13.7 C
Pontevedra
Mércores, 22 de Maio de 2024
Máis
    HomeBaixo MiñoTomiñoO PP de Tomiño lamenta que os orzamentos "sigan sen recoller as...

    O PP de Tomiño lamenta que os orzamentos “sigan sen recoller as necesidades das parroquias”

    Segundo os populares, as partidas que máis crecen son as de persoal, incluíndo os 169 mil euros destinados a soldos do Goberno

    O Partido Popular de Tomiño votou en contra dos orzamentos de 2021 porque ao seu entender son “un mero documento de funcionamento para o Concello, continuísta e que non recolle as necesidades que teñen as parroquias”.

    O voceiro do grupo municipal do PP, Esteban González, considera “chamativo” que o capítulo de investimentos reais que repercuten no beneficio dos veciños de Tomiño só representa o 4 % do orzamento mentre que, engade, o 87 % está destinado a persoal e gastos correntes, “destacando os 169 mil euros que destinan a soldos do Goberno”.

    Cuestiona tamén o PP que o Goberno local aposte pola creación de dúas prazas na modificación da RPT, técnico de xestión e de medio ambiente, “algo que a priori non resulta tan urxente, se temos en conta a situación da Policía Local de Tomiño que, por falta de recursos, non se pode garantir un servizo diario” o que amosa, afirma González, “que a falta de policía local non é unha prioridade para este Goberno, que fai caso omiso ás denuncias e reclamacións para garantir a seguridade cidadá”.

    O capítulo de investimentos —segundo o edil popular— deixa plasmado, “unha vez máis”, o abandonando das distintas parroquias. “Dos 295.000 euros que reservan, gran parte vai destinado a gastos de mobiliario dos distintos departamentos” e o denuncia que o mesmo ocorre co apoio ao comercio local, “para o que se reduce a partida de 25.000 hai uns anos, a 5.000 euros no momento que máis apoio precisan”. Para o voceiro popular, “deixan ben claro que non apostan polo pequeno comercio nin contan coa súa opinión”, e como exemplo critican que gastasen 5.000 euros nun vídeo para o día de Reis “mentres que para o concurso de mellor decoración do comercio local só se destinaron 3.000 euros”.

    Para portavoz popular, outro dato que reflicte “o retroceso e regresión” na que se atopa o Goberno local é que tampouco é capaz de priorizar e ofrecer investimentos encamiñados a resolver “un dos graves problemas que teñen moitos fogares, que seguen sen saneamento”. Recorda que é unha competencia municipal para a que só destinan 30.000 euros.

    Por último, Esteban González, critica que se descoñeza en que vai investir o Goberno local o Plan Concellos da Deputación de Pontevedra.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.