17.6 C
Pontevedra
Luns, 17 de Xuño de 2024
Máis
    HomeVal MiñorNigránMáis de 270 persoas desafían ao tempo para mergullarse na obra de...

    Máis de 270 persoas desafían ao tempo para mergullarse na obra de Domingo Villar en Nigrán da man de ‘Eureka Reto Rural’

    O equipo ‘Caspers’ foi o gañador do reto, galardoado cunha cea degustación en Pazos de Borbén

    Espectacular acollida do paso de ‘Eureka Reto Rural’ polo concello de Nigrán. Máis de 270 persoas desafiaron á meteoroloxía para mergullarse neste xogo de escapismo de balde e ao aire libre que EuRural e do Xeodestino Ría de Vigo e Baixo Miño están a levar aos concellos do territorio. Unha morea de equipo de valentes que non se amedrentaron coa ameaza de choiva coa que comezaba a tarde para facer de investigadores e investigadoras e axudar ao inspector Leo Caldas, protagonista de ‘A praia dos afogados’ de Domingo Villar, a resolver un caso paseando polo porto de Panxón, o Templo Vótivo do Mar, a praia da Madorra e Monteferro. 

    O equipo ‘Caspers’ foi o gañador do escape room de ‘EurekaReto Rural’, premiado cunha cea degustación de chuletón de vaca cachena para seis persoas no concello de Pazos de Borbén. Por outra banda, os equipos ‘Pipiñas’ e ‘Perdidos’ foron os gañadores dos suadoiros de Juan María Sen etiquetas sorteados polo Concello de Nigrán entre todas e todos os participantes. 

    As persoas que non puideron acudir ao encontro en Nigránpoderán igualmente desfrutar do escape room de forma libre. A actividade estará aberta e dispoñible para todos os públicos durante un mes a través da web do Xeodestino.

    ‘Eureka Reto Rural’ levará a súa aventura polos 14 concellos do Xeodestino Ría de Vigo e Baixo Miño, explorando a través de diferentes xogos de escapismo virtuais diferentes recunchos e historias dos municipios. A vindeira cita será este domingo 26de maio en Tui, onde o público participante desfrutará dunha emocionante aventura para coñecer o pasado xudeu da cidade no século XI.

    As persoas que desexen participar en calquera dos escape rooms deberán inscribirse de forma individual a través do formulario habilitado na web do Xeodestino Ría de Vigo e Baixo Miño. Nesta mesma páxina web atoparán toda a información sobre datas, puntos de encontro e horarios das diferentes probas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.