18 C
Pontevedra
Domingo, 26 de Setembro de 2021
Máis

    Tag: carmela silva

    Carmela Silva pon o foco na MIC do Mindtech na urxencia de “dar o salto para que as mulleres sexan líderes tecnolóxicas” na transformación dixital

    A urxente necesidade de que as mulleres estean presentes “en todos os retos da transformación total e absoluta” que está a vivir a Humanidade da man da tecnoloxía e dixitalización centrou hoxe a intervención da presidenta da Deputación de Pontevedra na apertura da Conferencia Internacional da feira Mindtech en Vigo. Na apertura da MIC, xunto a vicepresidenta primeira do Goberno de España e Ministra de Asuntos Económicos e Transformación Dixital, Nadia Calviño, Carmela Silva incidiu na importancia de que as mulleres “poidan formarse e adquirir a posición para ser dirixentes das tecnolóxicas”.

    A Deputación anima neste outono a “tornar ás táboas” cunha completa programación teatral que chegará a todas as comarcas da provincia

    A Deputación de Pontevedra volve levantar o pano do teatro este outono. Co lanzamento do programa “Tornar ás Táboas” a institución provincial vai levar o teatro a toda a provincia, no marco do seu obxectivo de “aviventar cultura” este 2021, e máis particularmente cunha aposta polos concellos de menos de 20.000 habitantes, os que, como destacou hoxe a presidenta Carmela Silva, “teñen menos recursos para desenvolver actividade cultural”.

    O Verbum acolle ‘A poesía do retrato’ unha mostra que conxuga a lírica de Xela Arias coas fotografías de Xulio Gil

    A mirada de Xela Arias segue os pasos de todas as persoas que percorren desde este luns a sala de exposicións do Museo Verbum, en Vigo, tras a inauguración de 'A poesía do retrato', unha mostra que conxuga parte da obra poética da autora coa fotografía de Xulio Gil. A exposición, organizada polo Concello de Vigo en colaboración coa Deputación de Pontevedra, poderá visitarse ata o 29 de outubro tras a apertura de onte.

    A Deputación aproba por unanimidade una declaración institucional en contra do peche de oficinas bancarias no rural

    “A Deputación de Pontevedra, na defensa do interese xeral da provincia, e moi especialmente dos concellos rurais de menor poboación, entende que as oficinas bancarias prestan un servizo presencial básico”. Así comeza a Declaración Institucional aprobada por unanimidade polo Pleno extraordinario da Deputación, ao ter recibido os votos favorables dos grupos políticos do PSdeG-PSOE, BNG e PP.

    A recuperación do turismo pon o foco na dixitalización e na sostibilidade como eixos da transformación do sector

    Dar a coñecer dun xeito claro ao sector as claves dos programas e liñas de axuda dos fondos Next Generation da man dos mellores expertos e expertas do Estado foi hoxe o obxectivo do webinario “Plan de Recuperación do Sector Turístico: Oportunidades para o sector público e privado” promovido pola Deputación de Pontevedra e Segittur que se desenvolveu de xeito telemático cunha espectacular acollida.

    A provincia de Pontevedra rende homenaxe ás e aos deportistas paralímpicos. “Sodes as verdadeiras heroínas e heroes desta sociedade”

    A Sala Rosalía da sede viguesa da Deputación, presidida por un “GRAZAS” protagonista en todo momento no evento, foi testemuña hoxe da homenaxe e agradecemento da provincia de Pontevedra ás e aos dez deportistas que participaron nos Xogos Paralímpicos de Tokio. Carmela Silva, acompañada do deputado de deportes, Gorka Gómez, recibiron ás e aos paralímpicos, en palabras da presidenta como “as verdadeiras heroínas e heroes desta sociedade. Sodes o mellor que temos, sodes a bomba!”.

    O 90 Encontro Internacional da FICC marcou a pasada fin de semana na Guarda

    En 2020 a Federación Española de Clubs Campistas (FECC) propuxo celebrar no Concello da Guarda o 90 Rally Internacional da FICC 2021 que se celebra dende o venres 3 e que remata o vindeiro domingo día 12 de setembro no Camping de Santa Tecla da Guarda.

    Carmela Silva salienta a “traxectoria, responsabilidade social e formación” da Escola de Xoiería Atlántio de Vigo

    “O equipo desta escola dá leccións de vida”. A presidenta da Deputación de Pontevedra, Carmela Silva, puxo hoxe en valor a traxectoria da Escola de Xoiería Atlántico de Vigo na visita que realizou a este centro de formación, na que mantivo un encontro con seis mozas de Latinoamérica que van participar no programa de becas da Escola, 'Becas Atlántico', así como con catro dos cinco estudantes que a partir de outubro viaxarán a Francia e Portugal no marco do programa de mobilidade Practicum Depo da institución provincial.

    Seis equipamentos da provincia financiados pola Deputación optan aos premios COAG de arquitectura

    “Non é casualidade e responde ao modelo transformador, sostible, dixitalizado, moderno e de recuperación do espazo público que promove a Deputación”. A presidenta provincial, Carmela Silva, amosou hoxe a súa satisfacción polo novo recoñecemento ao modelo da institución que supón a inclusión de seis obras realizadas na provincia da man da Deputación nas candidaturas aos Premios COAG de Arquitectura, que se fallarán a finais de mes.

    Carmela Silva, madrina da promoción de ADE da USC

    A presidenta da Deputación non puido agochar a súa emoción ao recibir no Pazo Provincial a Guillermo Meijón, representante do alumnado da última promoción de Administración e Dirección de Empresas da USC (2017-2021) que a nomeu como madriña.

    Carmela Silva esixe a Feijóo “solucións inmediatas” ao peche de sucursais bancarias no rural

    A presidenta da Deputación de Pontevedra, Carmela Silva, esixiu hoxe ao presidente da Xunta a buscar solucións inmediatas ao peche continuado de sucursais bancarias nos concellos do rural galego ao considerarlle “o responsable do que está a pasar, unha desfeita que deixa a boa parte da veciñanza sen un servizo indispensable para a súa vida cotiá“.

    A provincia de Pontevedra amosa o seu agradecemento ás e aos olímpicos. “Sodes o mellor que temos na sociedade”

    O Palacete das Mendoza engalanouse hoxe por todo o alto para amosar o agradecemento ás e aos deportistas da provincia de Pontevedra que participaron nos Xogos Olímpicos de Tokio. E foi precisamente esta palabra, gracias, a máis escoitada nos xardíns deste emblemático edificio. As e os olímpicos foron achegándose ao lugar no medio da expectación das e dos viandantes en Pontevedra, que viron como a presidenta provincial, Carmela Silva, acompañada do deputado de deportes, Gorka Gómez, recibíanos cheos de emoción.

    Tui desfruta xa das renovadas áreas recreativas de Bornetas e da Gándara financiadas con 190.000 euros do Plan Concellos

    A presidenta da Deputación de Pontevedra, Carmela Silva, e o alcalde de Tui, Enrique Cabaleiro, inauguraron na tarde do xoves 12 de agosto as áreas recreativas de Bornetas e da Gándara financiadas con preto de 190.000 € do Plan Concellos da institución provincial. As dúas remodeladas áreas recreativas forman parte dun proxecto máis amplo que o goberno local ten en marcha para mellorar as zonas de ocio da infancia e crear espazos biosaudables para o público adulto.

    A Deputación lanza a nova edición dos ‘Rías Baixas Film Fest’, “a grande referencia no audiovisual”

    A Deputación de Pontevedra deu o “pistoletazo” de saída a unha nova edición dos Rías Baixas Film Fest que, entre setembro e decembro, situarán á provincia “como a grande referencia no audiovisual”. A presidenta Carmela Silva, xunto a Suso Novás, codirector de Novos Cinemas de Pontevedra, e Teresa Barberena, codirectora do Festival de Cine Inclusivo de Vigo, deron a coñecer as novidades deste ano, acompañados de representantes de todos os festivais que integran a marca e de integrantes dos gobernos locais de Porriño, Vigo, Bueu, Tui, Vilagarcía e Pontevedra.

    Carmela Silva visita na Cañiza a mostra ‘A Muller ao longo do tempo no concello da Cañiza’

    A Presidenta da Deputación de Pontevedra, Carmela Silva, visitou onte o Concello para acompañar ao Alcalde Luis Piña na promoción do Xamón da Cañiza. Ademáis, aproveitando este encontro, o Alcalde invitou á Presidenta a visitar a mostra fotográfica e material que baixo o título “A Muller ao longo do tempo no concello da Cañiza” se expón no Salón de Plenos da Casa Consistorial ata o día 14 de agosto.

    A Deputación anima a acudir á Cañiza a degustar “o mellor xamón do noroeste peninsular”

    A Cañiza celebra esta fin de semana a festa-feira do seu produto estrela, o que supón unha oportunidade ideal para acudir a degustar “o mellor xamón de Galicia e o noroeste peninsular, incluído Portugal, e un dos mellores de toda España”. Así o definiu a presidenta da Deputación, Carmela Silva, quen animou hoxe a visitar a vila do Condado-Paradanta para gozar da súa cociña, paisaxe e patrimonio.

    A incomparable voz de Najla Shami álzase en Baiona contra as violencias machistas no concerto de ‘Mulleres en Acción’ da Deputación

    Cun espectacular solpor e fronte ao mar de Baiona e co fondo das Illas Cíes, a poesía, a voz e a música uníronse na noite deste luns en 'Palabr(A)', a actuación coa que Najla Shami fixo un chamamento claro, emotivo, doce e vibrante pola igualdade no baionés parque da Palma. Con temas cun marcado corte feminista, nos que tamén deixou ver a protesta social e a fusión de culturas, a artista removeu a conciencia das persoas asistentes a este concerto do programa 'Mulleres en Acción. Violencia Zero'

    Pontevedra acada en xullo un 65 % de ocupación media nos establecementos hoteleiros

    “Cando remate a temporada turística, Rías Baixas estará moi ben posicionada en Galicia e no conxunto do Estado” asegurou a presidenta da Deputación ao dar a coñecer os datos de ocupación do mes de xullo rexistrados polo Observatorio de Turismo Rías Baixas. En establecementos hoteleiros a ocupación media foi do 65 %, “un salto importantísimo con respecto a xullo do 2020, ao medrar 17 puntos, o que sitúa á provincia de Pontevedra como un destino moi potente e resiliente”, informou Carmela Silva.

    A Deputación promociona a música e tradición da provincia cunha edición especial de ‘Peixe’ de Xisco Feijóo que entragará como agasallo institucional

    A Deputación de Pontevedra promoverá a música e o canto tradicional da provincia de Pontevedra coa entrega como regalo institucional dunha edición especial do disco Peixe, o primeiro traballo en solitario do cantante, bailador e coreógrafo Xisco Feijoó. A presidenta Carmela Silva e o artista presentaron no Pazo Provincial o agasallo musical, que ten un orixinal formato moi vencellado á provincia de Pontevedra.

    Cinco municipios, entre eles Ponteareas, recibirán achegas por case que un millón de euros ao abeiro do Plan Concellos

    Ponteareas, xunto con Vilanova, Meis, Marín e Bueu, repartiránse preto de 904.100 € do Plan Concellos que mañá venres aprobará a Xunta de Goberno da Deputación de Pontevedra e cos que poderán financiar obras de rehabilitación, mantemento, axardinamento, eficiencia enerxética ou a reforma dun centro municipal, amais de obras relacionadas con abastecemento e saneamento.

    Carmela Silva invita a Feijóo a que “por unha vez goberne para todas as galegas e galegos”

    A Deputación de Pontevedra chegará “ata onde teña que chegar” para defender ao mundo local contra “o atraco” que pretende perpetrar a Xunta de Galicia co anteproxecto da 'Lei para a mellora da xestión do ciclo integral da Auga de Galicia' que trata de obrigar aos concellos e deputacións a asumir dous terzos dos custes das grandes infraestruturas hidráulicas en materia de saneamento e abastecemento “en alta”.

    A ‘Arqueoloxía en pandemia’, un ciclo para reivindicar o valor dunha profesión “moi valiosa para a toma de decisións”

    Co gallo do Día Internacional da Arqueoloxía, que se celebra cada ano o 28 de xullo, a Deputación de Pontevedra e a Asociación Empresarial Galega de Arqueoloxía (AEGA) organizan 'Arqueoloxía en Pandemia', unhas xornadas nas que participarán profesionais e persoas investigadoras de toda Galicia.

    O bosque do Castelo do Sobroso recupera “o seu esplendor medieval” coa plantación de 1.200 árbores autóctonas

    Unha achega de máis de 45.000 euros da Deputación permitirá ao bosque de Sobroso recuperar o seu esplendor medieval. A actuación, que foi visitada pola presidenta, Carmela Silva, permitiu a eliminación de especies invasoras e a plantación de 1.200 novos exemplares de árbores autóctonas.

    O Goberno da Deputación aproba máis de tres millóns de euros para outros trece municipios ao abeiro do Plan Concellos

    Máis de tres millóns de euros chegarán a trece municipios da provincia grazas a novas achegas da liña 1 do Plan Concellos aprobadas na Xunta de Goberno da Deputación de Pontevedra. Os recursos irán destinados a Lalín, Moraña, Meaño, O Grove, Cambados, Marín, Mos, Gondomar, Baiona, Salvaterra de Miño, A Guarda, A Cañiza e Covelo para realizar investimentos que permitan “garantir dereitos e servizos nos concellos da provincia”, tal e como indicou Carmela Silva.

    César Mosquera, agasallado por sorpresa con motivo do seu 30º aniversario como deputado

    O Goberno provincial fixo onte un recoñecemento ao vicepresidente, César Mosquera, que hoxe sábado, cumpre 30 anos como deputado provincial. Ao remate da sesión ordinaria da Xunta de Goberno foi agasallado por sorpresa cun pastel de nata e chocolate decorado cun sinal de limitación de velocidade a 30 Km/h e as correspondentes velas con esta mesma cifra.

    O Goberno rinde contas dos seis anos na Deputación “nos que se transformou a provincia”

    ”Seis anos dunha gran transformación da provincia con máis servizos, máis equidade e máis dereitos”. Baixo estes parámetros o goberno de Carmela Silva fixo balance este venres, no ecuador do segundo mandato, dos seis anos ao fronte da Deputación de Pontevedra. Nun acto celebrado na explanada de Montero Ríos fronte ao Pazo Provincial, ao que asistiron alcaldes e alcaldesas dos concellos da provincia, amais de colectivos e representacións de diferentes sectores, a presidenta e o vicepresidente da institución renderon contas dos seis anos transcorridos no goberno

    Carmela Silva mantén unha reunión coa directiva da Asociación de Vivendas Turísticas

    A provincia de Pontevedra e Galicia non poden perder a oportunidade como destino seguro, sostible e non masificado que ten acadado no actual contexto de pandemia. E ten que facelo coa “unión”, con traballar conxuntamente e coa aposta firme pola “dixitalización operativa” de todo o conxunto do sector.

    Carmela Silva reivindica a necesidade de situar á axenda feminista “no centro do debate público e da acción política”

    Ante un auditorio virtual e presencial de máis de medio centenar de persoas e a presenza do director do Campus Noroeste da UNED, Víctor González, a presidenta da Deputación, Carmela Silva, impartiu na tarde de onte o relatorio inaugural do curso 'O silencio social, gran cómplice do machismo' desenvolvido baixo a coordinación de Jesús Pozo e a dirección de María Acracia Núñez.

    A Deputación mantén a súa aposta pola mobilidade segura cun investimento de medio millón de euros en Salvaterra e Gondomar

    A Xunta de Goberno da Deputación vén de aprobar un novo investimento de preto de medio millón de euros para desenvolver dúas obras de mellora de infraestruturas baixo os parámetros do modelo de mobilidade amable e sostible da institución provincial nos concellos de Gondomar e Salvaterra. Son actuacións, como...

    Multiúsos-Mercado de Sabarís “un exemplo da recuperación do espazo público para as persoas”

    “Un espazo cheo de vida, de vangarda, de cultura e de luz que abre as súas portas mostrando como si é posible facer actuacións sobresaíntes, pensadas co obxectivo de recuperar o espazo público para as persoas”. Así se pronunciou esta tarde a presidenta da Deputación, Carmela Silva, nos actos de inauguración do novo Multiusos-Mercado de Sabarís, en Baiona.

    O proxecto ‘ESTRAEE’ pecha con éxito o pioneiro sistema de recollida e tratamento do lixo electrónico

    Unha xornada técnica sobre a estratexia transfronteiriza da xestión dos RAEE (residuos eléctricos e electrónicos), serviu hoxe para pechar os programas e actividades do Proxecto ESTRAEE que, desde 2017, liderou a Deputación de Pontevedra, xunto a socios españois e portugueses como Lipor, para poñer en marcha un sistema de recollida e tratamento do lixo electrónico.

    Deputación e Universidade de Vigo lanzan o observatorio de machismo dixital ‘Stop Machitroles’ para analizar a violencia machista nas redes

    A Deputación de Pontevedra e a Universidade de Vigo poñen en marcha, a través da web da Cátedra de Feminismos 4.0, o Observatorio de Machismo Dixital Stop Machitroles, que permitirá analizar distintos tipos de violencias machistas no eido de Internet e as redes sociais. Esta é unha das novidades da terceira edición da Cátedra, que presentaron este mércores a presidenta da Deputación, Carmela Silva, e o reitor da Universidade de Vigo, Manuel Reigosa, na sede viguesa da Deputación.

    Emotiva homenaxe da Deputación ás xogadoras do Club Balonmán Cañiza: “sodes un equipo de campioas”

    Dous anos leva sen perder un partido o equipo feminino do Club Balonmán A Cañiza, un extraordinario caso de éxito deportivo nunha vila de 5.100 habitantes do interior da provincia. A presidenta da Deputación, Carmela Silva, quixo render hoxe homenaxe á entidade e particularmente ás xogadoras, que veñen de conquistar por segundo ano o campionato galego en Primeira Autonómica e ascenden á División de Honra de Prata Feminina.

    Deputación e Universidade de Vigo lanzan a IV edición do “transformador” proxecto ‘Inspira Steam’

    “A sociedade no seu conxunto –asegurou a presidenta Carmela Silva– ten que estar moi preocupada polo que está a acontecer coas carreiras STEAM e coas decisións das mozas na elección de carreiras universitarias que van determinar cal vai ser a súa posición no mundo”. Para reverter esta situación e potenciar as vocacións científicas e tecnolóxicas entre as nenas xurdiu o “transformador” Inspira STEAM, un programa que a Deputación de Pontevedra e a Universidade de Vigo impulsan dende o 2018

    Carmela Silva subliña no ‘Digital Tourist’ de Benidorm a “firme aposta” da Deputación pola dixitalización do turismo

    “Se queremos ser máis competitivas e competitivos e promover a pronta recuperación da actividade turística, e máis neste contexto, precisamos apostar pola dixitalización e as novas tecnoloxías. Non son o futuro senón o presente”. Así o asegurou esta tarde Carmela Silva en Benidorm durante a primeira xornada do Congreso 'Digital Tourist', que se estenderá ata mañá venres para debater sobre a intelixencia artificial como garantía de sustentabilidade turística e a súa utilidade para as Smart Offices

    A ‘Epic Race’ volve esta semana dobrando a inscrición e con ciclistas de España, Portugal e Suiza

    odo listo para a celebración durante esta fin de semana da quinta edición da Epic Race, a proba afeccionada de bicicleta todo terreo que, ao chegar a esta quinta edición, tense convertido xa non só nunha referencia deportiva, senón nun escaparate turístico da provincia de Pontevedra. A presidenta da Deputación, Carmela Silva, presentou hoxe o evento acompañada de Josevi Cimadevila, director da empresa organizadora (Global DXT) e os alcaldes de Moraña, José Cela; Portas, Ricardo Martínez, e Mondariz, Xosé Emilio Barros; así como os concelleiros de Pontevedra, Marcos Rey, e da Lama, Daniel Vidal.

    ‘ReacPon’, 20 millóns de euros para transformar os municipios da provincia de menos de 50.000 habitantes

    A Deputación de Pontevedra vén de dar “o pistoletazo de saída ao ReacPon concellos que con 20 millóns de € vai permitir transformar os municipios de menos de 50.000 habitantes da provincia”. Así o destacaron a presidenta provincial Carmela Silva e o vicepresidente César Mosquera trala reunión con “presenza masiva” de alcaldesas e alcaldes, concelleiras e concelleiros, para dar a coñecer as bases e liñas de actuación do máis ambicioso programa de investimento público da historia da institución a fin de enfrontar a reacción nun escenario post covid.

    A Deputación redobra a súa aposta polo benestar animal con novos equipos de radiodiagnóstico para o CAAN

    O Centro de Acollida e Protección de Animais (CAAN) da Deputación de Pontevedra é xa, como destacou hoxe Carmela Silva, “unha referencia a nivel do Estado en benestar animal, que é a súa sinal de identidade”. A presidenta provincial visitou hoxe o centro para coñecer o novo equipo de radiodiagnóstico veterinario “moi moderno e sostible” co que a institución acaba de dotar ao centro, que se converte, como subliñou a presidenta, “no único que ten un equipamento tan avanzado”.

    Carmela Silva, “crear equipos forma parte do ADN da forma de liderar que temos as mulleres”

    Acción, compromiso, talento, actitude, implicación, unión e forza. Baixo estas premisas e co obxectivo de poñer en valor as redes de mulleres, “imprescindibles para avanzar”, desenvolveuse hoxe o III Networking empresarial de Empresarias de Galicia co título 'As empresarias actuando dende a unión', no que participou a presidenta da Deputación de Pontevedra, Carmela Silva.

    A Deputación lanza a segunda aceleradora do comercio “para dar un pulo máis potente ás pemes de cara a dixitalización”

    Co obxectivo de optimizar a competitividade e a eficiencia do comercio da provincia de Pontevedra, a Deputación vén de poñer en marcha a segunda edición da aceleradora que permitirá a este sector mirar cara o futuro mediante a incorporación de novas tecnoloxías vinculadas ás actividades clave de cada negocio. En palabras da presidenta provincial esta iniciativa, que se desenvolverá entre o 15 de xuño e o 15 de outubro, lévase a cabo porque “é fundamental dar un pulo máis potente ás PEMES de cara á dixitalización”.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS