As alcaldesas de Salceda de Caselas, Loli Castiñeira; Salvaterra de Miño, Marta Valcárcel e O Porriño, Eva García, xunto con representantes da policía local e o grupo de protección civil de Salceda, sumáronse en nome da veciñanza dos tres Concellos á dor das familias afectadas polo tráxico accidente que tivo lugar na noite do pasado venres.
![](https://www.comarcasnarede.com/wp-content/uploads/2021/03/Marta-Valcárcel-Loli-Castiñeira-e-Eva-García-de-la-Torre-02-1024x683.jpg)
Un lazo negro, lembra ás víctimas mortais deste tráxico suceso no que perderon a vida unha nai, un fillo e unha filla, ámbolos dous menores de idade. “Dende os tres Concellos queremos trasladar o apoio nun momento de tanta dureza”, sinalaron as rexedoras locais.