14.6 C
Pontevedra
Domingo, 25 de Febreiro de 2024
Máis
    HomeO CondadoPonteareasPonteareas entrega este sábado os premios do concurso #TikTokTea

    Ponteareas entrega este sábado os premios do concurso #TikTokTea

    O Concello de Ponteareas celebra este sábado, 20 de marzo, o acto de entrega de premios ás persoas gañadoras do concurso #TikTokTea, unha iniciativa coa que as concellerías de Lingua e Mocidade pretendían estimular a creatividade entre a mocidade, animar a creación de vídeos en galego con novos formatos e temáticas e darlles visibilidade ás e aos ‘tiktokeiros’ ponteareáns.

    O acto, que se celebra coincidindo co Día Internacional da Narración Oral, terá lugar ás 20 horas na sala multiúsos do Auditorio Municipal, e contará coa presentación e condución por parte do youtubeiro @olaxonmario, que representará o monólogo “Foto Tuenti”. O aforo é limitado, para garantir as medidas sanitarias, e pódese reservar entrada en auditoriomunicipal@ponteareas.gal.

    Para a elección do mellor vídeo en cada categoría, reuniuse un xurado especializado formado por Mario Brión Toucedo (@olaxonsonmario, gañador do premio a o mellor youtubeiro do concurso Youtubeir@s 2020), Carlos García Vieito (membro da Mesa pola Normalización Lingüística e especialista en Comunicación) e Adrián González Fernández (produtor audiovisual en Diaño Films, gañadora do premio do público ao mellor vídeo musical no Festival de Cans 2020).

    “Gustaríanos destacar a participación e a variedade de propostas que se presentaron a esta iniciativa innovadora coa que pretendiamos ofrecer unha actividade para a mocidade, animala a usar a lingua de noso para alén de pór en valor aspectos sociais, económicos ou ambientais do noso Concello”, sinalaron os concelleiros de Lingua, Fernando Groba, e de Mocidade, Miguel Bouzó, en referencia ás 19 propostas presentadas ao concurso.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.