11.3 C
Pontevedra
Xoves, 3 de Decembro de 2020

Tag: pp

O PP de Ponteareas solicita ao Goberno local axilidade no trámite das exencións de impostos locais aos autónomos afectados pola Covid-19

O Grupo Municipal do PP pide ao Goberno local que sexa áxil cumprindo os acordos en relación á Covid-19, porque se expuxo a exención de impostos locais a todos os autónomos que sufriran peches durante o Estado de Alarma, como consecuencia da pandemia, e todavía non aplicouse.

O PP do Porriño alerta sobre “unha nova subida de impostos” impulsada polo Goberno municipal

O Partido Popular do Porriño mostrou hoxe a súa total oposición á nova subida de impostos que promove o Goberno Municipal do Porriño, "unha actualización que producirá un incremento considerable dos recibos do IBI e no imposto sobre construccións, instalacións e obras". A actualización dos valores catastrais afectará principalmente, segundo o PP porriñés, ás vivendas no termo municipal e supoñerá un significativo aumento da taxa anual a abonar.

O PP do Porriño solicita a comparecencia da alcaldesa e da voceira de EU Son ante os “graves feitos” dos últimos días

O Partido Popular do Porriño solicitará a comparecencia da Alcaldesa, Eva García, e da portavoz de EU SON Porriño-Son en Común, Patricia Sío, ante a "gravidade das declaracións feitas por ambos os grupos" nos últimos días sobre os termos de negación para a aprobación dun Recoñecemento Extraxudicial de Crédito por importe de 3 millóns de euros.

O PP de Ponteareas solicita a “paralización urxente” da rede de calor de biomasa e piden “diálogo” ao goberno local

O Grupo Municipal do Partido Popular de Ponteareas vén de solicitar a "paralización inmediata" das obras da Rede de Calor de Biomasa, levadas a cabo en pleno centro urbano de Ponteareas e que segundo a portavoz popular, Belén Villar "carrexaron un gran enfado entre os veciños da zona".

O PP lamenta “a tala de árbores e falta de consenso” na humanización da rúa Redondela

O Grupo Municipal do PP lamenta a "falta de planificación e consenso" Goberno local que está a remodelar a Rúa Redondela "sen ter en conta as necesidades e peticións dos residentes nesta zona", a firma a portavoz popular Belén Villar.

O PP do Porriño asegura que o Concello contrata “a dedo” a limpeza viaria “pese a ter adxudicado o servizo”

O portavoz do PP do Porriño, Alejandro Lorenzo, denunciou o estado dos viais e camiños municipais "invadidos pola maleza" e que, sinala o concelleiro popular, "supoñen en moitos casos un evidente risco para a seguridade de peóns e condutores e agrava o perigo de incendio ás portas da tempada de alto risco". Esta situación, di Lorenzo "está a desatar aluvións de reclamacións dos veciños e veciñas do rural porriñés que demandan a inmediata intervención do Concello".

O PP de Ponteareas esixe que o Concello ordee limpar as parcelas cheas de entullos ás empresas adxudicatarias de obra municipal

O Grupo Municipal do PP vén de solicitar ao Concello de Ponteareas que se proceda a desescombrar "canto antes" distintas parcelas do municipio nas que se acumulan entullos de obras municipais. Estes "vertedoiros improvisados" sinala a portavoz popular Belén Villar, "están a xerar malestar entre a veciñanza e pode derivar en problemas de insalubridade".

O PSdeG-PSOE de Ponteareas lamenta a oposición “irresponsable e mentireira” do PP ponteareán

Os socialistas de Ponteareas veñen de denunciar o que cualifican de "última falcatruada" dos concelleiros do PP de Ponteareas difundindo entre o persoal municipal "a mentira de que o Goberno Municipal coa colaboración de ACIP" tiña a intención de baixarlle o soldo os traballadores "atrevéndose incluso a dicirlles que ían quedar sen paga extra", afirma o PSdeG-PSOE.

O PP de Ponteareas solicita ao Concello que “axilice” os pagos de facturas pendentes e que non pasen os 30 días

O PP de Ponteareas, dentro da batería de propostas que están a facer ao Goberno local para afrontar a crise derivada da COVID-19, vén de propoñar que se axilicen os pagos a provedores "e abónense as facturas pendentes", xa que os datos facilitados, do último trimestre, aseguran os populares, "reflicten que a administración local atrásase no pago unha media de 54 días, cando a lei establece que deben ser menos de trinta días".

O PP de Ponteareas doa o 50 % do salario para axudas a autónomos e empresas do municipio afectados pola crise da COVID-19

O PP de Ponteareas anunciou o ingreso do 50 % do salario correspondente aos meses de marzo e abril para axudas axudas aos afectados pola Covid-19. Os populares aseguran que para poder facer o ingreso "tiveron que insistir" para que o Concello lles facilitase o número de conta no que realizar dito ingreso.

O PP de Ponteareas solicita ao Concello axudas para os gastos fixos dos autónomos mentres dure o confinamiento

O Grupo Municipal do PP de Ponteareas presentou un "engadido" as medidas que no seu momento solicitaron ao Concello e que foron recollidas nun borrador elaborado polo Goberno local e remitido aos grupos da oposición. Agora, o PP, que agradece que se recolleran "parte das medidas que solicitamos", fan un engadido a maiores "para mellorar o documento".

Os concelleiros e concelleiras do PP do Porriño renuncian ás súas retribucións o que resta de 2020

O Grupo Municipal do Partido Popular do Porriño fixo transmitiu ao Goberno local a súa intención de renunciar "a percibir ás súas retribucións por comisións, asistencia a plenos e aportación como grupo municipal todo o ano 2020". Os populares tiñan solicitado un Plan de rescate para autónomos e empresas "que contemple axudas directas e indirectas dirixidas a paliar as consecuencias da crise sanitaria ocasionada polo COVID-19".

O PP de Ponteares pide a redución do salario dos concelleiros e concelleiras con dedicación durante o estado de alarma

O Grupo Municipal do PP rexistrou unha petición dirixida ao alcalde, Xosé Represas, para solicitar a redución do salario de todos os edís da Corporación que gozan de dedicación. A esixencia dos populares é que "polo menos sexa un 50 % de redución e que sexa aplicado con efecto inmediato e mentres dure o Estado de Alarma".

PP e EU de Ponteareas apoian a iniciativa de CCOO e UGT dunha retribución complementaria para os traballadores expostos ao COVID-19

O Grupo Municipal do PP e Esquerda Unida de Ponteareas únese á solicitude realizada polos sindicatos CCOO e UGT encamiñada a que se retribúa de forma complementaria aos empregados municipais que están a traballar durante a situación de Estado de Alarma.

O PP de Ponteareas, partidario de cancelar o pago de impostos de autónomos e empresas

O Grupo Municipal do PP de Ponteareas lamentou hoxe que o Goberno local "non teña en consideración aos grupos da oposición", aos que, aseguran os populares, "nin consulta nin informa das medidas que se adoptan ante o Estado de Alarma no que nos atopamos".

Carlos Font cualifica de “escandaloso e vergoñento” que o PP atrévase a falar do ORAL de Tui

O deputado provincial Carlos Font cualificou hoxe de “escándalo monumental” as declaracións de dirixentes do Partido Popular sobre a situación da oficina do ORAL de Tui, que a Deputación de Pontevedra tivo que pechar de forma urxente “ante a imposibilidade de arranxar as gravísimas deficiencias estruturais que ven arrastrando desde que foi adquirido, con sucesivas queixas das traballadoras e traballadores pola situación lamentable das dependencias, agravadas agora polos últimos temporais”.

O PP de Ponteareas afirma que se pide unha prórroga á Xunta “para que aínda non se pronuncie sobre o PXOM”

O PP de Ponteareas, que asegura ter sido informado "por fontes autonómicas", que o Concello de Ponteareas solicitou unha prórroga á Xunta para que a administración non se pronuncie en relación ao PXOM, desmentiu que por parte da admistración autonómica "non se queira informar" sobre o documento e que tan so concederon máis tempo "para que solucione os problemas" que ao entender do PP, ten o documento.

O PP denuncia a falta de mantemento do Auditorio Municipal

Os problemas estructurais que, segundo o Concello de Ponteareas, sofre o Auditorio Reveriano Soutullo foron hoxe achacados, por parte do Partido Popular a falta "dun servizo de mantemento" dunha instalación que foi reformada hai nove anos "e que se utiliza diariamente".

Mera desminte a “presunta privatización” do servizo de limpeza en edificios municipais

O concelleiro de Bo Goberno do Concello de Ponteareas, Roberto Mera, responsábel do servizo de limpeza nos edificios e instalacións municipais, desmentíu as acusacións do Partido Popular relativas á suposta privatización do servizo. Mera explicou que actualmente o Concello atende a limpeza das instalacións municipais con persoal propio, seis traballadoras estabeis e dúas eventuais.

O PP asegura o endebedamento do Concello pretende “maquillar” o desfase económico dos últimos exercicios

O PP de Ponteareas lamenta que o Goberno local "tire pola borda" todo o esforzo feito para sanear o concello e propoña "a solicitude de préstamos que deixarán ao concello nun endebedamento de máis de catro millóns de euros". Se ben os populares aseguran estar "de acordo en moitas cousas que se recollen no documento", adiantan que non votarán a favor "de voltar a endebedar o Concello".

O PP alerta sobre a proposta do Goberno local de Ponteareas de endebedar ao Concello en máis de 4 millóns de euros

O PP de Ponteareas vén de expresar públicamente o seu rexeitamento á postura adoptada polo Goberno local de "torpedear" o traballo dos grupos da oposición. As manifestacións da portavoz popular, Belén Villar, foron realizadas logo de que o seu grupo recibira o venres pasado o documento dos Orzamentos 2020 e foran convocados ás comisións informativas esta semana.

O Goberno da Guarda denuncia que o PP «intenta estrangular a xestión municipal»

O Concello da Guarda celebrou, ounte, 14 de xaneiro de 2020, un Pleno extraordinario co fin de aprobar a Conta Xeral do ano 2018 como estipula a lei. A conta xeral, segundo o Goberno local, "cumpre todos os requisitos para a súa presentación e aprobación no pleno, como son: o dictame da Comisión de Contas e a exposición publica da mesma, (sen que ninguén fixese alegacións) ademais de contar co informe favorable de intervención".

O Goberno redondelán asegura que o PP “exercita unha oposición baseada na falsidade”

O Goberno local de Redondela acusou hoxe ao PP de "estar realizando unha oposición baseada na mentira ao realizar manifestacións públicas que son totalmente falsas". Os populares denunciaran no Pleno que os salarios do Goberno local non estaban publicados no 'Portal de Transparencia' cando o certo é que están publicados na web municipal (http://redondela.gal/gl/retribucions).

A Ludoteca de Ponteareas, motivo dun novo enfrontamento entre o PP e o Goberno local

As declaracións formuladas polo PP nas que aseguraba o Goberno local –co apoio por certo de todos os grupos agás o PP– aprobaba un regulamento no que excluía "aos nenos e nenas de 2 a 5 anos", vén de marcar un novo enfrontamento entre os populares e o Goberno ponteareán que, indignado, lémbralle á concelleira Balén Villar que "nunca se admitiu a nenos e nenas de esas idades, tampouco na época de Goberno do PP".

O Goberno de Redondela pide “honestidade” á portavoz do Partido Popular

O Goberno local cualificou de “irresponsabilidade” e “incapacidade de aceptar o papel que lle corresponde neste mandato” as declaracións formuladas pola portavoz do PP, Carmen Amoedo, nas que aseguraba que a oficina de Rexistro de Chapela levaba quince días pechada e acusaba ao Goberno local de “irresponsable” por non cubrir as baixas do persoal provocando, segundo ela, “o abandono dos servizos básicos”.

O PP de Ponteareas afirma non ter recibido o documento dos Orzamentos 2020

O PP de Ponteareas vén de denunciar o que, ao seu entender, é unha "falta de respecto" da Alcaldía cara aos grupos da oposición aos que "continuamente obstaculiza o seu traballo". Belén Villar asegura que, sobre a intención do alcalde de aprobar os orzamentos de 2020 o próximo 26 de decembro non teñen máis información "que o publicado estes días polos medios de comunicación".

O PP asegura que nunca estiveron contra a compatibilidade de Mera, “só pedimos que se cumprira a Ley”

O Partido Popular de Ponteares "agradedeu a rectificación da Alcaldía de Ponteareas" levando novamente a Pleno o acordo da compatibilidade de Roberto Mera engadindo un novo punto "no que limita a compatibilidade do oficio de avogado de Mera", tal e como os populares aseguran ter defendido dende o prinicipio.

O Pleno de Ponteareas rexeita o recurso contra a incompatibilidade de Mera cos votos de BNG, PSOE… e PP

O Pleno da Corporación Municipal de Ponteareas, celebrado o pasado martes, rexeitou o recurso presentado pola portavoz popular, Belén Villar, sobre a incompatiblidade de Roberto Mera para que puidera exercer o seu traballo de avogado. O recurso foi rexeitado cos votos do BNG, PSOE e, sorprendentemente, cos votos do PP, quen podendo retirar o mesmo preferíu mantelo e votar en contra.

O PP de Ponteareas reúne preto de 300 persoas no Xantar de Nadal

O PP de Ponteareas celebrou o seu tradicional Xantar do Nadal, nun restaurante da localidade nun acto no que participaron preto de 300 persoas. O presidente provincial, Alfonso Rueda; a deputada, Ana Pastor, e varios alcaldes e portavoces populares acompañaron á presidenta local, Belén villar, para felicitar as festas aos veciños da Vila do Corpus.

O PP chama en Ponteareas “á unidade do voto” para desaloxar a Sánchez da Moncloa

O Partido Popular de Ponteareas organizou un encontro para que os militantes e simpatizantes puidesen coñecer máis de preto as propostas do PP para estas eleccións xerais, unha cita á que acudiron o presidente provincial dos populares, Alfonso Rueda, os candidatos ao Congreso, María Ramallo e Javier Bas e o candidato ao senado, Santiago Rodríguez.

O Goberno de Salceda cualifica de “irresponsable” ao PP ao impedir o aprazamento do Pleno

O Equipo de Goberno de Salceda (Movemento Salceda e PSOE) lamentaron a actitude "pouco colaboradora" do Partido Popular de Salceda ante a solicitude de cambio de data do Pleno ordinario que se celebrará este venres 25 de outubro, e que non incluirá puntos na parte resolutiva da orde do día. Loli Castiñeira, alcaldesa de Salceda, cualificou a postura dos populares de "irresponsable" e asegurou que "decidiron non colaborar coa acción de goberno antepoñendo os seus intereses aos intereses da veciñanza".

O PP do Porriño recorre aos tribunais “ante a actitude antidemocrática” da alcaldesa

O Xulgado Contencioso Administrativo Nº 2 de Pontevedra, vén de admitir a trámite o recurso interposto polos populares do Porriño contra o Concello "por vaciar de contido o pleno extraordinario, convocado para o 26 de agosto a instancia do PP", no que se instaba á revisión de oficio dos máis de 5 millóns de euros en facturas irregulares que, a día de hoxe, se adeudan a provedores.

AER cualifica a oposición do PP como “destrutiva, indiscriminada e sen rigor”

A Agrupación de Electores de Redondela, AER, saiu ao paso da valoración realizada polo PP "sobre os 100 días de goberno bipartito" unha valoración que, para a formación asemblearia, non fai máis que reflectira "a tónica que está a levar o PP nestes 77 días: oposición destrutiva, indiscriminada e sen rigor" cousa que, aseguran, "tampouco é de estrañar: fan oposición coa mesma filosofía coa que antes gobernaron".

O Porriño renova o parque móbil municipal

O Goberno Municipal do Porriño licitou a renovación total do parque móbil do Concello mediante o sistema de 'renting' para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público. A operación rematou esta semana coa firma dos contratos cunha vixencia de 4 anos.

O PP de Tui pedirá no Pleno a creación dun Centro de Día de titularidade pública

O Grupo Municipal do Partido Popular no Concello de Tui vén de presentar unha moción, para o seu debate plenario no que buscará o apoio da Corporación Municipal de cara a que o Goberno local inicie os trámites para solicitar á Xunta "a creación no noso municipio dun Centro de Día para os nosos maiores".

O PP de Tui cuestiona “a conveniencia” de contratar un cargo de confianza da Alcaldía

O Grupo Municipal do PP, a través do seu portavoz José Ángel Fernández Rodríguez amosou a súa "disconformidade" coa decisión do alcalde de Tui de contratar un cargo de confianza para a xestión municipal "incrementando o gasto que supón para as arcas municipais os soldos para o goberno municipal".

Acordo do BNG e PP de Redondela para incrementar en 90.000 euros o gasto de asignacións aos partidos

No Pleno da Corporación Municipal de Redondela do pasado venres, a oposición –PP e BNG– "aliouse" para incrementar o gasto en asignacións aos grupos políticos fronte a proposta do Goberno local de manter as asignacións do mandato anterior. O acordo acadado supón que as arcas municipais van ter que destinar 90.000 euros máis no conxunto do mandato por este concepto, un 130 % de incremento respecto da anterior.

O BNG de redondela lembra a “neglixente” xestión do PP nos terreos ocupados polo AVE

O voceiro do BNG, Xoán Carlos González saiu hoxe ao paso das declaracións verquidas polo Partido Popular sobre á xestión de diversos proxectos, algún deles nos terreos afectados pola liña do Eixo Atlántico de Alta Velocidade. As declaracións enmárcaas o BNG “no revanchismo político ao que xa nos tén acostumados o PP. Os e a súa responsábeis políticos non están á altura do que lle exisen os e as súas votantes”, afirma o edil nacionalista.

O PP pedirá no Pleno do Porriño a inclusión do Concello no «Pacto dos Alcaldes para o Clima e a Enerxía»

O grupo municipal do Partido Popular do Porriño pedirá ao Pleno que acorde solicitar a inclusión do municipio no «Pacto dos Alcaldes para o Clima e a Enerxía» no que están xa implicados case que a metade dos concellos galegos e, segundo explican os populares porriñeses "O Porriño non é un deles".

O PP de Nigrán alerta sobre “o incontrolado” aumento de autocaravanas nas praias

O Partido Popular de Nigrán vén de advertir "do aumento incontrolado de autocaravanas que literalmente invaden os principais aparcamentos dos areais do municipio durante este verán". O portavoz popular, Carlos Abal, incide en que "é de total necesidade" que leve a cabo unha regulación real da situación".

Colaboradores