Durante a sesión plenaria de carácter ordinaria celebrada onte no Concello de Tomiño, tomou posesión do seu escano o novo concelleiro do Grupo Municipal do BNG, Agustín González Rodríguez.

A Deputación de Pontevedra recalca o seu apoio aos deportistas da provincia que competirán nos Xogos Olímpicos e Paralímpicos de Tokio cunha recepción ao nadador Sebastián (“Chano”) Rodríguez Veloso, que mantivo un encontro co deputado Gorka Gómez.

Vive Nigrán regresa ao recinto no que naceu en 2017, o Campo de fútbol de Monte Lourido en Praia América, unha contorna privilexiada e cunha programación para todas as idades.

O Concello de Tui, a través do departamento de Tesourería, vén de por en funcionamento a Oficina Virtual Tributaria, OVT, accesible dende a web municipal www.tui.gal.

A Deputación de Pontevedra apoia este ano ás e aos deportistas da provincia que competirán nos Xogos Olímpicos e Paralímpicos de Tokio cunha liña de axudas de 75.000 euros que ten como novidade a distribución de achegas lineais de 5.000 euros.

O programa Mocidade Viva regresa de novo este verán a Ponteareas cunha programación de lecer saudábel e alternativo para rapaces e rapazas de máis de 12 anos. O vindeiro mércores 14 de xullo (21.00 h) desenvolverase a primeira das actividades programadas nesta nova edición, un obradoiro de iniciación á astronomía e observación do ceo nocturno no Observatorio Astronómico do Parque Forestal de Couso, en Guláns.

A Mancomunidade do Baixo Miño, formada polos concellos de A Guarda, O Rosal, Tomiño e Tui, está a traballar na creación dunha Comisión de Seguimento pola Sanidade Pública, co obxectivo de realizar un estudo e seguimento exhaustivo, en colaboración cos profesionais de atención primaria, da situación actual de cada...

A Consellería de Sanidade, vén de habilitar unha nova modalidade para obter o certificado de vacinación covid-19, a través do número de teléfono 900 400 116.

Integrada na candidatura LowPlast – a arte de reduzir o plástico, o artista Acácio de Carvalho realizou uma pintura mural com inspiração num jogo de elementos geométricos e animais do mundo marinho e dos Oceanos em geral. O objetivo? Alertar para a problemática da poluição ambiental em geral e, em particular, para o excesso do uso de plástico e consequente poluição dos oceanos.

A alcaldesa de Salvaterra de Miño, Marta Valcárcel Gómez, ven de reunirse coa Conselleira de Medio Ambiente, Territorio e Vivenda, Ángeles Vázquez, co fin de presentarlle dous proxectos estratéxicos para o seu municipio.

Quedan prazas vacantes nos cursos de prevención de riscos laborais na construción que do 26 de xullo ao 6 de agosto, de luns a venres de 15.30 a 21.30 h, se van impartir en Tui.

O delegado do Goberno de España en Galicia, José Miñones, visitou algunhas das instalacións da Zona Franca de Vigo acompañado polo delegado do Estado no Consorcio, David Regades.

A alcaldesa de Mos, Nidia Arévalo, e o concelleiro da parroquia de Pereiras, de Mocidade e Medio Ambiente Sostible, Leo Costas, informaron de que o Concello de Mos ven de recibir a resolución favorable de concesión de subvención por parte da Vicepresidencia primeira e Consellería de Presidencia, Xustiza e Turismo da Xunta de Galicia por importe de preto de 28.000 euros.

Os alcaldes e alcaldesas da Guarda, Antonio Lomba; O Rosal, Ánxela Fernández Callís; Oia, Cristina Correa e Baiona, Carlos Gómez, xunto á concelleira de turismo de Nigrán, Cristina Dosil, mantiveron o pasado venres 9 de xullo unha reunión co director de Administración e Relación coas Asociacións de Amigos do Camiño de Santiago, Ildefonso de la Campa, para trasladarlle, de primeira man, algúns problemas relacionados co Camiño Portugués da Costa que, a xuízo dos edís, poden prexudicar ao propio Camiño da Costa e sobre todo á experiencia dos peregrinos.

A Deputación de Pontevedra acaba de abrir a inscrición para a primeira das actividades do DepoAuga, a principal novidade da súa programación deportiva na natureza para este verán, consistente nunha ruta guiada polos ríos o praias da provincia nunha táboa de paddle surf ou nun kayak.

Até o 20 de xullo está aberto o período de inscrición na segunda das catro actividades de aventura organizadas pola Oficina Municipal de Información Xuvenil (OMIX) do Concello de Mondariz para mozos e mozas de 13 a 18 anos. Trátase dunha experiencia de rafting en Arbo para un grupo reducido, polo que a inscrición previa é indispensable.

A Explanada do Horizonte do Rosal, balcón do municipio ao Atlántico, xa desfruta do seu quiosco permanente, que vén de abrir as portas ao público neste tramo do Camiño de Santiago ao seu paso por Portecelo co obxectivo de ofrecer novos servizos á veciñanza da contorna, ás persoas que peregrinan por este tramo ou para as e os excursionistas que se acheguen ata este espazo.

As comunidades de montes de San Esteban de Budiño e de Parderrubias, ambas de Salceda de Caselas, impulsaron senllos proxectos de restauración ambiental nos seus montes, afectados polos incendios acontecidos en outubro do 2017. A iniciativa das comunidades, nas que participan máis de 160 familias comuneiras, permitiu a recuperación forestal de 27 hectáreas de superficie, que foron plantadas con piñeiros do país e frondosas caducifolias (castiñeiros e carballos).

A Delegación Territorial da Xunta de Galicia en Pontevedra celebrou este mediodía a súa primeira Comisión Territorial de Coordinación itinerante e descentralizada no Centro Cultural de Pedornes, no Concello de Oia, no marco dunha iniciativa que pretende achegar aínda máis o labor do executivo autonómico a todo o territorio e aos cidadáns.

A Xunta de Goberno da Deputación vén de aprobar a concesión de 130.000 € a 26 entidades de 13 concellos da provincia para impulsar actividades turísticas coas que a institución pretende contribuír ao fomento do turismo e a súa profesionalización, impulsando iniciativas encamiñadas a estimular o sector, a súa calidade, accesibilidade e sustentabilidade, así como á promoción dos recursos turísticos da provincia.

O cinema abre a programación cultural do verán en Tui. O Paseo Fluvial volverá converterse nunha sala de cinema ao aire libre con capacidade para 300 persoas na que se proxectarán tres películas das que o público poderá gozar esta semana; Zog y los doctores voladores, El viaje de Chihiro e Stand by me. As entradas poden reservarse de forma gratuía en www.tui.gal.

Arbo presenta as súas actividades culturais para o veran 2021. Cine, máxia, festivais, a tradicional Gala da Lamprea, as Vodas de Ouro aprazadas no mes de febreiro, a Festa da Lamprea seca en outro formato, son algunhas das actividades programadas polo Concello para o verán 2021.

O KiteFest Cesantes Trofeo Xacobeo, organizado polo TMKiteClub e o Concello de Redondela, puxo o broche de ouro á súa cuarta edición, celebrada durante toda a fin de semana na praia de Cesantes con gran afluencia de público e moitas actividades en terra.

O Goberno da Deputación vén de aprobar a adxudicación das obras de mellora da mobilidade peonil na EP-3303 Tabagón-Goián no seu treito primeiro, ao seu paso polo Concello do Rosal.

A Deputación de Pontevedra, a través de SmartPeme, oferta esta semana tres novas accións formativas impartidas de xeito online, enmarcadas na carteira de obradoiros que se imparten de forma telemática.

A Xunta de Goberno da Deputación ven de aprobar os convenios cos concellos das Neves e Tomiño para abordar novas obras de mellora da mobilidade peonil que se van desenvolver respectivamente en dous tramos dos viarios provinciais EP-4006 e EP-3102 que transcorren por ambos municipios. O investimento previsto para estes traballos , ambos deseñados baixo o modelo de mobilidade segura e sostible da institución provincial, ascende a 428.305 euros.

Ponteareas xa conta cunha rede de reparto a domicilio. A plataforma galega Roombo acaba de desembarcar no municipio cunha ducia de establecementos adheridos e co obxectivo de ofrecer á veciñanza da vila e das parroquias un servizo de entrega a domicilio de calidade dos produtos do comercio local, ao que permitirá mellorar e crecer. A concelleira de Promoción Económica, Eva Gil, explica que “dende o Concello queremos apoiar calquera iniciativa empresarial que axude ao desenvolvemento local, á creación de emprego e a fixación de poboación no rural”.

A Comisión Xestora de Alfombristas do Camiño de Santiago, con sede en Ponteareas e dentro do proxecto Alfombras para o Camiño, confeccionou este sábado, 10 de xullo, unha alfombra na coruñesa Praza de María Pita. O tapiz floral, realizado por alfombristas de Ponteareas e Bueu, era unha homenaxe ao Camiño Inglés, un dos roteiros marítimos xacobeos que utilizaban na Europa medieval para alcanzar Compostela os peregrinos procedentes dos países escandinavos, Países Baixos, norte de Francia e principalmente de Inglaterra, Irlanda e Escocia.

Xustamente a semana a seguir da entrada en vigor da LEI 8/2019 do 23 de decembro de regulación de aproveitamento lúdico das augas termais de Galicia, o Concello de Salvaterra de Miño comezaba cos trámites oportunos para acadar a autorización de aproveitamento lúdico do seu Espazo Termal de Teans, Oleiros. A solicitude de autorización foi acompañada dun proxecto xeral de aproveitamento e do estudo xustificativo do perímetro de protección.

O festival Nigranjazz, organizado polo Concello de Nigrán e co apoio da Deputación de Pontevedra, volverá a reunir na súa décimoquinta edición o 30 e 31 de xullo no esteiro de A Foz (A Ramallosa) aos músicos nacionais e internacionais con maior proxección planetaria nun ano marcado novamente polas limitacións da pandemia.

O secretario xeral do PSdeG, Gonzalo Caballero, visitou onte o parque natural das Dunas de Corrubedo, dende onde lanzou unha mensaxe “ecoloxista” e de “compromiso co medio” coa vista posta na necesaria loita contra o cambio climático.

O Concello da Cañiza vén de dar a coñercer o amplo e variado programa de actividades que se desenvolverán dentro do 'Verán de Lecer' unha proposta que busca ofrecer á veciñanza e visitantes, un abano de actividades para todos os públicos, gustos e idades.

”Seis anos dunha gran transformación da provincia con máis servizos, máis equidade e máis dereitos”. Baixo estes parámetros o goberno de Carmela Silva fixo balance este venres, no ecuador do segundo mandato, dos seis anos ao fronte da Deputación de Pontevedra. Nun acto celebrado na explanada de Montero Ríos fronte ao Pazo Provincial, ao que asistiron alcaldes e alcaldesas dos concellos da provincia, amais de colectivos e representacións de diferentes sectores, a presidenta e o vicepresidente da institución renderon contas dos seis anos transcorridos no goberno

A concellería de Cultura de Redondela vén de organizar unha exposición do arquitecto vigués e artista, José Romero-Amich, que permanecerá na sala 1 do Multiusos da Xunqueira durante todo o mes de xullo. A mostra, que leva por título “Serie Hollywood 2021” percorre, a través de 18 lienzos, de 80 x 90 cm., a historia do cine norteamericano do século XX, abarcando filmes icónicos desde 1921 ata 2014.

Espectacular xornada inaugural do KiteFest Cesantes Trofeo Xacobeo, proba organizada polo TMKiteClub e o Concello de Redondela. A enseada de San Simón, os riders e o público non defraudaron, proporcionando bo ambiente e deportividade mantendo as medidas de prevención do Covid-19 que marcan as autoridades sanitarias.

A Xunta de Goberno da Deputación de Pontevedra vén de aprobar un novo investimento de 1,7 millón de euros ao abeiro da Liña 1 do Plan Concellos 2021, que beneficiarán a oito concellos da provincia. Trátase de nove achegas para os municipios de Redondela e Salceda na comarca de Vigo; A Lama e Poio na de Pontevedra; A Guarda e Tui no Baixo Miño; Cangas na comarca do Morrazo e Arbo na da Paradanta, coas que poderán financiar obras de humanización, reurbanizacións, pavimentados ou mobilidade segura.

A editorial Galaxia vén de inaugurar unha nova colección á que non podemos máis que darlle a benvida, pois vai estar centrada no teatro galego contemporáneo. A pesar de todo o talento que este país manifesta a diario neste eido, en distintos estilos e nos seus máis variados aspectos, o certo é que a publicación de pezas teatrais era ata o de agora tan escasa que case podiamos considerala unha rareza.

'Un lugar para traballar e crecer', así será o primeiro Centro de Dinamización Empresarial de Ponteareas que foi presentado onte polo concelleiro de participación cidadá, Roberto Mera, e a concelleira de Promoción Económica, Eva Gil, acompañados da segunda tenenta de alcalde Chus Garrote e dos técnicos redactores do proxecto.

A Concellería de Feiras e Mercados, que dirixe Vicente Lamas, iniciará esta vindeira semana as obras de instalación dun ascensor que permitirá que este edificio municipal cumpra coa normativa de accesibilidade en edificios públicos.

A Estación Fitopatolóxica Areeiro, centro dependente da Deputación de Pontevedra, acaba de lanzar un novo aviso fitosanitario no que aconsella manter a vixianza ante o mildio. Na observación levada a cabo esta semana, observouse que un 40 % das viñas tiña mildio larvado, aínda que se trata de focos illados, polo que recomenda renovar os tratamentos e realizar unha vixilancia periódica das viñas. Do mesmo xeito, dende Areeiro recomendan labores culturais de aireación dos acios incluíndo as esfollas..