11.8 C
Pontevedra
Domingo, 24 de Outubro de 2021
Máis
    HomeLouriñaO PorriñoA alcaldesa do Porriño expulsa do Pleno ao voceiro do PP "por...

    A alcaldesa do Porriño expulsa do Pleno ao voceiro do PP “por reiteradas interrupcións” e os populares a acusan de actitude “irrespectuosa”

    A alcaldesa, Eva García expulsou ao voceiro municipal do PP, Alejandro Lorenzo da sesión telemática que celebraba no serán de onte a corporación local porriñesa. Segundo a versión da Alcaldía, o edil do Partido Popular, Alejandro Lorenzo, “foi reprendido e finalmente expulsado do pleno despois de interromper o debate en reiteradas ocasións”. O PP, pola súa banda asegura que Lorenzo foi expulsado “por intentar exercer o seu dereito a que un punto da orde do día quedara sobre a mesa”.

    Non é a primeira vez que Eva García de la Torre e Alejandro Lorenzo protagonizan un enfrontamento no decurso dun Pleno pero ata o de agora, nunca tiña acusado a alcaldes do Porriño ao voceiro popular de “permanente boicot ás palabras do resto de Corporación”. Segundo a versión do grupo de Goberno, o portavoz do PP, “interrompeu en varias ocasións á alcaldesa; ao tenente de alcalde, Pedro Pereira e, ao secretario municipal”.

    O episodio aconteceu durante o debate do cuarto punto da orde do día. O PP pretendía un voto particular ou no seu defecto deixar enriba da mesa a revisión de oficio que postulaba o Goberno municipal dun acordo adoptado nun Pleno en agosto cúa nulidade estaba avaliada cos informes técnicos correspondentes, nomeadamente do secretario municipal.

    García de la Torre advertiu por varias veces ao voceiro da oposición ao que reprendeu por interromper o debate plenario ata que finalmente a alcaldesa determinou expulsar a Alejandro Lorenzo. Cando se someteu a votación o punto, o segundo voceiro do PP, Abel Estévez repetiu que demandaban que o asunto quedase enriba da mesa. Ante a negativa da alcaldesa, en base aos criterios dos técnicos municipais, a totalidade de concelleiros e concelleiras do Partido Popular abandonaron a sesión plenaria telemática.

    Actitude antidemodrática e irrespectuosa

    Os concelleiros do Grupo Municipal do Partido Popular do Porriño, aseguraron que o abandono da sesión plenaria viña dada “por unha grave vulneración dos seus dereitos como concelleiros por parte da Alcaldesa, Eva García de la Torre, que chegou a expulsar do pleno ao voceiro popular, Alejandro Lorenzo, para conseguir a maioría suficiente para revocar un acordo plenario”.

    Os populares porriñeses salientan que despois de silenciar en numerosas ocasións ao seu voceiro –tratábase dun pleno telemático– para impedir que expuxera os seus argumentos, “a rexedora expulsouno directamente da sesión, coa conducta dictatorial e soberbia que a caracteriza e co beneplácito dos seus compañeiros de partido, por reclamar o seu dereito a que se vote a súa petición de deixar un punto sobre a mesa ante a negativa infundada de Eva García”.

    Dende o grupo popular censuran duramente esta forma de actuar da Alcaldesa, e dos seus concelleiros, e amosan a estupefacción que sentiron “polo tono provocador, as faltas de respecto, a belixerancia e a violencia verbal da que fixo gala en todo momento Eva García de la Torre para dirixirse non só aos concelleiros do Partido Popular, senón ao grupo de EU SON”.

    O Goberno municipal levaba hoxe a pleno a revisión do acordo plenario adoptado no pleno do pasado 7 de agosto de 2020, onde por maioría a corporación acordou solicitar a revisión de oficio da facturación irregular do Concello do Porriño, o groso da mesma está a ser investigada no xulgado penal.

    Dende o principio, sempre segundo a versión do PP porriñés, “a rexedora amosou a súa oposición a que se revise esta facturación e se cumpla o acordo valendose de contínuos subterfuxios legais e amenazas que non foi quen de materializar”.

    “Primeiro anunciou que recusaba a un concelleiro do PP para impedir que emitira o seu voto, non foi así –denuncian os populares–, nun segundo intento levou a Pleno a solicitude de revogación do acordo plenario, non o conseguiu. E hoxe, nun terceiro intento de impedir que se investigue se esa facturación é acorde aos prezos de mercado ou se se realizaron os traballos que pretende pagar, levou a pleno a revisión de oficio do acordo plenario, amparándose en que se trata dunha disposición administrativa e non un acordo plenario”.

    “A alcaldesa pide a revisión do acordo plenario invocando que se trata dun acordo nulo alegando que se trata dunha disposición administrativa. Non é así, un acordo plenario non é unha disposición administrativa”, matiza o portavoz popular Alejandro Lorenzo.

    “A belixerancia que mostrou hoxe Eva García, os seus insultos e descalificacións non son máis que o produto do seu nerviosismo ante a imposibilidade de escapar da rede de mentiras coa que pretende eludir a responsabilidade da súa xestión”, continúa Lorenzo, “Aquí non estamos a falar de meras irregularidades como pretende facer creer a xente, nin de bloqueos políticos. Estamos a falar de corrupción. Falamos de prevaricación, de tráfico de influencias ou de falsidade documental. De iso falamos e iso é o que a xente merece saber”.

    Lorenzo concluíu condenando duramente a actitude antidemocrática da rexedora lembrandolle que “cando nos cala aos concelleiros do Partido Popular, está calando a miles de porriñeses aos que representamos. Cando nos insulta, está insultando ao grupo maioritario da poboación á que representa. E con todo, non o vai a conseguir”.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS