Tag: vila nova de cerveira

O Concello de Vila Nova de Cerveira, incluído na lista de 121 municipios portugueses con confinamento particial para contención da Covid-19, vén de anunciar que a partir do mércores 4 de novembro, adoptará unha serie de medidas entre as que se atopa o peche de servizos municipais non esenciais e suspensión de eventos, polo menos, ata final de ano. Fernando Nogueira apela "ao maior civismo posible no cumprimento destas regras esenciais nun período máis crítico da pandemia".

O presidente da Câmara municipal de Vila Nova de Cerveira, Fernando Nogueira, vén de denunciar o peche da sucursal do Santander Totta no municipio, logo de que no mes de setembro, cando se deran os primeiros rumores sobre o cese de actividade da oficina da entidade bancaria e nunha reunión solicitada coa administración do banco por parte do propio Nogueira, esta lle garantira que, naquel momento, "non existía motivo de preocupación".

A necesidade de estreitar relacións con Bruxelas e de calendarizar proxectos concretos con financiación europea, foi unha das conclusións compartidas polas autoridades que asistiron ás II Xornadas Amizade Cerveira-Tomiño celebradas no Centro de Apoio Empresarial de Vila Nova de Cerveira.

Coa prohibición de circulación entre concellos decretada polo Goberno de Portugal, entre os días 30 de outubro e 03 de novembro, como contención da pandemia Covid-19, o presidente da Câmara Municipal de Nova de Cerveira, Fernando Nogueira, "apela a que sexan cumpridas rigorosamente estas directrices". Fronte ás inmensas dúbidas levantadas por cidadáns galegos, dada a proximidade xeográfica e a excelente relación de cooperación transfronteiriza, Nogueira interpreta que “a medida sexa extensível a cidadáns estranxeiros”.

Con motivo da Semana Europea da Cooperación, os alcaldes da Eurocidade Cerveira-Tomiño, Sandra González e Fernando Nogueira, participaron onte venres nun acto simbólico de plantación da 'Árbore da Amizade' no Parque de Lazer de Castelinho. O dito asegura que a amizade é como unha planta, porque o seu fortalecemento require un coidado e atención permanentes.

O xoves péchanse as inscricións para afrontar La Icónica, unha nova experiencia atlética dentro da modalidade de marcha nórdica aínda que tamén haberá espazo para o tradicional sendeirismo. Este evento será a próxima fin de semana. A primeira etapa será entre Oia, pasando polo Rosal, e A Guarda. O domingo realizarase o percorrido con saída na Guarda e por Tomiño, Villanova de Cerveira, Valença e Tui. As inscricións pódense formalizar na páxina web Laiconica.es ata o xoves.

O sendeirismo e a marcha nórdica daranse a man no desafío 'La Icónica' que se celebrará os días 26 e 27 de setembro. O primeiro día coa etapa entre Oia e A Guarda. A segunda comezará na desembocadura do río Miño e terminará en Tui. Todos estes concellos, incluíndo o do Rosal Tomiño e tamén as cámaras municipais de Vilanova de Cerveira e Valença do Miño, uníronse a esta iniciativa da que se espera un amplo respaldo popular. O primeiro en inscribirse foi o actor, presentador de televisión e destacado deportista David Amor, que se converteu na imaxe da proba. As inscricións xa están abertas na web laiconica.es.

'LowPlast–a arte de reducir o plástico' é un proxecto promovido polo Aquamuseu do río Miño de Vila Nova de Cerveira, en colaboración coa Fundación Bienal de Arte Cerveira (FBAC), a Asociación Portuguesa do Lixo Mariño e o Instituto Interdisciplinar de Artes–DTK, de Noruega, inciativa que contará cun investimento de 52 mil euros, financiado polos EEA Grants.

O Lisbon Awards Group concedeu este xoves ao municipio de Vila Nova de Cerveira un premio na categoría 'Democracia, Igualdade e Participación Cívic-Orzamento Participativo' na 1ª edición do Premio Autarquía do Ano, co proxecto 'Participación pública sen fronteiras' (Orzamento Participativo Transfronteirizo-OPT Cerveira-Tomiño).

Trátase de 105 kms, entre vales e ríos, e unha previsión de 24 horas para completar un desafío de resistencia polas 15 freguesías (antigo mapa administrativo) do concello de Vila Nova de Cerveira. Con saída axendada para as 21:30 h de hoxe venres 31 de xullo, do centro histórico cerveirense. Un pequeno grupo de amigos apaixonados polo deporte en contacto coa natureza vai concretar esta aventura sen carácter competitivo.

A XXI Bienal Internacional de Arte de Cerveira está de regreso e volve a marcar o calendario de eventos do 1 de agosto a 31 decembro de 2020, baixo o tema 'Diversidade-Investigación. O Complexo Espazo da Comunicación pola Arte'. En total serán presentadas máis de 350 obras de preto de 370 artistas de 38 países que se poderán coñecer, gratuitamente, en directo ou sen saír de casa.

A CIM Alto Miño consensuou, este luns, o reinicio da actividade das feiras en todos os concellos do distrito a partir do día 25 de maio, unha vez que o Goberno luso incluíu este sector na 2ª fase do plan de desconfinamento da Covid-19. Con todo, este regreso vén marcado por un conxunto de medidas restritivas plasmadas nun plan de continxencia.

O Concello de Vila Nova de Cerveira decidiu, na súa reunión deste mércores, cancelar até o 31 de xullo, toda a programación cultural e outras actividades municipais organizadas co apoio do municipio, así como anular a realización da edición 2020 dos Orzamentos Participativos Xeral e Mozo.

A Câmara Municipal de Vila Nova de Cerveira e as Xuntas de Freguesía do concello proceden, nestes días, a accións de limpeza e desinfección profunda de rúas e espazos públicos sensibles, é dicir, aqueles nos que se da "unha maior mobilidade de persoas por necesidade de acceso a servizos e bens esenciais".

Vila Nova de Cerveira celebra o Día Internacional da Muller, o 8 de marzo, cun proxecto artístico interactivo e a reflexión crítica para lembrar "a loita das mulleres por sobrevivir impunes na posmodernidade". 'DE PROFUNDIS: As (as súas) cidades en suspensión' é un proxecto dinámico baseado nunha das obras do famoso autor Óscar Wilde “pola actualidade repugnante”

A alcaldesa do Rosal, Ánxela Fernández Callís, visitou este martes ao presidente da Câmara Municipal de Vila Nova de Cerveira, Fernando Nogueira, para a presentación institucional destes dous concellos veciños que contan cunha fronteira común. Trátase da primeira reunión institucional entre ambos os dous mandatarios, na que Nogueira e Fernández destacaron o potencial dos dous municipios.

Por primeira vez os municipios fronteirizos de Tomiño e Vila Nova de Cerveira veñen de editar axendas de primavera que comparten similitudes no deseño e tamaño, incluíndo asemade, contidos compartidos, con actos que se celebran ao outro lado da Raia.

A Eurocidade Cerveira-Tomiño organiza unha xornada deportiva no marco do programa 'Deporte para todas as persoas', con xogos deportivos e tradicionais, andaina curta (paseo) e aula de Pilates. Será o vindeiro domingo, 27 de outubro, no Parque do Castelinho (Vila Nova de Cerveira) de 10 a 13 horas (hora galega).

Como resultado do proxecto gañador do orzamento participativo transfronteirizo de Cerveira-Tomiño en 2019, preto de 200 nenos de ambos municipios desenvolveron conxuntamente unha actividade que combinou arte e natureza nun espazo cargado de singularidade ao longo dunha semana.

Tomiño e Cerveira acollen esta semana a visita de José Manuel Sobrino, experto designado pola Comisión Europea e a Asociación de Rexións Fronteirizas de Europa (ARFE) para analizar e estudar os problemas de mobilidade de menores de idade entre ambos municipios fronteirizos, no marco do programa europeo B-Solutions.

Procedentes de Reino Unido, Bélxica e Francia, ademáis de Galicia, España e Portugal, 19 empresas de toda a cadea do sector agro visitan estes días o territorio transfronteirizo para coñecer a calidade dos seus produtos e servizos e manter reunións nas que formalizar futuros acordos comerciais.

A federación de Triatlo de Portugal, a Federación Galega de Triatlón e Pentatlón Moderno «Pedal'Arte», a Câmara Municipal de Vila Nova de Cerveira e o Concello de Tomiño, veñen de facer un comunicado conxunto tralo achádego do corpo sen vida do triatleta desaparecido en augas do Miño.

O XII Triatlón da Amizade Cerveira-Tomiño celebrarase o vindeiro día domingo 1 de setembro, no marco da Eurocidade, prevéndose a participación de máis de 300 atletas federados/as e non federados/as, oriúndos dos dous países veciños, e que van disputar o circuito novo de promoción en BTT, no período da mañá (inicio 11:15 h hora galega), e o Triatlón Sprint Estrada, cuxo arranque está previsto para as 15 30 h (hora galega).

A feira semanal de Vila Nova de Cerveira é, sen dúbida algunha, unha das feiras máis recoñecidas do norte de Portugal e Galicia e por iso, a Câmara Municipal de Cerveira quera manter unha "imaxe atractiva e aseada do espazo" e evitar que, logo de cada feira, a zona chea de lixo. A campaña 'Feira Limpa, un xesto... unha actitude' busca promover unha acción de sensibilización e apelar "ao bo sentido dos feirantes".

O tributo á música portuguesa nun rexistro intimista co público, volve a estar presente no escenario do Auditorio Municipal de Vila Nova de Cerveira. Continuando coa aposta en artistas de renome e "cunha carreira internacional xa consolidada" sinala a organización, a sexta edición do «Cerveira Acústica» manten o nivel de excelencia dos artistas convidados.

A mediación do Concello de Tomiño posibilitou a retirada do embarcadoiro do antigo ferry-boat que unía Goián e Cerveira e que, dado o seu estado de deterioro e abandono, constituía un perigo para os piragüistas do Club Deportivo Miño e público en xeral. 

Coa proximidade do verán, a Câmara Municipal de Vila Nova de Cerveira, vén de dar conta da apertura ao público do Parque Acuático o vindeiro 14 de xuño. Veciño ao Acuamuseo e ás beiras do río Miño, este parque temático incorpora unha impoortante compoñente lúdico pedagóxica con...