Ante o actual contexto de incerteza provocado pola pandemia Covid-19, o Comité de Xestión Estratéxica (CGE) da Eurocidade Cerveira-Tomiño decidiu adiar para o mes de setembro a realización da cuarta edición do Simpósio Internacional de Escultura do Miño. Na reunión telemática mantida onte martes polos alcaldes veciños abordaron tamén a temática do peche de fronteiras e os impactos para as traballadoras e os traballadores transfronteirizos.

Mentres a situación dos pasos na fronteira segue sen solucionarse, o AECT Río Miño vén de habilitar na súa web smartminho.eu un mapa interactivo, o ‘COVIDMiño’, que permitirá á cidadanía coñecer de maneira conxunta a evolución da pandemia nos 26 municipios galegos e portugueses que forman parte do territorio miñoto. Esta ferramenta inclúe a situación epidemiolóxica de cada un dos concellos, así como información útil para combater a propagación da enfermidade e as medidas que os respectivos gobernos aplican en ambos lados da fronteira.

O Concello de Ponteareas vén de licitar as obras de mellora e acondicionamento do cámping A Freixa, localizado nas proximidades do río Tea, para convertelo así nun espazo de campismo idóneo para o tempo de lecer.

Salceda de Caselas ven de dar por rematado o seu Programa Integrado de Emprego, obtendo uns resultados moi positivos a pesares da crise sanitaria. O Programa supuxo un investimento de 305.000 €, financiados integramente pola Consellería de Emprego e Benestar da Xunta de Galicia.

romover a protección do medio ambiente, o respecto cara ao mar ou poñer en valor a figura feminina na cultura mariñeira. Estes son algúns dos obxectivos do Escape Room REMA 360, unha actividade aberta á participación do alumnado de 1º e 2º da ESO dos centros do litoral galego.

Ante un auditorio virtual con representantes de máis de 48 municipios, coa presenza dunha vintena de alcaldes e alcaldesas, de deputacións, así como de profesorado de diferentes universidades , a presidenta da Deputación, Carmela Silva e o director da Fundación Democracia e Goberno Local, Alfredo Galán, abriron hoxe a webinar “Os retos da Axenda 2030 para o nivel local de goberno”.

A Xunta de Galicia entregou tendas de campaña para a atención e despregamento en situacións de emerxencia ás agrupacións de Protección Civil de Lalín, Caldas de Reis, Valga, Cambados e Tomiño para reforzar a atención cidadá e a xestión destes operativos na área territorial de Pontevedra.

David Alonso, concelleiro delegado de Turismo, anunciou que o Concello ofrece asesoramento aos cidadáns do Porriño que queiran solicitar as axudas económicas que a Xunta de Galicia vén de convocar para a mellora paisaxística dos activos que se atopan no Camiño de Santiago.

O Concello de Tui vén de ampliar a capacidade de depósito do Arquivo Municipal de Tui coa instalación de novos módulos de armarios tipo compactus para a documentación administrativa do Concello tudense. Coa instalación destes novos módulos o Arquivo Municipal tudense incrementa en máis de 80 metros lineais de estantes a capacidade dos seus depósitos.

O Concello do Rosal segue a dar pasos para a posta en marcha do novo mercado municipal, un espazo vivo no que fomentar a compra de produto local e que dinamice económica e socialmente o núcleo urbano do Calvario.

A situación de pandemia que está a vivir a comunidade autónoma e as restricións ás que se viron sometidos os seus municipios fan imposible a celebración do entroido, celebración con moita tradición en Gondomar, onde o seu goberno non quere dalo por perdido e facendo provisión de optimismo anuncia que a súa celebración pospoñerase “ata xullo”.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 18.452, deles 5.103 son da área da Coruña, 1.721 da de Lugo, 1.991 da de Ourense, 2.305 da de Pontevedra, 3.012 da área de Vigo, 2.724 da de Santiago e 1.596 da de Ferrol.

As 6 farmacias mosenses, a de Mos, Puxeiros, Rebullón, Peinador, Sanguiñeda e Pereiras, comezaron hoxe a relizar o seu cribado para detectar a COVID-19. Desde as farmacias lembran que os tests poderán ser realizados por persoas de 40 a 65 anos que deberán acudir persoalmente e aportar DNI e tarxeta sanitaria.

Unha campaña que apela primeiro a recordar e cando se poda a volver, que chama a momentos, recordos e historias reais, que anima ás persoas que xa visitaron a provincia de Pontevedra a volver a evocar eses instantes especiais, e chama a outras a vir por primeira vez. Así é a promoción do destino Rías Baixas presentado esta mañá pola presidenta da Deputación, Carmela Silva, no hall do Museo de Pontevedra. “Será unha campaña diferente porque vivimos un tempo incerto e non sabemos cando poderán visitarnos”, explicou a máxima responsable da institución.

O Concello da Guarda ven de encargar un informe á Policía Local da Guarda para que instrúa as dilixencias que conduzan a dar co responsable ou responsables do que se considera unha "barbaridade medioambiental" despois de ter coñecemento dunha recente tala dunha árbore na Praza de San Roque.

O Consello Municipal da Infancia e Adolescencia de Redondela, que nestes momentos está formado por 10 nenos, nenas e adolescentes do municipio, vén de facer un chamamento á rapazada do municipio para que sumen a esta iniciativa que, dúas veces ao mes, pon enriba da mesa todas aqueles temas “que poden ser de interese para a infancia e adolescencia do noso concello e para traballar en acadar melloras”, sinalan no seu escrito.

A Policía Local de Tui levou a cabo na fin de semana controis en distintos puntos do termo municipal para comprobar o cumprimento do peche perimetral. Un dos puntos onde se realizou o control foi o Paseo da Corredoira onde o sábado entre ás 18:15 h e ás 20:30 h realizou o control de máis de 60 vehículos.

O Agrupamento Europeo de Cooperación Territorial AECT Rio Miño manifestou hoxe que os concellos miñotos manteñen a “máxima expectativa” ante a posibilidade de apertura de máis pasos na fronteira con Portugal, unha medida que poderá ser concretada nos vindeiros días e que o ministro de Administración Interna de Portugal Eduardo Cabrita deixou aberta nunhas declaracións públicas.

A Concellaría de Vías, Obras e Alumeado, que dirixe Chus Garrote, deu conta do inicio, esta semana, dos traballos de mellora da vía A Cova-Cañoteira nass Cortellas, parroquia de Padróns. As obras contan cun orzamento de 168.438 € financiados con fondos propios a través do Plan Concellos da Deputación de Pontevedra.

O Concello da Guarda, a través da Concellería de Medio Ambiente, ven de anunciar un cambio de horarios na atención que se presta aos cidadáns no Punto Limpo do municipio, ampliando o horario de apertura de xeito que se facilita o acceso a este servizo.

O Concello de Ponteareas vén de licitar a execución da pavimentación e valado da terraza do Centro Cultural de Ribadetea, así como dunha rampla peonil de acceso á mesma. As obras contan cun orzamento total de 43.676,24 euros, ive incluído, e as empresas interesadas dispoñen dun prazo de presentación que rematará o vindeiro 11 de febreiro.

Poucos entroidos do sur de Galicia teñen a tradición centenaria do Entroido de Salceda de Caselas. Este ano toca reinventarse e amosar que, nin a pandemia da COVID é quen de frear unha celebración popular como poucas. Optase, iso si, polas novas tecnoloxías que permiten que se poidan celebrar actividades, de xeito virtual, garantindo o cumprimento das normas sanitarias e de seguridade.

Alumnado do Obradoiro para persoas mozas 'Redondela TIC' da especialidades de 'Carpintaría e Vernizado', traballan na recuperación do antigo Salón de Plenos da Casa Consistorial de cara a que este espazo recupere o seu aspecto orixinal e poida ser utilizado como un salón multifuncional do que carece a Casa do Concello redondelá.

A delegada territorial da Xunta de Galicia en Vigo, Marta Fernández-Tapias, entregou hoxe dúas tendas de campaña ás Agrupacións de Voluntarios de Protección Civil do Porriño e Cangas, beneficiarios da orden de equipamentos de emerxencias destinada a municipios de menos de 50.000 habitantes.

Veñen de rematar as obras da primeira fase da humanización da rúa Colón que se executaron nos últimos meses. Supuxeron un investimento de 314.000 euros, financiados con cargo ao Plan Concellos 2018 da Deputación de Pontevedra.

No pleno celebrado o pasado 28 de xaneiro, o Partido Popular da Cañiza formulou unha pregunta dirixida á concelleira de benestar social, sobre as horas de asistencia no fogar que o Concello tiña pendentes de asignar e para que explicase cantas persoas se atopaban en lista de agarda.

A Deputación de Pontevedra, a través de SmartPeme, oferta esta próxima semana catro novas accións formativas impartidas de xeito online, enmarcadas na carteira de obradoiros que se imparten de forma telemática. As accións versan sobre a creación e difusión dunha marca turística, SEO, impresión 3D e deseño web con Elementor.

O Concello de Nigrán ven de dotar dun novo sistema de renovación de aire e climatización ao Centro Antena Municipal cun investimento de 28.000 € que permite adaptalo a toda a lexislación vixente ao respecto.

Un total de 11 persoas da especialidade de peón forestal, serán as que contrate directamente o Concello de Redondela para que desenvolvan as labores de roza nas estradas e camiños de titularidade municipal, traballo que ata o de agora era encargado a unha empresa. Será por tanto a primeira vez que o Concello se faga cargo directamente desta contratación para un traballo “que será desenvolvido por persoas desempregadas do municipio e dentro da filosofía do Goberno local de contribuír, dentro das súas competencias, á xeración de emprego”.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 19.246, deles 5.161 son da área da Coruña, 1.767 da de Lugo, 2.096 da de Ourense, 2.483 da de Pontevedra, 3.146 da área de Vigo, 2.932 da de Santiago e 1.661 da de Ferrol.

A Xunta de Galicia vai propoñer ao músico e compositor D. Rogelio Groba Groba (Ponteareas, 1930) para a concesión do Premio Princesa de Asturias das Artes 2021. Tanto a Banda de Música Xuvenil de Xinzo como a súa Fundación móstranse favorable a esta proposta e o seu apoio xa foi transmitido á Xunta mediante unha carta. Na mesma liña manifestase o PP de Ponteareas que presentou unha moción ao Pleno da Corporación Municipal para que todas as forzas políticas se sumen ao apoio a esta candidatura.

A Deputación de Pontevedra da un novo paso cara a esperada musealización do Castelo do Sobroso ao aprobar, en Xunta de Goberno, o expediente de contratación cara a adxudicación do proxecto, que conta cun orzamento de máis de 300.000 euros. A previsión do ente provincial é que as actuacións estean rematadas ao longo deste verán, dotando con elas ao castelo dun equipamento museográfico actual e potenciando o seu atractivo acorde coas tendencias da demanda turística.

A concellería de Ensino do Concello de Redondela que xestiona Olga García Ballesteros, desenvolve nestas datas diferentes traballos de mellora no EEI Cesantes, obras longamente demandadas pola comunidade escolar e que abranguen tanto a aspectos estruturais do edificio como a dotacións para uso dos nenos e nenas.

Trala adxudicación da obra na Xunta de Goberno, a Deputación de Pontevedra iniciará en breve as obras de ensanche e mellora da seguridade viaria na EP-2906 Os Valos-Guizán en Redondela, unha ambiciosa actuación que suporá a transformación integral desta estrada, na que se reordena a circulación peonil, ciclista e rodada baixo o modelo de mobilidade segura e centrado nas persoas da Deputación. Nestes traballos a institución provincial investirá un orzamento de máis de 320.000 euros e se prevé que estean rematados nun prazo de 5 meses.

A alcaldesa de Mos, Nidia Arévalo, e o concelleiro de Medio Ambiente Sostible, Leo Costas, informaron de que o Concello xa ten determinada a localización para o parque para cans pioneiro en Galicia, que se construirá con financiación autonómica. A área de lecer canina integrarase no xa existente parque de Sanguiñeda, zona recreativa de gran extensión na que conviven o parque da auga, parque infantil, espazos verdes… e agora incorporará tamén un parque específico para cans.

O Goberno Municipal do Concello de Ponteareas vén de contratar o proxecto de humanización da rúa Braña. Trátase do primeiro paso para mellorar unha das principais rúas de acceso ao centro urbano de Ponteareas e que conecta unha das arterias principais, a Avenida de Castelao, coa zona máis céntrica da vila.

A voceira de Pesca do Grupo Parlamentario Socialista, Patricia Otero, mantivo unha xuntanza de traballo cos palangreiros de superficie da Guarda en compañía do alcalde guardés, Antonio Lomba, para escoitar de primeira man as necesidades do sector e para coñecer a problemática relacionada coa pesca e comercialización do maraxo. No encontro participou tamén a deputada socialista por Pontevedra Leticia Gallego.

O Concello da Guarda, dentro da posta en marcha do seu Plan de Compostaxe que inclúe reparto de composteiros que permitirán a posta en marcha da compostaxe doméstica, vai a proceder á creación dun “punto verde” ao carón do Punto Limpo da Sangriña.

O Concello de Nigrán ven de adherirse á estratexía transnacional contra a cortaderia selloana que promove 'Life Stop Cortaderia' co obxectivo principal de por en marcha unha fronte común e internacional de loita contra a herba da pampa (moi recoñecible polos seus plumeiros) en todo o Arco Atlántico desde Portugal a Francia pasando polo litoral cantábrico.

Francisco Ferreira, ou Paco Ferreira como lle gusta que lle chamen, é alcalde de Gondomar por segundo mandato consecutivo. Home falador, aberto e espontáneo, gústalle chamarlle as cousas polo seu nome a risco de ser 'politicamente incorrecto'. Pode que ese sexa o motivo polo que, tras un primeiro mandato convulso e complexo que comezou sendo un tripartito e rematou gobernando en minoría, o faga agora cunha maioría absoluta que, nas súas palabras, “non impide que busquemos consenso pero permite desenvolver os proxectos con maior axilidade”.