súa capacidade de protexer os órganos en crecemento.

    O PSOE da Guarda alerta, “a senda do Trega cada día máis lonxe de ser unha realidade”

    O Grupo Municipal Socialista da Guarda vén de facer pública unha nota de prensa na que alerta sobre o feito que “a Senda do Trega esta cada dia máis lonxe de ser unha realidade” e lembra que o anterior goberno que presidia Antonio Lomba, tiña destinada unha partida para esta actuación. O PSOE fai fincapé que a traves do Plan de Turismo, “a través do que acadamos 1.000.000 € para diversas iniciativas en materia de turismo incluíase, entre outras, esta senda”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.