Tag: eva garcía de la torre

O Porriño gardou hoxe un minuto de silencio en sinal de loito polo pasamento da que foi a súa alcaldesa durante seis anos e concelleira da corporación, Eva García de la Torre.

O alcalde do Porriño, Alejandro Lorenzo, en nome de toda corporación local trasmite a inmensa dor e respecto polo inesperado pasamento da que fora alcaldesa do Porriño, Eva García de la Torre e trasladan as máis sentidas condolencias á familia.

A alcaldesa do Porriño, Eva García, e a directora xeral de Planificación e Proxectos de ADIF, Monserrat Rallo, asistidas por técnicos dos seus respectivos departamentos, mantiveron na mañá de onte unha reunión telemática para revisar detalles sobre o proxecto de supresión do paso a nivel no centro da vila.

A alcaldesa do Porriño, Eva García de la Torre, remitiulle onte un escrito a María Luisa Domínguez, nova presidenta do Administrador de Infraestruturas Ferroviarias (ADIF), na que a rexedora local expresáballe a súa felicitación polo seu recente nomeamento, consecuencia da última remodelación ministerial realizada polo presidente do Goberno.

A alcaldesa, Eva García xunto co concelleiro de Deportes, David Alonso presentaron onte a primeira edición do 'Torneo Internacional de Tenis de Mesa Concello do Porriño', acto no que tamén estaban presentes José Luis Cabaleiro, presidente da Federación Galega de Tenis de Mesa e directivos do Club de Tenis de Mesa CRC Porriño e do Círculo Recreativo Cultural, lugar onde se realizou a presentación.

A alcaldesa do Porriño, Eva García e a concelleira de Cultura, Cami Moreira presentaron hoxe a segunda edición do Festical 'Sons da Canteira' que terá lugar o sábado 28 de agosto. A canteira en restauración de Vilafría, en Atios volverá ser o anfiteatro natural onde se celebrará este evento promovido polo Concello do Porriño.

O Porriño é un dos concellos da área de Vigo que se atopa en nivel alto de restricións e, como consecuencia, a hostalería do municipio tan só poderá traballar co 30 % do aforamento no interior dos locais a partires das 00:00 deste martes 17.

Eva García de la Torre solicitou que Madrid "honre debidamente ao noso arquitecto Antonio Palacios, que deixou unha obra tan destacada nesta capital, coa concesión do nome dunha rúa sobranceira da cidade". A alcaldesa do Porriño fixo esta petición o serán de onte no Círculo de Belas Artes de Madrid e ante un auditorio ateigado de público que asístía a presentación do libro de Álvaro Bonet Trazar la mirada. Cuaderno de viaje de Antonio Palacios.

A alcaldesa do Porriño, Eva García de la Torre considera que o asunto das firmas dos concelleiros do PP solicitando un pleno extraordinario, precisa dunha investigacón polo que podría ser un delito de falsidade. Cómpre lembrar que o portavoz popular, Alejandro Lorenzo, solicitou un Pleno Extraordinario, que lle foi denegado despois de apreciarse que, segundo o Concello porriñés, "respecto da acreditación da identidade, firma e declaración do resto de concelleiros, só consta un garabato ou simulacro de firma ao final do documento”.

A alcaldesa do Concello do Porriño, Eva Garcia de la Torre, autorizou esta pasada semana á empresa GOC, Consultoría e Ingeniería a executar as catas e sondaxes precisas para o proxecto de supresión do paso a nivel no Porriño. Tratase do estudo xeotécnico a incluír no proxecto construtivo que...

O grupo municipal de EU-Son no Porriño vén de denunciar que no Pleno celebrado o día 31/03/21 "paránronse tanto a gravación como a transmisión en directo da sesión" un feito que segundo as concelleiras de EU "aconteceu xustamente cando a alcaldesa ameazou á nosa voceira coa intervención policial se non abandonaba o salón de plenos por non retirar o que ela cualificou como insulto mentirosa". Así o manifestou o xefe de prensa con un "la grabación está parada".

A alcaldesa do Porriño, Eva Garcia de la Torre, deu a coñecer hoxe aos membros da Comisión Especial do Líndano que O Porriño é un dos cinco municipios seleccionados –entre 33.000 ubicacións existentes en Europa afectadas por líndano–, para desenvolver un programa de localización, bioremediación e recuperación dos terreos afectados.

As alcaldesas de Salceda de Caselas, Loli Castiñeira; Salvaterra de Miño, Marta Valcárcel e O Porriño, Eva García, xunto con representantes da policía local e o grupo de protección civil de Salceda, sumáronse en nome da veciñanza dos tres Concellos á dor das familias afectadas polo tráxico accidente que tivo lugar na noite do pasado venres.

“Podemos felicitarnos todos de que o proxecto de soterramento do tren ao seu paso polo Porriño, coa eliminación dese paso a nivel anacrónico, vai ser moi cedo unha realidade”, afirmou hoxe o deputado Guillermo Meijón nunha reunión de traballo coa alcaldesa e concelleiros do goberno municipal.

A alcaldesa, Eva García expulsou ao voceiro municipal do PP, Alejandro Lorenzo da sesión telemática que celebraba no serán de onte a corporación local porriñesa. Segundo a versión da Alcaldía, o edil do Partido Popular, Alejandro Lorenzo, "foi reprendido e finalmente expulsado do pleno despois de interromper o debate en reiteradas ocasións". O PP, pola súa banda asegura que Lorenzo foi expulsado "por intentar exercer o seu dereito a que un punto da orde do día quedara sobre a mesa".

A alcaldesa do Porriño e presidenta do Consorcio de Augas do Louro, Eva García de la Torre, asegurou estar “sorprendida” polo anuncio da alcaldesa de Mos de que estea a buscar apoios no Consorcio para axudar á hostalaría. Eva Gardía sinalou que “sendo eu a presidenta do Consorcio, ninguén de Mos, púxose en contacto comigo para suxerir medidas para axudar aos hostaleiros o que, por un sinxelo principio de cortesía institucional, debería telo feito antes de acudir á prensa”.

O Goberno municipal do Porriño e a veciñanza da Vaquería acordaron, de xeito conxunto, convocar unha concentración de protesta, o vindeiro xoves ás 12 horas, para demandar á Xunta de Galicia o proxecto pendente de reforma da travesía da estrada PO-510 ao seu paso por este barrio de Budiño.

EU Son do Porriño saiu onte ao paso, de xeito claro e contundente, ás declaracións realizadas en días anteriores polo PP porriñés na que adiantaba a súa postura de solicitar a comparecencia da alcaldesa Eva García de la Torre e da voceira de EU Son, Patricia Sío, pola polémica xurdida sobre a suposta decisión da alcaldesa de dimitir.

O Partido Popular do Porriño solicitará a comparecencia da Alcaldesa, Eva García, e da portavoz de EU SON Porriño-Son en Común, Patricia Sío, ante a "gravidade das declaracións feitas por ambos os grupos" nos últimos días sobre os termos de negación para a aprobación dun Recoñecemento Extraxudicial de Crédito por importe de 3 millóns de euros.

A alcaldesa do Porriño, Eva García de la Torre, desmentiu “rotundamente” que vaia a dimitir como alcaldesa do Porriño e asegura que o rumor é "alimentado de xeito interesado” apuntando directamente ao grupo municipal de EU Son. García de la Torre afirma que "nin o 6 de outubro nin noutra data inminente teño pensado dimitir” ao que engade que rematar o mandato "é idea e o meu compromiso”.

Eva García de la Torre anuncia á veciñanza do Porriño que “a ansiada supresión do paso a nivel ferroviario polo centro da vila está dende hoxe máis preto de materializarse grazas a que o Goberno Central ven de adxudicar os estudos e a redacción do proxecto para a súa supresión”.

O Concello do Porriño trasladou onte ao Goberno Central a petición de que o treito da N-120, entre Cans e a rotonda do Confurco sexa cedido á administración municipal. A alcaldesa Eva García e o concelleiro de Infraestruturas, Pedro Pereira expuxeron a petición a Maica Larriba, subdelegada do Goberno Central e a Pablo Alonso, representante da Demarcación de Estradas do Estado dependente do Ministerio de Fomento.

A alcaldesa do Porriño, Eva Garcia de la Torre, solicitou hoxe por carta unha reunión ao novo Conselleiro de Sanidade "para abordar o estado do proxecto de ampliación do Centro de Saúde do Porriño". A rexedora porriñesa no seu escrito lémbralle ao novo titular do departamento, Julio Garcia Comesaña, "que hai meses firmou co seu antecesor, Jesús Vázquez Almuiña o convenio para ampliación desta instalación sanitaria".

Unha grúa de grandes dimensións caiu, na mañá de hoxe, sobre a capela do Cristo, en pleno centro do Porriño, ocasionando graves danos e alcanzando tamén na súa caída á cuberta do edificio de Telefónica situado nas inmediacións. O incidente aconteceu pasadas as 10:30 horas da mañá sen que se produciran danos persoais.

O ADIF confirmou hoxe á alcaldesa do Porriño, Eva García de la Torre, que maña martes día 10 abriranse as plicas das empresas interesadas no proxecto de supresión do paso a nivel existente no centro urbano da vila. A resolución deste concurso “será inminente e desarrollase en tres fases, sendo a primeira o estudio xeotécnico” segundo manifestáronlle á alcaldesa responsables do Administrador de infraestructuras Ferroviarias.

O Concello do Porriño vén de informar que tanto o Mulitusos de Torneiros coma o Centro de Día de 'AFAGA' e outras instalacións municipais "teñen plenamente normalizado o subministro eléctrico". A empresa Naturgy restaurou o servizo nos centros de distribución logo das xestións realizadas pola alcaldesa Eva Gardía de la Torre que, no día de onte, tiña formulado unha queixa ante a dirección provincial da empresa subministradora "polo seu proceder".

Eva García de la Torre, alcaldesa do Porriño, recibiu “con moita satisfacción” a nova comunicada este mediodía polo ADIF que resolveu licitar o contrato para a redacción do proxecto de supresión do paso a nivel polo centro do Porriño. A rexedora local porriñesa valorou esta licitación como “o maior avance acadado ata de agora polo Concello do Porriño nas xestións realizadas ante o Ministerio de Fomento”, declarou.

Este vindeiro sábado día 11 de xaneiro reanudaránse as clases de Defensa Persoal Feminina que patrocina o Concello de O Porriño e se organizan a través da Policía Local. Tratase dunha formación completamente gratuita que anteriormente desarrollábase no Pavillón Municipal pero que agora coas tempadas deportivas en marcha, pasase ó ximnasio Jovhen Sport.

Eva García de la Torre coñeceu hoxe a sentenza que a absolve por segunda vez dun suposto delito de falsificación de documento público no eido da súa profesión como avogada, en todo caso anterior a súa etapa actual como alcaldesa do Porriño.

Eva García de la Torre, alcaldesa do Porriño, asistiu este mediodía ao inicio dos traballos de reforestación do espazo que ocupara a antiga 'Canteira Ferro', pertenecente a empresa Porriñesa de Canteiras S.A. (Pocasa). O buraco da explotación de granito 'Rosa Porriño' recheouse con 500.000 metros cúbicos de materiais procedentes de ata 150 obras, entre elas as da nova Estación de Vigo e da Autovía A-52.

A cantante porriñesea Noemí Fernández, foi recibida hoxe no Concello pola alcaldesa Eva García de la Torre e por Lourdes Moure, concelleira de Educación, que lle desexaron moítisma sorte na súa inminente participación no concurso europeo 'Tour Music Fest' no que Noemí representará a España na final dese certame que se celebrará en Roma o vindeiro 7 de decembro.

"Un Goberno socialista en Madrid é a única opción do municipio de Porriño para acadar o ansiado soterramento das vías do tren ao paso polo centro da localidade" asegurou hoxe a alcaldesa porriñesa, Eva García de la Torre, quen acompañada do secretario xeral dos socialistas pontevedreses, David Regades, anunciou que o Xestor de Infraestruturas Ferroviarias (ADIF) e o Ministerio de Fomento teñen moi avanzados os trámites para a licitación do proxecto de execución.

A alcaldesa do Porriño, Eva García de la Torre, mantivo unha reunión cunha representación empresarial do Polígono de A Granxa de cara a estudar diversas melloras que implementar no ámbito dese recinto industrial para aliviar a presión de tráfico rodado que soporta.

Eva García, alcaldesa de O Porriño solicitará á Demarcación de Estradas do Estado en Galicia unha entrevista para abordar a inminente cesión ao Concello do tramo da N-120 ao seu paso por Cans, unha vez que o Ministerio de Fomento manifestou por carta a súa disposición de “abordarla satisfactoriamente”.

A alcaldesa do Porriño, Eva García de la Torre, acompañada polo concelleiro de Deportes, David Alonso, mantivo hoxe unha reunión con Marta Costas, presidenta do Club Deportivo Pontellas de cara a estudar a solicitude de axude loxística e económica realizada pola directiva do club porriñés, para poder afrontar "a histórica participación do C.D. Pontellas na Copa do Rei".

A alcaldesa, Eva García de la Torre denunciou hoxe que “por quinto ano consecutivo castigase a Porriño con cero euros de inversión nos Orzamentos Xerais de Galicia”. Segundo o proxecto presentado pola Xunta ante o Parlamento, non aparecen ninguna partida orzamentaria para Porriño para 2020.

PSOE e BNG subscribiron, na noite de onte, un pacto que permitirá a formación dun Goberno de coalición presidido pola alcaldesa do Porriño, Eva García de la Torre, e no que o voceiro nacionalista Pedro Pereira será o primero tenente alcalde e Lourdes Moure, voceira socialista, ocupará a segunda tenencia de alcaldía.

O proxecto 'Camiño a dentro', promovido pola Deputación de Pontevedra e a Xunta de Galicia a través do programa 'O teu Xacobeo', fixo escala onte na praza Arquitecto Antonio Palacios de O Porriño, onde o grupo 'Dúas', formado por Sabela Caridad e Marta Figueiredo, ofreceu un recital de percusión en directo ante autoridades, veciñanza, peregrinas e peregrinos.

A Asociación de Armadores de Buques de Pesca no Gran Sol (Anasol) e a Agrupación Nacional de Compradores de Produtos Pesqueiros de Portos (Acopes) puxeron en marcha a campaña 'Edukando a comer peixe branco', unha iniciativa que onte chegou ao alumnado de primaria do colexio CEIP Antonio Palacios, do Porriño.

O Administrador de Infraestructuras Ferroviarias (ADIF) anunciou hoxe á alcaldesa Eva García que licitará antes de decembro a redacción do proxecto constructivo para suprimir o perigoso paso a nivel existente no centro do Porriño. A solución técnica que se formula é mediante a depresión da rasante da vía férrea, segundo explicou María Luisa Domínguez Gónzalez, directora xeral de Proxectos e Planificación á alcaldesa.