14.7 C
Pontevedra
Mércores, 5 de Outubro de 2022
Máis
    HomeÉ NoticiaSeis equipamentos da provincia financiados pola Deputación optan aos premios COAG de...

    Seis equipamentos da provincia financiados pola Deputación optan aos premios COAG de arquitectura

    Seis dotacións deportivas, educativas e de recuperación do patrimonio, amais de proxectos de mobilidade sostible e de recuperación do espazo público figuran na lista das finalistas

    “Non é casualidade e responde ao modelo transformador, sostible, dixitalizado, moderno e de recuperación do espazo público que promove a Deputación”. A presidenta provincial, Carmela Silva, amosou hoxe a súa satisfacción polo novo recoñecemento ao modelo da institución que supón a inclusión de seis obras realizadas na provincia da man da Deputación nas candidaturas aos Premios COAG de Arquitectura, que se fallarán a finais de mes.

    Trátase do campo de fútbol da Gandareira (Silleda), cun orzamento de 1,3 millóns que se financiou en parte co Plan Reequilibrio e o Plan Concellos; o campo de fútbol de Campañó (Pontevedra), cun investimento dun millón de euros a través dun convenio co Concello; a Escola Infantil de Vilaxoán (Vilagarcía), financiada co Plan Concellos; a restauración da Fonte do Campo da Torre (Caldas), subvencionada a través das achegas para a Rehabilitación e Sinalización do Patrimonio Histórico e Cultural; o Parque Central da Cañiza, financiado co Plan de Reequilibrio e os proxectos de mobilidade peonil do Seixo en Tomiño, que contou co financiamento do Plan DepoRemse.

    Carmela Silva lembrou que as actuacións derivadas do Plan de Reequilibrio ou DepoRemse “tiñan que cumprir uns baremos que teñen logrado que sexamos unha gran referencia”. “Está claro que a Deputación ten un modelo do que me sinto orgullosa –sinalou-. As administracións non están para dicir que queren máis poder, senón para mellorar a vida da xente e mellorar todos os concellos”.

    A presidenta destacou tamén o feito de que algúns destes proxectos xa acadaron recoñecidos galardóns, como o campo da Gandareira, que entre outros conseguiu premio na XV Bienal Española de Arquitectura y Urbanismo (BEAU); a Escola Infantil de Vilaxoán, mención especial nos Premios de Arquitectura e Rehabilitación de Galicia 2020 e accésit en los Premios Juana de Vega de Intervención na Paisaxe 2019; o campo de fútbol de Campañó, finalista dos Premios FAD 2020 e a restauración da fonte do Campo da Torre, premio Gran de Area de Aportación á Arquitectura 2019.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS