18.4 C
Pontevedra
Luns, 3 de Outubro de 2022
Máis
    HomeÉ NoticiaArrancan dos novos cursos de español para persoas inmigrantes que pechan a...

    Arrancan dos novos cursos de español para persoas inmigrantes que pechan a sexta edición deste programa da Deputación

    As accións formativas, nas que participan unha trintena de alumnas e alumnos, están dirixidas a persoas non hispanofalantes para poidan obter o diploma DELE A2 e facilitar a súa integración na provincia

    Onte luns arrancaron en Pontevedra e Vigo os dous cursos de español para persoas inmigrantes que pecharán a sexta edición deste programa que desenvolve a Deputación en colaboración coa Universidade de Vigo, e que ten como obxectivo esencial a preparación da proba DELE A2 de español, un requisito imprescindible para obter a nacionalidade española. A trintena de persoas que realizan a acción formativa recibiron o recoñecemento da presidenta provincial, Carmela Silva, que quixo subliñar “o enorme esforzo” do alumnado por participar nestes cursos e a súa implicación: “Levamos xa nas distintas edicións cerca de 300 persoas participantes e a aplastante maioría, case un 90 %, teñen aprobado o exame e este ano vaivos ir moi ben, espero que teñamos o 100 %”.

    O alumnado deste curso, que en Pontevedra se desenvolve no Edificio Administrativo e en Vigo na sede da Deputación, procede de Marrocos, Brasil, Senegal, Mauritania, Nixeria, Portugal e Ucraína, con maioría de mulleres. “Encántame –subliñou Carmela Silva– que saiban que teñen que ocupar o seu espazo e que é necesario avanzar todas e todos. O noso traballo é escoitar á xente e intentar mellorar a súa vida e para iso é para o que debemos estar”. A docente é Lorena Rodríguez coa dirección da coordinadora académica do Centro de Linguas da Universidade de Vigo, Mercedes Álvarez.

    Carmela Silva: “Quero recoñecervos o enorme esforzo que facedes para realizar estes cursos, algo que demostra que das preto de 300 persoas que participaron nestes anos, houbo case un 90% de aprobados”

    A presidenta provincial tamén incidiu en que nesta edición ofrécese ás persoas que están traballando a posibilidade de realizar o curso en remoto, co apoio do profesorado. Igualmente, é posible que poidan levar aos seus fillos e fillas, para facilitar a corresponsabilidade familiar. “Estou moi orgullosa do esforzo que facedes para avanzar –engadiu Carmela Silva-. O mundo cambia coa xente que é optimista e loita polo que desexa, e todos e todas podémolo facer, aínda que somos moi conscientes das dificultades”.

    Os dous cursos finalizarán o 30 de setembro, e despois o alumnado poderá presentarse ao exame do DELE A2 que levará a cabo o Instituto Cervantes en Vigo. Para as persoas que realizaron o primeiro curso desta sexta edición, celebrado en Vigo entre maio e xuño, xa hai data para a avaliación, os días 8 e 9 de setembro.

    Hai que lembrar que a proba DELE (Diploma de Español Como Lingua Estranxeira) A2 é un requisito indispensable para acadar a nacionalidade española. Require unha preparación previa e ten un custo económico que dificultan o acceso á nacionalidade e que pode favorecer procesos de exclusión social. A través deste programa, a Deputación subvenciona o custo da formación e tamén o da matrícula no exame.

    Nos exames do pasado ano, aos que se presentaron 44 persoas, houbo un 95,45% de persoas aprobadas, a maioría procedente de Marrocos, Brasil e Senegal, que fixeron grandes esforzos tanto a nivel académico como persoal para acadar esta meta.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS