7.5 C
Pontevedra
Mércores, 8 de Febreiro de 2023
Máis
    HomeLouriñaO PorriñoO acordo entre 'Naturgy' e o Concello do Porriño permite o restablecemento...

    O acordo entre ‘Naturgy’ e o Concello do Porriño permite o restablecemento do subministro eléctrico

    O Concello do Porriño vén de informar que tanto o Mulitusos de Torneiros coma o Centro de Día de ‘AFAGA’ e outras instalacións municipais “teñen plenamente normalizado o subministro eléctrico”. A empresa Naturgy restaurou o servizo nos centros de distribución logo das xestións realizadas pola alcaldesa Eva Gardía de la Torre que, no día de onte, tiña formulado unha queixa ante a dirección provincial da empresa subministradora “polo seu proceder”.

    Para García de la Torre, o corte de realizado onte pola empresa “foi unilateral, abusivo e ilegal” xa que o abastecemento eléctrico en instalacións dependentes do Concello do Porriño “teñen consideración de servizos esenciais tanto pola lexislación de regulación eléctrica coma pola numerosa xurisprudencia existente”, afirmou a rexedora local.

    A alcaldesa lembrou que Goberno municipal e Naturgy están a manter conversas dende hai meses “polos importes e tarificacións realizadas pola eléctrica durante 2019 e 2020”. Eva García lembrou que se trata “dun asunto complexo” porque Naturgy libra 150 facturas cada mes. Como exemplo, engade a alcaldesa do Porriño, “baste decir que no ano 2018, un 40 % das facturas eran erróneas e no que atinxe a 2019, expediu 1.500 facturas ao Concello”. “Semellante chea de facturas –engade– complican e ralentizan a tramitación e comprobación aos funcionarios municipais”.

    Tras a reunión mantida esta mesma mañá na Alcaldía do Porriño, acordouse que, por parte de Naturgy intentarase facilitar unha folla de cálculo con todas as referencias para que, dese xeito, o Servizo de Intervención do Concello poida fiscalizar debidamente a facturación de 2019.

    Pola súa band, o Concello, a medida que teña verificadas as facturas e que non haxa nin inexactitudes nin duplicidades, procederá ao seu recoñecemento e pago e, finalmente, na vindeira semana aboaranse as facturas pendentes deste exercicio de 2020.

    O acordo foi subscrito por Francisco José López Martín, delegado de Ventas de Naturgy Iberia e Eva García de la Torre como alcaldesa do Porriño.

    Resposta ao PP

    Doutra banda, a alcaldesa Eva García de la Torre non dubidou en cualificar de “paradoxal” a posición do PP porriñés que lles fai vivir, afirmou “nunha constante esquizofrenia entre o que din e o que fan”.

    “Piden a miña dimisión porque non pagamos facturas e quero lembrar que este Goberno Municipal, con data 30 outubro aprobou en Pleno Ordinario e realizou o pagamento dunha remesa de facturas de Naturgy dos exercicios de 2017 e 2018 por un importe global de 202.915,62 €. Por certo aprobación plenaria cos votos da maioría formada por PSOE, BNG, EU Son e UDDL mentres que o Partido Popular oponíase a pagar, plantexou unha revisión de oficio das facturas que alongaria 4 anos o trámite e finalmente votou en contra de aboar”, recordou Eva García.

    A alcaldesa engadiu que o PP o que tería que facer “é non alegrarse de situacións que prexudican ao Concello e poñerse a disposición do mesmo para colaborar en atopar solución; en suma colaborar e non bloquear”. Eva García comparou a postura do PP coas reaccións de EU Son e UDDL que valorou como “impecables”. A rexidora recibiu chamadas tanto de Pedro Ocampo coma de Manuel Carrera que mostraron interese por ser informados e disposición de colaborar.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS