16.6 C
Pontevedra
Venres, 14 de Xuño de 2024
Máis
    HomeO CondadoPonteareasPonteareas proxectará de marzo a decembro oito películas gañadoras e finalistas dos...

    Ponteareas proxectará de marzo a decembro oito películas gañadoras e finalistas dos premios Mestre Mateo

    O Concello formará parte do ciclo “Mestre Mateo” que organizan a Academia Galega do Audiovisual e a Deputación de Pontevedra

    O Concello de Ponteareas formará parte do ciclo ‘Mestre Mateo’ que organizan a Academia Galega do Audiovisual e a Deputación de Pontevedra. Esta actividade traerá á vila do Tea as películas gañadoras e finalistas nos premios do cinema galego este ano de maneira totalmente gratuíta. O Concello proxectará cada mes, dende marzo, agás en xullo e agosto, ata decembro, as oito películas que compiten polos galardóns.

    O concelleiro de Cultura, Fernando Groba, destaca que “é unha gran nova para Ponteareas poder formar parte deste ciclo”, xa que, en palabras do edil, “poderemos gozar en exclusiva e totalmente de balde das mellores películas galegas do último ano”, feito que permitirá “achegar o noso audiovisual, o noso idioma e a nosa cultura á veciñanza”.

    O edil tamén quere agradecer á Deputación de Pontevedra e á Academia a posta en marcha deste ciclo na provincia e conclúe que desta maneira “as cintas premiadas nos galardóns poderán chegar a todos e todas as ponteareáns que queiran desfrutar dun cine de calidade en galego”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.