13.7 C
Pontevedra
Sábado, 18 de Maio de 2024
Máis
    HomeO CondadoPonteareasPonteareas organiza un curso sobre o certificado dixital e trámites coa administración...

    Ponteareas organiza un curso sobre o certificado dixital e trámites coa administración mediante internet

    A concellaría de Cultura ofrece este curso totalmente de balde e para un máximo de 15 persoas

    A Concellaría de Cultura do Concello de Ponteareas organiza un curso de Certificado dixital e xestión e trámites mediante internet no que poden participar 15 persoas e que ten por obxectivo dar a coñecer o funcionamento do correo electrónico Gmail, aprender a obter un certificado dixital e as súas funcións, as diferenzas entre o certificado dixital e o DNI electrónico. O curso é totalmente de balde e todas as persoas interesadas deben anotarse no Rexistro do Concello.

    A actividade formativa terá unha duración de 30 horas e impartírase a partir do 23 de novembro ata o 18 de decembro a través da plataforma Google Classroom. Á súa finalización entregarase un certificado de asistencia.

    Entre os contidos, o alumnado aprenderá a navegar e realizar tramites cos sitio web do Concello, Xunta de Galicia, Sergas, Sepe…. para facilitar a familiarización coas páxinas dos diferentes servizos públicos e para coñecer os tipos de trámites se poden facer a través de internet.

    “Estes contidos permitirán coñecer as vantaxes de realizar trámites en liña coas administracións e coas empresas privadas, ademais de aprender a empregar os certificados dixitais para relacionarse de xeito seguro coas administracións públicas e nas xestións on-line do día a día”, afirma Fernando Groba Bouza, concelleiro de Cultura.

    Ponteareas promove o uso das novas tecnoloxías e a formación para unha relación on line coa administración na liña marcada polos Obxectivos de Desenvolvemento Sostíbel (ODS).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.