16.6 C
Pontevedra
Venres, 14 de Xuño de 2024
Máis
    HomeBaixo MiñoO RosalO Rosal visto dende o alto coa nova andaina interpretativa ata o...

    O Rosal visto dende o alto coa nova andaina interpretativa ata o Niño do Corvo

    A ruta será o 16 de xuño e terá unha dificultade moderada. As persoas interesadas en participar poden xa inscribirse na web municipal ou no Rexistro do Concello

    O Concello do Rosal segue achegando cada recuncho do municipio coas súas andainas interpretativas, pequenos percorridos pola contorna para descubrir e poñer en valor o patrimonio histórico, cultural, paisaxístico e natural dun xeito ameno, sinxelo e divertido.

    O domingo 16 de xuño será a quenda da terceira saída, un roteiro matinal ata o Alto do Niño do Corvo no que desfrutar de pesqueiras, viñedos, este espectacular miradoiro na Serra do Argalo e visita á Pedra Furada nun percorrido de grande interese paisaxístico, histórico e excelentes vistas sobre a foz do Miño e o monte Santa Trega.

    Trátase dunha andaina cunha distancia de 8 quilómetros e unha duración aproximada de 3,5 horas que ofrece un percorrido circular cun desnivel acumulado de 350 metros e cunha dificultade moderada.

    As persoas interesadas en participar poden xa inscribirse nesta nova ruta a través dun formulario habilitado na web municipal ou de forma presencial no Rexistro do Concello. É imprescindible realizar un rexistro por cada persoa participante. O número de prazas estará limitado a un máximo de 30 persoas e abrirase unha lista de agarda unha vez superado o aforo.

    É importante lembrar que todas aquelas inscricións realizadas antes do 4 de xuño non serán válidas e que é necesario volver a rexistrarse a través do procedemento establecido. Comunicarase ás persoas participantes a hora e o lugar de encontro para a realización da actividade.

    Como explica José Carlos Martínez Crespo, concelleiro de Turismo e Deportes, con esta serie de andainas “queremos que veciños, veciñas e visitantes descubran e aprecien a riqueza do noso concello cunha actividade saudable ao aire libre que nos permite sensibilizar a todas as persoas participantes sobre a importancia de preservar e valorar a nosa contorna”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.