19.9 C
Pontevedra
Mércores, 19 de Xuño de 2024
Máis
    HomeO CondadoPonteareasOs nenos e nenas de Ponteareas desfrutarán de 12 xornadas de xogos...

    Os nenos e nenas de Ponteareas desfrutarán de 12 xornadas de xogos nos centros culturais este mes

    O Concello organiza distintas actividades e obradoiros para “ofrecer lecer aos pequenos sen que teñan de saír da súa parroquia”

    Ponteareas acolle dende hoxe unha xornada de xogos e obradoiros no Centro Cultural de Celeiros. É a primeira das 12 que percorrerán o municipio durante este mes de setembro, e que continúan o programa lúdico nos centros culturais que xa se realizou en agosto. O concelleiro de Cultura, Fernando Groba, sinalou que con estas actividades “queremos que todos os nenos e nenas de Ponteareas poidan desfrutar xogando sen saír das súas parroquias”. Ademais indicou que estas xornadas se realizarán soamente nas casas culturais que comunicaron o seu interese para acoller estes xogos. Todas se realizarán co mesmo horario: de 17.30 h a 19.00 h.

    Ademais da xornada de hoxe, o Centro Cultural de Celeiros ofrecerá máis actividades mañá. Os vindeiros venres 10 e 27 o Centro Cultural de Bugarín recibirá aos pequenos e pequenas. A quenda do Centro Cultural de Arnoso será os días 10 e 28, a do Centro Cultural de Angoares os martes 14 e 21, a do Centro Cultural “Os Muíños de Oliveira” os mércores 15 e 22, e a do Casa Cultural de Prado os venres 17 e 24.

    Para reservar entradas nestas xornadas será preciso contactar coas directiva dos centros culturais. A actividade é de balde e está aberta aos nenos e nenas maiores de 5 anos. O edil de Cultura engade ademais que o setembro de xogos está organizado gardando especial atención ás normas sanitarias.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.