18.4 C
Pontevedra
Luns, 3 de Outubro de 2022
Máis
    HomeLouriñaO PorriñoO PP do Porriño solicita a comparecencia da alcaldesa e da voceira...

    O PP do Porriño solicita a comparecencia da alcaldesa e da voceira de EU Son ante os “graves feitos” dos últimos días

    A alcaldesa e a edil deberán dar conta dianteda corporación e da cidadanía sobre o contido duns pactos entre forzas políticas que, tal e como se expuxo publicamente, perseguían unha nova repartición de cadeiras na corporación co voto a favor a unha modificación orzamentaria como moeda de cambio

    O Partido Popular do Porriño solicitará a comparecencia da Alcaldesa, Eva García, e da portavoz de EU SON Porriño-Son en Común, Patricia Sío, ante a “gravidade das declaracións feitas por ambos os grupos” nos últimos días sobre os termos de negación para a aprobación dun Recoñecemento Extraxudicial de Crédito por importe de 3 millóns de euros.

    A alcaldesa e a edil –asegura o portavoz popular Alejandro Lorenzo– “deberán dar conta diante da corporación e da cidadanía sobre o contido duns pactos entre forzas políticas que, tal e como se expuxo publicamente, perseguían unha nova repartición de cadeiras na corporación co voto a favor a unha modificación orzamentaria como moeda de cambio”.

    Indignación dos populares

    “A voceira de EU SON relatou en sesión plenaria, sen ningún tipo de pudor, que o seu grupo ía emitir un voto que incurriría nunha ilegalidade se a alcaldesa cumplira a súa parte do trato”, manifesta o portavoz, Alejandro Lorenzo. E é que a edil, defendeu que non podería votar a favor dun acordo que xa estaba aprobado en pleno “porque sería ilegal” para, dous minutos despois, asegurar que o seu grupo tiña condicionado ese voto a favor a que a Alcaldesa anunciara a súa dimisión.

    “Estamos a falar de comprar votos, e hai que dicilo con total claridade. Se o que afirma a portavoz de EU SON é así, están a cometer un delito e deberán dar conta onde corresponde”, continúa Lorenzo. Cabe destacar que, en resposta, a rexedora limitouse a emitir un comunicado no que en ningún momento nega que se mantiveran as negociacións nestes termos.

    Lembran os populares que a facturación pendente de pago que está servindo a estes grupos como base de negociación, está a ser investigados penalmente na causa que instrúe o Xulgado de Instrucción Nº 2 do Porriño na que están imputados varios corporativos polos delitos de tráfico de influencias, prevaricación e falsidade documental. Falamos de máis de 5 millóns de euros en facturas totalmente irregulares non contan con ningún tipo de contrato e onde se detectaron cuestións de tal gravidade como a facturación a nome de varias empresas por parte do mesmo administrador ou facturas por traballos non realizados. “O recoñecemento que EU SON pretendía aprobar se a alcaldesa cumprise a súa parte do acordo xa fora levado a pleno e acordouse, a petición do noso grupo, a revisión de oficio de esa facturación. O acordo estaba tomado, tal e como recoñeceu Sío”, explica o voceiro, “Estaban dispostos a evitar que se revisara esa facturación e incumplir o acordo plenario por puro interés partidista”.

    “Esta dantesca situación volve comprometer a todos os grupos que manteñen a este goberno corrupto”, sentenza o edil, “PSOE, BNG, EU SON e Manuel Carrera investiron a esta alcaldesa. Para soster esta situación durante cinco anos o voto da rexedora non é suficiente, precísanse nove. Son cómplices e así está a demostrarse”.

    O portavoz dos populares conclúe advertindo que o Partido Popular seguirá ata o final para resolver a trama económica e política que está a desleixar o Concello do Porriño. “A diferencia de todos eles nós non temos nin perseguimos máis pacto que cos veciños e veciñas do Porriño. Actuamos en todo momento movidos pola defensa do interés público ante o desfalco do que está a ser vítima a veciñanza e así seguiremos, facendo unha oposición tan dura como sensata basada únicamente na defensa dos intereses dos noso concello e dos nosos veciños. Chegaremos ata o final.”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS