7.5 C
Pontevedra
Mércores, 8 de Febreiro de 2023
Máis
    HomeO CondadoPonteareasO PP denuncia a falta de mantemento do Auditorio Municipal

    O PP denuncia a falta de mantemento do Auditorio Municipal

    Os problemas estructurais que, segundo o Concello de Ponteareas, sofre o Auditorio Reveriano Soutullo foron hoxe achacados, por parte do Partido Popular a falta “dun servizo de mantemento” dunha instalación que foi reformada hai nove anos “e que se utiliza diariamente”.

    Os populares subliñan que, ante a denuncia de filtracións, o Concello “debería solicitar un informe á arquitecta municipal para saber se son problemas de mantemento ou defectos estruturais” e bota a culpa da situación ás actividades autorizadas polo Concello como carpas e atraccións “para as que cuberta non está preparada para soportar”.

    Segundo a versión dos populares, as filtracións que se producen no Auditorio Municipal “serán debidas a falta de mantemento, na rede de pluviais pola falta de limpeza dos sistemas de drenaxe, nas baixantes, sumidoiros ou polo simple levantamento dalgunha lousa de pedra ou algunha xunta de dilatación, ou mesmo derivado do anclaxe na superficie da praza do auditorio de diferentes carpas, furando o pavimento de pedra co que se danaría a capa de impermeabilización instalada no seu día”.

    O PP de Ponteareas lembra que o actual Goberno leva no Concello dende o 2015 “e parece que todo segue sendo culpa do PP” e acusan ao actual executivo de “falta de xestión e de traballo” algo que “se palpa a diario nas rúas do municipio”.

    En caso de que sexa un problema estructural, rematan os populares, “o alcalde terá que pedir responsabilidades xa á empresa constructora e a Deputación de Pontevedra, administración que promoveu a obra, xa que deberían saber que existe un seguro a dez anos para cubrir este tipo de erros”.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS