7.6 C
Pontevedra
Venres, 29 de Marzo de 2024
Máis
    HomeVal MiñorNigránO PP de Nigrán insta ao Concello a crear unha oficina de...

    O PP de Nigrán insta ao Concello a crear unha oficina de impulso definitivo ao despregamento da fibra óptica

    O PP de Nigrán vén de presentar unha moción para o seu debate no vindeiro pleno do 5 de Abril, de cara que o Concello cre unha oficina de impulso ao despregamento de fibra no municipio durante os próximos 2 anos e conseguir, dese xeito, que o acceso a internet de banda ancha chegue ao 100 % dos fogares e empresas do municipio.

    O despregamento da fibra óptica en Nigrán, “aínda que creceu considerablemente nos últimos anos”, aseguran os populares, “ten unha distribución é claramente irregular, dándose paradoxos como que algúns núcleos rurais teñen máis cobertura que nas zonas urbanas, onde a priori sería máis fácil o seu despregamento”, sinala o portavoz popular, Carlos Abal.

    A explicación a esta distribución irregular atopase no feito, di o PP de Nigrán, “de que en zonas rurais están subvencionados pola administración, co que as operadoras prefiren despregar nesas zonas que teñen un custo menor de investimento”. Aínda así, engaden, “hai numerosas peticións de fogares e empresas que non son atendidas, cando realmente están moi próximas ás zonas despregadas, tanto nas zonas urbanas como nas rurais”.

    “Agora mesmo, o ter ou non ter fibra está a converterse nun requisito imprescindible para a venda ou o alugueiro de vivendas. Doutra banda, a hostalería e calquera tipo de empresa necesita ter unha conexión a internet de calidade, ademais xorde a oportunidade de fixar residentes aquelas persoas que poden teletrabajar pero que igualmente necesitan unha conexión de calidade”, apunta o PP na súa moción.

    A proposta popular consiste na creación, por parte do Concello, dunha Oficina de Impulso da Banda Ancha en Nigrán, que recolla as demandas dos fogares e empresas e busque, xunto coas pperadoras, solucións a curto prazo para que a banda ancha chegue a todos”.

    Para conseguir este obxectivo, explica o PP, “sería conveniente mobilizar recursos público-privados realizando convenios coas operadoras, para que co apoio municipal, se poida dar o servizo solicitado mediante accións como compartir os postes de iluminación ou canalizacións, ou mesmo subvencionar en parte algún despregamento”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.