10.8 C
Pontevedra
Sábado, 2 de Marzo de 2024
Máis
    HomeLouriñaO PorriñoA alcaldesa do Porriño pide unha reunión co novo conselleiro de Sanidade...

    A alcaldesa do Porriño pide unha reunión co novo conselleiro de Sanidade para a ampliación do centro de saúde

    A rexedora local lembra que o proxecto fora asinado, hai meses, co anterior responsable de Sanidade, Jesús Vázquez Almuíña

    A alcaldesa do Porriño, Eva Garcia de la Torre, solicitou hoxe por carta unha reunión ao novo Conselleiro de Sanidade “para abordar o estado do proxecto de ampliación do Centro de Saúde do Porriño”. A rexedora porriñesa no seu escrito lémbralle ao novo titular do departamento, Julio Garcia Comesaña, “que hai meses firmou co seu antecesor, Jesús Vázquez Almuiña o convenio para ampliación desta instalación sanitaria”.

    Eva Garcia traslada na misiva ao novo conselleiro, a felicitación no nome de todos os porriñeses polo seu nomeamento para, deseguido, expoñer a preocupación existente no nome dos porriñeses ao sinalarlle a Julio García Comesaña “quero que sexas consciente do desfase que temos nun concello que xa ten superados os 20.000 habitantes e que carece de infraestruturas sanitarias modernizadas como as de concellos limítrofes, caso de Tui ou Salceda, onde a Xunta de Galicia foi quen de facer novos centros de saúde para servizo dos veciños”.

    A alcaldesa porriñesa pecha a súa carta solicitando “gustaríame poder expoñerte estas cuestións de forma persoal o día e a hora que consideres”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.