7.6 C
Pontevedra
Martes, 27 de Febreiro de 2024
Máis
    HomeO CondadoPonteareasPP e EU de Ponteareas apoian a iniciativa de CCOO e UGT...

    PP e EU de Ponteareas apoian a iniciativa de CCOO e UGT dunha retribución complementaria para os traballadores expostos ao COVID-19

    O Grupo Municipal do PP e Esquerda Unida de Ponteareas únese á solicitude realizada polos sindicatos CCOO e UGT encamiñada a que se retribúa de forma complementaria aos empregados municipais que están a traballar durante a situación de Estado de Alarma.

    Os populares xustifican o apoio ás propostas sindicais polo risco que supón, nesta situación, o seu labor e aseguran que “debemos contribuír a recoñecer o seu traballo. Nun contexto social no que todos debemos quedarnos na casa, eles teñen que seguir ao pé do canón, expoñéndose ao virus”.

    Pola súa banda, Esquerda Unida de Ponteareas salienta que se de algo está a serviz a actual crise sanitaria “é para deixar aínda máis clara a importancia dos servizos públicos e a dignidade do traballo realizado polas traballadoras e traballadores destes sectores”. Nesa liña salientan que o persoal dos Servizos Sociais “está permanentemente exposto a situacións de risco no desenvolvemento do seu traballo, polo que nas súas retribucións debería estar contemplada esta situación”.

    Esquerda Unida considera que a aprobación dunha retribución complementaria ao persoal da Residencia de Maiores, de Axuda no Fogar e de todo aquel que está a dar apoio neste momento á poboación máis vulnerable “é unha cuestión de recoñecemento e dignificación do seu traballo e esforzo. Nestes momentos de urxencia queda demostrado que as súas tarefas son esenciais para o desenvolvemento da sociedade”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.