15.3 C
Pontevedra
Venres, 14 de Xuño de 2024
Máis
    HomeO CondadoPonteareasO PP de Ponteareas doa o 50 % do salario para axudas...

    O PP de Ponteareas doa o 50 % do salario para axudas a autónomos e empresas do municipio afectados pola crise da COVID-19

    Os populares aseguran que seguirán achegando o 50% do salario "mentres dure o Estado de Alarma".

    O PP de Ponteareas anunciou o ingreso do 50 % do salario correspondente aos meses de marzo e abril para axudas axudas aos afectados pola Covid-19. Os populares aseguran que para poder facer o ingreso “tiveron que insistir” para que o Concello lles facilitase o número de conta no que realizar dito ingreso.

    Esta axuda será destinada, segundo o PP ponteareán, aos afectados pola crise sanitaria do Covid-19 en Ponteareas, “nun momento no que todo o mundo está a arrimar o ombreiro, vimos necesario estar á altura da situación” e lamentou que os demáis grupos da corporación “non se sumaran a esta baixada salarial para contribuír a axudar aos nosos veciños ”.

    As críticas recibidas polo PP veñen dadas, ao entender da formación que encabeza Belén Villar, “porque non están dispostos a ser solidarios cos veciños do municipio e moléstalles que o PP cumprise este compromiso” e aseguran que “a cantidade podería ser moito maior se todos os grupos políticos aceptasen esta medida, lamentamos que non quixesen sumarse”.

    Os populares seguirán descontando o 50% do salario mentres dure o Estado de Alarma. “Seguiremos facendo esta achega. Tiñamos outra opción que era doala ao número de conta habilitado polo Partido Popular tamén para axudar á causa, pero preferimos este método de doar o diñeiro ao noso municipio directamente”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.