A Plataforma Antilindano do Porriño vén de facer pública a aparición, "dunha nova vertedura de lindano en Torneiros", en monte comunal "preto da zona da Pereira-Contrasto" lugar onde se fixeron as obras de saneamento. Segundo a plataforma, a aparición desta nova vertedura, da que tiveron constancia o pasado sábado...

Facer produtivas as sinerxias, aliarse para potenciar os recursos do territorio e dinamizar socioeconómicamente os dez concellos do GDR Terra e Auga son algúns dos principios que respaldan o día a día do Grupo de Desenvolvemento Rural Terra e Auga.

A igrexa de San Martiño de Barcia de Mera prepárase para recibir o primeiro dos concertos da XVI edición do Ciclo de Música Relixiosa. Patrimonio e música daranse a man para recibir ao público que ao longo destes seis meses terán o privilexio de vivir a música interpretada por figuras de relevancia internacional na contorna rural e natural do conxunto histórico da Rectoral de Barcia de Mera, en Covelo.

O Concello de Baiona acolleu onte a presentación da 34ª edición da Festa da Bicicleta do Val Miñor, que se celebrará o 17 de maio, Día das Letras Galegas. Ao acto de presentación acudiron os alcalde de Baiona, Jesús Vázquez Almuiña, que exerceu de anfitrión –xa que esta edición será organizada pola administración local baionesa–; o alcalde de Gondomar e actual presidente da Mancomunidade do Val Miñor, Paco Ferreira; Ana Iglesias concelleira de deportes de Baiona e condutora do acto de presentación; Sara Penedo, concelleira Deportes de Nigrán, e Nuria Lameiro concelleira de Gondomar

A concellería de Parques e Xardíns do Concello de Redondela, que dirixe Pedro Villaverde, vén de dar conta da rehabilitación de 40 bancos de madeira de cara a darlles un novo uso. Este mobiliario urbano, que estaba deteriorado e que fora retirado de diferentes espazos públicos, poderán agora ter unha segunda vida.

Descubrir o patrimonio natural de Tui é o obxectivo das trece rutas de natureza que organiza o Concello de Tui, a través da concellería de Turismo. Vanse celebrar dende este sábado, 28 de abril, até o 30 de xuño. Coñecer as aves dende a beira do Miño, un paseo en barco, percorrer a senda do río Furnia ou a do río Tripes, gozar da natureza en rede Natura en Ribadelouro, e mesmo visitar os xardíns ocultos da cidade será posible grazas a esta iniciativa.

O subdelegado do Goberno en Pontevedra, Abel Losada, reivindicou os libros como o “mellor refuxio” e “defensa contra a barbarie” ante medio centenar de escolares do IES Ribeira do Louro, no Porriño. Fíxoo durante un encontro literario entre o alumando de 3º da ESO deste centro educativo e a escritora María Reimóndez, organizado co gallo Día Mundial do Libro.

O Concello de Salvaterra de Miño, a través do Plan Extraordinario de Infraestruturas Deportivas e o Plan +Provincia da Deputación provincial realizará as obras que permitirán acondicionar os locais localizados baixo a grada do campo de Oural, na parroquia de Fornelos.

O BNG amosou hoxe a súa satisfacción pola aprobación no Consello da Xunta do Decreto polo que se declara Ben de Interese Cultural (BIC) do Patrimonio Inmaterial o Corpus Christi de Ponteareas, solicitado polo goberno local do Bloque no 2017 e que suporá “un novo recoñecemento e unha nova ferramenta para a difusión e a posta en valor da maior obra de arte colectiva do noso pobo”.

O Concello inaugura á exposición das mostras participantes no concurso ‘Talento Xove’, un certame que puxo en marcha a administración local co obxectivo de fomentar a participación dos mozos e das mozas en actividades creativas e artísticas. En total, inscribíronse máis de 300 persoas de ata 30 anos.

A deputada de Infraestruturas Públicas, Mobilidade e Contratación, Isabel Couselo, acaba de reunirse en Mos coa súa alcaldesa, Nidia Arévalo, e membros da Corporación Local para analizar a situación das estradas provinciais ao seu paso polo municipio. Entre outras cuestións, as dirixentes afondaron no proxecto de mellora da seguridade viaria e mobilidade peonil na EP-2601 Mos-Puxeiros, á altura de Dornelas, no que a institución provincial investirá máis dun millón de euros.

O grupo municipal do PP de Tomiño vén de solicitar, a través dunha moción que se debatirá no vindeiropleno ordinario, o incremento das axudas municipaispara actividades sociais, culturais e deportivas ata os 120.000 euros anuais a partires do ano 2025 para tratar de deixar atrás os recurtes económicos do goberno local nesta materia nos últimos catro anos.

-O Concello de Redondela solicitou o pasado mes de marzo á Dirección Xeral de Defesa do Monte as inspeccións oportunas nas faixas secundarias de biomasa para previr incendios forestais. No caso da zona de Río Frio, en Chapela, o goberno local demanda que sexa a Xunta de Galicia...

A Deputación de Pontevedra mantén aberto ata este venres 26 de abril o prazo de preinscrición para optar aos Premios Provinciais de Xuventude que este ano repartirán 36.000 euros entre as mellores iniciativas impulsadas pola mocidade.

A concellería de Infraestruturas e Sostibilidade, que dirixe Roberto Villar, lembra que desde novembro do ano pasado, cando se celebrou en Santiago unha reunión coa que era conselleira de Infraestruturas e Mobilidade, Ethel Vázquez, o Concello segue á espera dunha resposta sobre os proxectos que son de titularidade autonómica.

Redondela deu por iniciada oficialmente a tempada turística coa apertura da súa Oficina de Información, na rúa Isidoro Queimaliños, e o Centro de Interpretación da Batalla de Rande, Meirande.

O alcalde de Baiona, Jesús Vázquez Almuiña, reuniuse cos responsables da empresa LUGOVE, concesionaria do transporte regular de pasaxeiros entre Baiona e Vigo, para trasladarlles a posibilidade de que entre a empresa concesionaria e a Xunta puidesen implantar unha app que dese ás perdoas usuarias información en tempo real sobre a localización dos autobuses.

O vindeiro 23 de abril celébrase o Día internacional do Libro e na Guarda unímonos a esta celebración a nivel mundial con variadas actividades entre as que destacan principalmente o desconto do 10 % en libros durante todo o día nas librerías Cervantes, Atlántica, Ideas e Ler, así como o inicio da IV Ruta do Libro.

Susana Garrido Pombo será a encargada de pechar o ciclo musical ‘Petiscos en Igualdade’ organizado polo Concellería de Igualdade. O seu concerto, incluído na programación co gallo do 8M, tivera que adiarse por mor da chuvia. A actuación será o domingo 21 de abril a partir das 12.00 horas na Alameda Castelao.

O Concello de Ponteareas continúa apostando polas actividades que impulsan o deporte no municipio e, nesa liña, presentou na tarde de onte a novena edición da proba ciclista ‘Sestelo-Clásica Álvaro Pino’. O evento tivo lugar nos Xardíns da Xiralda e nel participaron a alcaldesa, Nava Castro; o edil de Deportes, Luis Rodríguez; a vicepresidenta da Deputación, Luisa Sánchez así como o presidente do GDR, Pablo Castillo e os ciclistas Óscar Mosquera, Jesús Carballido e Álvaro Pino. Tamén participou no acto Roberto Álvarez, do Grupo Sestelo.

A alcaldesa de Redondela, Digna Rivas, e o presidente da Autoridade Portuaria de Vigo, Carlos Botana, mantiveron hoxe unha reunión na Casa do Concello de Redondela, a primeira dende que Botana tomou posesión como presidente do Porto vigués en xullo do ano pasado.

O Club Master Louriña presentou hoxe ao seu equipo feminino, o Kiwi Atlántico-Craega. Ao acto de presentación acudiron o concelleiro de Deportes, Abel Estévez, o presidente do Club Master Louriña, Juan José Álvarez, a directora nacional do equipo, Sonia Pariente, e o responsable do principal patrocinador Kiwi Atlántico, Rafa Pérez.

Un total de 1.045 alumnos e alumnas dos diferentes centros de ensino de Redondela participan esta semana no programa Espallar Tinta. A Alameda de Castelao acolle desde hoxe luns e ata o o mércores esta actividade na que participan os colexios de Educación Primaria e Infantil de Redondela para promover a dinamización da escritura e a literatura na infancia.

O subdelegado do Goberno en Pontevedra, Abel Losada, presentou esta mañá a campaña de control de velocidade impulsada pola Dirección Xeral de Tráfico (DXT) coa que se reforzará a seguridade viaria de aquí ao próximo domingo, día 21. A campaña incidirá especialmente nas estradas convencionais (as que dispoñen dun só carril en cada sentido) e nas vías urbanas da provincia.

A Deputación de Pontevedra abre este luns o prazo para que entidades sociais da provincia poidan solicitar axudas no marco do programa ‘+Convivencia’, dotado con 220.000 €. Trátase dunha iniciativa dirixida a entidades sen fins de lucro para que percorran a provincia, compartan experiencias, creen espazos de participación e poñan en valor o patrimonio natural, artístico, etnográfico e cultural de Pontevedra ao tempo que dinamizan o comercio local.

Tomiño continúa a súa loita contra a violencia de xénero. O Concello xa está a dar os primeiros pasos para adherirse a Atenpro, un servizo de atención ás vítimas de violencia de xénero que ofrece ás usuarias protección e atención inmediata ante as posibles eventualidades que poidan sufrir as 24 horas ao día os 365 días ao ano.

A recente decisión do Concello de Mos de regularizar o padrón para o pago da taxa por recollida de residuos sólidos urbanos, xunto co incremento impositivo sufrido estes últimos anos e que afecta directamente o tecido empresarial, reactivaron a demanda da Asociación de Empresarios de Mos de que este tipo de medidas teñan un claro reflexo na mellora de servizos e infraestruturas municipais.

O presidente da Deputación de Pontevedra, Luis López, anunciou esta mañá en rolda de prensa que a Xunta de Goberno da institución provincial acaba de aprobar as bases do programa de termalismo social +Benestar. Con esta iniciativa, que conta cun orzamento superior aos 220.000 euros, a Deputación facilitará o acceso de ata “2.127 persoas maiores da provincia ao turismo de saúdepara que se poidan beneficiar da súa dobre función: como un tempo de vacacións e como tratamento sanitario”, sinalou o presidente provincial.

O Concello da Guarda organiza o ciclo medioambiental Sostendo o Futuro na súa cuarta edición, iniciativa que comprende roteiros, observación e outras actividades de contido de coñecemento do medio natural ao longo do presente ano.

O Concello de Ponteareas organiza varias visitas aos “chiringuitos” da Freixa para aquelas persoas que estean interesadas en presentar as súas solicitudes poidan obter información de primeira man. Serán o luns 15 e martes 16 de abril desde as 10:00 horas ata as 12:00 horas e non é necesaria inscrición previa.

O PSdeG-PSOE da Guarda asegurou que o municipio ten “alcalde ausente que non fai o traballo que se espera del” logo que no último Pleno “evadira de xeito directores ” a súa responsabilidade ante dúas cuestions formuladas polo grupo socialista, unha delas relacionada co ferri.

O goberno actual de Ponteareas, liderado polo Partido Popular, promoveu recentemente unha mesa participativa sobre saúde, na que invitou a asociacións e organismos locais para que expuxesen as súas ideas sobre como mellorar a política relacionada con este ámbito na vila. Porén, a pesar do seu suposto carácter plural, o goberno do Partido Popular excluíu os partidos políticos da oposición desta mesa

Un ano máis o Concello de Arbo, poñerá en marcha un servizo especial de autobuses LampreBus os días 26, 27 e 28 de abril coa celebracion da LXIV Festa dá Lamprea. LampreBus, unha iniciativa creada no ano 2019 que busca “mellorar e facilitar a mobilidade nos días da Festa dá Lamprea, tanto para os veciños como para os visitantes”, tal e como explica o alcalde de Arbo, Horacio Gil.

A Deputación de Pontevedra acaba de publicar as bases para que comerciantes, hostaleiros e produtores e provedores locais de 19 concellos da provincia se adhiran ánova Rede de Comercio Local Move, que se pon en marcha no marco dos proxectos “Da túa man” (rural I e rural II), que forman parte das convocatorias 2022 e 2023 da liña de axudas para o apoio da actividade comercial en zonas rurais do Plan de Recuperación.

Tras o éxito do anterior curso de Manipulación de Alimentos realizado o pasado venres 5 de abril e ante a demanda de formación entre os veciños e veciñas, a Federación de Mulleres de Pontevedra (FEMUPO) a través do Plan Corresponsables oferta unha segunda data para a formación presencial dirixida a mulleres e homes.

A Feira Apícola Rías Baixas chega á súa trixésimo sexta edición con máis forza ca nunca da man dun nutrido programa de actividades dirixidas tanto aos maiores como aos cativos da casa, que nos convidan a vivir unha doce e diferente fin de semana no Porriño.

A alcaldesa de Redondela, Digna Rivas, recibiu na Casa do Concello, na mañá de onte, aos alumnos e alumnas franceses de intercambio que durante un mes convivirán co alumnado do IES Chapela. Célestine e Kylian incorporáronse este mes ao instituto acompañados polos seus anfitrións Gabriela e Andrés de 1º de Bacharelato, que xa pasaron a súa estancia en Francia.

Traballar na igualdade dende as aulas. Ese é o obxectivo dos obradoirosformativos postos en marcha polo Concello e que durante os meses de abril e maio levarán a igualdade aos centros escolares, afondando en temáticas de vixente actualidade que afectan á rapazada e adolescencia e dando resposta á información recollida no Estudo-Diagnose sobre igualdade de xénero e violencia machista no ámbito educativo realizado polo Concello.

​O Concello de Salceda recibe nestes días a tres visitantes moi especiais chegadas dende Francia. Trátase de tres alumnas da rexión Grand Est –das cidades de Metz e Nancy– que participan no intercambio educativo EDUMOB da Xunta de Galicia. Este programa busca fomentar a interculturalidade mediante o coñecemento lingüístico e cultural entre alumnado desa rexión e Galicia. Marie, Insaf e Rania pasarán este mes en Salceda asistindo a clases no IES Pedras Rubias, ata o vindeiro 28 de abril.

Este 27 de abril ás 13:00 h desde o balcón da Casa do concello, Fernando Jáuregui, será o encargado de pregoar as excelencias gastronómicas de Arbo na LXIV Festa da Lamprea.

A alcaldesa, Nava Castro, representará a Ponteareas e á provincia de Pontevedra na Comisión de Cultura e Patrimonio da Federación Española de Municipios e Provincia (FEMP). O órgano constituíuse hoxe en Madrid e ten como obxectivo poñer o foco de atención nos asuntos que preocupan ás diferentes localidades no referido a estas materias.