7.6 C
Pontevedra
Venres, 29 de Marzo de 2024
Máis
    HomeO CondadoPonteareasA veciñanza poderá gozar do vídeo do Calendario Galego de Ponteareas a...

    A veciñanza poderá gozar do vídeo do Calendario Galego de Ponteareas a través do seu sitio web e das súas redes sociais

    Hoxe, día 30 de decembro, a partir das 21 horas o Concello difundirá o vídeo do calendario

    O Concello de Ponteareas compartirá, a través da súa páxina web e das súas redes sociais, o vídeo do Calendario Galego de Ponteareas 2021. Hoxe, día 30 de decembro, a partir das 21:00 horas descubriremos fermosas instantáneas que recollen unha parte do noso patrimonio cultural e natural, lugares únicos que o Concello quere difundir e pór en valor para que sexan coñecidos e aprezados pola veciñanza.

    Ao non ser posíbel a presentación presencial, o Concello difundirá a través das novas tecnoloxías o seu Calendario Galego e así chegar a todas as ponteareás e a todos os ponteareáns que se atopan tanto na nosa vila como en diferentes lugares do mundo. Arxentina, Cuba, México ou Venezuela son algúns dos destinos aos que chegará o noso calendario.

    O Concello lembra que as veciñas e veciños pódense facer cun exemplar na Biblioteca Pública Municipal ou na propia Casa do Concello.

    Fernando Groba, concelleiro de Lingua, explica que o Calendario Galego de Ponteareas difunde, cada ano, algúns dos principais elementos que forman parte dos nosos sinais de identidade.

    Como novidade, un sistema de xeolocalización acompaña cada fotografía para facilitarlles a súa visita a aquelas persoas que desexen coñecer estes fermosos lugares, que ademais van acompañados dun texto explicativo que ofrece a información máis destacada.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.