Tag: fernando groba

Ponteareas volverá a converterse este sábado na capital da música tradicional do país. O Concello organiza a 54 edición do Concurso de Gaitas do País, a festa musical desta especialidade máis antiga de Galicia, e que coloca a vila como referente na promoción do folclore musical galego. O concelleiro de Cultura, Fernando Groba, afirma que “para Ponteareas é un orgullo acoller estes eventos”, e expón que o Concurso “é unha mostra máis da nosa decidida aposta pola música que se fai no país”.

Ponteareas festexará este sábado a música tradicional do Condado nunha nova edición do Festival Folclórico do Condado, un evento de importancia na vila do Tea, xa que supón unha gran oportunidade para pór en valor a música que se interpreta na comarca.

Ponteareas acolle dende hoxe unha xornada de xogos e obradoiros no Centro Cultural de Celeiros. É a primeira das 12 que percorrerán o municipio durante este mes de setembro, e que continúan o programa lúdico nos centros culturais que xa se realizou en agosto. O concelleiro de Cultura, Fernando Groba, sinalou que con estas actividades “queremos que todos os nenos e nenas de Ponteareas poidan desfrutar xogando sen saír das súas parroquias”.

O Concello de Ponteareas presenta o programa das Festas de Setembro para encher de cultura e de lecer a vila durante todo o mes. Máis de 30 propostas culturais e deportivas completarán unha oferta para todos os públicos, en todos os espazos da vila, e adicada a festexar con seguridade e diversión os seus días festivos.

A Biblioteca Municipal de Ponteareas continúa ofrecendo actividades para os máis pequenos e pequenas da vila. O vindeiro xoves entre as 11:30 e as 13:30 acollerá unha xornada de xogos e contacontos para incentivar a lectura dende a diversión. A participación está dirixida a nenas e nenos entre 3 e 12 anos, é de balde, e a inscrición pódese facer na biblioteca, no teléfono 986 660 765, ou en bibliotecamuseo@ponteareas.gal.

O Concello de Ponteareas proxectará o vindeiro venres ás 20.30 horas o documental 'Xela Arias. Poeta nas marxes', dirixido por Beatriz Pereira. Unha peza audiovisual que reflexiona sobre a poeta homenaxeada no Día das Letras Galegas a través dos testemuños de Marga do Val, Xosé María Álvarez Cáccamo, María Xesús Nogueira, Manuel Bragado, Susana Trigo e Humberto Heredia.

A Biblioteca Municipal de Ponteareas acollerá o vindeiro xoves ás 12.00 horas un espectáculo de contacontos da man da artista Sabela Losada. Os nenos e nenas que asistan poderán xogar a 'O xogo das escritoras', unha divertida oca no que amais de subir e baixar polo taboleiro, as persoas participantes buscarán nos libros da biblioteca, escribirán, debuxarán e espremerán os miolos para superar as actividades propostas, relacionadas coa literatura escrita por mulleres.

O certame de relatos breves Remata o Conto que organiza o Concello de Ponteareas, e a Federación de comercio, hostalaría e servizos de Ponteareas (Banastra) xa ten gañadoras. Teresa Ríos gañou o primeiro premio, Laura Domínguez o segundo, e Carmen Lemos o terceiro. O concelleiro de Cultura e Lingua e membro de xurado, Fernando Groba, destacou a “calidade literaria, a orixinalidade, a corrección lingüística, e a adecuación ao tema” das tres gañadoras.

O Concello de Ponteareas, a través do concelleiro de Cultura, Fernando Groba, quere felicitar ao veciño Sergio de Arcos polo seu primeiro premio no concurso de banda deseñada que organiza a escola O Garaxe Hermético.

Ponteareas quere que os nenos e nenas da vila aprendan a xogar da maneira que aprenderon os seus avós e avoas. A concellaría de Cultura, que xestiona Fernando Groba organiza ao longo deste mes catro xornadas de xogos tradicionais en varios espazos do municipio para “aprender xogando”, expón o concelleiro.

Con máis de dez lustros ás súas costas, o Concurso de Gaitas do País, é o concurso de música tradicional por excelencia e converte, a Ponteareas, en capital indiscutible da nosa música na súa máis pura esencia; compre salientar que só se admiten cuartetos tradicionais formados por dúas gaitas, bombo e tamboril. Con estes antecedentes, o vindeiro sábado 18 de setembro o municipio vestirase de gala para acoller a 54 edición deste certamen que, como sinalabamos, coloca a vila como referente no panorama da música tradicional galega.

A Feira do Libro de Ponteareas baixou onte domingo o pano cun grande éxito de público, que se achegou á Praza Maior para gozar da ampla programación a pesar da vaga de calor dos últimos días. Concello e librarías fan un balance positivo desta quinta edición, que conseguiu aglutinar 22 presentacións e sinaturas de libros, máis da metade creados por autoras e autores ponteareáns.

Novas citas culturais esta fin de semana co programa Cultura24, co que a Concellaría de Cultura busca “achegar a actividade cultural ás vinte e catro parroquias que compoñen o concello ponteareán”. Este sábado e domingo haberá tres novas actuacións de balde nas que a charanga, a música e o teatro serán os grandes protagonistas.

Ponteareas converterase, a lo menos durante uns días, na capital do libro da provincia coa celebración da Feira do Libro que foi presentada, na mañá do xoves 1 de xullo, na Casa do Concello nun acto presidido pola alcaldesa, Cristina Fernández, acompañada por Victoria Alonso, deputada de Cultura; Fernando Groba, concelleiro de Cultura; Carlos Blanco, representante da Federación de Libreiros e Editores de Galicia e o ilustrador e caricaturista Pablo Prado –que o fixo a través de videoconferencia– que será o pregoeiro desta quinta edición da Feira do Libro de Ponteareas.

A Banda da Escola de Música de Xinzo desembarcará este domingo 27 na sala multiusos do auditorio municipal de Ponteareas para ofrecer un concerto dirixido baixo a batuta de Ángel Antonio Montes.

A Concellaría de Cultura do Concello de Ponteareas deu a coñecer as e os gañadores dos VI Xogos Florais, con motivo da pasada conmemoración do Día das Letras Galegas, no transcurso dunha gala da lingua na que se homenaxeou a Xela Arias, a quinta muller á que se lle dedica esta celebración.

Hoxe domingo, véspera do Día das Letras Galegas 2021, as concellarías de Cultura e de Benestar Social do Concello e Ponteareas –que dirixen os nacionalistas Fernando Groba e Verónica Carrera– e a Asociación de Maiores de Ponteareas presentarán o libro colaborativo Poemas de Outono. O acto realizarase na sala multiúsos do auditorio municipal ás 19 h.

O Concello de Ponteareas divulgará a figura de Xela Arias en bolsas de pan grazas ao apoio e colaboración das panadarías locais. As bolsas levan impresas as caras da poeta de Sarria, por un lado, e da escritora ponteareá Emilia Estévez Villaverde, pola outra, e van acompañadas de cadansúa breve reseña e de cadanseu poema.

O Concello de Ponteareas celebrará o Día das Letras Galegas con diversas actividades durante o resto mes de maio para seguir divulgando a figura e obra de Xela Arias e homenaxear a lingua galega. Faino logo de acoller dúas xornadas das Convergências Portugal-Galiza para homenaxear á propia Rosalía de Castro e ao Zeca Afonso os pasados días 7 e 8 e de dispoñer dun expositor na biblioteca municipal con boa parte da obra de Xela Arias.

A segunda e última xornada da VII edición das Convergências Portugal–Galiza contará cun concerto en Ponteareas protagonizado polo grupo Canto D’Aqui e o Grupo Folclórico da Universidade de Minho, actividade que terá lugar este vindeiro domingo, 8 de maio, a partir das 20 horas na sala multiúsos do Auditorio Municipal e que se desenvolve baixo o título xenérico de 'Cancións de abril e polifonías tradicionais do Minho'.

Alexandro Bouzó, natural de Reboreda (Redondela) pero veciño de Santiago de Oliveira (Ponteareas) dende a infancia, presenta a súa primeira novela no marco das actividades que está a desenvolver a Concellaría de Cultura do Concello de Ponteareas. Será o acto que peche o ciclo de presentacións de libros que leva todo o mes de abril a conmemorar o Día Mundial do Libro e o Dereito de Autor e que ten como denominador común a aposta polas escritoras e escritores do municipio.

Yaiza Cameselle, natural de Mondariz mais vinculada dende a infancia con Ponteareas, presenta o seu primeiro libro de poemas, La guerra de Elisabeth; o fará no marco do ciclo de presentacións de libros Abril, mes dos libros que organiza a Concellaría de Cultura do Concello de Ponteareas para celebrar o Día Mundial do Libro e o Dereito de Autor.

Un total de Vinte e oito alumnas recibiron os diplomas do curso de Lingua de signos A1.1 que se desenvolveu de xeito telepresencial, en dous grupos de 14 persoas e cunha duración de 30 horas, durante os meses de marzo e abril. Os diplomas acreditativos foron entregados polo concelleiro de Lingua, Fernando Groba e Raquel González Novelle e David Fernández García, docentes do curso.

Este sábado, o escenario da sala multiúsos do Auditorio Municipal de Ponteareas acolle unha nova proposta teatral, no marco do convenio subscrito entre a Concellaría de Cultura do Concello de Ponteareas e a Axencia Galega das Industrias Culturais. Trátase do espectáculo 'O meu mundo non é deste reino', da compañía Teatro da Ramboia.

A Concellaría de Cultura do Concello de Ponteareas, para celebrar o Día Mundial do Libro e o Dereito de Autor –que se conmemora o 23 de abril–, levará a cabo unha serie de presentacións de obras de autoras vinculadas co municipio da Vila do Tea. O propósito é, para alén de homenaxear o soporte principal a través do que se comunica a cultura, destacar a importancia dunha creación “literaria” propia que chega a través de diferentes xéneros: ensaio, poesía (para todas as idades) e novela.

O Concello de Ponteareas, a través da súa Concellaría de Cultura que dirixe Fernando Groba, failles chegar marcapáxinas a todos os centros educativos e pousavasos a todas as cafetarías para divulgar e lembrar Fermín Bouza-Brey, un dos persoeiros máis importantes da nosa literatura con motivo do 120 aniversario do seu nacemento.

O Concello de Ponteareas celebra este sábado, 20 de marzo, o acto de entrega de premios ás persoas gañadoras do concurso #TikTokTea, unha iniciativa coa que as concellerías de Lingua e Mocidade pretendían estimular a creatividade entre a mocidade, animar a creación de vídeos en galego con novos formatos e temáticas e darlles visibilidade ás e aos 'tiktokeiros' ponteareáns.

O Concello de Ponteareas oferta un curso en liña de Lingua de Signos (Nivel A1.1) e, en menos de 48 horas, as solicitudes de inscrición xa case duplican o seu aforo total. Ante tal demanda, a Concellaría de Cultura decidiu organizar un segundo curso coas mesmas características. Ambos os cursos inícianse o 2 de marzo e desenvolveranse durante os martes e xoves de marzo e abril, en horario de 18 a 20 horas, o primeiro, e de 19 a 21 horas, o segundo.

O Concello de Ponteareas vén de licitar a execución da pavimentación e valado da terraza do Centro Cultural de Ribadetea, así como dunha rampla peonil de acceso á mesma. As obras contan cun orzamento total de 43.676,24 euros, ive incluído, e as empresas interesadas dispoñen dun prazo de presentación que rematará o vindeiro 11 de febreiro.

O concelleiro de Lingua, Fernando Groba, vén de dar conta á cidadanía da posibilidade de realizar de xeito gratuíto os cursos preparatorios para os Certificados de Lingua Galega, Celga, que se realizarán de xeito presencial ou en liña, convocados pola Consellería de Cultura, Educación e Universidade.

A Concellería de Cultura do Concello de Ponteareas, está a desenvolver unha campaña de distribución e divulgación de propostas bibliográficas, editadas polo propio Concello ou nas que colaborou durante os últimos meses. Todos os colexios, institutos e centros culturais recibirán, nas próximas semanas, entre outras obras, dúas nas que a música e a poesía son os protagonistas.

O Concello de Ponteareas compartirá, a través da súa páxina web e das súas redes sociais, o vídeo do Calendario Galego de Ponteareas 2021. Hoxe, día 30 de decembro, a partir das 21:00 horas descubriremos fermosas instantáneas que recollen unha parte do noso patrimonio cultural e natural, lugares únicos que o Concello quere difundir e pór en valor para que sexan coñecidos e aprezados pola veciñanza.

O Concello de Ponteareas vén de sumarse á campaña popular para pedir a través dunha proposición no Parlamento Galego que a TVG se dote dunha maior oferta de contidos para a infancia e a mocidade, retomando a labor que no seu día efectuaba o 'Xabarín Club'. Esta campaña, impulsada pola Mesa pola Normalización Lingüística tras unha iniciativa particular, pretende ademais que a programación infantil e xuvenil estea dispoñible en todas as plataformas de contidos audiovisuais

A Concellaría de Cultura do Concello de Ponteareas organiza un curso de Certificado dixital e xestión e trámites mediante internet no que poden participar 15 persoas e que ten por obxectivo dar a coñecer o funcionamento do correo electrónico Gmail, aprender a obter un certificado dixital e as súas funcións, as diferenzas entre o certificado dixital e o DNI electrónico. O curso é totalmente de balde e todas as persoas interesadas deben anotarse no Rexistro do Concello.

O concelleiro de Cultura, Fernando Groba, anuncia que o doutor en Economía e profesor da Universidade de Oviedo Damián Copena Rodríguez resultou gañador do VIII Premio de Investigación Fermín Bouza Brey 2020 polo seu proxecto de investigación titulado “Manexo comunitario dos recursos naturais: pasado, presente e futuro dos montes veciñais en man común de Ponteareas”.

O Concello de Ponteareas deu a coñecer hoxe a resolución das axudas de apoio concedidas á actvidade realizada polas casas e centros culturais de Ponteareas. As axudas, outorgadas a 21 casas ou centros culturais, suman un total de 50.000 euros. As cantidades para cada colectivo van dende os 1.350 ata os 4.300 euros.

A Concellería de Cultura, que dirixe Fernando Groba, convida a participar no obradoiro de iniciación á arte de contar contos. Un obradoiro dirixido a educadores, pais e nais, docentes, bibliotecarios, mediadores de lectura, xestores culturais e público en xeral.

A Concellaría de Cultura do Concello de Ponteareas que dirixe Fernando Groba, convida a toda a cidadanía a gozar do concerto de Óscar Ibáñez & Tribo este domingo 11 de outubro ás 19:30 horas no parque da Feira Vella. A entrada é totalmente de balde e as persoas interesadas deberán reservar entrada en i.gal/oscaribanez.

O grupo de Gaitas Avelaíña, da localidade coruñesa de Teo, proclamouse este sábado gañador do LIII Concurso de Gaitas do País celebrado en Ponteareas. A segunda posición logrouna o grupo Arghaço (Vigo) mentres que Laghareu (Santiago de Compostela) obtivo a terceira posición e Érbedo (Salvaterra de Miño) a cuarta.

As Concellarías de Lingua e Promoción Económica do Concello de Ponteareas, que dirixen Fernando Groba e Eva Gil, respectivamente, convocan a II edición do Premio 'Ponteareas, Lingua e Empresa' co obxectivo de recoñecer as empresas que usan a lingua galega na actividade económica. Segundo Fernando Groba, este premio ten como finalidade "promover o uso da lingua galega na actividade económica do Concello de Ponteareas, estender o seu uso nas relacións laborais, comerciais e empresariais, e recoñecer publicamente a contribución ao aumento e mellora do uso social do galego desde este sector".