O PP de Ponteareas vén de denunciar o que, ao seu entender, é unha “falta de respecto” da Alcaldía cara aos grupos da oposición aos que “continuamente obstaculiza o seu traballo”. Belén Villar asegura que, sobre a intención do alcalde de aprobar os orzamentos de 2020 o próximo 26 de decembro non teñen máis información “que o publicado estes días polos medios de comunicación”.
Villa, que asegura descoñecer o documento, considera “moi grave que non se nos informe”. A portavoz popular, que explicou que o PP xa presentou unha serie de solicitudes para que sexan tidas en conta no documento dos Orzamentos, non descarta “acudir aos tribunais se o alcalde non nos facilita e cumpre co prazo que marca a lei”.
Por outra banda o PP considera “lóxico” o enfado dos sindicatos xa que “levan escoitando falsas promesas en relación ás súas melloras salariais” a pesar de que a situación económica e moito mellor.
Villar é crítica a creación de novas prazas “a libre antollo do Goberno” cando ainda ten sen cubrir as probadas no pleno.
O PP considera facer un Pleno o 26 de decembro, é un xeito de evitar “que poidamos estudar os expedientes e de que os veciños poidan coñecer o documento en profundidade” nunha actitude que consideran “pouco democrática”.