Luns, 28 Xullo de 2025

Nigrán proxecta a creación dun ‘Bosque-Escola’ no CEIP Carlos Casares aproveitando a tomada municipal ao seu carón

Redacción
-
0
Nigrán proxecta a creación dun ‘Bosque-Escola’ no CEIP Carlos Casares aproveitando a tomada municipal ao seu carón

O Concello de Nigrán consignará 7.000 € do orzamento municipal 2021 á redacción dun proxecto paisaxístico para crear un ‘Bosque-Escola’ no CEIP Carlos Casares aproveitando a parcela municipal ao su carón coñecida como ‘Souto Casares’. O deseño correrá a cargo do programa #Mestradeobra que o colectivo galego Sistema Lupo ven realizando en colexios públicos de Galicia e que a comunidade educativa de Vilariño ten como referencia ao defender o xogo como o mellor método de aprendizaxe. Sería este un dos primeiros centros de Galicia en poder mesturar nas súas propias instalacións a ensinanza convencional impartida nas aulas cos métodos educativos alternativos que plantexan as ‘escolas-bosque’.

“Trátase dunha petición de toda a comunidade educativa do colexio e estamos de acordo en que sería unha forma marabillosa de aproveitar esa tomada municipal en desuso”, explica o alcalde, Juan González, en referencia a esta parcela de 2.000 metros cadrados lindeira ao colexio e que no 2018 o Concello bautizou como ‘Souto Casares’ tras realizar unha plantación na que participou todo o colexio e os dous fillos do escritor.

Actualmente o patio norte do colexio non ten un uso definido e linda con esta parcela municipal de monte tamén sen uso, da que está separada físicamente mediante muro e alambrada. “Agora sería dar un paso máis a nivel constructivo e educativo, trataríase de integrar a tomada no propio patio do centro educativo mediante un ambicioso proxecto de paisaxismo para facer un bosque do que o alumnado se beneficie”, explica González.

[su_image_carousel source=”media: 30750,30749,30748,30746,30745″ crop=”5:4″ link=”lightbox” autoplay=”0″]

“O proxecto busca crear un bosque totalmente natural sen que se note que hai un traballo de deseño previo detrás, o obxectivo é que dé a sensación de que estás nun lugar que sempre foi así”, explica Fermín González, arquitecto de #Mestradeobra en Sistema Lupo. Así, nunha visita ao souto co alcalde e a edil de Educación e representantes da comunidade educativa, explicou que a intención é aproveitar a gran cota de diferencia entre o patio e o cumio da parcela para crear diferentes sendeiros peonís entre árbores de especies autóctonas que desemboquen nun claro no bosque, que será onde permaneza o actual xogo de bolos celta. “Non existirán as actuais escaleiras, nen muros, nen ningún elemento de separación, seguiremos as propias regras da natureza”, subliña. Pola súa banda, a directora do centro considera que, precisamente, o feito de que se integre no colexio para o uso do alumnado permitirá que a parcela se manteña sola “grazas ao propio tránsito dos rapaces”.

Escolas-Bosque

O movemento ‘Escolas Bosque’ é moi recente en España pero ten décadas de historia en países nórdicos ou o Reino Unido e se basea nas teorías de grandes pedagogos e filósofos, desde Pestalozzi a Fröbel, pasando por Rudolf Steiner ou María Montessori. Moitos sitúan a súa orixe no concepto Friluftsliv dos países Escandinavos, isto tradúcese literalmente como liberdade-aire-vida e fai referencia a unha filosofía de vida baseada na conexión profunda coa natureza e a vida ao aire libre. Trátase dun modelo de educación ao aire libre no que os estudantes visitan espazos naturais para aprender habilidades persoais, sociais e técnicas. “Sería un gran salto de calidade para o sistema educativo de toda a comarca poder mesturar neste colexio de Vilariño a ensinanza convencional cos métodos alternativos do Bosque-Escola, por iso desde o Concello defendemos este proxecto”, resume González.

Arbo recupera e pon en valor antigos lavadoiros e fontes municipais

Redacción
-
0
Arbo recupera e pon en valor antigos lavadoiros e fontes municipais

O Concello de Arbo, vén de dar por rematadas as obras as obras de mellora e recuperaci´n de dous antigos lavadoiros sitos nas parroquias de Sela e Mourentan e unha fonte. As obras, que foron executadas por unha empresa local por importe de 21.824,56 €, englobaron o acondicionamento do terreo onde se sitúan as construcións, drenaxes perimetrais e substitución de estruturas deterioradas.

As estruturas non aptas para a súa reutilización foron substituídas por outras novas, sendo o resultado unha imaxe renovada pero tradicional do elemento. Retelláronse e foron pavimentados no interior e nos accesos. Tamén se realizou a limpeza e encintado de elementos de cachotería de pedra, revestimento e pintado de paramentos, teitos e todo elemento de fábrica, con cores acordes co medio.

O Goberno que preside Horacio Gil, esta a desenvolver unha serie de traballos dirixidos a rehabilitación do patrimonio histórico e cultural de Arbo, entre os que cabe destacar estas labores de recuperación dos lavadoiros. Coas obras proxectadas pretendese conservar o patrimonio municipal, recuperar a imaxe de construcións tradicionais e dotar de servizos adecuados ás instalacións existentes. Melloranse amais as condicións das construcións existentes, a súa funcionalidade e foméntase o seu uso e mantemento.Cómpre lembrar que, dentro destas actuacións, hai uns meses foron mellorados e recuperados os lavadoiros do Vieiro e de Ferral.

“Os lavadoiros son parte da cultura e tradición de Galicia así como a da arbense, un patrimonio que se debe coidar e recuperar. Nos últimos anos se levan recuperado lavadoiros tan importantes como o de Turbela, San Xoan, Valiñas, o Urzal, Couto, Ferral, Vieiro…. e se seguiran recuperando”- o alcalde de Arbo, Horacio Gil.

A Guarda aposta pola eficiencia enerxética e cambiará por led de baixo consumo todos os puntos de luz do alumeado público

Redacción
-
0
A Guarda aposta pola eficiencia enerxética e cambiará por led de baixo consumo todos os puntos de luz do alumeado público

O concello da Guarda formalizou o contrato de ‘Renovación e mellora da eficiencia enerxética do alumeado público do concello da Guarda’. A empresa concesionaria, New Energy Concept 2020 S.L. , disporá de 5 meses, dende a sinatura do contrato, para completar a actuación. O importe do proxecto ascende a 862.497,91 € dos cales o IDAE (Instituto para la Diversificación y Ahorro de Energía) subvenciona un 80% e o concello un 20 %.

Para financiar esta actuación o concello conseguiu acceder directamente a unha axuda europea. Trátase dunha concesión directa de subvención a proxectos singulares de entidades locais que favorezan o paso a unha economía baixa en carbono, no marco do Programa Operativo FEDER de crecemento sostible 2014-2020.

A execución do proxecto permitirá actuar sobre 1881 puntos de luz, a renovación de 57 cadros, cambios de cableado deteriorado, cambios de brazos e caixas de derivación en mal estado e mellora en tomas de terra para dar máis seguridade a instalación.

Os resultados esperados, dende o punto de vista económico e de aforro enerxético, son unha redución da potencia instalada en 158,53 kW (58,8 %), unha redución do consumo anual de enerxía eléctrica en 788.695 kWh/ano (67,72 %), unha redución do custo anual do consumo de enerxía de 67,7 % o que representa 86.746 € e unha redución no custo de mantemento valorada en 18.810 €.

Dende o punto de vista medioambiental prodúcese unha importante redución das emisións de CO2, estimada nun 67,72 % o que equivale a que se deixan de emitir 412,87 tCO2 eq/ano. A isto hai que engadir a posibilidade de diminuir a contaminación lumínica grazas a implantación dun sistema de telexestión punto a punto que permite un control da iluminación en función das necesidades.

O cambio das luminarias do concello da Guarda inflúe directamente sobre ODS (Obxectivos de Desenvolvemento Sostible) ao actuar sobre o clima e a sustentabilidade da comunidade. A súa vez esta actuación é unha das medidas chave do PACES (Plan dos Alcaldes Polo Clima e a Enerxía Sostibles). Plan aprobado polo concello da Guarda o pasado mes de novembro de 2020 no que o concello se compromete, xunto con outros moitos gobernos locais do mundo, a cumprir cuns determinados obxectivos en materia de clima e enerxía.

O PSOE pídelle á Xunta que suspenda o expediente da Escola Infantil de Ponteareas “por deficiencias na ampliación realizadas polo PP no 2006”

Redacción
-
0
O PSOE pídelle á Xunta que suspenda o expediente da Escola Infantil de Ponteareas “por deficiencias na ampliación realizadas polo PP no 2006”

A parlamentaria socialista Paloma Castro presentou unha serie de iniciativas parlamentarias para reclamarlle á Xunta que tome a iniciativa para resolver as irregularidades nas obras realizadas na escola infantil actual cando o PP gobernaba Ponteareas. Castro reclamoulle á Xunta “respostas que pasen pola asunción das competencias que lle son propias, como a titularidade e xestión da escola infantil, ou a colaboración económica nas obras para adaptar á legalidade o proxecto de ampliación”.

A parlamentaria socialista pediulle ao goberno galego que suspenda o procedemento sancionador ata que se actualicen as obras de ampliación, que no seu día foron encetadas de forma irregular. Lembra que este proxecto, que foi iniciado en 2006, recibiu ata 7 inspeccións e requirimentos da Xunta entre 2006 e 2009 derivados da falla de autorización para a ampliación da escola con dúas aulas novas.

Aqueles procedementos foron paralizados coa chegada do PP ao goberno da Xunta en 2009, ata que en 2012, a raíz dunha inspección rutineira, o goberno municipal foi advertido de que as aulas non estaban autorizada e debían ser legalizadas con obras de adaptación. O Concello fixo caso omiso das advertencias ata que non chegou o novo goberno municipal, que encargou un proxecto de legalización homologado pola Xunta en 2019.

Sen embargo, o Concello recibiu recentemente un expediente da Xunta incluíndo unha sanción económica que deixa ao Concello nunha “difícil situación”. Castro explica que “ao elevado custe do proxecto de legalización, que o Concello non pode asumir en solitario, súmase o agravio para os 80 nenos e nenas matriculados na escola infantil e que quedarían sen clase durante o tempo que duren as obras”.

Galiña Azul

Reclamoulle ademais ao goberno galego que “rescate do caixón” o proxecto de nova escola infantil ou Galiña Azul no parque forestal Ferro Ucha de Ponteareas. A responsable socialista solicita en primeiro lugar que o goberno galego atenda ao proxecto para construír unha nova escola infantil no dito parque forestal, logo de “múltiples peticións á Xunta para a implantación dunha Galiña Azul” diante da falla de escola pública alternativa no Concello.

O temporal deixa sen electricidade ao depósito de auga de Candeán que abastece ao barrio de Parada, en Chapela

Redacción
-
0
O temporal deixa sen electricidade ao depósito de auga de Candeán que abastece ao barrio de Parada, en Chapela

Ao redor as 14:30 horas do día de onte, o director de ACUALIA informou ao Concello de Redondela e ao concelleiro de Medio Ambiente, Roberto Villar, que por mor do temporal o depósito de Candeán Vigo que abastece de auga o barrio de Parada en Chapela quedou sen abastecemento eléctrico polo que, ata que a compañía eléctrica resolva a avaría, esta zona estará sen abastecemento de Auga.

Este corte de abastecemento –explica o departamento que xestiona Roberto Villar– afecta ao Centro de atención de persoas con diversidade funcional CAPD de Chapela “que xa están informados da situación”.

Villar sinala que tamén deu conta da avaría “á Asociación de veciños de Chapela e aos grupos da oposición. Esta falta de abastecemento tamén pode afectar a pequenos grupos de vivendas da zona alta de Trasmañó”.

Dende a concellería esperan que se resolva a incidencia canto antes pois o depósito de Candeán-Vigo tamén abastece o depósito de A Bruxa “que nestes momentos atópase con capacidade suficiente pero, de non solucionarse a incidencia nas vindeiras horas, podería causar problemas de abastecemento noutras zonas da parroquia de Chapela e Trasmañó”.

Serafín Parcero, «A illa dos deuses»

Redacción
-
0
Serafín Parcero, «A illa dos deuses»

As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio. O caso que nos ocupa entra nesta segunda categoría, pois sitúase claramente entre as obras de ficción pero dende unha perspectiva histórica real, imaxinando unha realidade quizais posible, pero inexistente.

Para entender esta cuestión convén salientar que o protagonista do relato é un dos persoeiros máis destacados da Galicia do século XX, nada menos que Castelao. A narración comeza coa lectura do seu mítico discurso “Alba de Groria”, en Bos Aires en 1948, nun intre no que escritor, debuxante e político xa era consciente da enfermidade que pouco despois remataría coa súa vida. Ata aí a realidade, pois enseguida entra en escena un suposto sicario enviado polo goberno franquista, que ten como misión acabar coa vida do político no exilio. Mais aquela encarga, aparentemente sinxela, acabará por remoer a súa propia memoria e levaranos a un pasado que se sitúa dúas décadas atrás, cando Castelao decide pasar un tempo na illa de Ons antes de tomar a decisión de abandonar definitivamente a medicina para centrarse na pintura.

Partindo desa trama, o autor mergúllanos nunha historia chea de intriga e de sorpresas, na que a paisaxe da illa pasa a ser moito máis ca un simple elemento decorativo e na que as peculiaridades dunha sociedade tan particular debido ao seu illamento, adquiren un protagonismo especial. Mesmo chega a converter o relato, por momentos, nunha novela costumista, con fragmentos certamente duros. Construida en dous escenarios e tempos diferentes que se intercalan ao longo das páxinas, o Bos Aires de 1948 e a illa de Ons da década dos 20, e xogando con longos diálogos nos que se dá conta do desenvolvemento da trama e mesmo se insiren historias paralelas que axudan a entender a idiosincrasia da sociedade á que se refire, a novela vén sendo un exercicio de nostalxia e de memoria. Pero tamén, ao meu entender, e sei que isto é unha visión moi persoal, un canto á comunicación completa e veraz, pois a trama enléase en verdades a medio contar, ruxerruxes e superstición como elementos para construir (e, sobre todo, distorsionar) realidades, que son as que lle dan á historia toda a súa dimensión.

Cunha linguaxe directa e concisa, malia que un tanto sobredimensionada en adxectivación, a primeira incursión na novela de Serafín Parcero amósanos a un narrador esmerado na dosificación da trama e capaz de atrapar o lector e de levalo da man ao longo das páxinas da narración. E todo para disfrutar dunha literatura que transcende a realidade crúa para debuxar unha verdade imposible, pero imaxinable.

Serafín Parcero

A illa dos deuses

Xerais

368 páxinas

A Deputación aproba o proxecto para a “transformación radical” da EP-3303 Tabagón-Goián ao seu paso polo concello do Rosal

Redacción
-
0
A Deputación aproba o proxecto para a “transformación radical” da EP-3303 Tabagón-Goián ao seu paso polo concello do Rosal

O goberno provincial vén de aprobar o proxecto para a execución da mellora da mobilidade peonil na Estrada Provincial 3303 Tabagón-Goián e impulsar a “transformación radical dunha parte moi importante do noso territorio”. “Trátase dunha actuación de enorme relevancia –asegurou a presidenta Carmela Silva–, que vai reformar unha estrada que conecta os concellos do Rosal e Tomiño estendendo un modelo de mobilidade centrado na recuperación do espazo para as persoas e na redución do CO2”. O proxecto abrangue un tramo de 1,7 quilómetros que transcorren integramente polo concello do Rosal e contará cun investimento de máis de 650.000 € dos cales 520.355 € serán achegados pola Deputación de Pontevedra (o 80 %) e 130.088 € polo concello (o 20 %).

A presidenta provincial adiantou que esta “potente actuación” contará con varias etapas para cubrir un tramo total de 4,5 quilómetros entre O Rosal e Tomiño. Na primeira fase, a que vén de ser aprobada pola Xunta de Goberno, remodelarase un treito de 1,7 quilómetros cun intenso tráfico e tamén unha importante mobilidade a pé, tanto de peregrinas e peregrinos que conectan co Camiño Portugués pola Costa como de persoas que acoden ata Tomiño. A través do proxecto, tal e como destacou Silva, “pretendemos deseñar unha estrada na que prime a mobilidade peonil e ciclista, fomentar hábitos saudables, favorecer o paso a unha economía baixa en carbono, minorar a velocidade do tráfico, reducir o ruído e potenciar o turismo saudable porque este tipo de actuacións atraen a moita xente doutros lugares para desfrutar do espazo e do territorio”.

En concreto, crearase un carril peonil e ciclista, completarase a plataforma de circulación cunha beiravía, acondicionaranse dous carrís de 2,80 metros de ancho, instalaranse redutores de velocidade, renovarase a rede de drenaxe e farase a canalización soterrada da rede de alumeado público. Amais, na zona do CRA María Zambrano disporase dunha plataforma única con limitación de velocidade a 20 quilómetros por hora. “Trátase da nova aposta da Deputación de Pontevedra por outra forma de entender a mobilidade nesta provincia” resumiu a presidenta.

Tarta Músico (o cómo aprovechar los frutos secos y el turrón sobrante de la Navidad)

Redacción
-
0
Tarta Músico (o cómo aprovechar los frutos secos y el turrón sobrante de la Navidad)

Seguramente, después de las Navidades, te habrá sobrado turrón (¡hay quien está comiendo turrón hasta mayo!), e incluso algún que otro fruto seco de los que compraste para rellenar el pavo, o para ese lomo especial con frutos secos, o para picar junto con los postres típicos… La Tarta Músico es una buena opción para consumir ese excedente.

¿Por qué este nombre? Parece ser que el origen de este postre está en Cataluña, en donde la gente obsequiaba a los músicos callejeros con frutos secos, algo que al tiempo que alimentaba, era fácil de conservar y de comer. Estos frutos secos solían acompañarse también con una copita de vino Moscatel, supongo que para entrar en calor.

La preparación es muy sencilla y hay varias versiones.

El relleno suele ser de cabello de ángel, o de crema pastelera. A mí se me ocurre adaptarla a este momento post-navideño, añadiendo a la crema del relleno un poco de turrón blando.

¡Vamos allá!

Ingredientes

Ojo, si tenemos alguna persona celíaca, aseguraos de que son aptos para celíacos

Para la base:

1 lámina de hojaldre sin gluten (yo utilicé un molde de 11×25 y me sobró bastante)

Para el relleno:

  • 250 g leche
  • Unos 100 g de turrón de Jijona
  • 1 huevo y 1 yema
  • 25 g almidón de maíz (Maizena, por ejemplo)
  • 50 g azúcar
  • Opcional: canela en rama, piel de limón (solo la parte amarilla)

Para la cobertura:

  • Diferentes frutos secos al gusto: almendras, avellanas, piñones, uvas pasas, dátiles, orejones…
  • Hojas de gelatina, azúcar, agua

Opcional: mermelada de melocotón, miel.

Elaboración

Empezamos horneando la base:

  • Precalentamos el horno a 200º, calor arriba y abajo.
  • Cubrimos el molde con papel de horno y colocamos la masa, cubriendo también los bordes del molde. Pinchamos el fondo para que no suba, y horneamos 15 minutos.
  • Retiramos del horno y reservamos.

Elaboración de la crema:

  • Calentamos la leche con el turrón desmigado y el azúcar. Podemos añadir una ramita de canela, o piel de limón, o ambas. Dejamos cocer suavemente unos minutos, sin que llegue a hervir.
  • Aparte mezclamos el huevo y la maizena y lo disolvemos con parte de la leche, evitando que queden grumos.
  • Pasamos todo al cazo con la leche sobrante y cocemos, de nuevo a fuego suave, hasta que hierva y espese. Debemos remover suavemente durante todo el proceso para que la crema no se “agarre” al fondo.

Montaje y horneado:

  • Rellenamos la base con la crema. Podemos poner sobre ella una capita de mermelada de melocotón. Cubrimos con los frutos secos y horneamos unos 10 minutos. Si vemos que los frutos se tuestan mucho, tapamos con un trozo de papel de aluminio.
  • Sacamos del horno y dejamos enfriar.

Si quieres darle brillo, puedes hacerlo pincelando con un poco miel de templada, o haciendo una gelatina de almíbar con 2 hojas de gelatina, unas 3 cucharadas de agua y 1 cucharada de azúcar. Calentamos el agua con el azúcar hasta que se disuelva; dejamos templar. Mientras, hidratamos la gelatina en agua fría, escurrimos y disolvemos en el almíbar. Pincelamos con esto la cobertura de frutos secos y dejamos que cuaje.

¡Y lista!

Y para degustarla, haz como los músicos que le dieron origen, y acompáñala con una copita de moscatel.

¡Buen provecho!

Cuidaos mucho.

Entrevista a ‘Traje de Saliva’

Redacción
-
0
Entrevista a ‘Traje de Saliva’

Son de Vigo y vuelven a publicar un estupendo disco: ‘Ultratumba’. Su sonido es denso, profundo y oscuro. La voz es la narradora perfecta para esta banda sonora electrónica que parece salida del interior de una casa encantada, llena de humedad y musgo. Los dos elementos (música y voz) coinciden en un punto: el hipnotismo. Gran trabajo del dúo Traje de Saliva.

© 2021 Manuel Lemos Muradás

El nombre de vuestro grupo, Traje de Saliva, es un nombre muy poético. ¿Cómo nació?
No tardamos mucho en dar con el nombre. El primer día que nos vimos ya tuvimos claro que formaríamos un proyecto musical. El nombre también surgió en esa conversación, y se quedó, al día siguiente vino el primer texto y un poco más adelante ya empezamos a componer nuestros primeros temas.

¿Mon Ninguén es, con sus sintetizadores, el lado oscuro del dúo? ¿Cómo trabajáis esta parte? ¿Una Vena es, con su voz, la luz que intenta salir hacia los oídos del oyente, aunque tenga su lado frío?
Creo que ambos aportamos momentos de luz y oscuridad. La música de Mon resulta a veces muy densa y compleja y otras minimalista, preciosa con sus pocas notas. Con la voz pienso que ocurre lo mismo, es dulce, pero también quejosa, agresiva… Y no siempre ambas van a la par, con el mismo ánimo. En «Mammillaria sempervivi», por ejemplo, la música es bonita, mientras que es la voz la que contrasta siendo más lastimosa y triste.

¿Cómo componeis y trabajáis sobre la voz?
Hay ya una cierta musicalidad en los textos que escribo, así que el momento de grabar no es nada difícil. Lo que sí ocurre en «Ultratumba» es que el texto es tan sentido que se nota claramente cómo mi ánimo se va afectando a medida que avanza el disco. Compara el segundo corte, «A casa por las vías», con el penúltimo tema, «Queremos verte», y te darás cuenta de que hay un momento en que la voz llora.

Ultratumba, vuestro último trabajo, tiene una portada, por un lado tétrica, y por otro llena de colores. Es fascinante. ¿Qué nos podéis contar de ella?
Todas las pinturas del artwork son de Emilie Lagarde. Supimos de ella por casualidad, explorando artistas, pero al final ha resultado fundamental para transmitir a través de la pintura el sentimiento del disco y su naturaleza, ese diálogo brutal entre madre, padre e hijo.

Emilie Lagarde en su ateller (autora del cuadro de la portada del disco)

Vuestra música es hipnótica: te atrapa y te engulle hacia un mundo oscuro, profundo, húmedo… ¿Qué pretendeis con ella?
Es curioso que menciones húmedo. A mí también me lo parece. Con este disco, desde el principio, tuve esa misma sensación: música musgosa, profundamente gallega. Sin duda ahí está la familia y la aldea, ambas son clave para entender el disco.

Vuestro videoclip ‘A casa por las vías’ es una auténtica obra de arte. ¿Cómo fue su parto?
No estaba previsto sacar vídeo de este tema, pero me animé a hacer uno para acompañar la canción porque era el tema que íbamos a estrenar el día de la publicación del disco.

Pensaba que tenía que ser un vídeo que lograse transmitir, sin ser explícito ni ilustrar momentos concretos, tensión, encierro, ruptura de lazos, evasión artística… Aún así, en mi cabeza, el vídeo mental para este tema siempre fue la normalidad mi barrio de Vigo rodeado por las vías del tren, los currunchos ruinosos, las callejuelas tétricas, las bocas negras de los túneles por los que tenía que pasar para ir a clase, esquivando puestos de yonkis y violadores, siempre atenta por si acaso había que acelerar un poco el paso… Es que los paisajes infantiles de los ochenta estaban llenos de pequeños peligros, y, te acordarás también, a los niños nos dejaban bastante solos. Mon y Santi también vivieron algo parecido en su Elviña.

Al final, ni sé cómo, el vídeo cogió forma de manera muy fluida y de verdad que me gusta mucho cómo las imágenes acabaron casando con la música, aunque no lo veo mucho porque me da algo de vergüenza.

O BNG amosa a súa preocupación pola eliminación do persoal de noite no aparcadoiro da Xunqueira

Redacción
-
0
O BNG amosa a súa preocupación pola eliminación do persoal de noite no aparcadoiro da Xunqueira

A eliminación do persoal encargado da supervisión e control no Aparcadoiro da Xunqueira durante a quenda de noite, é seguida con preocupación dende o BNG de Redondela. Para o voceiro nacionalista, Xoán Carlos González, “trátase doutra concesión privatizada, neste caso un aparcadoiro de carácter público, polo que entendemos que existe unha responsabilidade municipal”.

A eliminación desta quenda implica que entre as 23:00 e as 07:00 horas a supervisión será realizarada por unha empresa de seguridade ubicada fóra de Redondela, por medio de videocámaras. “Ante calquera continxencia, os usuarios ou usuarias do aparcadoiro unicamente poderán empregar un comunicador. Claramente deteriórase a atención e o servizo que se debe prestar”, afirma o edil nacionalista.

O aparcadoiro dispón dunha cabida dunhas catrocentas prazas de aparcamento, das que un sesenta por cen corresponde a aboados ou aboadas, en diversas modalidades. “Está claro que a crise da COVID-19 non pode ser o xustificante para esta redución de atención e de, como mínimo, un posto de traballo”, sinala.

“Na propia concesión, realizada polo PSOE en 1994, recóllese que se trata dun aparcadoiro de carácter público –apunta González–, ademais de que o Concello reserva a potestade de realizar todo tipo de trámites administrativos ante calquera modificación do mesmo. Agora estanse cambiando as condicións, pois a atención durante as noites modifícase substancialmente”.

Por ese carácter público do aparcadoiro, Xoán Carlos González empraza a usuarios e usuarias, a presentaren reclamacións por escrito no rexistro do Concello, para reverter esta situación”.

Mera lamenta que o PP rachara o consenso sobre a zona azul de Ponteareas cambiando en dous días a súa postura inicial

Redacción
-
0
Mera lamenta que o PP rachara o consenso sobre a zona azul de Ponteareas cambiando en dous días a súa postura inicial

O concelleiro de Mobilidade e Tráfico, Roberto Mera, amosou a súa sorpresa e decepción ante a postura do PP respecto á modificación da ordenanza reguladora da coñecida como zona azul, en vigor dende 2008. Mera explicou que “o Goberno aceptou as propostas iniciais escritas do PP quen dous días despois as cambiou por completo para opoñerse a través dos medios de comunicación”.

Mera considerou que “o cambio de postura do PP en dous días ten unha única explicación: non queren consensuar nada con este goberno. Na reunión celebrada o pasado luns 15 comprobaron que se lle aceptaban as súas propostas e quedaron desconcertados polo que decidiron dous días despois inventarse novos motivos de oposición e anuncialos a través da prensa, o que revela a falta de palabra, de madurez e de seriedade do PP e a súa actuación vergonzosa e ridícula”.

Mera pedíu á veciñanza “e especialmente ao sector comercial que tomen nota da negativa do PP a ampliar o horario da zona azul ás tardes e a súa oposición a implantalo no complexo deportivo Álvaro Pino”.

O concelleiro fixo públicos os dous documentos presentados polo PP “onde se observa o cambio radical de postura en poucos días”. Mera tamén difundíu a proposta inicial e final do goberno “onde se comproba que se aceptaron as propostas iniciais do PP para un consenso que Belén Villar decidíu rachar”. O edil nacionalista explicou ademais que “a maioría dos cambios na ordenanza son en realidade para corrixir unha deficiente redacción xurídica do texto aprobado en 2008 polo PP xa que nesa ordenanza de forma contraditoria se establecían lugares e horarios fixos e inamovíbeis de zona azul e ao mesmo tempo se facultaba ao alcalde a ampliar lugares e cambiar horarios”.

Relación de feitos

O edil nacionalista explica que o 28 de febreiro se remitíu a proposta de modificación da ordenanza ao PP, quen presentou as súas alegacións e consideracións o día 5 de febreiro. Nelas se solicitaban só tres modificacións:

  • Que non se incrementara o importe das sancións nun 15% correspondente ao IPC dende 2008.
  • Que dentro do tempo máximo de estacionamento, hora e media, se permitira aparcar e desaparcar tantas veces como se quixera.
  • Que o establecemento de novas rúas e horarios non quedase en mans do alcalde senón do Pleno mediante modificación da ordenanza.

O concelleiro de Mobilidade e Tráfico convocou unha reunión cos grupos municipais que se celebrou o día 15. En dita reunión o PP engadíu ao anterior unha solicitude de que se modificasen algúns aspectos da exposición de motivos da modificación que o PP non compartía. Por parte do concelleiro de Mobilidade

  • Aceptouse retirar o incremento do 15% do importe das sancións.
  • Aceptouse modificar a exposición de motivos tal como pedía o PP.
  • Aclarouse que a ordenanza actual xa permite aparcar e desaparcar durante hora e media como pedía o PP e por iniciativa propia considerou interesante recoller tamén a posibilidade de que o Concello estableza un sistema que permita obter o ticket para períodos inferiores a hora e media podendo o usuario voltar aparcar noutro horario polo tempo restante.
  • Pedíuse ao PP que aceptase que a decisión de establecer novas zonas e horarios fora competencia do alcalde, pois así estaba establecido tamén na ordenanza de 2008 aprobada polo PP e así xa o fixera González Solla como alcalde para ampliar a rúas como Constitución ou Praza de Bugallal.

Deste xeito, ao remate da reunión, todo o solicitado polo PP foi aceptado quedando este partido pendente de aclarar se aceptaban recoñecer a competencia ao alcalde.

Ao remate da reunión, o Concello remitíu a nova proposta de modificación para ser tratada na comisión informativa e pleno: nela recolléronse todos os cambios aceptados ao PP (por erro de transcrición por parte de Secretaría, a suba do IPC nas sancións retirouse da exposición de motivos e non do articulado, o que foi corrixido na comisión informativa).

Sorprendentemente, o PP, o día 17, na véspera da Comisión Informativa, emite un comunicado de prensa anunciando que votará en contra da modificación da ordenanza e presenta un novo escrito opoñéndose á proposta do goberno por motivos que non figuraban no seu escrito do 5 de febreiro nin foran expostos na reunión do día 15. O PP, cambiando de criterio, formula agora de forma sorpresiva e cambiando a súa postura:

  • Oponse á modificación do artigo 2 e 3 que abre a posibilidade de establecer límites de horario diferentes ao de hora e media propoñendo ampliar de hora e media a dúas horas o tempo máximo de estacionamento (apartado 5). Nada se dixera no escrito anterior e reunión.
  • Oponse a que se amplíe o estacionamento limitado polas tardes (apartado d) e g). Nada se dixera no escrito anterior e reunión.
  • Oponse á modificación do artigo 6 (apartado h). Nada se dixera no escrito anterior e reunión.
  • Proponse que o alcalde unicamente poda modificar horarios dentro da franxa de 9:00 a 14:00 (apartado c). Nada se dixera no escrito anterior e reunión.
  • Opóñense a que se incremente no 15% o importe das sancións, cando iso fora xa aceptado na reunión do día 15.
  • Propoñen como idea propia o que o concelleiro de Mobilidade anunciara na reunión: que o Concello poda adaptar as máquinas para expender tickets por períodos inferiores á hora e media.

Baiona quere trazar camiño para ser referente na posta en marcha da Axenda Urbana 2030

Redacción
-
0
Baiona quere trazar camiño para ser referente na posta en marcha da Axenda Urbana 2030

O Concello de Baiona traballa na posta en marcha da Axenda Urbana Baiona 2030 coa misión de aliñar as políticas municipais coa Axenda Urbana Española e as políticas da Unión Europea. O Concello, sinala o alcalde Carlos Gómez, busca “situar ao municipio nun lugar preferente á hora de optar a fondos europeos que, dadas as prioridades continentais e mundiais, primará os comportamentos das institucións e entidades comprometidas cos Obxectivos de Desenvolvemento Sostible, a Axenda 2030 e a propia Axenda Urbana Española”.

Esta iniciativa pretende ir un paso máis aló e ademais de axudar á captación de fondos europeos, non só do marco de recuperación e resilencia, ‘España pode’, senón tamén do próximo período 2021-2027 .

“Isto é un compromiso, pero tamén é unha oportunidade para resolver problemas como sociedade, sumarnos á loita global e simultaneamente aproveitar as axudas e fondos que chegarán desde a Unión Europea”, recalcou o alcalde baionés.

A posta en marcha deste proxecto pretende establecer as bases para o obxectivo prioritario de transformar o municipio e convertelo nun referente na aposta pola Axenda Urbana 2030.

“Necesitamos comezar establecendo unha estratexia, que será a longo prazo. Estableceremos a folla de Roteiro caro o 2030, un verdadeiro plan estratéxico. Tamén é clave traballar a imaxe e posicionar á localidade de Baiona en distintas áreas estratéxicas e facelo en positivo destacando o aproveitamento dos nosos recursos”, avanzou Gómez.

Doutra banda, o rexedor considera esencial aproveitar as oportunidades que se derivarán destas actuacións e da transformación económica que se aveciña.

“A Axenda Urbana Baiona 2030 será unha nova acción de goberno, nun novo marco e cunha forma de actuación e agora asómase un cambio disruptivo que establecerá oportunidades para aqueles territorios que saiban entendelo e posicionarse. Témonos que subir a este tren e imos tentar que ademais traia desenvolvemento ao noso municipio”, engade o rexedor local.

Trátase dunha novo paradigma, cuns obxectivos e unha acción transversal, nunha nova gobernanza da administración con novos campos de traballo. Será unha folla de roteiro participado, que incorporará á cidadanía, aos axentes económicos e sociais de Baiona e ás entidades públicas que tamén están implicadas no desenvolvemento do municipio.

Comeza a funcionar o servizo municipal de préstamo de biotrituradoras eléctricas

Redacción
-
0
Comeza a funcionar o servizo municipal de préstamo de biotrituradoras eléctricas

O Rosal vén de poñer en marcha o seu servizo municipal de préstamo de biotrituradoras eléctricas, unha iniciativa que permitirá unha mellor xestión da biomasa domiciliaria. Tras a entrada en vigor do regulamento do servizo, posto en marcha ao abeiro dunha liña de subvencións cofinancida polo Fondo Europeo de Desenvolvemento Rexional con cargo ao programa operativo Feder Galicia 2014-2020, os rosaleiros e rosaleiras xa poden solicitar o préstamo gratuíto dunha biotrituradora a través da páxina web do medio ambiente do Rosal ou na propia Casa do Concello.

Estas biotrituradoras estarán dispoñibles para persoas residentes no Rosal e poderán utilizarse por un máximo de sete días. Para poder beneficiarse deste servizo, as persoas interesadas deberán darse de alta e dispoñer dun vehículo para ir recoller a maquinaria, que se devolverá transcorrida unha semana en perfecto estado para que poida ser empregada por outro usuario ou usuaria. Para garantir o seu correcto uso, no momento do préstamo ofrecerase ao usuario ou usuaria unha explicación do funcionamento da biotrituradora.

As biotrituradoras deberán ser solicitadas polo menos cun día de antelación e comunicando o día e hora no que se efectuará a recollida do aparello. O servizo estará aberto ao público de luns a venres de 09.00 a 14.00 horas. As datas ou horarios de préstamo poderán ser modificadas polo Concello en función da dispoñibilidade das biotrituradoras. Esta iniciativa nace co obxectivo “de poñer a disposición da veciñanza un servizo gratuíto co que fomentar unha correcta xestión dos residuos domésticos de orixe vexetal, que nos concellos rurais poden supoñer ata un 10% do lixo domiciliario”, salienta a concelleira de Medio Ambiente, Sara Vicente. Estímase que no Rosal xéranse unhas 230 toneladas anuais deste tipo de residuos, polo que con este servizo non só se evitará que rematen no circuíto de recollida do lixo, senón que permitirá reducir o número de queimas, minimizando os riscos de incendio e contaminación ambiental. Por outra banda, tamén servirá para obter un produto de valor engadido para o programa de compostaxe do Concello, xa que os restos de poda triturados poderán ser empregados como estruturante ou material de acolchado para hortas e xardíns.

Tomiño arranca a súa programación cultural de 2021 conmemorando o Día de Rosalía

Redacción
-
0
Tomiño arranca a súa programación cultural de 2021 conmemorando o Día de Rosalía

Tomiño arranca a vindeira semana a súa programación cultural para este 2021 coa conmemoración dunha data sinalada, o Día de Rosalía de Castro. O vindeiro 24 de febreiro a Concellería de Cultura súmase á da Asociación de Escritoras e Escritores en Lingua Galega (AELG) cunha campaña a través das redes sociais na que se difundirá un vídeo no que diferentes persoas de Tomiño len o manifesto da AELG para celebrar o aniversario do nacemento da autora galega. E, como propón a asociación dende 2010, dende o Concello anímase a toda a veciñanza a agasallar nesta data un libro en galego e unha flor mercados nas librarías e florerías locais.

Como complemento a esta campaña, celebrarase o sorteo de tres camisetas cunha serigrafía de Rosalía entre todas as persoas que durante toda a xornada envíen fotos da escritora, frases, fragmentos de libros, información de interese, anécdotas… O obxectivo é incentivar ás persoas usuarias das redes sociais do Concello para que participen de forma activa nesta iniciativa.

Por outra banda, e en colaboración coa Fundación Rosalía, o Concello tamén fará unha campaña de reparto de manteis individuais de Rosalía entre o alumnado usuario dos comedores escolares municipais.

Día da Muller

Coa lembranza desta escritora galega a programación cultural dá paso á conmemoración do Día Internacional da Muller cun espectáculo teatral no auditorio de Goián no que se establecerán os máis estritos protocolos de prevención para poder gozar da cultura dun xeito seguro. Así, o vindeiro 6 de marzo (20.00 h) poderase desfrutar de ‘Feminissimas’, unha creación coa amizade e a perspectiva de xénero como pedras angulares. Unha comedia negra, moi violeta, na que o público poderá desfrutar de tres amigas da adolescencia, tres xeitos distintos de entender o feminismo e unha reunión dunha noite nun moderno airbnb na que o conflito vai deixando paso á nudez, á humanidade e á empatía.

O Concello do Porriño renovou a súa adhesión ao protocolo “VIOXÉN”, en presenza da subdelegada do Goberno

Redacción
-
0
O Concello do Porriño renovou a súa adhesión ao protocolo “VIOXÉN”, en presenza da subdelegada do Goberno

Pedro Pereira, como alcalde accidental, asinou co coronel Simón Venzal,  xefe da Comandancia da Garda Civil en Pontevedra, e en presenza de Maica Larriba, subdelegada do Goberno na provincia, a renovación da adhesión do Concello do Porriño a o protocolo “Vioxén”.  Trátase do programa de vixilancia e protección integral para as mulleres vítimas de violencia de xénero. O protocolo establece a colaboración entre a Policía Local do Porriño e as outras forzas e corpos de seguridade do Estado.

Antes da sinatura da renovación do protocolo, a subdelegada do Goberno informou de que os casos activos de vítimas de violencia de xénero baixo este sistema de vixilancia son 69 no partido xudicial do Porriño: 34 correspondentes a Mos, 24 a Porriño e 11 a Salceda.

Maica Larriba definiu que este modelo de colaboración entre administracións para protexer ás vítimas de violencia de xénero “é un bó exemplo de cogobernanza”.  “Para o Goberno que represento, a loita contra a violencia de xénero é unha prioridade e quero transmitir a mensaxe a todas as mulleres de que non están soas”, dixo a subdelegada.

Pola súa banda, o alcalde accidental agradeceu “este eficaz modelo de cooperación no que debemos empregar todos os recursos necesarios e que nunca será suficiente mentres haxa unha muller vítima de violencia de xénero”, engadiu Pedro Pereira.

No acto, celebrado este mediodía no salón de plenos do concello porriñés, tamén participaron as concelleiras de Seguridade, Lourdes Moure e Igualdade, Cami Moreira;  a xefa da unidade “Viogén” na provincia Manuela Vilaboy; mandos do cuartel da Garda Civil do Porriño e o xefe accidental da Policía Local.

O Concello de Tui vai contratar a 15 persoas ao abeiro da liña 3 do Plan Concello 2021

Redacción
-
0
O Concello de Tui vai contratar a 15 persoas ao abeiro da liña 3 do Plan Concello 2021

O Concello de Tui vai contratar a 15 persoas ao abeiro da liña 3 do Plan Concello 2021. A través desta subvención da Deputación contratarase a estes traballadores para postos destinados a conservación e funcionamento de bens e servizos municipais.

O Concello de Tui contratará no próximo mes de marzo a un condutor oficial de segunda durante 9 meses e medio, a xornada completa, e a dous animadores turísticos cun contrato coa mesma duración e tamén a xornada completa. No mes de abril o Concello de Tui contratará a dous albaneis oficiais de segunda por 9 meses a xornada completa, un oficial cerraxeiro de segunda por 9 meses, tamén a xornada completa, e un oficial carpinteiro de segunda a xornada completa por 9 meses. Amáis no mes de abril tamén se contratará a 8 peóns de horticultura cun contrato por 8 meses de duración en modalidade de xornada parcial (30 horas a semana).

Os/as candidatos/as deben ser persoas empadroadas en Tui, desempregadas, inscritas no Servizo Público de Emprego de Galicia como demandantes non ocupados e que estean dispoñibles para o emprego, tanto no momento da sondaxe como no da contratación.

Os perfís, xornada, a duración e as datas de inicio previstas para as 15 contratacións son as que indicamos a continuación:

Nº traballadoresOcupaciónXornadaData prevista inicio/ duraciónCodigo ocupación
1Oficial 2ª condutorcompleta15/03/2021 (9,5 meses)84 321042 categoría 00
2Oficiais 2ª albanelCompleta01/04/2021 (9 meses)71211015 categoría 50
1Oficial 2ª cerraxeiroCompleta01/04/2021 (9 meses)73 121051 categoría 50
1Oficial 2ª carpinteiroCompleta01/04/2021 (9 meses)71 311049 categoría 50
8Peón horticulturaParcial (30 horas semana)01/04/2021 (8 meses)95 121019 categoría 80
2Animadores turísticosCompleta15/03/2021 (9,5 meses)37 241016 categoría 00

Nace o Consello Municipal de Cultura do Rosal, un órgano consultivo que servirá de viveiro de ideas e foro de debate

Redacción
-
0
Nace o Consello Municipal de Cultura do Rosal, un órgano consultivo que servirá de viveiro de ideas e foro de debate

O Rosal constituíu este xoves pasado o seu Consello Municipal de Cultura, un órgano consultivo que funcionará como viveiro de ideas e foro de debate para continuar apostando por unha vida cultural activa e segura na localidade, na que os barrios seguirán a ter un gran protagonismo. “Tras case un ano de crise sanitaria no que a cultura viuse moi afectada, este consello servirá para traballar da man cara unha axenda cultural innovadora, reinventada e pensada para os rosaleiros e rosaleiras”, explica a alcaldesa, Ánxela Fernández Callís, quen en nome do Concello quere agradecer o esforzo que están a realizar as asociacións no ámbito cultural para continuar co seu traballo e ofrecer á veciñanza unha actividade social moderada, controlada e, sobre todo, segura.

Xunto aos concelleiros de Cultura e Participación Veciñal, Carlos Villanueva e Ramón Fernández Leal, o Consello está integrado por representantes da Agrupación Musical do Rosal, do Colectivo Carballas, de A Liga de Amigos do Rosal, da asociación A fundación, de A Jalleira, de Trebón dos Xidos, da comisión de San Gregorio, do coro Ecos do Folón, do grupo de pandeireteiras Tremelique, da asociación Festa da vendima e do Grupo Filatélico e Numismático Val do Rosal. Tamén forman parte del Pepe “Buraco”; Juan Ramón Martínez, de Noticias O Rosal; e de Xulio Ramos, párroco do Rosal.

Neste primeiro encontro por videoconferencia abordouse a propia constitución do Consello e fíxose a primeira toma de contacto deste órgano que tamén servirá e viveiro de propostas e de fonte de visión crítica. Na reunión explicáronse as liñas xerais da programación cultural do Concello e a capacidade municipal para aproveitar unha crise como a producida pola pandemia para afondar no traballo de descentralización da actividade cultural e potenciar a axenda nos barrios. Un camiño de reconversión da programación emprendido “con moitas dúbidas pero con moito éxito”, xa que contou co amplo respaldo da veciñanza.

Dende o Concello plantexaron as actividades culturais que se tratarán de potenciar neste 2021 e destacaron o papel das asociacións, que “levan anos sendo o principal motor da vida cultural no municipio”. Entre as ideas recollidas neste primeiro encontro destacan a de facer unha festa do asociacionismo no que as entidades poidan darse a coñecer e explicar os seus proxectos ou realizar iniciativas para levar unha parroquia á outra. Pola súa banda, a Agrupación Musical do Rosal manifestou a súa intención de poñer en marcha este ano a segunda edición de O Rosal Cámara Fest, unha iniciativa que xurdiu para dar achegar a música aos rosaleiros e rosaleiros nun formato distinto adaptado á situación sanitaria e que tivo unha gran acollida por parte do público.

O Consello Municipal de Cultura súmase así ao de Igualdade e ao de Desenvolvemento Local, que buscan crear un espazo de suma de sinerxías, experiencias, ideas e valores dende unha perspectiva positiva nos distintos ámbitos da vida da localidade.

Os socialistas levan o acceso sur do porto da Guarda ao Parlamento de Galicia

Redacción
-
0
Os socialistas levan o acceso sur do porto da Guarda ao Parlamento de Galicia

O alcalde da Guarda, Antonio Lomba, recibiu na zona portuaria da localidade á deputada Leticia Gallego, para anunciar a presentación da iniciativa parlamentaria que vai a defender a construción dunha infraestrutura fundamental para o futuro da vila e do seu porto, un novo acceso sur ao porto da Guarda.

A necesidade de mellorar a comunicación do porto xa ven de vello. No ano 1993 o PXOM xa contemplaba un novo acceso ao porto da Guarda por considerar estratéxica a mellora da comunicación co porto pesqueiro, ao ser este, un dos motores económicos da localidade.

A rúa Concepción Arenal foi construída como principal acceso ao porto a mediados do século XX. O crecemento urbanístico arredor desta rúa converteu este acceso nunha vía urbana. Así o PMUS (Plan de Mobilidade Urbana Sostible) da Guarda, redactado en 2017, recomendaba unha intervención na rúa Concepción Arenal orientada a un modelo de mobilidade sostible e segura, e vinculaba esta actuación coa execución dun novo acceso ao porto da Guarda. No plan ambas actuacións considéranse chaves para un cambio de modelo urbano. No mesmo ano 2017 o alcalde da Guarda solicita a redacción do proxecto de construción dun novo acceso ao porto da Guarda á Deputación de Pontevedra e no 2018 comezan as obras de humanización de Concepción Arenal.

No ano 2018 a Deputación de Pontevedra redacta o proxecto de construción dun novo acceso ao porto da Guarda e da comezo a súa tramitación para obter os informes sectoriais necesarios para a súa execución.

Dende 2017, Antonio Lomba ten mantido distintas reunións con responsables da Consellería de Infraestruturas e Mobilidade, da Consellería de Pesca e de Portos de Galicia para pedir apoio e financiamento para esta infraestrutura, buscando conseguir un compromiso firme dos responsables da Xunta de Galicia.

Cabe destacar que en 2019 xurde na Guarda un movemento civil apoiado polas asociacións empresariais, culturais, deportivas e sociais, e polo propio concello, que ten como obxectivo potenciar o uso do porto, tanto para actividades profesionais como naútico deportivas, para que actúe como motor económico na localidade. As reclamacións do colectivo pretenden conseguir que se poida usar o porto durante todo o ano de forma segura e dotalo de servizos, infraestruturas de atraque e, por suposto, dun novo acceso para calquera tipo de vehículo, sobre todo vehículos pesados. Este colectivo, encabezado polo alcalde, xa lle trasladou as súas demandas á Conselleira de Pesca e a Presidenta de Portos de Galicia.

O alcalde da Guarda considera esta infraestrutura vital para o futuro da localidade e por iso non escatimará esforzos para conseguir que esta demanda, que conta co apoio de toda a sociedade guardesa, chegue a bo porto.

O mercado de venta ambulante reanuda a súa actividade en Gondomar

Redacción
-
0
O mercado de venta ambulante reanuda a súa actividade en Gondomar

Ante o descenso de casos de Covid-19 confirmados no concello de Gondomar e o abandono do nivel de alerta vermella no municipio, o goberno local decidiu, a través da súa Concellería de Comercio, reanudar a actividade do mercadillo ambulante o vindeiro martes 23 de febreiro, sempre vixiando e garantindo o cumprimento das normas establecidas na actualidade pola normativa sanitaria marcada pola Xunta de Galicia.

Así o martes que vén, entre as 09.30 e 13.00 horas, os 36 postos con licenza vixente actualmente regresarán a ocupar o seu lugar no paseo de As Cercas, onde a separación entre instalacións será de dous metros entre cada unha. Ademais deberán ter ao alcance dos usuarios xel hidroalcohólico para a súa utilización antes de acceder ao material exposto, e garantirase en todo momento a distancia de seguridade entre as persoas.

Atende así o goberno local a demanda dos vendedores que se viron afectados polos peches perimetrais impostos pola Xunta de Galicia, e que levaron a Gondomar, ante o incremento de casos rexistrados e as indicacións sanitarias a suspender temporalmente a súa celebración como medida de prevención para evitar novos contaxios.

A Policía Local colaborará para evitar aglomeracións no Centro de Saúde no inicio da vacinación a maiores de 80 anos

Redacción
-
0
A Policía Local colaborará para evitar aglomeracións no Centro de Saúde no inicio da vacinación a maiores de 80 anos

A Policía Local colaborará a partir do vindeiro luns 22 para evitar aglomeracións no Centro de Saúde onde comezará a vacinación contra a Covid-19 de persoas maiores de 80 anos dos concellos de Porriño, Mos e Salceda.

O SERGAS ten previsto que cada día se vacinen no centro de saúde do Porriño a 100 persoas que previamente están convocadas para este fin. O calendario de vacinación está programado entre as 8.30 e as 14.30 horas.  Cada persoa vacinada debe esperar 15 minutos despois da inoculación para evitar calquera tipo de reacción.

Con estas premisas, a Policía Local habilitará a marxe dereita da rúa doutor Paz Varela para o estacionamento de coches que trasladen e agarden polas persoas chamadas a vacinar.  Unha patrulla de axentes municipais colaborará para manter os protocolos de seguridade e a distancia entre as persoas, tal e como planificaron hoxe Lourdes Moure, concelleira de Seguridade Cidadá e Jesús González, xefe accidental da Policía Local.

Tui súmase este 24 de febreiro á celebración do “Día de Rosalía” con diversas iniciativas en lembranza da nosa poeta máis universal

Redacción
-
0
Tui súmase este 24 de febreiro á celebración do “Día de Rosalía” con diversas iniciativas en lembranza da nosa poeta máis universal

A Concellería de Cultura do Concello de Tui promove a conmemoración o vindeiro 24 de febreiro do “Día de Rosalía” en que se conmemora o 184 aniversario do nacemento da escritora máis representativa e reivindicativa de Galicia, Rosalía de Castro, pola súa defensa do pobo e da lingua. 

O Concello de Tui acordou no ano 2013 a celebración anual deste evento e neste ano dende a Concellería de Cultura, a través da Biblioteca Municipal, se teñen preparado diversas lonas con varios dos poemas máis populares de Rosalía de Castro que se colocarán na fachada da Biblioteca para lembrar esta celebración e contribuír á difusión da súa obra poética.

Dada a situación epidemiolóxica actual e as medidas sanitarias derivadas da pandemia da Covid-19, dende a Concellería de Cultura do Concello de Tui indican que as actividades están limitadas. Con todo, o concello súmase como en anos pasados á iniciativa impulsada dende a Fundación Rosalía de Castro, denominada o “Caldo de gloria”.

Unha iniciativa que xorde a partir do poema “Miña casiña, meu lar” (Follas novas, 1880), no que unha muller pobre que chega á casa mollada e esfameada, a pesar de que carece de todo, consegue o milagre da supervivencia: facer un humilde caldo de gloria e un bolo do pote, quentarse ó pé do lume e ser feliz.

Dende a concellería de cultura convídase aos tudenses a preparar no ambiente familiar este “Caldo de Gloria”. Un caldo para celebrar tamén a nosa cultura gastronómica popular e subir logo ás redes sociais da Biblioteca Municipal de Tui (en Facebook, Instagran ou Twitter) as imaxes e comentarios sobre este “Caldo de Gloria”.

O propio día 24 de febreiro a Radio Municipal de Tui emitirá diversos poemas de Rosalía de Castro lidos por persoas recoñecidas de Tui, de diversos ámbitos sociais, contribuíndo deste modo á divulgación da súa obra e da súa figura.

A Xunta facilita que os veciños de Mondariz-Balneario teñan acceso a servizos financeiros

Redacción
-
0
A Xunta facilita que os veciños de Mondariz-Balneario teñan acceso a servizos financeiros

A Xunta de Galicia facilitará que toda a poboación galega teña acceso a servizos financeiros no seu concello, de modo que dispoñan dun caixeiro automático no seu municipio e poidan acceder tamén a servizos de asistencia financeira e de formación en banca electrónica. Entre os concellos beneficiados, encóntrase o de Mondariz-Balneario.

A iniciativa consiste na instalación, mantemento e posta en funcionamento de caixeiros automáticos nas dependencias municipais; a prestación dun servizo de asistencia financeira que permita, de xeito semellante a unha oficina bancaria convencional, solucionar de xeito presencial as dúbidas dos clientes; e a oferta de formación financeira e banca electrónica para adquirir nocións básicas e aprender a utilizar os servizos bancarios a través das novas tecnoloxías.

Para desenvolver estas actuacións, a Consellería de Facenda e Administración Pública vén de abrir un período de información pública para dar a coñecer as bases que rexerán as subvencións destinadas a incentivar e fomentar a prestación de servizos bancarios no ámbito rural. A elas poderán optar aqueles concellos que voluntariamente se adhiran ao convenio de colaboración asinado entre este departamento e a Federación Galega de Municipios e Provincias (FEGAMP) para a universalización de servizos financeiros.

Con este convenio, a Xunta quere impulsar a colaboración das entidades financeiras que operan en Galicia para promover que toda a poboación galega, con independencia do seu  lugar de residencia, teña acceso aos servizos financeiros e bancarios. Trátase de universalizar o acceso aos servizos bancarios e evitar así, a exclusión financeira.

Neste sentido, a FEGAMP actuará como intermediaria entre a Administración galega e as entidades locais e trasladará a todos os concellos toda a información polo miúdo, para que aqueles que estean interesados se poidan adherir. Os concellos interesados unicamente deberán ceder os espazos necesarios para a instalación dos caixeiros e prestación dos servicios financeiros por parte das entidades bancarias.

Concellos beneficiados

Segundo os datos do Instituto Nacional de Estadística (INE) a 31 de decembro de 2019, un total de 42 concellos galegos –o 13% do total– carecen dunha entidade de crédito. A provincia máis afectada é a de Ourense, onde non teñen servizos financeiros 26 municipios que son os de Xunqueira de Ambía, Xunqueira de Espadanedo, Lobeira, Piñor, Punxín, Baltar, Os Blancos, Porqueira, Rairiz de Veiga, Trasmiras, Taboadela, A Arnoia, Beade, Carballeda de Avia, Cenlle, Cortegada, Melón, A Bola, Pontedeva, Verea, Chandrexa de Queixa, Larouco, Petín, Castrelo do Val, Monterrei e Oímbra.

O resto de concellos distribúense entre a provincia da Coruña, con dez municipios (Aranga, Coirós, Paderne, Vilarmaior, Vilasantar, Cabanas, Lousame, Dodro, Santiso e Toques); catro concellos na provincia de Lugo (Negueira de Muñiz, Ribeira de Piquín, Ribas de Sil e O Páramo); e dous municipios na de Pontevedra (Mondariz-Balneario e Dozón).

A negativa da Xunta a asumir o conservatorio supón un gasto de medio millón de euros anuais para o Concello

Redacción
-
0
A negativa da Xunta a asumir o conservatorio supón un gasto de medio millón de euros anuais para o Concello

A concelleira de Ensino e alcaldesa en funcións, Cristina Fdez. Davila, presentou o balance de 2020 do Conservatorio e Escola de Música municipais. Davila salientou que o custo deste servizo educativo ascendeu a 560.803,06 euros. Desta cantidade, 85.492,97 euros cóbrense coas matrículas e cotas do alumnado mentres que os 474.860,09 euros restantes sufrágaos o Concello cos seus orzamentos e sen ningún tipo de axuda de outras administracións.

Os conservatorios están encadrados nas ensinanzas especiais regradas que son competencia da Xunta de Galicia. Cristina Fdez. Davila lembra que “as cidades galegas contan con conservatorio dependente da Xunta e non asumen ningún gasto mentres 20 concellos cabeceiras de comarca como Ponteareas somos discriminados e asumimos o 100% do custo deste servizo”. A concelleira de ensino salienta ademais que “o conservatorio acolle a numeroso alumnado doutros concellos da comarca, trátase dun servizo supramunicipal educativo que debe pagar e xestionar a Xunta”.

Por outra banda, no ano 2020 o Concello acometeu unhas “obras extraordinarias de rehabilitación interior e exterior do edificio do conservatorio para a mellora da eficiencia enerxética”. Para iso o Concello investíu case 450.000 euros, dos que 150.000 proceden de fondos propios e o resto de fondos europeos a través da estratexia “Ponteareas Hábitat Saudábel”. Con estas obras púxose en valor e recuperouse un dos edificios de máis importancia histórica e arquitectónica da vila, construido a finais do século XIX”.

O conservatorio conta cun total de 233 estudantes e 22 persoas contratadas, das que 19 son docentes. A media do alumnado que supera o grao elemental e profesional que se oferta en Ponteareas e pasan ao grao superior, continuando os estudos musicais, ronda o 40%, unha cifra que revela a importancia deste centro na formación de futuros profesionais da música” salienta a concelleira nacionalista.

Cristina Fdez. Davila advirte que “para o Concello resulta insostíbel destinar medio millón de euros a un servizo que é competencia da Xunta, e máis agora coa crise económica derivada da pandemia e que afecta aos ingresos e recursos dos Concellos”.

O Concello de Baiona realizará a reconstrución dun muro en Belesar

Redacción
-
0
O Concello de Baiona realizará a reconstrución dun muro en Belesar

O Concello de Baiona realizará unha intervención na parroquia de Belesar. En concreto, trátase da reconstrución dun muro de contención no Camiño Lameiriño, na Granxa, e o posterior arranxo e asfaltado da zona.

A actuación, financiada a través do Plan Concellos da Deputación de Pontevedra e con fondos propios do consistorio, foi adxudicada a Construcións Vale S.L., por 19.492,79 euros.

O muro derrubouse hai algúns anos, e desde entón representou un perigo para a familia que reside á beira do mesmo, xa que dificulta o acceso á súa vivenda. Tras ultimar os trámites pertinentes o prazo previsto de comezo das obras é dun mes. Os traballos mellorarán a seguridade na zona e a súa limpeza para a seguridade dos veciños e veciñas da zona afectada polo muro.

Desde a Concellería de Vías e Obras, Óscar Martínez lembra que o goberno municipal traballa para buscar solucións e mellorar as condicións dos veciños das parroquias: “O noso deber é que as veciñas e os veciños de Baiona teñan acceso aos mesmos servizos, independentemente do lugar no que residan”

Pola súa banda, o alcalde, Carlos Gómez Prado, comenta que “seguimos coa intención de seguir poñendo en valor as nosas parroquias, sempre co obxectivo de mellorar o día a día da cidadanía”.

O PP da Cañiza desvela que a Axencia Española de Protección de Datos sanciona ao goberno local

Redacción
-
0
O PP da Cañiza desvela que a Axencia Española de Protección de Datos sanciona ao goberno local

O Partido Popular da Cañiza desvela que o goberno local é ser sancionado por incumprir a Lei “unha vez máis”. Neste caso, a Axencia Española de Protección de Datos sanciónao por incumprir a Lei de Protección de Datos e difundir por whatsapp información de carácter persoal dos integrantes das mesas electorais en 2019, entre os que se incluían o número de DNI ou o domicilio completo.

O voceiro do PP, Miguel Domínguez, recorda que estes son datos persoais que están protexidos pola Lei de Protección de Datos e aos que o goberno accedeu tras o pleno no que se sorteaba en 2019 a participación nas mesas electorais, cando aínda gobernaban os populares. Tras o sorteo, explica Domínguez, o actual alcalde fixo unha foto co móbil do resultado que se obtivo na aplicación informática do censo municipal e enviou a mensaxe por whatsapp, vulnerando así a Lei de Protección de Datos. Nesa fotografía non só aparecía o nome de todos os integrantes das mesas electorais, senón que tamén incluía outra información persoal.

A sanción vén como consecuencia dunha reclamación efectuada por Miguel Domínguez en 2019. Explica que “a mesma Lei que incumpre e pola que é sancionado, impide que poidamos facer pública a resolución do expediente sancionador, pero con esta resolución queda claro que Piña entende, unha vez máis, que está por riba da Lei. A ver que escusa inventa nesta ocasión, seguramente a culpa sexa de Miguel Domínguez porque o denunciou e non súa por incumprir a Lei”.

O CAAN da Deputación triplica en mes e medio as adopcións con 100 animais que xa atoparon un fogar desde o centro

Redacción
-
0
O CAAN da Deputación triplica en mes e medio as adopcións con 100 animais que xa atoparon un fogar desde o centro

A do can “Suíllo” e o seu novo dono, o pontevedrés Francisco Aboal, foi hoxe a imaxe coa que a presidenta da Deputación Carmela Silva quixo poñer en valor ás persoas que deciden adoptar cans e cadelas “e que amosan unha forma marabillosa de estar no mundo, que é o apego polos animais; representan a unha sociedade que merece moito a pena”. “Suíllo” era ata agora o can máis veterano do Centro de Acollida e Protección de Animais (CAAN), onde entrou hai dous anos e medio tras ser recollido en Gondomar, e desde a pasada semana é un dos 100 animais que desde as instalacións, que xestiona a Deputación, lograron acadar un novo fogar no que vai de ano.

Son, como destacou hoxe a presidenta, cifras “excepcionais”, se se ten en conta que o pasado ano acadárase o récord anual de adopcións, con 583, e que no mesmo período, entre o 1 de xaneiro e o 16 de febreiro, levábanse entón 37. “Triplicamos e polo tanto estamos felices –sinalou-, porque isto significa que a sociedade se compromete máis ao coidado dos animais e co benestar animal e opta polas adopcións”.

 “Suíllo”, de seis anos, é agora a alegría da familia en casa de Francisco Aboal, en Mourente (Pontevedra), quen se amosou encantado da súa compañía. “Eu pido á xente que adopte cans, porque piden pouco e transmiten moita felicidade –sinalou-. Levo oito días con este can e aí o teñen. É máis valente ca min e dáme moito. Emocióname como me mira”. Aboal tamén agradeceu á labor que desenvolve a Deputación a través do CAAN no coidado destes animais mentres non atopan un novo fogar. “E pido á xente que os adopte para coidalos, non para telos nunha finca abandonados”, concluíu.

A presidenta destacou que das 100 adopcións deste 2021, 81 rexistráronse en Galicia, mentres que houbo 9 en Castela A Mancha, 7 en Castela León, 1 en Cataluña, 1 no País Vasco e 1 en Extremadura. Das galegas, 72 foron na provincia de Pontevedra, 6 en Lugo e 3 na A Coruña e ata agora o Concello con máis adopcións foi A Estrada (15), seguido de Vigo (13) e Pontevedra (8).

A “outra cara da moeda” segue a estar nas situacións de abandono. No que vai de ano houbo 121 recollidas, cunha media de 80 ao mes, aínda que reflicte unha tendencia á baixa xa que o ano pasado foi de 114. “Ogallá continuemos con esta tendencia de aumento de adopcións e diminución das recollidas”, dixo a presidenta, aínda se están a producir situacións “lamentables “. Deste xeito, citou o caso de nove cachorros de tan só un día de idade que foron recollidos abandonados nun monte en Valga o pasado día 14, despois da alerta dunha veciña. Tamén a recente recollida de hoxe mesmo, unha camada de 7 cachorros abandonados nun colector en Ribadumia. “É intolerable abandonar así aos cachorros” –lamentou-

Doutra banda, co exemplo de “Suíllo”, a presidenta tamén quixo destacar o feito de que o CAAN está dando saída aos animais que máis tempo levaban no centro, “polo que estamos a lograr un dos grandes obxectivos, que é que os cans e cadelas que recollemos pasen o menor tempo posible nas instalacións e acaden un novo fogar”. Trala marcha deste can, agora o relevo de veterano o recibiu “Posto”, que tamén entrou no 2018. “Queremos que cada vez haxa menos avós e avoas no CAAN, que haxa menos tempo de permanencia”, subliñou.

O Ministerio de Facenda a través do Catastro impón ao Concello de Mos unha nova Valoración Catastral

Redacción
-
0
O Ministerio de Facenda a través do Catastro impón ao Concello de Mos unha nova Valoración Catastral

Sen previo aviso e no peor momento posible para a veciñanza dada a crise derivada da COVID-19, o Ministerio de Facenda a través do Catastro impón o inicio dun novo Procedemento Simplificado de Valoración Catastral en Mos, que tamén afecta aos concellos de Salceda de Caselas, Bueu e O Porriño.

Neste sentido a alcaldesa de Mos, Nidia Arévalo lamenta “a imposición sen previo aviso desta revisión catastral, que foi publicada con data de onte na Sede Electrónica do Catastro, tras ter mantido unha videoconferencia coa Xerente Territorial do Catastro en Pontevedra, Micaela Martínez Benavente, na que esta mantivo unha postura e actitude hostil de ataque ao Concello e posteriormente, foi publicado na Sede Electrónica o Acordo do Inicio do Procedemento Simplificado, sen previo aviso e sen contar co consenso desta administración local; do que nos enteramos por casualidade esta mañá ao consultar o Taboleiro de Anuncios da Sede Catastral”.

A rexedora local manifesta a súa “sorpresa e descontento ante a posición e actitude do Catastro, ante a falla de información; pero tamén a decepción co ORAL e, por conseguinte, coa Deputación de Pontevedra, por ser coñecedores desta decisión unilateral do Ministerio de Facenda e non terllo comunicado aos concellos afectados”.

Arévalo considera “indignante que non se lle deixe marxe ao Concello para defender os intereses dos veciños e simplemente se alegue desde o Catastro que están amparados pola lei para impoñer esta nova revisión catastral sen petición formal nin previo aviso aos municipios afectados”.

A nova revisión catastral que afecta á veciñanza do Concello de Mos consiste nun Procedemento Simplificado de Valoración dos chans que adquiren a consideración de chan de natureza urbana, con motivo da existencia de Plan Xeral (PXOM do ano 2017) e que se atopaban excluídos na delimitación de chan de natureza urbana do relatorio de valores vixente.

Para os propietarios afectados iníciase o prazo de trámite de audiencia de 10 días e, unha vez transcorrido, procederase por parte do Catastro á correspondente notificación individualizada dos valores catastrais resultantes.

É por elo que desde o Concello de Mos ponse en coñecemento esta realidade aos titulares catastrais afectados, para alertalos de que deben realizar, no prazo de 10 días hábiles contados desde onte, o trámite de audiencia. Para elo deben pedir cita previa na Xerencia do Catastro en Pontevedra chamando aos teléfonos 91 387 45 50 – 902 37 36 35 ou a través da Sede electrónica do Catastro (www.sedecatastro.gob.es) para posteriormente acudir en persoa á sede da Xerencia, sita na Rúa Andrés Muruáis, 4 de Pontevedra a formular as alegacións e presentar as probas que se estimen pertinentes.

Reanúdanse as feiras e mercados en Ponteareas

Redacción
-
0
Reanúdanse as feiras e mercados en Ponteareas

O Concello informa que se reanuda a totalidade da actividade das feiras e mercados en todo o concello de Ponteareas a partires deste vindeiro sábado día 20 de febreiro.

A situación sanitara do Concello mellorou nas últimas semanas e o nivel de contaxios situouse nun nivel equivalente ao de comezos de decembro cando as feiras e mercados tamén se reanudaron tralo parón do mes de novembro.

O Concello solicita novamente a colaboración tanto da cidadanía en xeral como dos e das ambulantes no cumprimento de todas as esixencias sanitarias pois é necesario continuar mellorando a situación epidemiolóxica da localidade.

Éxito da alianza entre a Deputación, Concello de Mondariz e Entidade Local Menor para recuperar a Escola de Vilasobroso con fondos europeos

Redacción
-
0
Éxito da alianza entre a Deputación, Concello de Mondariz e Entidade Local Menor para recuperar a Escola de Vilasobroso con fondos europeos

A alianza institucional tecida entre a Deputación de Pontevedra, o Concello de Mondariz e a Entidade Local Menor de Vilasobroso para intentar captar fondos europeos FEDER cos que recuperar a antiga Escola Unitaria rematou con éxito. A presidenta da Deputación, Carmela Silva, recibiu hoxe ao alcalde, Emilio Barros, e ao alcalde pedáneo, Alexandre Estévez, para comunicarlles  a confirmación dunha achega de 302.647 euros a través do Instituto para a Diversificación e o Aforro Enerxético (IDAE), órgano adscrito ao Ministerio de Transición Ecolóxica.

O proxecto, cun importe total de 378.309 euros recibirá así un 80% de financiamento europeo, mentres que o restante 20% repartirase entre os 20.000 euros que asumirá a Deputación e os 55.661 euros que achegará o Concello. Vilasobroso contará, de cara ao verán de 2023, cun edificio multiusos destinado a converterse en epicentro social e cultural dunha parroquia clave da historia de Galicia e cuxo dinamismo social canalízase hoxe a través da puxanza da súa Entidade Local Menor. Neste senso, a presidenta mostrou a súa satisfacción polo feito de que dos 27 proxectos que a Deputación ten presentado á última convocatoria do IDAE, sexa o de Vilasobroso o primeiro que se confirma. Carmela Silva anunciou tamén o seu compromiso “para intentar seguir acadando recursos europeos par ao mundo local”. Reclamou que a Administración local poida xestionar os cartos para a reactivación económica que chegarán de Europa “porque xa temos demostrado que somos a que mellor xestiona, a que está máis próxima á xente e a que entende o territorio”. Unha reivindicación que fixo valer fronte a intención das comunidades autónomas de xestionar os fondos europeos “en exclusiva”.

Alexandre Estévez expresou tamén a súa confianza no mundo local. “É ridículo que a Administración local só xestione o 14% dos recursos do sector público, posto que é a que responde directamente á veciñanza, mentres outras Administracións están máis afastadas”. “Sen a colaboración do Concello e da Deputación, que nos recibiu e nos escoitou, isto non sería posible; dixéronnos dende o principio que era difícil, pero que iamos intentalo xuntos”.

A presidenta aplaudiu  “a tenacidade” de Alexandre Estévez que, dende o principio, puxo empeño “nun soño que se fixo realidade”. Ademais destacou o “valor social” que proporcionan as persoas que canalizan “as xustas demandas da veciñanza” a través das Entidades Locais Menores “porque os proxectos teñen xente detrás que os defenden coa súa voz e a súa convicción”. “Presidir unha entidade sen recursos e sen competencias claras”, engadiu, “é moi complicado”. O propio Estévez significou que en toda Galicia só hai 9 entidades locais menores (8 delas na provincia de Pontevedra) “e estou convencido de que deberiamos ser unha figura reivindicada e máis recoñecida”.

A presidenta da Deputación subliñou que cando se erguen causas xustas todo é posible. Ademais, recalcou o acerto do Concello de Mondariz e do seu alcalde por ter escoitado e entendido ás persoas que viven no seu municipio, facendo posible grandes investimentos non só para o centro urbano, senón apostando tamén por servizos, dereitos e espazos vinculados ao tecido social, á paisaxe e ao patrimonio, como sucede en Vilasobroso. Silva destacou singularmente a súa felicidade por ter podido axudar a recuperar un edificio que foi escola. “As escolas forman parte das nosas vidas, forman parte da xente, e agora podemos dicir que volvemos encher unha delas con novos contidos, que a convertemos nun espazo referencial”. A  presidenta puxo esta iniciativa como exemplo do moito que se pode facer dende as Administracións, e particularmente dende o mundo local, para frear a sangría demográfica no rural.

O papel clave das mulleres de Sobroso

O presidente da Entidade Local Menor puxo moi en valor o papel que xogaron as veciñas de Sobroso. “Elas insistiron na necesidade de recuperar ese edificio; elas son as que crean tecido social; foi por elas que fixemos deste edificio a nosa sede administrativa”.  Unhas palabras que foron recollidas por Carmela Silva para engadir que as mulleres manteñen vivo o rural, “sen elas non hai futuro”.

O alcalde de Mondariz subliñou que este proxecto é un exemplo sobre como “dende abaixo”, a base de colaboración institucional entre Administracións, é posible mellorar os servizos á veciñanza. “Hoxe subimos o primeiro chanzo para rehabilitar un inmoble e cumprir cunha demanda histórica; moitos axentes sociais viamos nese recinto do lugar de Valiño un lugar espectacular para uso veciñal e agora converterase tamén nun punto de referencia moi potente para Mondariz”. O proxecto consiste na mellora da eficiencia enerxética da envolvente térmica da Escola Unitaria da Entidade Local Menor. As obras, que inclúen a substitución integral da estrutura da cuberta, así como a mellora dos cerramentos, solados e carpintarías exteriores permitirá un aforro enerxético estimado dun 50%. Segundo as bases da convocatoria, as obras deben rematarse antes do 31 de xullo de 2023.

O Concello da Guarda presenta o Plan Estratéxico de Subvencións para o período 21-22

Redacción
-
0
O Concello da Guarda presenta o Plan Estratéxico de Subvencións para o período 21-22

O Concello da Guarda acaba de aprobar o Plan Estratéxico de Subvencións para o período 2021-2022, cumprindo así a obriga establecida pola Lei Xeral  de Subvencións que establece que os concellos que pretendan outorgar subvencións deben contar previamente co correspondente Plan Estratéxico de Subvencións. Este plan nace da convicción da importancia do tecido asociativo local e da necesidade de colaborar e impulsar os  proxectos de interese social e comunitario que desenvolven estas asociacións, así se establecen dúas modalidades, a modalidade de  concesión directa de subvencións e a modalidade de concesión por concorrencia competitiva para a realización de actividades de utilidade pública ou de interese social.

Na modalidade de  concesión directa de subvencións, figuran entidades coma Erguete, Avelaiña ou San Xerome entre as entidades con fins sociais, a Agrupación Musical da Guarda, a asociación das Alfombras Florais entre as culturais e entidades coma o club Balonmán atlético Guardés ou o Sporting Guardés de fútbol entre as deportivas.

Na modalidade de concesión por concorrencia competitiva entrarían as axudas para a realización de actividades de utilidade pública ou de interese social.

Nas vindeiras semanas se aprobarán as bases das que sairán as convocatorias para poder concorrer a estas axudas por concorrencia competitiva.

O alcalde da Guarda, Antonio Lomba quere “destacar o compromiso do concello en seguir facendo esforzos por acercar a colaboración do concello a aquelas entidades que desenvolven proxectos de interese social, deportivo ou cultural. Non se pode entender a nosa localidade sen ter en conta todo o traballo que día a día desenvolven centos de veciños en proxectos comunitarios, que serven para darlle prestixio á nosa vila e posibilitan unha riqueza cultural e deportiva sen parangón. Moitas destas entidades teñen unha importancia estratéxica xa que son referentes nos seus ámbitos. No ámbito social é encomiable a labor desinteresada dos diferentes colectivos da localidade que procuran solucionar situacións de precariedade para moitos veciños”.

Este Plan Estratéxico de Subvencións tamén vai permitir a valoración dos proxectos das diferentes asociacións e posibilitará unha análise pormenorizada para ir mellorando no tempo  e   permitirá  coñecer se se conseguiron os obxectivos perseguidos en cada unha das liñas das que consta o Plan. As subvencións en xeral implican un retorno do esforzo económico da administración local, que este ano alcanzará os 171.960€, en forma de servizos, de oferta formativa, cultural e deportiva.

[su_image_carousel source=”media: 30643,30642,30640″ crop=”5:4″ captions=”yes” link=”lightbox” autoplay=”0″]

Hoxe rexíntranse 10.040 casos activos por coronavirus en Galicia

Redacción
-
0
Hoxe rexíntranse 10.040 casos activos por coronavirus en Galicia

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 10.040, deles 3.262 son da área da Coruña, 942 da de Lugo, 843 da de Ourense, 1.398 da de Pontevedra, 1.452 da área de Vigo, 1.150 da de Santiago e 993 da de Ferrol.

Do total de pacientes positivos, 169 están en UCI, 644 en unidades de hospitalización e 9.277 no domicilio. Polo de agora, en Galicia hai un total de 97.855 persoas curadas, rexistrándose 2.154 falecementos.

O número de PCR realizadas é de 1.608.098.

O número de doses de vacina contra a covid-19 administradas é de 149.917.

A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.

Os datos de centros residenciais de servizos sociais corresponden aos que achegan con carácter diario os propios centros.

Os datos de escolas infantís e centros de ensino non universitario corresponden aos rexistrados diariamente a través dos propios centros e as xefaturas territoriais.

Uso do 061 para casos graves e emerxencias e o 900 400 116 para dúbidas

A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus.

Sinalar, ademais, que o Sergas ten a disposición da cidadanía a páxina web https://coronavirus.sergas.gal/ na que se pode consultar información dirixida á poboación, aos profesionais sanitarios e a outros colectivos.

Rexistro de viaxeiros no 881 00 20 21 e obrigatoriedade do uso da máscara

Lémbrase que as persoas que visiten Galicia nas vindeiras datas e procedan ou estivesen, durante os 14 días previos á súa chegada, nalgún dos territorios con alta incidencia epidemiolóxica incluídos na listaxe publicada no Diario Oficial de Galicia, deberán facilitar os seus datos de contacto ao Servizo Galego de Saúde, ben a través do teléfono 881 00 20 21 ou ben a través do formulario da web do Sergas.

Ademais, reitérase o carácter obrigatorio do uso da máscara tanto en espazos abertos como pechados, poñendo especial énfase na súa utilización nos locais e establecementos comerciais e de hostalería.

Recomendacións

Os técnicos da Dirección Xeral de Saúde Pública da Consellería de Sanidade volven  reiterar as recomendacións consensuadas entre as comunidades autónomas e o Ministerio de Sanidade, e lembran que, en liñas xerais, aconséllase adoptar as medidas de autoprotección e limitación da diseminación do virus común a calquera infección respiratoria, como a gripe.

Así, extremarase a hixiene de mans, lavándoas frecuentemente, especialmente despois de tusir ou soarse, e cubrirase o nariz e a boca cun pano -preferentemente desbotable- ao tusir ou esbirrar, ou se non se dispón de pano, na cara interna do cóbado. Ademais, evitarase tocar os ollos, o nariz e a boca coas mans.

É importante tamén procurar unha axeitada ventilación dos espazos interiores optando preferentemente por espazos abertos e tratando de evitar aglomeracións.

Non se debe esquecer o mantemento da distancia de seguridade, o uso axeitado da máscara e atender ás restricións específicas que se poidan establecer en cada comarca ou concello.

Traballos de limpeza e retirada de especies non permitidas en 10 quilómetros de vías municipais

Redacción
-
0
Traballos de limpeza e retirada de especies non permitidas en 10 quilómetros de vías municipais

O Concello das Neves vén de solicitar a inclusión de máis zonas no Convenio con Seaga para a xestión da biomasa das faixas de protección dos núcleos de poboación. Os traballos, que se suman aos que xa se iniciaron nas faixas de Liñares, Tortoreos e As Neves, suman ata 10 hectáreas de execucións subsidiarias, 10 Km de beiras de pistas, e actuacións nos terreos nos
que se desenvolverá a aldea modelo.

Nestas novas faixas das vías municipais, que xa foron aprobadas pola comisión de seguimento do convenio, realizaranse inspeccións en campo e notificarase aos propietarios das parcelas sen xestionar. Os propietarios contarán cun prazo de 30 días naturais, contados a partir do día seguinte ao da notificación para xestionar a parte afectada das parcelas. Se pasado ese
prazo non se actuou nestas, Seaga procederá a realizar os traballos con cargo ao convenio.

Estes traballos consistirán na roza de mato e a retirada de especies arbóreas non permitidas (piñeiros, acacias, eucaliptos,) nos 6 metros a cada lado das marxes das vías de titularidade municipal aprobadas, para adecualas ás distancias establecidas na Lei 7/2012, do 28 de xuño, de montes de Galicia e na Lei 3/2007, do 9 de abril, de prevención e defensa contra os incendios forestais de Galicia.

No caso de haber madeira de especies que non poidan estar presentes, os propietarios poderán retirala antes de que remate o prazo indicado. Se é Seaga quen finalmente realiza estes traballos a madeira sería decomisada polo convenio.

As novas zonas incluídas nestas faixas son:
• Santa Eulalia de Batalláns: Gandarela.
• San Pedro de Batalláns: Pista principal e zona do torreiro a Guimeráns.
• Taboexa: Do CIPC ao cruce a zona da Cabreira.
• Rubiós: Da Ribadeira á Lomba e a zona do Hotel Nande. Do Casteliño ao Lombo.
• Setados e As Neves: De Garavisco a Barrela.
• Vide: O acceso a Prado.
• Santiago de Ribarteme: Da fonte da Ceferina a Ninarellos.

O Concello reafirma a súa aposta polos mercados de abastos como dinamizadores do comercio de proximidade

Redacción
-
0
O Concello reafirma a súa aposta polos mercados de abastos como dinamizadores do comercio de proximidade

Os postos da praza de abastos de Chapela repartirán bolsas de tea ecolóxicas proporcionadas polo Concello de Redondela nunha iniciativa que amosa a aposta do Goberno local polo comercio de proximidade e de calidade contrastada, e que se realizou con fondos europeos dentro da Estratexia DUSI.

A alcaldesa de Redondela, Digna Rivas, visitou a praza de Chapela para facer entrega das bolsas, pizarras para que os postos poidan amosar os seus prezos e unha pizarra para uso informativo da praza de abastos.

Esta estratexia de comunicación e promoción, forma parte das actuacións promovidas polo Goberno local na posta en valor dos mercados de abastos “como elementos imprescindibles para a dinamización non só da contorna na que se atopan, senón do municipio”, explica a alcaldesa de Redondela.

Nesta dinámica de apoio ao comercio local considerada polo Goberno de Redondela como “imprescindible” para a reactivación económica, o Concello desenvolverá distintas iniciativas que contribúan a mellorar a competitividade do comercio de proximidade.

Digna Rivas, lembrou “que tan só nas dúas prazas de abastos –Redondela e Chapela– investirase máis de 500.000 euros de fondos europeos para convertelas nunhas infraestruturas modernas e multifuncionais”

A negativa da Xunta a asumir o conservatorio supón un gasto de medio millón de euros anuais para o Concello

Redacción
-
0
A negativa da Xunta a asumir o conservatorio supón un gasto de medio millón de euros anuais para o Concello

A concelleira de Ensino e alcaldesa en funcións, Cristina Fdez. Davila, presentou o balance de 2020 do Conservatorio e Escola de Música municipais. Davila salientou que o custo deste servizo educativo ascendeu a 560.803,06 euros. Desta cantidade, 85.492,97 euros cóbrense coas matrículas e cotas do alumnado mentres que os 474.860,09 euros restantes sufrágaos o Concello cos seus orzamentos e sen ningún tipo de axuda de outras administracións.

Os conservatorios están encadrados nas ensinanzas especiais regradas que son competencia da Xunta de Galicia. Cristina Fdez. Davila lembra que “as cidades galegas contan con conservatorio dependente da Xunta e non asumen ningún gasto mentres 20 concellos cabeceiras de comarca como Ponteareas somos discriminados e asumimos o 100 % do custo deste servizo”. A concelleira de ensino salienta ademais que “o conservatorio acolle a numeroso alumnado doutros concellos da comarca, trátase dun servizo supramunicipal educativo que debe pagar e xestionar a Xunta”.

Por outra banda, no ano 2020 o Concello acometeu unhas “obras extraordinarias de rehabilitación interior e exterior do edificio do conservatorio para a mellora da eficiencia enerxética”. Para iso o Concello investíu case 450.000 euros, dos que 150.000 proceden de fondos propios e o resto de fondos europeos a través da estratexia “Ponteareas Hábitat Saudábel”. Con estas obras púxose en valor e recuperouse un dos edificios de máis importancia histórica e arquitectónica da vila, construido a finais do século XIX”.

O conservatorio conta cun total de 233 estudantes e 22 persoas contratadas, das que 19 son docentes. A media do alumnado que supera o grao elemental e profesional que se oferta en Ponteareas e pasan ao grao superior, continuando os estudos musicais, ronda o 40%, unha cifra que revela a importancia deste centro na formación de futuros profesionais da música” salienta a concelleira nacionalista.

Cristina Fernández Davila advirte que “para o Concello resulta insostíbel destinar medio millón de euros a un servizo que é competencia da Xunta, e máis agora coa crise económica derivada da pandemia e que afecta aos ingresos e recursos dos Concellos”.

O Concello de Tui executou a demolición das antigas oficinas de Cam-Fram na avenida da Concordia

Redacción
-
0
O Concello de Tui executou a demolición das antigas oficinas de Cam-Fram na avenida da Concordia

A edificación, sita na avenida da Concordia, un dos principais viais de acceso a Tui, levaba máis de trinta anos nunha situación de estado ruinoso. Estaba composta de dúas unidades físicas, unha xa estaba derrubada parcialmente e a outra aínda se mantiña intacta pero tamén xeraba moito feísmo na zona e tamén atopábase en estado de semiruina.

O concello foi o encargado de acometer a demolición da infraestrutura, que está en terreos privados, aínda que cedidos ao concello para a celebración do Mercadillo dos xoves. A obra puido ser posible despois de negociar coa entidade mercantil unha ampliación do plazo da superficie de cesión, comprometéndose o concello ao derribo das dúas edificacións en ruina.

Asemade o Concello de Tui está traballando noutro edificio sito tamén nas unidades de execución de Cam-Fram, este si de titularidade municipal, no que se está a redactar o proxecto para a sua rehabilitación, proxecto no que se contempla a cubrición da estrutura do edificio de xeito temporal en tanto non inicien as obras de acondicionamento, a fin de garantir a seguridade no mesmo e tamén eliminar o feísmo nese ámbito urbano.

A seguinte actuación na zona, despois da conclusión da apertura da rúa Ourense, será a execución do proxecto de humanización da avenida da Concordia, ao igual que se está a facer na rúa Colón, obra que se espera dea comezo a principios do vindeiro ano, a fin de dignificar as entradas a cidade tudense.

‘Descúbreas’, unha plataforma web “para dotar de ferramentas ao talento feminino musical da provincia”

Redacción
-
0
‘Descúbreas’, unha plataforma web “para dotar de ferramentas ao talento feminino musical da provincia”

“Descúbreas é un proxectazo, un dos proxectos máis relevantes que existe a prol da igualdade na música en Pontevedra, en Galicia, e en todo o Estado español”. Con esta afirmación, a presidenta da Deputación, Carmela Silva, mostrou hoxe o seu orgullo “polos enormes avances dun programa presentado en decembro que a día de hoxe ten tantas novidades na plataforma web”. A presidenta, xunto a Olalla Dopico, coordinadora do proxecto, presentaron as novas accións de www.descubreas.com “unha web moi potente, que crea redes, pon en relación ás mulleres novas coa industria musical para que poidan desenvolver a súa carreira profesional”. No acto de lanzamento participou a cantautora viguesa Sanny que interpretou algunhas das súas pezas. “Na industria musical –asegurou Carmela Silva– hai teitos de cristal e solos pegañentos que impiden que as mozas poidan chegar. Non pode haber nada mellor que permitir que as mulleres novas teñan instrumentos para poder dedicarse á música”.

“

Carmela Silva: “Na industria musical hai teitos de cristal e solos pegañentos que impiden que as mozas poidan chegar. Non pode haber nada mellor que permitir que as mulleres novas teñan instrumentos para poder dedicarse á música”

Neste eido, xa se poden consultar na web do programa vídeos, entrevistas, unha completa axenda, novas e recursos formativos que permitirán avanzar neste obxectivo. Trátase dunha páxina “de enorme calidade técnica” na que se inclúen dende vídeos titoriais ata foros, vídeo entrevistas, e un mapa de mulleres na industria musical, “fundamental para visibilizar que hai mulleres”. Xunto a estas seccións, e dada a amplitude de contidos que inclúe www.descubreas.com, lanzarase unha newsletter para “colaborar e facer comunidade e redes”, a fin de facilitar ás persoas usuarias a información e novidades de todo o que está a acontecer. A presidenta avanzou que “tamén se darán a coñecer novos avances en relación a Descúbreas o vindeiro martes, 23 de febreiro, cando presentaremos a nosa programación do 8M, que será o proxecto de visibilidade da axenda feminista máis potenteque se vai facer en toda Galicia”.

A coordinadora do proxecto, Olalla Dopico afondou na plataforma web, un espazo que pretende “amosar de maneira atractivo e útil os contidos para motivar ás rapazas a crear comunidade e participar en proxectos, converténdose nun espazo seguro onde as mozas se sintan acompañadas”. Neste eido, a web inclúe novas protagonizadas por artistas femininas do ámbito local e internacional; vídeos de mozas como Mariña de Furious Monkey House; entrevistas a mulleres do sector que falan das súas inquedanzas e vivencias; unha axenda de eventos e concertos; contidos transversais para que as mozas poidan decidir como achegarse á música; un foro de consultas online co asesoramento de músicas profesionais; un directorio de contactos de mulleres da industria musical da provincia de Pontevedra e de Galicia para crear rede; así como información do programa de mentoring, “pioneiro no seu eido”, para acompañar ás mozas nos seus primeiros pasos na música. “Hai –asegurou– moita información e por iso imos lanzar unha newsletter, que enviaremos semanalmente ás persoas subscritas, cun resumo dos contidos máis importantes”.

“Hai unha palabra que define o que estamos a facer na provincia –afirmou Carmela Silva– que é transformar. Pero é imposible transformar o mundo se o 52 % da poboación non ten todos os seus dereitos e por iso, na Deputación, a igualdade é o eixo vertebrador da nosa acción”. Baixo esta premisa e partindo dos datos “indignantes” das mulleres na industria musical, pese a que os conservatorios, as escolas de música e os centros de formación “están cheos de nenas e mulleres mozas”, xorde o proxecto Descúbreas, unha iniciativa que nace de Regalamusica, “dunha sociedade que cree na igualdade e está comprometida coa transformación”.

A Xunta remata a mellora da eficiencia enerxética no IES A Sangriña da Guarda

Redacción
-
0
A Xunta remata a mellora da eficiencia enerxética no IES A Sangriña da Guarda

A Consellería de Cultura, Educación e Universidade vén de rematar o proxecto de mellora e reforzo da eficiencia enerxética no IES A Sangriña, no Concello da Guarda, coa renovación da súa carpintaría exterior cun investimento de case 250.000 €. O delegado territorial da Xunta en Pontevedra, Luis López, e o xefe territorial de Educación, César Pérez Ares, acompañados polo alcalde da Guarda, Antonio Lomba, visitaron as instalacións nas que se realizaron traballos que pretenden favorecer o illamento e incrementar a confortabilidade térmica no interior para mellorar as condicións lectivas para a comunidade educativa.

“A Xunta de Galicia ten un compromiso inequívoco cunha educación pública de calidade e por iso está a desenvolver un plan global de acondicionamento dos centros educativos na provincia de Pontevedra que neste caso beneficiou a este instituto, de case 40 anos, para favorecer as condicións das clases”, explicou Luis López.

Os traballos realizados consistiron na substitución das fiestras e das persianas para acadar un edificio máis eficiente e illado do exterior e que presente unhas mellores condicións térmicas dadas as súas grandes dimensións, xa que conta con dous volumes e tres andares aos que se engaden espazos anexos como os obradoiros, o ximnasio e o pavillón.

Ademais, a actuación completouse coa reforma e habilitación da antiga casa do conserxe en dúas aulas para gañar espazo e responder, de xeito máis axeitado, ao protocolo de seguridade sanitaria fronte á covid-19. Esta obra tivo un orzamento de 40.000 €.

Deste xeito, a Consellería de Educación segue co seu proceso de modernización do instituto guardés, no que, ao longo da última década, investíronse máis dun millón de euros en actuacións diversas, como o cambio de cuberta, a renovación das instalacións eléctricas, o reemprazo do sistema de calefacción, a substitución das redes de saneamento ou diversas reformas e redistribución de espazos, entre outras.

Baiona confirma que o luns 22 de febreiro retomarase o mercadillo de Sabarís

Redacción
-
0
Baiona confirma que o luns 22 de febreiro retomarase o mercadillo de Sabarís

A Concellería de Comercio e Mercado do Concello de Baiona informa de que, tras a confirmación da boa tendencia á baixa, en canto á incidencia de Covid-19 no municipio, o vindeiro luns 22 de febreiro vai retomar o mercadillo semanal dos luns de Sabarís.

Volverase á actividade coa redución do número de postos, producíndose así a rotación entre feirantes cada luns. O día 22 será a quenda dos postos con número impar. Poderán acudir ao mercado todos os luns, independentemente do seu número, os posto de venda de produtos agroalimentarios como se recolle na normativa.

O Concello de Ponteareas oferta un curso en liña de Lingua de Signos (Nivel A1.1)

Redacción
-
0
O Concello de Ponteareas oferta un curso en liña de Lingua de Signos (Nivel A1.1)

A Concellería de Cultura, que dirixe Fernando Groba, informa que se abre o prazo de inscrición para o curso de Lingua de Signos nivel A1.1. O curso é de balde e totalmente en liña, cunha duración total de 30h das que 20h serán de sesións lectivas en grupo en directo e as 10 horas restantes de actividades individuais e titorías.

O curso iníciase o 2 de marzo e desenvolverse durante os martes e xoves de marzo e abril, en horario de 18 a 20 horas.

Poderán acceder á formación todas as persoas maiores de 18 anos e que estean empadroadas no Concello de Ponteareas. Deberán dispor de conexión a internet e de ordenador, teléfono ou tableta con cámara dianteira.

O prazo para inscribirse comeza o venres 19 de febreiro e remata o venres 26 febreiro. A inscrición realizárase a través do rexistro do Concello de Ponteareas. É obrigatorio indicar un correo electrónico para que o equipo docente poida enviar as ligazóns e contidos do curso.

“Queremos ofrecer á veciñanza a oportunidade de aprender a lingua de signos dende o seu fogar neste tempos de restricións da mobilidade” sinala Fernando Groba, Concelleiro de Cultura. Ao mesmo, indica que ofertamos este curso co obxectivo de manter ás persoas activas con actividades de lecer positivas que permitan mellorar a súa cualificación profesional ao tempo que se favorece a comunicación coa persoas xordas e a inclusión.

A Deputación convoca os premios “Demo Day” cara ás propostas dos alumnos dos centros que participan en “DepoEmprende na FP”

Redacción
-
0
A Deputación convoca os premios “Demo Day” cara ás propostas dos alumnos dos centros que participan en “DepoEmprende na FP”

A Deputación de Pontevedra vén de convocar unha nova edición dos Premios Demo Day para os centros que este curso están adheridos ao proxecto “DepoEmprende na FP”, cuxo obxectivo é promover entre o alumnado de Formación Profesional de Grao Medio e Superior a iniciativa emprendedora, tanto no ámbito empresarial coma no autoemprego, e tamén a actitude necesaria para asumir riscos e responsabilidades.

A estes galardóns, que buscan fomentar o lanzamento das diferentes propostas elaboradas polo alumnado, así como identificar e apoiar proxectos susceptibles de ser desenvolvidos, poden optar os centros educativos que este ano participan: o CIFP Manuel Antonio (Vigo); o CPR Daniel Castelao (Vigo); o CPR San Miguel (Vigo); o IES Johan Carballeira (Bueu); o CIFP Carlos Oroza (Pontevedra) e o IES Plurilingüe Terra de Turonio (Gondomar).

Trala publicación este xoves das bases da convocatoria no Boppo, os centros educativos poderán presentar as súas solicitudes de inscrición a partir deste venres 19 e con prazo ata o día 11 de marzo. A Deputación destina a estes premios un orzamento de 1.900 euros, distribuído en dous premios de 700 e 500 euros para os proxectos da categoría de Grao Superior e un premio de 700 euros para os da categoría de Grao Medio.

Segundo establecen as bases, os centros participantes poderán presentar como máximo dous proxectos de entre os desenvoltos no marco do programa. Unha vez elixidos, a Deputación desenvolverá co alumnado un programa intensivo de apoio e asesoramento, formación e mintorización, denominado “Aceleración de proxectos” para axudarlles no proceso de elaboración. Finalmente, o xurado examinará as propostas presentadas e terá en conta para a concesión destes premios a valoración do proxecto, innovación; a súa contribución social; solidez e viabilidade , estratexia comercial e, por último, a presentación.

“DepoEmprende na FP” é unha das tres modalidades nas que se divide este programa para centros educativos da provincia, xunto a “DepoEmprende na escola” e “DepoEmprende na ESO” e con esta iniciativa a Deputación busca promover a cultura emprendedora no marco do sistema educativo e impulsar que o alumnado sexa protagonista da súa propia aprendizaxe, cun traballo desde a práctica. A metodoloxía proposta baséase na elaboración e xestión de proxectos empresariais para que o alumnado asuma o risco de afrontar diferentes situacións laborais e, deste xeito, mellore a súa participación activa na vida económica, social e cultural do seu contorno. Amais dos seis centros de FP, neste curso 2020-2021 participan 8 en “DepoEmprende na Escola” e outros 8 en “DepoEmprende na ESO”.

1...284285286...425Page 285 of 425

Fundado por Alfredo Estévez © Hansei Media, SL