28.5 C
Pontevedra
Sábado, 28 de Maio de 2022
Máis
    HomeÉ NoticiaA transformación da provincia a través da recuperación do espazo público, protagonista...

    A transformación da provincia a través da recuperación do espazo público, protagonista no Foro Urbano de España

    Carmela Silva: “O mundo local ten tomado decisións revolucionarias porque ve ao espazo público como un dereito tan importante como a Sanidade, a Educación o a Igualdade”

    O modelo transformador da Deputación de Pontevedra, que pasa pola recuperación do espazo público para as persoas como un dos motores para o impulso económico, a cohesión social e a igualdade no ámbito dunha recuperación económica xusta, ocupou a primeira das mesas de alto nivel do I Foro Urbano de España e III Foro Global de Gobernos Locais, que se está a celebrar en Sevilla e que hoxe inaugurou o presidente do Goberno de España, Pedro Sánchez. A presidenta da Deputación, Carmela Silva, tomou parte na mesa sobre Transición Ecolóxica e Modelo de Cidade e reivindicou o papel imprescindible da Administración local como principal axente para o cambio nas contornas urbanas a partir da toma de “decisións revolucionarias”.

    Carmela Silva, que está en Sevilla acompañada polos deputados de Infraestruturas, Gregorio Agís, e Mobilidade, Uxío Benítez, definiuse como unha “política polémica”, entendendo este concepto como a necesaria valentía para levar a cabo as transformacións que a sociedade demanda ás Administracións públicas. “As persoas deben estar no centro de todo e os discursos deben cambiar”. Durante a súa intervención criticou as concepcións laxas sobre a cogobernanza e reivindicou o principio de subsidiariedade: “é no mundo local onde ocorre todo, onde se desenvolve a economía, onde se prestan os servizos, onde están os equipamentos que garanten a calidade de vida”. “O mundo local toma decisións que moitas veces se ven entorpecidas polas competencias autonómicas e mesmo polas estatais e europeas, así que resulta imprescindible que a cogobernanza pase pola subsidiariedade para que cada Administración faga aquilo que mellor sabe facer”.

    Click para ampliar

    Durante o diálogo, no que tamén tomaron parte María José Rallo, secretaria xeral de Transporte do Ministerio de Transportes; María Pappas, tesoureira do condado de Cook, en Chicago-Illinois; Arcadi España, conselleiro de Política Territorial da Generalitat Valenciana; Francisco Oliva, reitor da Universidade sevillana Pablo de Olavide; Inés Sánchez, directora da cátedra Unesco de Xénero da Universidade Politécnica de Madrid e Antonio Serrano, economista, a presidenta da Deputación defendeu o papel que están a xogar os concellos de toda España: “ocórrenseme moitos exemplos de transformación e todos son locais; dende o local téñense tomado decisións revolucionarias porque se ve ao espazo público como un dereito tan importante como a Sanidade, a Educación ou a Igualdade. É nese espazo público onde a xente se relaciona e socializa, recuperando ámbitos e lugares que estaban tomados polos vehículos a motor, vehículos que non só ocupaban o espazo, senón que xeraban enfermidades”.

    Carmela Silva insistiu en que a cogobernanza resulta difícil “cando se entende o poder como o simple exercizo do poder, pero resulta sinxela cando se entende como o traballo de perseguir e lograr o ben común”. Neste senso reivindicou o cambio producido na Deputación de Pontevedra “que pon en marcha tódolos proxectos de transformación ecolóxica, igualdade, dixitalización e cohesión social pactando cos 61 concellos da provincia. É unha cuestión de vontade e de comprender que temos un reto moi grande por diante”. Engadiu que cando se funciona deste xeito, “as nenas e nenos recuperan a cidade como espazo de xogos, os maiores e dependentes deixan de estar recluídos nos seus domicilios e as mulleres, “que seguen a soportar case en exclusiva a carga dos coidados”, atopan rúas e prazas pensadas para elas“.

    A presidenta da institución provincial recalcou, dende a experiencia, na necesidade de fuxir dos conceptos teóricos sobre os distintos niveis da Administración e pasar á práctica, especialmente nos momentos que estamos a vivir, afondando no concepto de gobernanza en favor dos gobernos locais. Finalmente, reivindicou que é precisamente nesta etapa de recuperación trala pandemia cando que, por primeira vez, está a terse en conta ao mundo local, como demostra o feito de que está a terse en conta a voz dos concellos e das deputacións na xestión dos fondos europeos Next Generation.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS