3.1 C
Pontevedra
Martes, 31 de Xaneiro de 2023
Máis
    HomeO CondadoPonteareasNace en Ponteareas unha rede de reparto a domicilio que dará servizo...

    Nace en Ponteareas unha rede de reparto a domicilio que dará servizo á vila e a todas as parroquias

    Roombo conta xa cunha ducia de establecementos adheridos e fai entregas nun radio de 10 km. O Concello apoia calquera iniciativa que aposte polo desenvolvemento local e a creación de emprego

    Ponteareas xa conta cunha rede de reparto a domicilio. A plataforma galega Roombo acaba de desembarcar no municipio cunha ducia de establecementos adheridos e co obxectivo de ofrecer á veciñanza da vila e das parroquias un servizo de entrega a domicilio de calidade dos produtos do comercio local, ao que permitirá mellorar e crecer. A concelleira de Promoción Económica, Eva Gil, explica que “dende o Concello queremos apoiar calquera iniciativa empresarial que axude ao desenvolvemento local, á creación de emprego e a fixación de poboación no rural”.

    Roombo Ponteareas nace cun reparto a domicilio encamiñado á restauración, pero xa se está a valorar a inclusión doutros servizos, “como o de carnizaría, froitería ou incluso farmacia, porque iso suporía facilitarlle moito á vida a persoas con dificultade de mobilidade, persoas maiores…”, asegura José González, o responsable da franquicia en Ponteareas. “Queriamos crear unha rede que axudara ao pequeno comercio que non pode dispoñer do seu propio sistema de reparto, un servizo hoxe en día indispensábel”, recalca.

    A aplicación móbil, unha idea 100% galega que veu a luz en Verín en pleno confinamento, está dispoñible para calquera dispositivo Android ou iOS. As e os ponteareáns poden xa facer as súas encargas en A Tenda, Asador San Cristobal, Bocados, Cervexería La República, Don Kebab, Invernalia, La Carlota, La Tienduca, Pipilota, Pizzería O Castelo e Tapería A Chan. Poden solicitarse comidas e ceas para levar ao momento ou programar pedidos para vindeiras datas.

    O que tamén destaca de Roombo Ponteareas é a súa aposta polo emprego local e de calidade, xa que conta con persoal propio e estable. As e os repartidores entregarán as compras nun radio de 10 km, polo que se poderá chegar incluso ata Mondariz, Vilasobroso ou Salvaterra.

    Aberta a calquera comercio que se queira incorporar e empregar este escaparate, a aplicación nace pensando xa en seguir crecendo. Ademais de ir sumando establecementos, en vindeiras fases porá a disposición dos adheridos un apartado no que teñan a súa propia tenda para venda directa ou un sistema para concertar cita previa.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS