3.1 C
Pontevedra
Martes, 31 de Xaneiro de 2023
Máis
    HomeComarcasRedondelaO Goberno redondelán asegura que o PP "exercita unha oposición baseada na...

    O Goberno redondelán asegura que o PP “exercita unha oposición baseada na falsidade”

    A Concellería de Transparencia lémbralle aos populares que "na web do Concello están publicados todos os salarios do Goberno municipal"

    O Goberno local de Redondela acusou hoxe ao PP de “estar realizando unha oposición baseada na mentira ao realizar manifestacións públicas que son totalmente falsas”. Os populares denunciaran no Pleno que os salarios do Goberno local non estaban publicados no ‘Portal de Transparencia’ cando o certo é que están publicados na web municipal (http://redondela.gal/gl/retribucions).

    Curiosamente, sinala a concelleira de Transparencia, Susana Couñago, o Portal de Transparencia “está aloxado na páxina web do Concello pero é xestionado por unha empresa privada externa contratada polo PP en marzo do 2019”.

    Para o executivo local redondelán esta forma de facer oposición “non só afecta ao Concello como institución (Goberno e persoal), “pola perda de tempo en desmentir falsidades, senón a toda a veciñanza do Concello que lle poden dar credibilidade a estas novas por vir dun partido que se presupón ‘informado ou con coñecemento de causa’ nestes ámbitos, cando non se axustan á realidade”.

    Para a Concellería de Transparencia “é unha prioridade” que todo o relativo á transparencia municipal sexa publicado na páxina web ou a través dun portal municipal “e non a través de un portal propiedade dunha empresa privada”, polo que lle resulta sorprendente “que polo partido da oposición se siga insistindo nunha cuestión, como é a falta de publicidade, que non se axusta á realidade”.

    Volve a mentir o PP cando manifesta que “as redes sociais do Concello de Redondela son xestionadas polos responsables políticos”, cando o certo é que na actualidade “as diversas redes sociais das que dispón o Concello de Redondela son xestionadas polo persoal que traballa no Concello de Redondela”.

    Finalmente, Susana Couñago incide nas denuncias populares sobre o “atraso no acceso á información”, un tema no que segundo a concelleira redondelá o PP “volve a faltar a verdade porque toda a información ou acceso aos expedientes solicitados polos grupos da oposición son accesibles dentro do prazo establecido legalmente”.

    Para a concelleira de Transparencia, a liña de actuación do PP amosa o comportamento “dunha oposición que minte nas súas manifestacións” e asegura que a veciñanza de Redondela “merece mais rigor e seriedade nas manifestacións realizadas por dito partido político”.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS